Chukutumbula 24
24
Ichaka itole mwikeghe
1Ulaimo akibha aghogholwike hake. Bhambo ngampila mota mu ilebhe yoha. 2Lichiko limo Ulaimo ngannobholila ntumiche jwake jwakibha aghogholwike hake kupeta bhange bhoha najwenio ndi jwajhemelela ilebhe yoha, ngalonge, “Chonde mmeke lubhoko lwino kue jha libhondo lyango. 3Na mwenga nnapile kwa liina lya Bhambo, Chapanga jhukunane na jwa pannema, kubhehe mangantola jhe manango na kujhenda kuntolekecha achikabhale bha Akakaanane bhindama nabho. 4Nambo nnyende ade mu kilambo chimelwikilwe kwenio mukampalikiya mwikeghe manango Ichaka kakalongo bhango.”
5Ntumiche jwenio ngalonge, “Pangejhe mwikeghe jwenio ajheketii jhe kulongoana nanenga kuika ku kilambo chenje, bho nimpeleka mwana gwino mu kilambo chinhumila?”
6Ulaimo ngajhangwila, “Nai jhe! Mme miho mangamujhicha jhe manango ku kilambo chenio. 7Bhambo, Chapanga jwa kunane jwamoita kwa tate gwango mu kilambo chimelwikilwe, na jwenio jwalonge nanenga napila kulonge, naipela ibheluko yango kilambo chenje. Chapanga jwenio nantuma ntumiche gwake annongolele kupala annetele mwana gwango mwikeghe kubhoke kwenio. 8Anda mwikeghe jwenio akanite kulongoana na mwenga bhahe, kulapii kwango kuntabha jhe, nambo ikabhiibhole mwanango mangamujhicha jhe kwenio.” 9Peniya ntumiche jhola ngabheka lubhoko lwake palibhondo lyu Ulaimo, munahota gwake, ngalapii kwa nhwalo gwenio.
10Pena ndi ntumiche jhola ngatola ngamiya kome ya nahota gwake ngabhoka kongo abhii na hupo twe yukuhalala. Ngajhenda ku muche chitamita Naole kwenio mu kilambo chuku Mechipotaniya. 11Paika kwenio ngatamika makilikite ngamiya yake pahina na kilibha chikibhii panja na muche. Ikibha kimiye kipinde cha akakeghe bhijhenda kukilibha kuteka mache. 12Peniya ntumiche jhola ngannyopa kulonge, “Mwe, ma Bhanbo Chapanga, Chapanga jwa anahota bhango Ulaimo, nninyopa nhotoye deleno na matendele ghambone anahota bhango Ulaimo. 13Nnole! mmi pamba pahina jha kilibha pibhaika achikabhale bha akolo muche kuteka mache. 14Nyopa yene, kamwale jhumbakunobhole atole lidengwane lyake lya mache ambe mache anyweghe, na jwenio kamwale ambii mache nywile pamonga na kughaikengha ngamiya yango, bhahe, jwenio abhe ndi jhunihaghulii ntumiche gwino Ichaka. Kilebhe chenio nakilangiya kubhehe muntendii ghambone anahota bhango.”
15Jwenio pakibha anajhomole jhe kujhopa, papa ngaika Lebeka bite Betuele mwana jwa Milika, nhwanamundo Naole, nnongomundo Ulaimo, ngaika kongo agheghite lidengwane lyake lyukuteke mache palibhegha. 16Kamwale jwenio akibha lembulembu hake kabhele akibha anagholoka jhe na munalome. Jwenio ngaelila pakilibha ngatwele mache mu lidengwane lyake ngakitweka nu kubhoka. 17Peniya ntumiche jhola ngajhenda kajhombe kukongana nako ngalonge, “Chonde nanjii umbe mache nywe kubhoke mulidengwane lino.”
18Kamwale ngalonge, “Ajha unyweghe manahota bhango.” Papa ngatola lidengwane lyake kachoko kone haukamulii kupala, ankenga. 19Pajhomolila kunkenga kamwale ngalonge, “Helahela nanighakenga mache ngamiya ino inyweghe ade ikole.” 20Peniya ngajhombiana, ngajhakina mache muchombo chukunywele inyama, ngajhombiana kujhenda kuteka ghange mache ku kilibha na kuikenga ngamiya yoha. 21Mundo jwenio ngannolikiya ndwii changalonge kilebhe, kupala amanye anda kubhehe Bhambo Chapanga ajhojwiye mwanja gwake amu ajhojwii jhe.
22Ngamiya piikolita kunywe mache, mundo jwenio ngampila kamwale jwenio pete jha chaabo bei ngolongwa hake na bangile ibhele ngolongolo ya chaabo ya bei ngolongwa. 23Ngankonya, “Chonde unobholele mwe mabite mene? Bho, kibhii chumbe chukugholoka twenga kajhino?”
24Lebeka ngajhangwila, “Ne nabite Betuele, mwana jwa Milika nhwanamundo Naole.” 25Ngajhendilila kulonge, “Kajhito ghabhii manyahe na chehemo jha kuchungii inyama na chehemo jhukugholoka akaghene.”
26Peniya mundo jhola ngajhinamicha muto gwake, ngannyinamila Chapanga, 27ngalonge, “Alombwe Bhambo Chapanga, Chapanga jwa anahota bhango Ulaimo, jwenio alangiye upalo gwake nu kuhobholeka kwake kwa anahota bhango. Bhambo anongwiye ade kwa kakalongo bha anahota bhango.”
28Peniya kamwale jhola ngabhutuka lubhelo ade kwakalongo bha majhe mundo kwalobhole nhwalo gwenio. 29Lebeka akibha nhwachamundo jwakemitwa Labane. Labane ngabhutwika lubhelo kujhenda kukilibha kukongana na mundo jwenio. 30Labane ngalubhona lupete na bangile ibhele mu lubhoko lwa nnombo mundo Lebeka, nu kujhoa ilebhe yachimulila kwa nhwalo jha mundo jwenio. Labane ngankolila mundo jwenio ajhemite pamonga na ngamiya yake pahina jha kilibha. 31Labane ngannobholila mundo jhola, “Nhwike ukajha mwe jhumii na mota ya Bhambo. Nhwalo gwa nike mijhema panja? Nenga nenganikiye pukopomolela mwenga pamonga na ngamiya ino.”
32Peniya ntumiche jwa Ulaimo jhola ngajhenda ukajha kwa Labane. Na Labane ngaulwiya mihigho mungamiya ngaipila manyahe kulye na ngampila ntumiche jwenio mache ghukugholo magholo ghake pamonga na bhando bhake. 33Ngabhantelikila chakulya nambo jwenio ngalonge, “Nilye ote jhe ade nongele chanhikila.”
Labane ngalonge, “Ajha, tulobholela.”
34Mundo jhola ngalonge, “Ne natumiche jwa Ulaimo.” 35“Bhambo Chapanga ampii mota mbwe anahota bhango, na jwenio abhii mundo jhuna ilebhe mbwe hake. Ampii malongo gha mambelele na mbuhe na ng'ombi na madine gha feza na madine gha chaabo, akatumiche akakeghe na akatumiche akanalome na ngamiya na maponda! 36Sala nhwana jwa anahota bhango, mughohe gwake akampapii munahota mwana munalome, na munahota jwenio ngampila mwana jwenio ilebhe yake yoha. 37Munahota gwanga nganapicha nenga kwa kulonge, ‘Nangantolekecha jhe kangombo gwango kwa kamwale Nkakaanane bhindama mu kilambo chabhe. 38Nambo nnyende ade ku kilambo chango kwa akalongo bha tate gwango kupala mukampalikiya mwikeghe mwanango Ichaka.’ 39Nanenga nganinkonyita munahota gwango, ‘Naibha bho, anda kamwale jwenio akanite kulongoana nane kuika kongone?’ 40Nambo jwenio ngajhangwila kulonge, ‘Bhambo Chapanga jwalongwiya ughome gwango, ndi jhojho nantuma ntumiche gwake jwa kunane alongoane na mwenga kupala antangatile umwanja gwino. Na mwenga mukammupalikiya mwanango mwikeghe kubhoke kwa akalongo mundo na umuche gwa tate gwango. 41Anda nhwikite kwa akalongo bhango na kumpe jhe mwikeghe jwenio bhahe kulapii kwango kuntabha jhe.’
42“Deleno puhikita pakilibha nyakunnyopa, ‘Mwe ma Bhambo Chapanga, Chapanga jwa ananhota bhango Ulaimo, ninnyopa ghabhehe tela ghoha ghinhikilila deleno. 43Nenga nyemite pamba pahina na kilibha. Kamwale jwapakuika kuteka mache na jwenio naninnyopa mache ghandina ghunywegha kubhoka mu lidengwane lyake, 44na jwenio ata ambii na kughateke mache ngamiya yango, jwenio ndi abha jhumuhagwile kubhehe mwikeghe jwa mwana jwa ananhota bhango.’ 45Nukujhomole jhe kujhopa kwango, papa Lebeka ngaika na lidengwane lyake palibhegha, ngaele pikilibha kuteka mache. Nanenga nganinobholila, ‘Chonde nanjii umbe mache nyweghe.’ 46Na jwenio ngatenda kajhombe kutola lidengwane kubhoke mu libhegha lyake nukulonge, ‘Ajha unyweghe, manahota bhango. Nanatekela mache na kughakenga hele ngamiya ino.’ Bhahe, nganywila na ngamiya yango ngaipila mache hele. 47Peniya nganinkonya, ‘Mwe mabite mene?’ Nganyangwila, ‘Nenga nabite Betuele mwana jwa Milika, aana bha Naole.’ Ndi pinimpila lupete na kuhwalicha bangile mu lubhoko lwake. 48Peniya nganitita na kunyinamila Bhambo Chapanga. Nganinomba Bhambo Chapanga, Chapanga jwa ananhota bhango Ulaimo, ndi jwenio jwannongwiye chomola ade kwa kamwale jwa lukolo lwa ananhota bhango na nhwalo jwa mwana mundo Ichaka. 49Ngohe, unobholele anda nnyeketile kwatendela ananhota bhango ghambone na ghighapalwa palonge jha Bhambo anda jhe nane namanya chakutenda.”
50Kubhoke pukujhoa gheniya, Labane na Betuele ngabhajhanga, “Kilebhe chenje kihumii kwa Bhambo Chapanga, twenga tupalwa jhe kulonge kilebhe chochoha. 51Lebeka jhonjo pamba, muntole nnyende nako. Na abhe nhwana jwa mwana jwa ananhota bhino andi hela Bhambo Chapanga chalongila.” 52Ntumiche jwa Ulaimo jhola pajhoina malobhe gheniya, ngalita ade pahe na kunnomba Bhambo. 53Peniya ntumiche jwa Ulaimo jhola, ngapiya ilebhe ya kukilembelekeya itengenichwe kwamadine gha feza na madine gha chaabo pamonga na ngobho ngampila Lebeka. Hele ngabhapila akalongo mundo Lebeka na majhe mundo ilebhe twe ya bei ngolongwa.
54Ntumiche jwa Ulaimo pamonga na bhando bhubhakibha peniya ngabhalila nukunywelekeya nukugholoka kwenio. Pibhajhimuka lukela, ntumiche jhola palongila, “Nanjii nyopa ngelebhuke kanahota bhango.”
55Nambo akaachamundo na pamonga na majhe mundo ngabhajhangwila, “Munneke kamwale atame na twenga machiko kome amu kupeta gheniya, peniya nnyendengana.”
56Nambo ntumiche jwenio ngalonge, “Chonde manganjeluu jhe kubhoka, nhwalo Bhambo Chapanga alenganikiye mwanja gwango, ninnyopa ngelebhuke kanahota bhango.”
57Nabhene ngabhalonge, “Deka, tunkeme jwene kamwale, tunkonye, tunyohe nalongela nike.” 58Yene, ngabhankema Lebeka nukunkonya, “Bho, nanyenda na mundo ojhojho?”
Na jwene ngalonge, “Ena, nanyenda nako.”
59Bhahe, jwannelita Lebeka nnongo mundo ajhende na pamonga na ntumiche jwa Ulaimo na bhando bhake. 60Peniya ngannyopila mota Lebeka kwa kulonge,
“Mwe malombo bhito, mme majhe ya mbwe yangabhalangika,
Kibheluko chino bhatola miche jha akamakoko bhabhe, nakubhehe jhabhe.”
61Peniya Lebeka na akabhanda bhake akakeghe ngabhaobhikila ngamiya na kunkengima ntumiche jwa Ulaimo, na bhoha ngabhabhokita.
62Kipinde chenio, Ichaka akibha abhokite kwenio ku Beli Lailoi ngabhila atamita upande gwa lubhoko lwangejha mwa kilambo chaku Kaanane. 63Lichiko limo kimiye, Ichaka ngajhenda kumighonda kuwachii ilebhe kwenio ngaibhona ngamiya ikaika. 64Na Lebeka pammonita Ichaka, ngaulwika pahe kubhoke pangamiya jhola, 65nu kunkonya ntumiche jwa Ulaimo jhola, “Jwajho meneke, jwatyanga munng'onda, jwaika kutupokela?”
Ntumiche jhola ngajhanguu kulonge, “Ndi ananhota bhango.” Bhahe, Lebeka ngatola ngobho na kukipuka kumiho kwake.
66Ntumiche jhola nganchimulila Ichaka ghoha ghighatendika kwenio. 67Bhahe, Ichaka nganyingiya Lebeka mu kichimba chichikibha cha Sala, majhe mundo, ngabhila nhwanamundo. Ichaka ngampala hake Lebeka, yene Lebeka ngampepicha Ichaka kwa kujhomokelwa kwa majhe mundo.
ទើបបានជ្រើសរើសហើយ៖
Chukutumbula 24: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
Chukutumbula 24
24
Ichaka itole mwikeghe
1Ulaimo akibha aghogholwike hake. Bhambo ngampila mota mu ilebhe yoha. 2Lichiko limo Ulaimo ngannobholila ntumiche jwake jwakibha aghogholwike hake kupeta bhange bhoha najwenio ndi jwajhemelela ilebhe yoha, ngalonge, “Chonde mmeke lubhoko lwino kue jha libhondo lyango. 3Na mwenga nnapile kwa liina lya Bhambo, Chapanga jhukunane na jwa pannema, kubhehe mangantola jhe manango na kujhenda kuntolekecha achikabhale bha Akakaanane bhindama nabho. 4Nambo nnyende ade mu kilambo chimelwikilwe kwenio mukampalikiya mwikeghe manango Ichaka kakalongo bhango.”
5Ntumiche jwenio ngalonge, “Pangejhe mwikeghe jwenio ajheketii jhe kulongoana nanenga kuika ku kilambo chenje, bho nimpeleka mwana gwino mu kilambo chinhumila?”
6Ulaimo ngajhangwila, “Nai jhe! Mme miho mangamujhicha jhe manango ku kilambo chenio. 7Bhambo, Chapanga jwa kunane jwamoita kwa tate gwango mu kilambo chimelwikilwe, na jwenio jwalonge nanenga napila kulonge, naipela ibheluko yango kilambo chenje. Chapanga jwenio nantuma ntumiche gwake annongolele kupala annetele mwana gwango mwikeghe kubhoke kwenio. 8Anda mwikeghe jwenio akanite kulongoana na mwenga bhahe, kulapii kwango kuntabha jhe, nambo ikabhiibhole mwanango mangamujhicha jhe kwenio.” 9Peniya ntumiche jhola ngabheka lubhoko lwake palibhondo lyu Ulaimo, munahota gwake, ngalapii kwa nhwalo gwenio.
10Pena ndi ntumiche jhola ngatola ngamiya kome ya nahota gwake ngabhoka kongo abhii na hupo twe yukuhalala. Ngajhenda ku muche chitamita Naole kwenio mu kilambo chuku Mechipotaniya. 11Paika kwenio ngatamika makilikite ngamiya yake pahina na kilibha chikibhii panja na muche. Ikibha kimiye kipinde cha akakeghe bhijhenda kukilibha kuteka mache. 12Peniya ntumiche jhola ngannyopa kulonge, “Mwe, ma Bhanbo Chapanga, Chapanga jwa anahota bhango Ulaimo, nninyopa nhotoye deleno na matendele ghambone anahota bhango Ulaimo. 13Nnole! mmi pamba pahina jha kilibha pibhaika achikabhale bha akolo muche kuteka mache. 14Nyopa yene, kamwale jhumbakunobhole atole lidengwane lyake lya mache ambe mache anyweghe, na jwenio kamwale ambii mache nywile pamonga na kughaikengha ngamiya yango, bhahe, jwenio abhe ndi jhunihaghulii ntumiche gwino Ichaka. Kilebhe chenio nakilangiya kubhehe muntendii ghambone anahota bhango.”
15Jwenio pakibha anajhomole jhe kujhopa, papa ngaika Lebeka bite Betuele mwana jwa Milika, nhwanamundo Naole, nnongomundo Ulaimo, ngaika kongo agheghite lidengwane lyake lyukuteke mache palibhegha. 16Kamwale jwenio akibha lembulembu hake kabhele akibha anagholoka jhe na munalome. Jwenio ngaelila pakilibha ngatwele mache mu lidengwane lyake ngakitweka nu kubhoka. 17Peniya ntumiche jhola ngajhenda kajhombe kukongana nako ngalonge, “Chonde nanjii umbe mache nywe kubhoke mulidengwane lino.”
18Kamwale ngalonge, “Ajha unyweghe manahota bhango.” Papa ngatola lidengwane lyake kachoko kone haukamulii kupala, ankenga. 19Pajhomolila kunkenga kamwale ngalonge, “Helahela nanighakenga mache ngamiya ino inyweghe ade ikole.” 20Peniya ngajhombiana, ngajhakina mache muchombo chukunywele inyama, ngajhombiana kujhenda kuteka ghange mache ku kilibha na kuikenga ngamiya yoha. 21Mundo jwenio ngannolikiya ndwii changalonge kilebhe, kupala amanye anda kubhehe Bhambo Chapanga ajhojwiye mwanja gwake amu ajhojwii jhe.
22Ngamiya piikolita kunywe mache, mundo jwenio ngampila kamwale jwenio pete jha chaabo bei ngolongwa hake na bangile ibhele ngolongolo ya chaabo ya bei ngolongwa. 23Ngankonya, “Chonde unobholele mwe mabite mene? Bho, kibhii chumbe chukugholoka twenga kajhino?”
24Lebeka ngajhangwila, “Ne nabite Betuele, mwana jwa Milika nhwanamundo Naole.” 25Ngajhendilila kulonge, “Kajhito ghabhii manyahe na chehemo jha kuchungii inyama na chehemo jhukugholoka akaghene.”
26Peniya mundo jhola ngajhinamicha muto gwake, ngannyinamila Chapanga, 27ngalonge, “Alombwe Bhambo Chapanga, Chapanga jwa anahota bhango Ulaimo, jwenio alangiye upalo gwake nu kuhobholeka kwake kwa anahota bhango. Bhambo anongwiye ade kwa kakalongo bha anahota bhango.”
28Peniya kamwale jhola ngabhutuka lubhelo ade kwakalongo bha majhe mundo kwalobhole nhwalo gwenio. 29Lebeka akibha nhwachamundo jwakemitwa Labane. Labane ngabhutwika lubhelo kujhenda kukilibha kukongana na mundo jwenio. 30Labane ngalubhona lupete na bangile ibhele mu lubhoko lwa nnombo mundo Lebeka, nu kujhoa ilebhe yachimulila kwa nhwalo jha mundo jwenio. Labane ngankolila mundo jwenio ajhemite pamonga na ngamiya yake pahina jha kilibha. 31Labane ngannobholila mundo jhola, “Nhwike ukajha mwe jhumii na mota ya Bhambo. Nhwalo gwa nike mijhema panja? Nenga nenganikiye pukopomolela mwenga pamonga na ngamiya ino.”
32Peniya ntumiche jwa Ulaimo jhola ngajhenda ukajha kwa Labane. Na Labane ngaulwiya mihigho mungamiya ngaipila manyahe kulye na ngampila ntumiche jwenio mache ghukugholo magholo ghake pamonga na bhando bhake. 33Ngabhantelikila chakulya nambo jwenio ngalonge, “Nilye ote jhe ade nongele chanhikila.”
Labane ngalonge, “Ajha, tulobholela.”
34Mundo jhola ngalonge, “Ne natumiche jwa Ulaimo.” 35“Bhambo Chapanga ampii mota mbwe anahota bhango, na jwenio abhii mundo jhuna ilebhe mbwe hake. Ampii malongo gha mambelele na mbuhe na ng'ombi na madine gha feza na madine gha chaabo, akatumiche akakeghe na akatumiche akanalome na ngamiya na maponda! 36Sala nhwana jwa anahota bhango, mughohe gwake akampapii munahota mwana munalome, na munahota jwenio ngampila mwana jwenio ilebhe yake yoha. 37Munahota gwanga nganapicha nenga kwa kulonge, ‘Nangantolekecha jhe kangombo gwango kwa kamwale Nkakaanane bhindama mu kilambo chabhe. 38Nambo nnyende ade ku kilambo chango kwa akalongo bha tate gwango kupala mukampalikiya mwikeghe mwanango Ichaka.’ 39Nanenga nganinkonyita munahota gwango, ‘Naibha bho, anda kamwale jwenio akanite kulongoana nane kuika kongone?’ 40Nambo jwenio ngajhangwila kulonge, ‘Bhambo Chapanga jwalongwiya ughome gwango, ndi jhojho nantuma ntumiche gwake jwa kunane alongoane na mwenga kupala antangatile umwanja gwino. Na mwenga mukammupalikiya mwanango mwikeghe kubhoke kwa akalongo mundo na umuche gwa tate gwango. 41Anda nhwikite kwa akalongo bhango na kumpe jhe mwikeghe jwenio bhahe kulapii kwango kuntabha jhe.’
42“Deleno puhikita pakilibha nyakunnyopa, ‘Mwe ma Bhambo Chapanga, Chapanga jwa ananhota bhango Ulaimo, ninnyopa ghabhehe tela ghoha ghinhikilila deleno. 43Nenga nyemite pamba pahina na kilibha. Kamwale jwapakuika kuteka mache na jwenio naninnyopa mache ghandina ghunywegha kubhoka mu lidengwane lyake, 44na jwenio ata ambii na kughateke mache ngamiya yango, jwenio ndi abha jhumuhagwile kubhehe mwikeghe jwa mwana jwa ananhota bhango.’ 45Nukujhomole jhe kujhopa kwango, papa Lebeka ngaika na lidengwane lyake palibhegha, ngaele pikilibha kuteka mache. Nanenga nganinobholila, ‘Chonde nanjii umbe mache nyweghe.’ 46Na jwenio ngatenda kajhombe kutola lidengwane kubhoke mu libhegha lyake nukulonge, ‘Ajha unyweghe, manahota bhango. Nanatekela mache na kughakenga hele ngamiya ino.’ Bhahe, nganywila na ngamiya yango ngaipila mache hele. 47Peniya nganinkonya, ‘Mwe mabite mene?’ Nganyangwila, ‘Nenga nabite Betuele mwana jwa Milika, aana bha Naole.’ Ndi pinimpila lupete na kuhwalicha bangile mu lubhoko lwake. 48Peniya nganitita na kunyinamila Bhambo Chapanga. Nganinomba Bhambo Chapanga, Chapanga jwa ananhota bhango Ulaimo, ndi jwenio jwannongwiye chomola ade kwa kamwale jwa lukolo lwa ananhota bhango na nhwalo jwa mwana mundo Ichaka. 49Ngohe, unobholele anda nnyeketile kwatendela ananhota bhango ghambone na ghighapalwa palonge jha Bhambo anda jhe nane namanya chakutenda.”
50Kubhoke pukujhoa gheniya, Labane na Betuele ngabhajhanga, “Kilebhe chenje kihumii kwa Bhambo Chapanga, twenga tupalwa jhe kulonge kilebhe chochoha. 51Lebeka jhonjo pamba, muntole nnyende nako. Na abhe nhwana jwa mwana jwa ananhota bhino andi hela Bhambo Chapanga chalongila.” 52Ntumiche jwa Ulaimo jhola pajhoina malobhe gheniya, ngalita ade pahe na kunnomba Bhambo. 53Peniya ntumiche jwa Ulaimo jhola, ngapiya ilebhe ya kukilembelekeya itengenichwe kwamadine gha feza na madine gha chaabo pamonga na ngobho ngampila Lebeka. Hele ngabhapila akalongo mundo Lebeka na majhe mundo ilebhe twe ya bei ngolongwa.
54Ntumiche jwa Ulaimo pamonga na bhando bhubhakibha peniya ngabhalila nukunywelekeya nukugholoka kwenio. Pibhajhimuka lukela, ntumiche jhola palongila, “Nanjii nyopa ngelebhuke kanahota bhango.”
55Nambo akaachamundo na pamonga na majhe mundo ngabhajhangwila, “Munneke kamwale atame na twenga machiko kome amu kupeta gheniya, peniya nnyendengana.”
56Nambo ntumiche jwenio ngalonge, “Chonde manganjeluu jhe kubhoka, nhwalo Bhambo Chapanga alenganikiye mwanja gwango, ninnyopa ngelebhuke kanahota bhango.”
57Nabhene ngabhalonge, “Deka, tunkeme jwene kamwale, tunkonye, tunyohe nalongela nike.” 58Yene, ngabhankema Lebeka nukunkonya, “Bho, nanyenda na mundo ojhojho?”
Na jwene ngalonge, “Ena, nanyenda nako.”
59Bhahe, jwannelita Lebeka nnongo mundo ajhende na pamonga na ntumiche jwa Ulaimo na bhando bhake. 60Peniya ngannyopila mota Lebeka kwa kulonge,
“Mwe malombo bhito, mme majhe ya mbwe yangabhalangika,
Kibheluko chino bhatola miche jha akamakoko bhabhe, nakubhehe jhabhe.”
61Peniya Lebeka na akabhanda bhake akakeghe ngabhaobhikila ngamiya na kunkengima ntumiche jwa Ulaimo, na bhoha ngabhabhokita.
62Kipinde chenio, Ichaka akibha abhokite kwenio ku Beli Lailoi ngabhila atamita upande gwa lubhoko lwangejha mwa kilambo chaku Kaanane. 63Lichiko limo kimiye, Ichaka ngajhenda kumighonda kuwachii ilebhe kwenio ngaibhona ngamiya ikaika. 64Na Lebeka pammonita Ichaka, ngaulwika pahe kubhoke pangamiya jhola, 65nu kunkonya ntumiche jwa Ulaimo jhola, “Jwajho meneke, jwatyanga munng'onda, jwaika kutupokela?”
Ntumiche jhola ngajhanguu kulonge, “Ndi ananhota bhango.” Bhahe, Lebeka ngatola ngobho na kukipuka kumiho kwake.
66Ntumiche jhola nganchimulila Ichaka ghoha ghighatendika kwenio. 67Bhahe, Ichaka nganyingiya Lebeka mu kichimba chichikibha cha Sala, majhe mundo, ngabhila nhwanamundo. Ichaka ngampala hake Lebeka, yene Lebeka ngampepicha Ichaka kwa kujhomokelwa kwa majhe mundo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved