Chukutumbula 25
25
Ibheluko henge ya Ulaimo
1 Ngongu 1:32-33
1Ulaimo ngatolela jhonge mwikeghe, liina lyake akemitwa Ketula. 2Ketula ngampapila Ulaimo yana mahina ghabhe ndi ghanga, Chimulane na Yokichane na Medane na Midiane na Ichibake na Chua 3Yokishane ngapapa mwana Sheba na Dedane, yana ya Dedane ikibha Akashulu na Akaletuchi na Akaleumi. 4Yana ya Medane ikibha Efa na Efeli na Enoke na Abida na Elida. Chenio kikibha ndi kibheluko cha Ketula.
5Ulaimo ngampila Ichaka kila kilebhe chakibha nacho. 6Nambo yana inalome yapapii mu kilaghe, ngaipila hupo, kipinde pakibha ghome, na ngaipelika yana yene mu kilambo chikibhii upande kulihumii lyobha, kutale na Ichaka mwana mundo.
Kuwe kwa Ulaimo
7Ulaimo ngalama yaka miya jhimo na makome chaba nhwano. 8Ajhomwika pakubhoke mukutama yaka twe na inamota, pajhomwika ngakongina na akahoko mundo bhibhalongolile. 9Ichaka na Ichumaile yana ya Ulaimo, ngabhanchika tate gwabhe mu linkwembe lya Makipela, lilibhii pahina na Mamule mung'onda ghukibha gwa Epulone mwana gwa Chohale Mhite. 10Ulaimo akaemii nng'onda gwenio kubhoka kwa Akahite. Kwenio ndi kwachikwite Ulaimo na Sala nhwanamundo. 11Ulaimo pajhomwika, Chapanga ngampila mota Ichaka mwana mundo. Ichaka atamita pahina na kilibha cha Beli Lailoi, mana jhake jwajho jwabhii ghome jwalola.
Ibheluko ya Ichumaile
1 Ngongu 1:28-31
12Henge ndi ibheluko ya Ichumaile mwana jwa Ulaimo, jwabhelwike kwa Ajile Mmichile, jwakibha mmanda mwikeghe jwa Sala. 13Ghanga ndi mahina ghabhe kulongohana na chibhabhelwike, Nabeyote ndi mwana jwa litibho na Kedele na Adibele na Mibuchamo, 14Mishima na Duma na Macha, 15Adade na Tema na Yetule na Nafiche na Kedema. 16Henge ndi yana inalome ya Ichumaile ikibha chembwe cha makabila kome na mabhele. Itamo na chenda yabhe imanyikina kwa mahina ghabhe. 17Ichumaile pajhomwika akibha na yaka miya jhimo na makome matato na chaba, na jwenio ngagholwika pamonga na akahokomundo. 18Ibheluko ya Ichumaile itamita panakate jha Hawila na Shuli upande kulihumii lyobha gwa kilambo chuku Michile kujhendelela ku Achulu. Bhatamita njelembo na ibheluko henge ya Ulaimo.
Kubhelukwa kwa Yakobu na Echau
19Henge ndi ibheluko ya Ichaka mwana jwa Ulaimo. 20Ichaka pakibha na yaka makome ncheche ngatolana na Lebeka, bite Betuele jwa likabila lya Mwalamo, jhuku muche gwa Padane Alamo, Lebeka akibha nnombo mundo Labane. 21Lebeka akibha ntonga, yene Ichaka ngannyopa Bhambo Chapanga, na jwenio Bhambo ngajhoa lujhopo lwake, Lebeka ngabhila na ndumbo. 22Ndumbo jhenio ikibha jha mabhela. Yana yenio ngaitaungana mulutumbo lwa Lebeka na jwenio ngalonge, “Anda naha ndi chiibhile, kulama kilebhe ghane?” Peniya ngajhenda kunkonya Chapanga.
23Na Chapanga ngannobholila Lebeka,
“Ilambo ibhele ibhii mulutumbo lwino,
makabila mabhele ghipakupapa mwenga naghakomana
Limo nalibhaha na likakala kupeta lenge,
nkolo nantumukila unung'una mundo.”
24Machiko ghake gha kupapa pighabhandikila, Lebeka ngapapa mabhela. 25Jhukutumbula akibha nkele na yegha jhoha ikajhenii majhunjo, yene ngankema liina lyake Echau. 26Na jhuubhele pabhelwika kongo ankamwii kiinginilo Echau, ngabhankema liina lyake Yakobu. Ichaka akibha na yaka makome chita kipinde Echau na Yakobu pibhabhelwika.
Echau achulucha ukolo gwake
27Yana yenio ngaukola, Echau akibha jwakuyema jwamaha. Jwapalita hake kutyangatyanga kumanayahe. Yakobu akibha jwanuu, jwapalita kutama pakajha. 28Yene, Ichaka ngampala hake Echau nhwalo gwa kulye ipika yukumanyahe nambo Lebeka ngampala Yakobu.
29Lichiko limo, Yakobu pakibha atelika ngonde, Echau pabhujhita mukuyema ngaika pakajha kongo abhii na njala hake. 30Echau ngannobholila Yakobu, “Ne nhwe njala, chonde umbongolele mito nhope.” Ndi nhwalo bhankema liina lya Edomo, mana jhake nkele.
31Yakobu ngajhangwila, “Unjuluchila ote ukolo gwino yane kutumbu kubhelukwa kwino.”
32Echau palongela, “Tela! Ne mandikii kuhwe ilebhe yoha imbakupata nhwalo gwa kutumbuu kubhelekwa kwango, imba kundangatii nike?”
33Yakobu palongila, “Unapii ote.”
Bhahe, Echau nganapila na kunchuluchii ukolo gwake kubhehe jhukutumbula. 34Yene, Yakobu ngampila Echau libumunda na ngonde. Ngalila, nganywe, peniya ngakijhendila. Yene ndi Echau chaupuchita ukolo gwake ghukutumbula kubhelukwa.
ទើបបានជ្រើសរើសហើយ៖
Chukutumbula 25: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Chukutumbula 25
25
Ibheluko henge ya Ulaimo
1 Ngongu 1:32-33
1Ulaimo ngatolela jhonge mwikeghe, liina lyake akemitwa Ketula. 2Ketula ngampapila Ulaimo yana mahina ghabhe ndi ghanga, Chimulane na Yokichane na Medane na Midiane na Ichibake na Chua 3Yokishane ngapapa mwana Sheba na Dedane, yana ya Dedane ikibha Akashulu na Akaletuchi na Akaleumi. 4Yana ya Medane ikibha Efa na Efeli na Enoke na Abida na Elida. Chenio kikibha ndi kibheluko cha Ketula.
5Ulaimo ngampila Ichaka kila kilebhe chakibha nacho. 6Nambo yana inalome yapapii mu kilaghe, ngaipila hupo, kipinde pakibha ghome, na ngaipelika yana yene mu kilambo chikibhii upande kulihumii lyobha, kutale na Ichaka mwana mundo.
Kuwe kwa Ulaimo
7Ulaimo ngalama yaka miya jhimo na makome chaba nhwano. 8Ajhomwika pakubhoke mukutama yaka twe na inamota, pajhomwika ngakongina na akahoko mundo bhibhalongolile. 9Ichaka na Ichumaile yana ya Ulaimo, ngabhanchika tate gwabhe mu linkwembe lya Makipela, lilibhii pahina na Mamule mung'onda ghukibha gwa Epulone mwana gwa Chohale Mhite. 10Ulaimo akaemii nng'onda gwenio kubhoka kwa Akahite. Kwenio ndi kwachikwite Ulaimo na Sala nhwanamundo. 11Ulaimo pajhomwika, Chapanga ngampila mota Ichaka mwana mundo. Ichaka atamita pahina na kilibha cha Beli Lailoi, mana jhake jwajho jwabhii ghome jwalola.
Ibheluko ya Ichumaile
1 Ngongu 1:28-31
12Henge ndi ibheluko ya Ichumaile mwana jwa Ulaimo, jwabhelwike kwa Ajile Mmichile, jwakibha mmanda mwikeghe jwa Sala. 13Ghanga ndi mahina ghabhe kulongohana na chibhabhelwike, Nabeyote ndi mwana jwa litibho na Kedele na Adibele na Mibuchamo, 14Mishima na Duma na Macha, 15Adade na Tema na Yetule na Nafiche na Kedema. 16Henge ndi yana inalome ya Ichumaile ikibha chembwe cha makabila kome na mabhele. Itamo na chenda yabhe imanyikina kwa mahina ghabhe. 17Ichumaile pajhomwika akibha na yaka miya jhimo na makome matato na chaba, na jwenio ngagholwika pamonga na akahokomundo. 18Ibheluko ya Ichumaile itamita panakate jha Hawila na Shuli upande kulihumii lyobha gwa kilambo chuku Michile kujhendelela ku Achulu. Bhatamita njelembo na ibheluko henge ya Ulaimo.
Kubhelukwa kwa Yakobu na Echau
19Henge ndi ibheluko ya Ichaka mwana jwa Ulaimo. 20Ichaka pakibha na yaka makome ncheche ngatolana na Lebeka, bite Betuele jwa likabila lya Mwalamo, jhuku muche gwa Padane Alamo, Lebeka akibha nnombo mundo Labane. 21Lebeka akibha ntonga, yene Ichaka ngannyopa Bhambo Chapanga, na jwenio Bhambo ngajhoa lujhopo lwake, Lebeka ngabhila na ndumbo. 22Ndumbo jhenio ikibha jha mabhela. Yana yenio ngaitaungana mulutumbo lwa Lebeka na jwenio ngalonge, “Anda naha ndi chiibhile, kulama kilebhe ghane?” Peniya ngajhenda kunkonya Chapanga.
23Na Chapanga ngannobholila Lebeka,
“Ilambo ibhele ibhii mulutumbo lwino,
makabila mabhele ghipakupapa mwenga naghakomana
Limo nalibhaha na likakala kupeta lenge,
nkolo nantumukila unung'una mundo.”
24Machiko ghake gha kupapa pighabhandikila, Lebeka ngapapa mabhela. 25Jhukutumbula akibha nkele na yegha jhoha ikajhenii majhunjo, yene ngankema liina lyake Echau. 26Na jhuubhele pabhelwika kongo ankamwii kiinginilo Echau, ngabhankema liina lyake Yakobu. Ichaka akibha na yaka makome chita kipinde Echau na Yakobu pibhabhelwika.
Echau achulucha ukolo gwake
27Yana yenio ngaukola, Echau akibha jwakuyema jwamaha. Jwapalita hake kutyangatyanga kumanayahe. Yakobu akibha jwanuu, jwapalita kutama pakajha. 28Yene, Ichaka ngampala hake Echau nhwalo gwa kulye ipika yukumanyahe nambo Lebeka ngampala Yakobu.
29Lichiko limo, Yakobu pakibha atelika ngonde, Echau pabhujhita mukuyema ngaika pakajha kongo abhii na njala hake. 30Echau ngannobholila Yakobu, “Ne nhwe njala, chonde umbongolele mito nhope.” Ndi nhwalo bhankema liina lya Edomo, mana jhake nkele.
31Yakobu ngajhangwila, “Unjuluchila ote ukolo gwino yane kutumbu kubhelukwa kwino.”
32Echau palongela, “Tela! Ne mandikii kuhwe ilebhe yoha imbakupata nhwalo gwa kutumbuu kubhelekwa kwango, imba kundangatii nike?”
33Yakobu palongila, “Unapii ote.”
Bhahe, Echau nganapila na kunchuluchii ukolo gwake kubhehe jhukutumbula. 34Yene, Yakobu ngampila Echau libumunda na ngonde. Ngalila, nganywe, peniya ngakijhendila. Yene ndi Echau chaupuchita ukolo gwake ghukutumbula kubhelukwa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved