Chukutumbula 34
34
Dina ilimbwa
1Lichiko limo, Dina bite Yakobu, mwana jwa Leya ngajhenda kwatyangii akakeghe bhubhatamita pena. 2Peniya, Chekemo mwana jwa Amole jwa likabila lya Mhive, munahota nkolongwa jwa kilambo chenio, pammonita Dina, nganhutita, nu kunnimba. 3Mwojho gwake ngang'ate hake Dina bite Yakobu, yene ngatumbuu kulonge nako kwa malobhe matepetebho. 4Yene, Chekemo ngannobholila tatemunde, “Chonde unnokeye kamwale ojho, ndolane nako.”
5Yakobu ngaujhoa nhwalo gwenio kubhehe Dina, mwanamundo atei kulimbwa na Chekemo, nhwalo yana mundo ikibha kujhemelela ipugho, ngalendila ibhujhite ote kulucha. 6Yene Amole tatemundo Chekemo, ngajhenda kwa Yakobu kulonge nako. 7Kipinde chenio yana mundo Yakobu ikibha ibhujhite kulucha. Pibhajhoa nhwalo gwenio, ngabhayoma hake nhwalo Chekemo akatei kilebhe cha hone kwa aka Ichilahele chukunnimba mwana jwa Yakobu, mana kilebhe chenio nhwilo hake kwa aka Ichilaele. 8Nambo Amole ngalongila, “Mwanango Chekemo ang'anite hake kamwale gwino Dina, chonde munnyeketele antolane nako. 9Maleke tutolane, mangota mututolanikiye achikabhale bhino na twenga tutolanikiya achikabhale bhito. 10Peniya, ntamangana kwa uteeke na twenga, namma makabhanda jhe, ntamangana pamba na kuchulucha ilebhe mpata ulohe.”
11Peniya Chekemo ngannobholila tatemundo Dina na akalongo mundo kubhehe, “Chonde, nanjii ungole kiya, nintolele nambiya chochoha chimpa kulongela. 12Unnobholele kinyaghabhule na hupo ghane, ata kijholoka bhole, ne nambiya, kupala ndolane nako ojho.”
13Peniya, yana ya Yakobu ngainyangu Chekemo pamonga na Amole tatemundo kuwange, nhwalo Chekemo annimbite njwe nnombo gwito Dina. 14Ngabhalonge, “Twe tuhoto jhe kuntolanikiya nnombo gwito na mundo jwangajhingii jando. Kutenda yene, twe natukola hone. 15Natunyeketela anda nnyeketile kubhehe ngita twe, kila munalome panakate jhino ajhingila jando. 16Peniya ndi pitupa kuntolanicha mangota na achikabhale bhito na twenga kutolela achikabhale bhino. Peniya natutama pamonga nu kubhehe kilebhe chimo. 17Nambo anda nnyeketii jhe nhwalo gwenio gwa kujhingii jando, mmanya twe natubhoka nako nnombo gwito.”
18Nhwalo gwenio ngaghunhanganicha Chekemo na tate gwake Amole. 19Kangombo jwenio ndi jwatopila hake mu nyumba jha tate gwake, akibha jha nikiyoto kuhenga kilebhe chenie nhwalo akampai bite Yakobu.
20Peniya Amole na mwanamundo Chekemo, ngabhabhujhita pannyango gwa kilambo, na kulonge na bhando bha muche gwabhe. 21Ngabhalobholila, “Bhando bhamba ndi akakoche bhito. Twapokele bhatame pikilambo chito na bhachuluche ilebhe, nhwalo tubhii na kilambo kikolongwa kutama twabhoha. Kabhele natutolana na achikabhale bhabhe na twe kwatolanikicha achikabhale bhito. 22Nambo ajhito nabhajheketela kutama na twenga anda na kubhehe kilebhe chimo kwa nhwilo ghongo akanalome bhoha bhajhingila jando ngita bhena. 23Bho, milola jhe ipugho yabhe na ilebhe yabhe yoha naibhaha ito? Ngohe twajheketele ajhito tutame nako pamonga.” 24Akanalome bhoha bhibhakakongine pannyango gwa kilambo, peniya ngabhajheketelana na Amole na mwanamundo Chekemo. Peniya akanalome bhoha ngajhingila jando.
25Pighapetita machiko matato, akanalome bhibhajhingii jando bhibhabhii mukuchotachota, yana ibhele ya Yakobu Chimeone na Lawe, akaacha mundo Dina, ngabhatola mapanga ghabhe nu kujhingilila kwa kupwitikilila akanalome bha muche gwenio na kwakoma bhoha. 26Ngabhankoma Amole na mwana mundo Chekemo kwa upanga, ngabhampiya Dina munyumba jha Chekemo, ngabhakijhendila. 27Yana henge ya Yakobu ngabhajhendila bhando bhibhanhwile mu kilambo nukutola ilebhe ya mwenio, nhwalo nnombo gwabhe akete kulimbwa. 28Ngabhatola mbuhe na ng'ombi na mambelele na maponda na ilebhe yoha ikibha pabomane na kunng'onda. 29Ngabhatola ilebhe yoha, yana na akakeghe na ilebhe yabhe yoha ikibha mu majhumba ghabhe.
30Peniya, Yakobu ngabhalobholila Chimeone na Lawe kubhehe, “Mangota mwe unnete mang'ahe kundenda nungwe na bhando bha kilambo chenje cha Akakaanane na Akapeliche. Mmanya nabhayenganila kungoma nenga pamonga na akalongo bhango.”
31Nambo ngabhajhangula, “Bho, twe tuhekelela tugha kuntenda nnombo gwito ngita nngongola?”
ទើបបានជ្រើសរើសហើយ៖
Chukutumbula 34: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Chukutumbula 34
34
Dina ilimbwa
1Lichiko limo, Dina bite Yakobu, mwana jwa Leya ngajhenda kwatyangii akakeghe bhubhatamita pena. 2Peniya, Chekemo mwana jwa Amole jwa likabila lya Mhive, munahota nkolongwa jwa kilambo chenio, pammonita Dina, nganhutita, nu kunnimba. 3Mwojho gwake ngang'ate hake Dina bite Yakobu, yene ngatumbuu kulonge nako kwa malobhe matepetebho. 4Yene, Chekemo ngannobholila tatemunde, “Chonde unnokeye kamwale ojho, ndolane nako.”
5Yakobu ngaujhoa nhwalo gwenio kubhehe Dina, mwanamundo atei kulimbwa na Chekemo, nhwalo yana mundo ikibha kujhemelela ipugho, ngalendila ibhujhite ote kulucha. 6Yene Amole tatemundo Chekemo, ngajhenda kwa Yakobu kulonge nako. 7Kipinde chenio yana mundo Yakobu ikibha ibhujhite kulucha. Pibhajhoa nhwalo gwenio, ngabhayoma hake nhwalo Chekemo akatei kilebhe cha hone kwa aka Ichilahele chukunnimba mwana jwa Yakobu, mana kilebhe chenio nhwilo hake kwa aka Ichilaele. 8Nambo Amole ngalongila, “Mwanango Chekemo ang'anite hake kamwale gwino Dina, chonde munnyeketele antolane nako. 9Maleke tutolane, mangota mututolanikiye achikabhale bhino na twenga tutolanikiya achikabhale bhito. 10Peniya, ntamangana kwa uteeke na twenga, namma makabhanda jhe, ntamangana pamba na kuchulucha ilebhe mpata ulohe.”
11Peniya Chekemo ngannobholila tatemundo Dina na akalongo mundo kubhehe, “Chonde, nanjii ungole kiya, nintolele nambiya chochoha chimpa kulongela. 12Unnobholele kinyaghabhule na hupo ghane, ata kijholoka bhole, ne nambiya, kupala ndolane nako ojho.”
13Peniya, yana ya Yakobu ngainyangu Chekemo pamonga na Amole tatemundo kuwange, nhwalo Chekemo annimbite njwe nnombo gwito Dina. 14Ngabhalonge, “Twe tuhoto jhe kuntolanikiya nnombo gwito na mundo jwangajhingii jando. Kutenda yene, twe natukola hone. 15Natunyeketela anda nnyeketile kubhehe ngita twe, kila munalome panakate jhino ajhingila jando. 16Peniya ndi pitupa kuntolanicha mangota na achikabhale bhito na twenga kutolela achikabhale bhino. Peniya natutama pamonga nu kubhehe kilebhe chimo. 17Nambo anda nnyeketii jhe nhwalo gwenio gwa kujhingii jando, mmanya twe natubhoka nako nnombo gwito.”
18Nhwalo gwenio ngaghunhanganicha Chekemo na tate gwake Amole. 19Kangombo jwenio ndi jwatopila hake mu nyumba jha tate gwake, akibha jha nikiyoto kuhenga kilebhe chenie nhwalo akampai bite Yakobu.
20Peniya Amole na mwanamundo Chekemo, ngabhabhujhita pannyango gwa kilambo, na kulonge na bhando bha muche gwabhe. 21Ngabhalobholila, “Bhando bhamba ndi akakoche bhito. Twapokele bhatame pikilambo chito na bhachuluche ilebhe, nhwalo tubhii na kilambo kikolongwa kutama twabhoha. Kabhele natutolana na achikabhale bhabhe na twe kwatolanikicha achikabhale bhito. 22Nambo ajhito nabhajheketela kutama na twenga anda na kubhehe kilebhe chimo kwa nhwilo ghongo akanalome bhoha bhajhingila jando ngita bhena. 23Bho, milola jhe ipugho yabhe na ilebhe yabhe yoha naibhaha ito? Ngohe twajheketele ajhito tutame nako pamonga.” 24Akanalome bhoha bhibhakakongine pannyango gwa kilambo, peniya ngabhajheketelana na Amole na mwanamundo Chekemo. Peniya akanalome bhoha ngajhingila jando.
25Pighapetita machiko matato, akanalome bhibhajhingii jando bhibhabhii mukuchotachota, yana ibhele ya Yakobu Chimeone na Lawe, akaacha mundo Dina, ngabhatola mapanga ghabhe nu kujhingilila kwa kupwitikilila akanalome bha muche gwenio na kwakoma bhoha. 26Ngabhankoma Amole na mwana mundo Chekemo kwa upanga, ngabhampiya Dina munyumba jha Chekemo, ngabhakijhendila. 27Yana henge ya Yakobu ngabhajhendila bhando bhibhanhwile mu kilambo nukutola ilebhe ya mwenio, nhwalo nnombo gwabhe akete kulimbwa. 28Ngabhatola mbuhe na ng'ombi na mambelele na maponda na ilebhe yoha ikibha pabomane na kunng'onda. 29Ngabhatola ilebhe yoha, yana na akakeghe na ilebhe yabhe yoha ikibha mu majhumba ghabhe.
30Peniya, Yakobu ngabhalobholila Chimeone na Lawe kubhehe, “Mangota mwe unnete mang'ahe kundenda nungwe na bhando bha kilambo chenje cha Akakaanane na Akapeliche. Mmanya nabhayenganila kungoma nenga pamonga na akalongo bhango.”
31Nambo ngabhajhangula, “Bho, twe tuhekelela tugha kuntenda nnombo gwito ngita nngongola?”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved