1 Akanahota Akakolongwa 21
21
Nabote inkanii kunchuluchila mujnahota nng'onda
1Pughapetita gheniya, Nabote mundo jwa likabila lya Akayezileele, akibha na nngonda gwa michabibo, kwenio ku Yezileele, pahina na nyumba jha Ahabo munahota nkolongwa jhuku Samaliya. 2Lichiko limo, Ahabo ngannobholila Nabote kubhehe, “Umbe nng'onda gwino gwa michabibo, ndende buchitane jha likolo, nhwalo ubhii pahina na nyumba jhango. Mwe nannimpela nng'onda ghonge gwa michabibo ghubholii hake amu anda mpahii naninnepa mbijha kwa bei, tela na nng'onda gwenio.”
3Nambo Nabote nganyangwila, “Nng'onda gwambekii tate gwango kubhehe gwango, Bhambo Chapanga na amambakiya kutale, kumpe mwenga uliche ghumbatite kuhumii kwa akahoko bhito.”
4Bhahe, Ahabo ngajhenda kajhake, kongo abhii lilaka hake nu ukokoleka kwa chela chanyangwii Nabote. Kunhwalo gwa ghala ghalongila Nabote, mundo jhuku Yezeelele kubhehe, Nimpe ng'o uliche gwa tate gwango. Yene, ngakijhebhelekiya pi kindanda na ngahila kulyegha. 5Nambo Yezebele nhwana mundo Ahabo ngannyendila nu kunkonya, Bho, kilebhe ghane mmi ngolongonde na nhwilite kulyegha?
6Ahabo nganyangwila, Kunhwalo nikannobholii Nabote, mundo jwahumii ku Yezileele, Anjuluchile nng'onda gwake gwa michabibo amu anda apai nannimpela nng'onda ghonge gwa michabibo ghubholii hake. Nambo Nabote nimpe jhe nng'onda gwango gwa michabibo.
7Peniya, Yezebele nhwanamundo ngalongila, “Bho, mwe ndi manahota akolongwa bhuku Ichilahele amu mwe ndeka?” Jhimuka kajhombe nnyakile! Nenga nanimpela nng'onda gwa michabibo gwa Nabote, mundo jwa Yezileele.
8Yene, Yezebele ngajhandika baluwa kwa liina lya Ahabo, na ngabhekita unepo gwa munahota nkolongwa. Ngapelika baluwa yenio kwa akanahota na bhando bhibhamanyikana hake, bhibhatama na Nabote kwenio kubomane. 9Mu baluwa yenio ikajhandikwe naha, Mpange lichiko lya kuleka kulyegha na mutamiche Nabote chehemo jha kongoloo pakate jha bhando. 10Peniya, matola bhando bhabhele akakokoto bhakatame kukulolekeyana najwenio kupala bhantakalila kukulonge kubhehe Nabote annighite Chapanga na munahota nkolongwa. Peniya, mumpiya panja nu kumbula kwa maghanga ade aweghe.
11Yene, akanahota na bhando bhibhamanyikana bhange bha muche gwenio ngabhatenda ngita chalongila Yezebele ngita hela chighajhandikwe mu baluwa. 12Bhahe, ngibhatangicha lichiko li kuleka kulyegha nu kummeka Nabote chehemo pi ichima pakate jha bhando. 13Peniya, bhando bhala bhabhele akakokotoko ngibhatamita mwiye na Nabote, ngibhantakalila Nabote palonge jha bhando kukulonge, “Nabote annighite Chapanga na helahela annighite munahota nkolongwa.” Yene, Nabote ngahutilwa panja jha muche, ngakomitwa ku kubulwa maghanga. 14Ilongoche ya muche ngabhantumila ujumbe Yezebele kulonge, “Nabote akomitwe ku kubulwa maghanga.”
15Pajhohina tugha malobhe gheniya Yezebele kubhehe Nabote akomitwe kukubulwa maghanga, ngannobholila Ahabo, “Jhimuka! Jhenda makatole nng'onda ghola gwa Nabote, mundo jhuku Yezeleele lya michabibo, lela lyakanila kunchuluchila. Jwenio ngohe, ajhomwike.” 16Papa tugha Ahabo pajhohina Nabote ajhomwike, ngajhinwika kujhenda kutola nng'onda gwa michabibo gwa Nabote.
17Yene, lilobhe lya Chapanga nginhiikila nnondole jwa Eliya Mtabishe kulonge, 18“Nnyende mukakongane na Ahabo munahota nkolongwa jhuku Ichilahele, jwalongocha ku Samaliya. Ngohe, abhii ku nng'onda gwa michabibo gwa Nabote, ajhawii kulitola libhehe lyake. 19Munnobholela, naha ndi chalonge Bhambo Chapanga, ‘Bho, munkomite jhe mundo nukutola ilebhe yake?’ Kabhele munnobholela chalonge Bhambo Chapanga, ‘Chehemo jhela jhilambite ghimbwa myahe jha Nabote, ndi papa ghimbwa pibhapakulamba myahe jhino.’ ”
20Bhahe, Ahabo ngannobholila Eliya, mwe malikoko bhango undehi kumbwitikila naha?
Eliya nganyangwila, “Ena, ndei kumpwitikila.” Kunhwalo mwenga mpangite njwe kutenda ghanganandela nnonge jha Bhambo Chapanga. 21Yene, Bhambo Chapanga innobholela, ngohe, naneta mabulo kwa yana hino. Nangomelekeya ibheluko nu kuputulila kutale kubhoke kwa Ahabo, kila mwana munalome jhu kujhomolela kubhelukwa ku Ichilahele, abha hulo amu mmanda. 22Dola, nyumba jhino nannitenda ngita jhela jha Yeloboamo, mwana jwa Nebate na ngita lukolo lwa Baasha mwana jwa Ahiya, nhwalo undehi mukokolikii lilaka lyango nu kwatenda bhando bhuku Ichilahele bhatende uhakaho. 23Kabhele, Bhambo Chapanga ilonge naha panane jha Yezebele, “Ntuhe gwake naulegwa na ghimbwa pahupele jha lipamanda lya muche ghuku Yezeleele. 24Ena, mundo jhojhoha jwa lukolo lwa Ahabo jwapakujhomwoke ku bomane nalegwa na ghimbwa na bhala bhibhapakujhomwoke kunng'onda, nabhahonyolwa ni ijhune.”
25Abhii jhe mundo jwapangite kutenda ghanganandela nnonge jha Bhambo Chapanga ngita Ahabo, jwakolwiywe na Yezebele nhwanamundo. 26Akatehi kilebhe chikichimwa hake kukujhinamiii inyagho ya ichapanga ngita chibhateila Akaamole chibhabhengitwa na Bhambo Chapanga, nnonge jha bhando bhuku Ichilahele.
27Nambo Ahabo pajhohina malobhe gheniya, ngalandakwila ngobho yake, ngawalita majafafa na kuleka kulyegha. Ngagholwika nukukiyeka majafafa nu kulyungalyunga kone na kone ku ungolongonde.
28Ndi lilobhe lya Bhambo Chapanga ngalinhikilila nnondole Eliya mundo jhukuhumii ku Tishibe kulonge, 29“Bho, nnolite namuna Ahabo chakinyenyikiya palonge jhango? Ku nhwalo akitembekiye, bhahe, naneta jhe mabulo gheniya kipinde abhii ghome, nambo kipinde chulongoche gwa mwanamundo nanakomelekeya lukolo lwa Ahabo.”
ទើបបានជ្រើសរើសហើយ៖
1 Akanahota Akakolongwa 21: NdeBV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved
1 Akanahota Akakolongwa 21
21
Nabote inkanii kunchuluchila mujnahota nng'onda
1Pughapetita gheniya, Nabote mundo jwa likabila lya Akayezileele, akibha na nngonda gwa michabibo, kwenio ku Yezileele, pahina na nyumba jha Ahabo munahota nkolongwa jhuku Samaliya. 2Lichiko limo, Ahabo ngannobholila Nabote kubhehe, “Umbe nng'onda gwino gwa michabibo, ndende buchitane jha likolo, nhwalo ubhii pahina na nyumba jhango. Mwe nannimpela nng'onda ghonge gwa michabibo ghubholii hake amu anda mpahii naninnepa mbijha kwa bei, tela na nng'onda gwenio.”
3Nambo Nabote nganyangwila, “Nng'onda gwambekii tate gwango kubhehe gwango, Bhambo Chapanga na amambakiya kutale, kumpe mwenga uliche ghumbatite kuhumii kwa akahoko bhito.”
4Bhahe, Ahabo ngajhenda kajhake, kongo abhii lilaka hake nu ukokoleka kwa chela chanyangwii Nabote. Kunhwalo gwa ghala ghalongila Nabote, mundo jhuku Yezeelele kubhehe, Nimpe ng'o uliche gwa tate gwango. Yene, ngakijhebhelekiya pi kindanda na ngahila kulyegha. 5Nambo Yezebele nhwana mundo Ahabo ngannyendila nu kunkonya, Bho, kilebhe ghane mmi ngolongonde na nhwilite kulyegha?
6Ahabo nganyangwila, Kunhwalo nikannobholii Nabote, mundo jwahumii ku Yezileele, Anjuluchile nng'onda gwake gwa michabibo amu anda apai nannimpela nng'onda ghonge gwa michabibo ghubholii hake. Nambo Nabote nimpe jhe nng'onda gwango gwa michabibo.
7Peniya, Yezebele nhwanamundo ngalongila, “Bho, mwe ndi manahota akolongwa bhuku Ichilahele amu mwe ndeka?” Jhimuka kajhombe nnyakile! Nenga nanimpela nng'onda gwa michabibo gwa Nabote, mundo jwa Yezileele.
8Yene, Yezebele ngajhandika baluwa kwa liina lya Ahabo, na ngabhekita unepo gwa munahota nkolongwa. Ngapelika baluwa yenio kwa akanahota na bhando bhibhamanyikana hake, bhibhatama na Nabote kwenio kubomane. 9Mu baluwa yenio ikajhandikwe naha, Mpange lichiko lya kuleka kulyegha na mutamiche Nabote chehemo jha kongoloo pakate jha bhando. 10Peniya, matola bhando bhabhele akakokoto bhakatame kukulolekeyana najwenio kupala bhantakalila kukulonge kubhehe Nabote annighite Chapanga na munahota nkolongwa. Peniya, mumpiya panja nu kumbula kwa maghanga ade aweghe.
11Yene, akanahota na bhando bhibhamanyikana bhange bha muche gwenio ngabhatenda ngita chalongila Yezebele ngita hela chighajhandikwe mu baluwa. 12Bhahe, ngibhatangicha lichiko li kuleka kulyegha nu kummeka Nabote chehemo pi ichima pakate jha bhando. 13Peniya, bhando bhala bhabhele akakokotoko ngibhatamita mwiye na Nabote, ngibhantakalila Nabote palonge jha bhando kukulonge, “Nabote annighite Chapanga na helahela annighite munahota nkolongwa.” Yene, Nabote ngahutilwa panja jha muche, ngakomitwa ku kubulwa maghanga. 14Ilongoche ya muche ngabhantumila ujumbe Yezebele kulonge, “Nabote akomitwe ku kubulwa maghanga.”
15Pajhohina tugha malobhe gheniya Yezebele kubhehe Nabote akomitwe kukubulwa maghanga, ngannobholila Ahabo, “Jhimuka! Jhenda makatole nng'onda ghola gwa Nabote, mundo jhuku Yezeleele lya michabibo, lela lyakanila kunchuluchila. Jwenio ngohe, ajhomwike.” 16Papa tugha Ahabo pajhohina Nabote ajhomwike, ngajhinwika kujhenda kutola nng'onda gwa michabibo gwa Nabote.
17Yene, lilobhe lya Chapanga nginhiikila nnondole jwa Eliya Mtabishe kulonge, 18“Nnyende mukakongane na Ahabo munahota nkolongwa jhuku Ichilahele, jwalongocha ku Samaliya. Ngohe, abhii ku nng'onda gwa michabibo gwa Nabote, ajhawii kulitola libhehe lyake. 19Munnobholela, naha ndi chalonge Bhambo Chapanga, ‘Bho, munkomite jhe mundo nukutola ilebhe yake?’ Kabhele munnobholela chalonge Bhambo Chapanga, ‘Chehemo jhela jhilambite ghimbwa myahe jha Nabote, ndi papa ghimbwa pibhapakulamba myahe jhino.’ ”
20Bhahe, Ahabo ngannobholila Eliya, mwe malikoko bhango undehi kumbwitikila naha?
Eliya nganyangwila, “Ena, ndei kumpwitikila.” Kunhwalo mwenga mpangite njwe kutenda ghanganandela nnonge jha Bhambo Chapanga. 21Yene, Bhambo Chapanga innobholela, ngohe, naneta mabulo kwa yana hino. Nangomelekeya ibheluko nu kuputulila kutale kubhoke kwa Ahabo, kila mwana munalome jhu kujhomolela kubhelukwa ku Ichilahele, abha hulo amu mmanda. 22Dola, nyumba jhino nannitenda ngita jhela jha Yeloboamo, mwana jwa Nebate na ngita lukolo lwa Baasha mwana jwa Ahiya, nhwalo undehi mukokolikii lilaka lyango nu kwatenda bhando bhuku Ichilahele bhatende uhakaho. 23Kabhele, Bhambo Chapanga ilonge naha panane jha Yezebele, “Ntuhe gwake naulegwa na ghimbwa pahupele jha lipamanda lya muche ghuku Yezeleele. 24Ena, mundo jhojhoha jwa lukolo lwa Ahabo jwapakujhomwoke ku bomane nalegwa na ghimbwa na bhala bhibhapakujhomwoke kunng'onda, nabhahonyolwa ni ijhune.”
25Abhii jhe mundo jwapangite kutenda ghanganandela nnonge jha Bhambo Chapanga ngita Ahabo, jwakolwiywe na Yezebele nhwanamundo. 26Akatehi kilebhe chikichimwa hake kukujhinamiii inyagho ya ichapanga ngita chibhateila Akaamole chibhabhengitwa na Bhambo Chapanga, nnonge jha bhando bhuku Ichilahele.
27Nambo Ahabo pajhohina malobhe gheniya, ngalandakwila ngobho yake, ngawalita majafafa na kuleka kulyegha. Ngagholwika nukukiyeka majafafa nu kulyungalyunga kone na kone ku ungolongonde.
28Ndi lilobhe lya Bhambo Chapanga ngalinhikilila nnondole Eliya mundo jhukuhumii ku Tishibe kulonge, 29“Bho, nnolite namuna Ahabo chakinyenyikiya palonge jhango? Ku nhwalo akitembekiye, bhahe, naneta jhe mabulo gheniya kipinde abhii ghome, nambo kipinde chulongoche gwa mwanamundo nanakomelekeya lukolo lwa Ahabo.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Old Testament in the Ndendeule Language @The Word for the World International and Ndendeule Language Translation. All rights reserved