Chukutumbula 47
47
1Yene, Uchupo ngajhenda kwa Falao na kunnobholela, “Tate gwango na akanung'una bhango pamonga na mambelele na ng'ombi na ilebhe yabhe yoha, bhaikite kuhuma ku kilambo chuku Kaanane. Ngohe bhabhii chehemo jhuku Gochene.” 2Uchupo akalongiine na akalongo mundo nhwano, ngabhalangiya kwa Falao kupala bhamanye. 3Falao ngabhakonya, “Lihengo lino nike?”
Ngabhannyangwila, “Anahota, twenga twakabhanda bhino twakalucha, anda chibhakibha akatate bhito.” 4Peniya ngabhannobholila Falao, “Twe takabhanda bhino tuikite kutama anda akaghene mu kilambo cheno nhwalo gwa njala hake kwenio ku Kaanane na pabhii jhe kabhele pukuluchii ipugho hito. Deleno munahota tunnyopa, twe, akabhanda bhino mutujheketele kutama ku Gochene.” 5Falao ngannobholila Uchupo, “Tate gwino na akalongo bhino bhanhikilile mwenga, 6kilambo choha chuku Michile kibhii mukindendeke chino. Mwape atate bhino na akalongo bhino chehemo jhambone pakilambo chenje. mwaleke bhatame mu kilambo chuku Gochene. Na anda mamanye bhando bhibhayobhalii kulucha nukilolekeya ipugho, nhaghulila bhabha akalucha bha ipugho yango.”
7Peniya, Uchupo ngabhaleta atate mundo Yakobu kwa Falao kupala bhumanye, na Yakobu ngannyope mota Falao. 8Falao ngankonya Yakobu, “Mmi na yaka ilee?”
9Yakobu ngannyangwila, “Mmi na yaka miya jhimo na makome matato yukuamaama. Yaka yango ndi yandina tu na itwelii malagho, kabhele yanaikii jhe yaka ibhatamita akanahota bhango ngita bhabhii umwanja.” 10Yene, Yakobu ngampila mota Falao, ngajhenda. 11Peniya, Uchupo ngampila tatemundo na akalongo mundo chehemo jha ku Lamesesi chehemo jha mbone mu kilambo chuku Michile, ibhehe kitamo chabhe, na bhene ngapabhe ngita chalaghila Falao. 12Uchupo ngampila chakulya tatemundo na akanung'una bhake na akalongo bhoha bha tatemundo tela na mundo na yana mundo.
Njala ngolongwa
13Peniya, chakulya ngakihobha hake pakilambo choha. Njala ikibha ngolongwa hake ade kwatenda bhando bhoha mu kilambo chuku Michile na ku Kaanane, bhakombale kwa nhwalo jha njala. 14Uchupo ngakongo mbijha yoha ya kilambo chuku Michile na jhuku Kaanane ibhokila kwachuluchila bhando yakulya, ngaipelika mbijha yenio kwa Falao. 15Peniya, bhando bhoha bhi kilambo chuku Michile na kilambo chuku Kaanane ngabhajhomwila mbijha yabhe yoha Akamichile ngabhannyendila Uchupo nu kunnobholela, “Mutukeye chakulya! Nhwalo ghane tuwe palonge jha miho ghino? Dola ngohe mbijha hito ijhomwike!”
16Uchupo ngabhalobholila, “Anda mbijha ino ijhomwike, bhahe, tujhangangana na ipugho ino, nanenga nanipela chakulya.” 17Ngabhampelikila Uchupo ipugho yabhe falache na ng'ombi na mbuhe na maponda na mambelele, na jwenio ngabhape chakulya. Chaka chenio Uchupo ngabhape chakulya chukujhangangana na ipugho yabhe yoha.
18Piikita chenge chaka ngabhanhikilila kabhele nu kunnobholela, “Ananhota, tulonge hotuhotu mbijha hito yoha ijhomwikile na ipugho hito ibhii male jhino. Ngohe anahota, twenga akabhanda bhino tukwetii jhe kilebhe chituoto kumpela nambo makakala ghito na mighonda jhito. 19Nhwalo ghane twe tuhwa palonge jhino na mighonda jhito jhihalibike? Tubhe akabhanda bha Falao nambo mutupe chakulya, kupala twangahwe jhe, mutupela na mbejho kwa nhwalo gwa mighonda jhito ikoto kuhobhelela.”
20Yene, Uchupo nganhemelela Falao kilambo choa chuku Michile, mana Akamichile bhaketei kunchuluchila kila mundo nng'onda gwake, kwa nhwalo gwa njala jhikibha ngolongwa hake, yene kilambo choha ghakibhila male jha Falao. 21Uchupo ngabhateila bhando bhoha bhuku Michile kubhehe akabhanda. 22Nambo Uchupo akahemii jhe nng'onda ghukibha gwa mpiya litambiko nhwalo bheniya bhakibha jhe na njala, nhwalo bhatamita kupoke mapungo ghabhe kuhumii kwa Falao. 23Uchupo ngabhalobholela bhando, “Dola, nihwemelingine mangota mabhoha na mighonda jhino kubhehe mabhando bha Falao. Nanimmaghulila mbejho mpanda mu mighonda jhino. 24Nambo muda gwa mahuno, lipungo limo panakate jha mapungo nhwano mumpela Falao. Mapungo ncheche ghighaighilike ghabha mbejho na chakulya kwa nhwalo gwino na akalongo bhino na yana ino.”
25Ngabhanyangwila, “Anahota, nghombwile ughome gwito utubhonii kiya! Nhwalo nnangiye gwambone ghino, twe tubhehe akabhanda bha Falao.” 26Peniya, Uchupo ndi ngatangacha mihilo jhake, gwenio ubhii ade deleno ku kilambo chuku Michile. Kila mundo ipalwa apiya lipungo lyu nhwano lya mahuno ghake kwa Falao. Nng'onda gwa akapiya litambiko tu ndi gwangaemelelwa nu kubhehe gwa Falao.
Malaghilo gha Yakobu ghukukutila
27Bhando bhuku Ichilahele ngabhatama chehemo jhikemwa Goshene kukilambo chuku Michile. Pibhakibha kwenio, ngabhabhe na ilebhe mbwe, ngabhabhelikina nu kujhonjekeka kubhehe mbwe. 28Yakobu ngatama kukilambo chuku Michile kwa yaka kome na chaba, ade pahikicha yaka miya jhimo na makome ncheche na chaba. 29Pabhandikila kuhwe, Yakobu ngankema mwanamundo Uchupo, ngannobholila, “Ngohe, anda chakaka umbaile, mmeke lubhoko lwino pa libhondo lyango, nnapile kubhehe naundendela ghambone ghukuaminika. Kubhehe naunjika jhe Pamichile. 30Pambakujhomoka, mindola kuhumii ku Michile, mimbeleka kunjika kumambe ya akatate bhango.”
Uchupo ngannyanguu, “Nandenda ngita chimulongela.”
31Yakobu ngannobholila, “Nnapile!” Uchupo ngalapila. Peniya, Yakobu ngalitii kunhwagho jha kindanda chake, ngannyopita Chapanga.
ទើបបានជ្រើសរើសហើយ៖
Chukutumbula 47: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Chukutumbula 47
47
1Yene, Uchupo ngajhenda kwa Falao na kunnobholela, “Tate gwango na akanung'una bhango pamonga na mambelele na ng'ombi na ilebhe yabhe yoha, bhaikite kuhuma ku kilambo chuku Kaanane. Ngohe bhabhii chehemo jhuku Gochene.” 2Uchupo akalongiine na akalongo mundo nhwano, ngabhalangiya kwa Falao kupala bhamanye. 3Falao ngabhakonya, “Lihengo lino nike?”
Ngabhannyangwila, “Anahota, twenga twakabhanda bhino twakalucha, anda chibhakibha akatate bhito.” 4Peniya ngabhannobholila Falao, “Twe takabhanda bhino tuikite kutama anda akaghene mu kilambo cheno nhwalo gwa njala hake kwenio ku Kaanane na pabhii jhe kabhele pukuluchii ipugho hito. Deleno munahota tunnyopa, twe, akabhanda bhino mutujheketele kutama ku Gochene.” 5Falao ngannobholila Uchupo, “Tate gwino na akalongo bhino bhanhikilile mwenga, 6kilambo choha chuku Michile kibhii mukindendeke chino. Mwape atate bhino na akalongo bhino chehemo jhambone pakilambo chenje. mwaleke bhatame mu kilambo chuku Gochene. Na anda mamanye bhando bhibhayobhalii kulucha nukilolekeya ipugho, nhaghulila bhabha akalucha bha ipugho yango.”
7Peniya, Uchupo ngabhaleta atate mundo Yakobu kwa Falao kupala bhumanye, na Yakobu ngannyope mota Falao. 8Falao ngankonya Yakobu, “Mmi na yaka ilee?”
9Yakobu ngannyangwila, “Mmi na yaka miya jhimo na makome matato yukuamaama. Yaka yango ndi yandina tu na itwelii malagho, kabhele yanaikii jhe yaka ibhatamita akanahota bhango ngita bhabhii umwanja.” 10Yene, Yakobu ngampila mota Falao, ngajhenda. 11Peniya, Uchupo ngampila tatemundo na akalongo mundo chehemo jha ku Lamesesi chehemo jha mbone mu kilambo chuku Michile, ibhehe kitamo chabhe, na bhene ngapabhe ngita chalaghila Falao. 12Uchupo ngampila chakulya tatemundo na akanung'una bhake na akalongo bhoha bha tatemundo tela na mundo na yana mundo.
Njala ngolongwa
13Peniya, chakulya ngakihobha hake pakilambo choha. Njala ikibha ngolongwa hake ade kwatenda bhando bhoha mu kilambo chuku Michile na ku Kaanane, bhakombale kwa nhwalo jha njala. 14Uchupo ngakongo mbijha yoha ya kilambo chuku Michile na jhuku Kaanane ibhokila kwachuluchila bhando yakulya, ngaipelika mbijha yenio kwa Falao. 15Peniya, bhando bhoha bhi kilambo chuku Michile na kilambo chuku Kaanane ngabhajhomwila mbijha yabhe yoha Akamichile ngabhannyendila Uchupo nu kunnobholela, “Mutukeye chakulya! Nhwalo ghane tuwe palonge jha miho ghino? Dola ngohe mbijha hito ijhomwike!”
16Uchupo ngabhalobholila, “Anda mbijha ino ijhomwike, bhahe, tujhangangana na ipugho ino, nanenga nanipela chakulya.” 17Ngabhampelikila Uchupo ipugho yabhe falache na ng'ombi na mbuhe na maponda na mambelele, na jwenio ngabhape chakulya. Chaka chenio Uchupo ngabhape chakulya chukujhangangana na ipugho yabhe yoha.
18Piikita chenge chaka ngabhanhikilila kabhele nu kunnobholela, “Ananhota, tulonge hotuhotu mbijha hito yoha ijhomwikile na ipugho hito ibhii male jhino. Ngohe anahota, twenga akabhanda bhino tukwetii jhe kilebhe chituoto kumpela nambo makakala ghito na mighonda jhito. 19Nhwalo ghane twe tuhwa palonge jhino na mighonda jhito jhihalibike? Tubhe akabhanda bha Falao nambo mutupe chakulya, kupala twangahwe jhe, mutupela na mbejho kwa nhwalo gwa mighonda jhito ikoto kuhobhelela.”
20Yene, Uchupo nganhemelela Falao kilambo choa chuku Michile, mana Akamichile bhaketei kunchuluchila kila mundo nng'onda gwake, kwa nhwalo gwa njala jhikibha ngolongwa hake, yene kilambo choha ghakibhila male jha Falao. 21Uchupo ngabhateila bhando bhoha bhuku Michile kubhehe akabhanda. 22Nambo Uchupo akahemii jhe nng'onda ghukibha gwa mpiya litambiko nhwalo bheniya bhakibha jhe na njala, nhwalo bhatamita kupoke mapungo ghabhe kuhumii kwa Falao. 23Uchupo ngabhalobholela bhando, “Dola, nihwemelingine mangota mabhoha na mighonda jhino kubhehe mabhando bha Falao. Nanimmaghulila mbejho mpanda mu mighonda jhino. 24Nambo muda gwa mahuno, lipungo limo panakate jha mapungo nhwano mumpela Falao. Mapungo ncheche ghighaighilike ghabha mbejho na chakulya kwa nhwalo gwino na akalongo bhino na yana ino.”
25Ngabhanyangwila, “Anahota, nghombwile ughome gwito utubhonii kiya! Nhwalo nnangiye gwambone ghino, twe tubhehe akabhanda bha Falao.” 26Peniya, Uchupo ndi ngatangacha mihilo jhake, gwenio ubhii ade deleno ku kilambo chuku Michile. Kila mundo ipalwa apiya lipungo lyu nhwano lya mahuno ghake kwa Falao. Nng'onda gwa akapiya litambiko tu ndi gwangaemelelwa nu kubhehe gwa Falao.
Malaghilo gha Yakobu ghukukutila
27Bhando bhuku Ichilahele ngabhatama chehemo jhikemwa Goshene kukilambo chuku Michile. Pibhakibha kwenio, ngabhabhe na ilebhe mbwe, ngabhabhelikina nu kujhonjekeka kubhehe mbwe. 28Yakobu ngatama kukilambo chuku Michile kwa yaka kome na chaba, ade pahikicha yaka miya jhimo na makome ncheche na chaba. 29Pabhandikila kuhwe, Yakobu ngankema mwanamundo Uchupo, ngannobholila, “Ngohe, anda chakaka umbaile, mmeke lubhoko lwino pa libhondo lyango, nnapile kubhehe naundendela ghambone ghukuaminika. Kubhehe naunjika jhe Pamichile. 30Pambakujhomoka, mindola kuhumii ku Michile, mimbeleka kunjika kumambe ya akatate bhango.”
Uchupo ngannyanguu, “Nandenda ngita chimulongela.”
31Yakobu ngannobholila, “Nnapile!” Uchupo ngalapila. Peniya, Yakobu ngalitii kunhwagho jha kindanda chake, ngannyopita Chapanga.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved