Chukutumbula 43
43
Benjamine ijhenda ku Michile
1Njala ngaichikana hake, kukilambo chuku Kaanane. 2Yene, pibhajhomwila chakulya chibhahemila ku Michile, Yakobu ngailobholila yana yake, “Nnyende kabhele ku Michile, mukatuhemele chakulya chenge.”
3Nambo Yuda ngannobholila tate mundo, “Mundo jwenio akatulakalii hake, alongila, ‘Nimpoke jhe nu kuika jhe na unung'una gwino.’ 4Anda nnyeketile tujhenda pamonga na unung'una gwito, bhahe, natujhenda kunhemele chakulya. 5Nambo anda nnyeketii jhe alongohana na twenga, mmanya tujhenda jhe kwenio, nhwalo mundo jwenio akalongii hotuhotu, ‘Natukongana jhe anda nu kuika jhe pamonga na unung'una gwino.’ ”
6Ichilahele ngalonge, “Nhwalo gwa nike umekite mumalagho kukulonge mundo jwenio kubhehe nkwete unung'una gwino jhonge?”
7Ngabhanyangwila, “Mundo jwenio ngatukonyikiya hake nhwalo gwa lungolo lwito na akilongela, ‘Bho, tate gwino abhii ghome? Bho, nkwete unung'una jhonge?’ Twe tunyangita tela na chatukonyita. Ngatuhotwi bhole kumanya kubhehe natulongelela, munnete unung'una gwino?”
8Peniya, Yuda ngannobholila tate mundo, “Unnyeketele nenga nyabhu nako tukaheme chakulya, anda yene jhe mwenga na yana ito tukoto kunhwe na njala. 9Namwete nanalonda amwana bhino. Anda nakumujhicha jhe nu kummona kwa miho gwino mabhene, lukokoleko lubhaha nanenga machiko ghoha ghangapeta. 10Ikabhii nakiyoto jhe, ngatujhawii kweno na kubhujhii pabhele.”
11Peniya, tate gwabhe ngalonge, “Ajha! Anda ipalwa itendika yene, mungheghela hupo mundo jwenio. Mahuta ghandina gha ukwajho na bhuche gwandina nu ubane na manemane na kungu na loze. 12Nghegha mbijha yukuhemele chakulya chenge, mangalibhilila jhe kubhujhicha mbijha yela ibhekitwa mumahako gwino, pangejhe bhakalebhelile kwitola. 13Helahela nnongoana na unung'una gwino, nnyenda nako kwa mundo jwenio. 14Chapanga jhuna Makakala mmonela kiha palonge jha mundo jwenio, annekekeya unung'una gwino Benjamine bhabhujha pamonga na mangota. Nenga anda mbaligwa kuwelelwa na yana yango, bhahe unneka hwelelwa tugha!”
15Bhahe, ngabhatola hupo, na mbijha mala pabhele, ngabhajhenda kajhombe ku Michile pamonga na unnung'una gwabhe Benjemine. Pibhaikita tugha, ngabhajhenda kujhema palonge jha Uchupo. 16Uchupo pammonita Benjamine abhii pamo na bhena, ngannobholila nnonda bha nyumba jhake, “Mapeleke bhando bhamba kajhango, nchinja kinyama chimo nukulenganikiya maha, nhwalo bhando bheniya mbala kulabhuka nabho muhe.” 17Ntumiche jwenio ngateila ngita chalaghalikilwe, ngabhapelika akaghene kajha kwa Uchupo.
18Nambo pibhalola bhipelekwa kajha kwa Uchupo ngabhabhila na kiholo, ngabhapwepwilina bhene chika, “Bhutuletite kongo nhwalo gwa mbijha itubhekwila mumahako ghito kupala akola chikutukopokeya kutolongela nu kutupoka maponda ghito nu kututenda akabhanda bhake.” 19Yene, ngabhannyendila nnonda jwa nnyango panyumba jha Uchupo ngabhalongila na nnonda pahina. 20Ngabhalongila, “Chonde amanahota! Twenga ngatuika pamba mwanja ghukutumbula kuheme chakulya. 21Pituhikita pakighono, ngatuhambughina mahako gwito, ngatuhechwika kuikole mbijha kwa kila mundo ibhii mulihako lyake mbina. Deleno tuhikite kummujhichila mbijha jhito. 22Helahela tuhikite na mbijha henge yukuheme chakulya. Tummanyi jhe jwabhekite mbijha yenio mu mahako ghito.”
23Nnonda jwenio ngabhajhangwila, “Nkoto kupwelela hilu kujhoghopa. Chapanga jwino, Chapanga jwa tate gwino ndi jwamekila mbijha mu mahako gwino. Nenga ndi jhumbokila mbijha ino.” Peniya, ngabhannetila Chimione.
24Nnonda jwenio ngabhajhingii unyumba jha Uchupo, ngabhape mache gha kukuwa makongono ghabhe na maponda ghabhe ngaghape chakulya. 25Na bhene ngabhapiya hupo yabhe yakumpe Uchupo pahika muhe, nhwalo bhakajhoine kubhehe nabhalya pamonga najwenio. 26Uchupo pabhujhita kajhake, ngabhampila hupo ibhakinayo, ngabhannyinamila palonge jhake. 27Uchupo ngabhajhambucha nu kulonge, “Mukanjimulii nhwalo gwa oko gwino tategwino, bho, kubhii kunchela? Bho, abhii ghome?”
28Ngabhanyangwila, “Ntumiche gwino, tategwito, kunchelela na abhii ghome.” Peniya ngabhannyinamila.
29Uchupo pajhinuka nu kulola ngammona Benjamine, unnung'una mundo, mwana jwa majhe mundo, ngalonge, “Bho, jhonjo ndi unnung'una gwino jhola jhumunnongila? Peniya ngalongila kangombo, Chapanga ampe mota!” 30Papa tugha, Uchupo ngabhoka, nhwalo gwa lipyanda umwojho gwake, ngajhingii muchumbe chake, ngalelila mwenio. 31Pakuita kumiho jhake, ngapita mwenio kongo akikwima mwojho, ngaamulicha akabhanda bhake bhaleta chakulya. 32Uchupo ngabhammekila chakulya chake pakanjika, na akolongo mundo hele kabhabhekila pakanjika, na Akamichile hele bhabhila pakanjika, nhwalo nhwilo Akamichile kulye pamonga na Akabulaniya. 33Akalongo bhake Uchupo ngabhatama nnonge jhake kukengama yaka yabhe, kutumbulii mwana jhukutumbula ade jhukujhomolela, ngabhalolekiyana kongo bhakihechukana. 34Ngabhapeilwa Chakulya chikibhi pamecha jha Uchupo nakwepe bheniya, nambo Benjamine ngapata mala pa nuhwano hake kwapeta akajhake. Peniya, ngabhalye nu kunywelekeya nu kukianga pamonga na Uchupo.
ទើបបានជ្រើសរើសហើយ៖
Chukutumbula 43: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Chukutumbula 43
43
Benjamine ijhenda ku Michile
1Njala ngaichikana hake, kukilambo chuku Kaanane. 2Yene, pibhajhomwila chakulya chibhahemila ku Michile, Yakobu ngailobholila yana yake, “Nnyende kabhele ku Michile, mukatuhemele chakulya chenge.”
3Nambo Yuda ngannobholila tate mundo, “Mundo jwenio akatulakalii hake, alongila, ‘Nimpoke jhe nu kuika jhe na unung'una gwino.’ 4Anda nnyeketile tujhenda pamonga na unung'una gwito, bhahe, natujhenda kunhemele chakulya. 5Nambo anda nnyeketii jhe alongohana na twenga, mmanya tujhenda jhe kwenio, nhwalo mundo jwenio akalongii hotuhotu, ‘Natukongana jhe anda nu kuika jhe pamonga na unung'una gwino.’ ”
6Ichilahele ngalonge, “Nhwalo gwa nike umekite mumalagho kukulonge mundo jwenio kubhehe nkwete unung'una gwino jhonge?”
7Ngabhanyangwila, “Mundo jwenio ngatukonyikiya hake nhwalo gwa lungolo lwito na akilongela, ‘Bho, tate gwino abhii ghome? Bho, nkwete unung'una jhonge?’ Twe tunyangita tela na chatukonyita. Ngatuhotwi bhole kumanya kubhehe natulongelela, munnete unung'una gwino?”
8Peniya, Yuda ngannobholila tate mundo, “Unnyeketele nenga nyabhu nako tukaheme chakulya, anda yene jhe mwenga na yana ito tukoto kunhwe na njala. 9Namwete nanalonda amwana bhino. Anda nakumujhicha jhe nu kummona kwa miho gwino mabhene, lukokoleko lubhaha nanenga machiko ghoha ghangapeta. 10Ikabhii nakiyoto jhe, ngatujhawii kweno na kubhujhii pabhele.”
11Peniya, tate gwabhe ngalonge, “Ajha! Anda ipalwa itendika yene, mungheghela hupo mundo jwenio. Mahuta ghandina gha ukwajho na bhuche gwandina nu ubane na manemane na kungu na loze. 12Nghegha mbijha yukuhemele chakulya chenge, mangalibhilila jhe kubhujhicha mbijha yela ibhekitwa mumahako gwino, pangejhe bhakalebhelile kwitola. 13Helahela nnongoana na unung'una gwino, nnyenda nako kwa mundo jwenio. 14Chapanga jhuna Makakala mmonela kiha palonge jha mundo jwenio, annekekeya unung'una gwino Benjamine bhabhujha pamonga na mangota. Nenga anda mbaligwa kuwelelwa na yana yango, bhahe unneka hwelelwa tugha!”
15Bhahe, ngabhatola hupo, na mbijha mala pabhele, ngabhajhenda kajhombe ku Michile pamonga na unnung'una gwabhe Benjemine. Pibhaikita tugha, ngabhajhenda kujhema palonge jha Uchupo. 16Uchupo pammonita Benjamine abhii pamo na bhena, ngannobholila nnonda bha nyumba jhake, “Mapeleke bhando bhamba kajhango, nchinja kinyama chimo nukulenganikiya maha, nhwalo bhando bheniya mbala kulabhuka nabho muhe.” 17Ntumiche jwenio ngateila ngita chalaghalikilwe, ngabhapelika akaghene kajha kwa Uchupo.
18Nambo pibhalola bhipelekwa kajha kwa Uchupo ngabhabhila na kiholo, ngabhapwepwilina bhene chika, “Bhutuletite kongo nhwalo gwa mbijha itubhekwila mumahako ghito kupala akola chikutukopokeya kutolongela nu kutupoka maponda ghito nu kututenda akabhanda bhake.” 19Yene, ngabhannyendila nnonda jwa nnyango panyumba jha Uchupo ngabhalongila na nnonda pahina. 20Ngabhalongila, “Chonde amanahota! Twenga ngatuika pamba mwanja ghukutumbula kuheme chakulya. 21Pituhikita pakighono, ngatuhambughina mahako gwito, ngatuhechwika kuikole mbijha kwa kila mundo ibhii mulihako lyake mbina. Deleno tuhikite kummujhichila mbijha jhito. 22Helahela tuhikite na mbijha henge yukuheme chakulya. Tummanyi jhe jwabhekite mbijha yenio mu mahako ghito.”
23Nnonda jwenio ngabhajhangwila, “Nkoto kupwelela hilu kujhoghopa. Chapanga jwino, Chapanga jwa tate gwino ndi jwamekila mbijha mu mahako gwino. Nenga ndi jhumbokila mbijha ino.” Peniya, ngabhannetila Chimione.
24Nnonda jwenio ngabhajhingii unyumba jha Uchupo, ngabhape mache gha kukuwa makongono ghabhe na maponda ghabhe ngaghape chakulya. 25Na bhene ngabhapiya hupo yabhe yakumpe Uchupo pahika muhe, nhwalo bhakajhoine kubhehe nabhalya pamonga najwenio. 26Uchupo pabhujhita kajhake, ngabhampila hupo ibhakinayo, ngabhannyinamila palonge jhake. 27Uchupo ngabhajhambucha nu kulonge, “Mukanjimulii nhwalo gwa oko gwino tategwino, bho, kubhii kunchela? Bho, abhii ghome?”
28Ngabhanyangwila, “Ntumiche gwino, tategwito, kunchelela na abhii ghome.” Peniya ngabhannyinamila.
29Uchupo pajhinuka nu kulola ngammona Benjamine, unnung'una mundo, mwana jwa majhe mundo, ngalonge, “Bho, jhonjo ndi unnung'una gwino jhola jhumunnongila? Peniya ngalongila kangombo, Chapanga ampe mota!” 30Papa tugha, Uchupo ngabhoka, nhwalo gwa lipyanda umwojho gwake, ngajhingii muchumbe chake, ngalelila mwenio. 31Pakuita kumiho jhake, ngapita mwenio kongo akikwima mwojho, ngaamulicha akabhanda bhake bhaleta chakulya. 32Uchupo ngabhammekila chakulya chake pakanjika, na akolongo mundo hele kabhabhekila pakanjika, na Akamichile hele bhabhila pakanjika, nhwalo nhwilo Akamichile kulye pamonga na Akabulaniya. 33Akalongo bhake Uchupo ngabhatama nnonge jhake kukengama yaka yabhe, kutumbulii mwana jhukutumbula ade jhukujhomolela, ngabhalolekiyana kongo bhakihechukana. 34Ngabhapeilwa Chakulya chikibhi pamecha jha Uchupo nakwepe bheniya, nambo Benjamine ngapata mala pa nuhwano hake kwapeta akajhake. Peniya, ngabhalye nu kunywelekeya nu kukianga pamonga na Uchupo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved