Hakaroma 7
7
Mashutwero ghomuragho mukukarera Nyambi, no ghukareri ghokwaKristusi
1Mwayendhange, mwa yidimuka eshi — ame kuna kughamba nawanu yombambawiru eshi, muragho ghutanare kwamunu mumoyo wendi ghoghuhe. 2Yira mukamadi ghokuyeka, ghapwa kughanga pamurume mumoyo wendi ghoghuhe. Ene ngeshi hafu murume, ghana kushutuka kumuragho wamurume. 3Ne nge shi ha yeka katughuru waghumweya, oku shime ha para didhiko dyendi. Mbana mu toyo mukakutjora ghurugho. Ngeshi ku ghafa murume, kadi wa kumumona shime eshi, mukakutjora. Oku gha yeka didhiko dyaghumweya mukamadi muyendhendi. 4Kukwenu karo kemo mwayendhange. Mughundambo ghoyirama yaKristusi ne mwa fire no mbadi shime kwishi. Amwe muna hatera keho kwamunu ghumweya, koYu gha vumbukire mwawafu. Yodigho twa kona kukara noyipara mwene mumoyo wetu, muthirughana thokukarera Nyambi. 5Apa twa parire mumaharwero, ya karire maharwero ghoyirumbera yomutjima, eyi ya pindutha muragho, mu kehe thipo thoyirama yetu eshi, ya rughanine no yemine mbuyo muthirughanitha thokufa. 6Pano ne twa shutuka kumuragho. Yoyishi twe twa fire no mbadi shime kwishi dhomuragho oghu wa tu ghangire. N̂anyi‐n̂anyi, twa kona kurughanitha pamuhingo ghoghupya waMupepo. Mbadi pamuhingo ghoghukuru‐kuru ghomuragho.
Muragho no diharwero
7Nye sho tu ghambe twe? Muragho ne diharwero ndi? Yapira, mbadi kemo. Karo ngo mbadi na dimukire eshi, diharwero ne thinye, ngo mbadi wa karire po muragho. No ngo mbadi na dimukire thineghedhitho eshi, kurumbera ne kuharura, oku mbadi wa ghamba muragho eshi: “Wa rumbera.” 8Ene pamuragho ghu, po dya wanine diharwero ngcamu no kehe thirumbera tha rughanine mumwange. Yoyi ngeshi mbadi po muragho, diharwero ne dina kufa. 9Pakutanga oku mbadipo muragho, na parire. Ene pa weyire muragho, ko kupara diharwero. 10Name ko kufa popo. Eyi ne ya karire eshi, muragho ghu wa tamba kukuniretera moyo kukwange, wa ninga kufa vene. 11Diharwero di dya wanine ngcamu pamuragho, dya ni yedhaghurire pamuragho no dya ni paghire.
12Yodigho, muragho ne wa pongoka no yihima yagho ya pongoka, ya hungama no yarogha. 13Eyi ne ya ninga eshi yoyiwa ne ya reta kukwange kufa ndi? Mbadi kemo. Karo diharwero ne dyo dya reta kufa kukwange. Dyo‐dyo diharwero dya tendire pathinu thothiwa, eshi dipupane pakaye. No ngeshi ha diyuka diharwero kokuhe, ho dishwaghe pamuragho eshi di‐yuke paghuyi wadyo.
14Atwe twa dimuka shemwa eshi muragho wa tunda kwaMupepo. Name karo kemo, na kara yira nomupika yu ha ghuritha kudiharwero. 15Ame kadi wakudimuka eyi na kutenda nothinda. Yoyishi, ethi na kutenda ghuhima mbadi na kuthitenda. Ethi na dhimba shemwa tho na kutenda. 16Eshi mbadi na kuhima kutenda eyi sho ni tende, yo na kutawera name eshi muragho ne ghuhunga.
Atwe mbadi twa kuraghura twathinda
17Apa no mbadi na kuyitenda shime. Shimengwa diharwero di dya kara mumwange dyo dina kuyitenda. 18Kenge no nidi na dimuka thiwana eshi mumwange ne mbadimo ghuhunga no kadi payiharura yange yoyimango. Ene na kara nomahimeno ghokutenda yoyihunga. Keho mbadi na kuyitenda. 19Ghuhunga ghu na hima kutenda me, mbadi na ghutenda. Ghuyi ghu na nyatha, gho na kutenda. 20No ngeshi ha ni tendi thinu thi na dhiri kuhima, mbadi yame na thi tendi. Diharwero di dya tunga mumwange.
21Dyo na mono muragho ghuno nothinda eshi, na haka kutenda ghuhunga ene yi na tendanga ne yimango. 22Mwimi dhomudhimu wange ne mwa pendhighana mumuragho waNyambi. 23Ene muyikara yange, na wana mo muragho ghumweya, oghu ghuna kurwitha muragho ghomupepo. Eyi yo yi na ni paka eshi ni kare mudorongo, pathirughana thomuragho ghodiharwero muyikara yange. 24Ame ne nomunu ghokunyanda! Yidye yu gha kunishutura mukufa? 25Matumero kwaNyambi! Eyi ne paJesus Kristusi ghoHekudyetu ghana kuyitendera. Yoyi na kunindundumenitha thikuma.
Ame na rughana muragho waNyambi nomudhimu wange ghoghuhe. Muyikara yange ne kumuragho ghodiharwero.
ទើបបានជ្រើសរើសហើយ៖
Hakaroma 7: MHW1986
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986
Hakaroma 7
7
Mashutwero ghomuragho mukukarera Nyambi, no ghukareri ghokwaKristusi
1Mwayendhange, mwa yidimuka eshi — ame kuna kughamba nawanu yombambawiru eshi, muragho ghutanare kwamunu mumoyo wendi ghoghuhe. 2Yira mukamadi ghokuyeka, ghapwa kughanga pamurume mumoyo wendi ghoghuhe. Ene ngeshi hafu murume, ghana kushutuka kumuragho wamurume. 3Ne nge shi ha yeka katughuru waghumweya, oku shime ha para didhiko dyendi. Mbana mu toyo mukakutjora ghurugho. Ngeshi ku ghafa murume, kadi wa kumumona shime eshi, mukakutjora. Oku gha yeka didhiko dyaghumweya mukamadi muyendhendi. 4Kukwenu karo kemo mwayendhange. Mughundambo ghoyirama yaKristusi ne mwa fire no mbadi shime kwishi. Amwe muna hatera keho kwamunu ghumweya, koYu gha vumbukire mwawafu. Yodigho twa kona kukara noyipara mwene mumoyo wetu, muthirughana thokukarera Nyambi. 5Apa twa parire mumaharwero, ya karire maharwero ghoyirumbera yomutjima, eyi ya pindutha muragho, mu kehe thipo thoyirama yetu eshi, ya rughanine no yemine mbuyo muthirughanitha thokufa. 6Pano ne twa shutuka kumuragho. Yoyishi twe twa fire no mbadi shime kwishi dhomuragho oghu wa tu ghangire. N̂anyi‐n̂anyi, twa kona kurughanitha pamuhingo ghoghupya waMupepo. Mbadi pamuhingo ghoghukuru‐kuru ghomuragho.
Muragho no diharwero
7Nye sho tu ghambe twe? Muragho ne diharwero ndi? Yapira, mbadi kemo. Karo ngo mbadi na dimukire eshi, diharwero ne thinye, ngo mbadi wa karire po muragho. No ngo mbadi na dimukire thineghedhitho eshi, kurumbera ne kuharura, oku mbadi wa ghamba muragho eshi: “Wa rumbera.” 8Ene pamuragho ghu, po dya wanine diharwero ngcamu no kehe thirumbera tha rughanine mumwange. Yoyi ngeshi mbadi po muragho, diharwero ne dina kufa. 9Pakutanga oku mbadipo muragho, na parire. Ene pa weyire muragho, ko kupara diharwero. 10Name ko kufa popo. Eyi ne ya karire eshi, muragho ghu wa tamba kukuniretera moyo kukwange, wa ninga kufa vene. 11Diharwero di dya wanine ngcamu pamuragho, dya ni yedhaghurire pamuragho no dya ni paghire.
12Yodigho, muragho ne wa pongoka no yihima yagho ya pongoka, ya hungama no yarogha. 13Eyi ne ya ninga eshi yoyiwa ne ya reta kukwange kufa ndi? Mbadi kemo. Karo diharwero ne dyo dya reta kufa kukwange. Dyo‐dyo diharwero dya tendire pathinu thothiwa, eshi dipupane pakaye. No ngeshi ha diyuka diharwero kokuhe, ho dishwaghe pamuragho eshi di‐yuke paghuyi wadyo.
14Atwe twa dimuka shemwa eshi muragho wa tunda kwaMupepo. Name karo kemo, na kara yira nomupika yu ha ghuritha kudiharwero. 15Ame kadi wakudimuka eyi na kutenda nothinda. Yoyishi, ethi na kutenda ghuhima mbadi na kuthitenda. Ethi na dhimba shemwa tho na kutenda. 16Eshi mbadi na kuhima kutenda eyi sho ni tende, yo na kutawera name eshi muragho ne ghuhunga.
Atwe mbadi twa kuraghura twathinda
17Apa no mbadi na kuyitenda shime. Shimengwa diharwero di dya kara mumwange dyo dina kuyitenda. 18Kenge no nidi na dimuka thiwana eshi mumwange ne mbadimo ghuhunga no kadi payiharura yange yoyimango. Ene na kara nomahimeno ghokutenda yoyihunga. Keho mbadi na kuyitenda. 19Ghuhunga ghu na hima kutenda me, mbadi na ghutenda. Ghuyi ghu na nyatha, gho na kutenda. 20No ngeshi ha ni tendi thinu thi na dhiri kuhima, mbadi yame na thi tendi. Diharwero di dya tunga mumwange.
21Dyo na mono muragho ghuno nothinda eshi, na haka kutenda ghuhunga ene yi na tendanga ne yimango. 22Mwimi dhomudhimu wange ne mwa pendhighana mumuragho waNyambi. 23Ene muyikara yange, na wana mo muragho ghumweya, oghu ghuna kurwitha muragho ghomupepo. Eyi yo yi na ni paka eshi ni kare mudorongo, pathirughana thomuragho ghodiharwero muyikara yange. 24Ame ne nomunu ghokunyanda! Yidye yu gha kunishutura mukufa? 25Matumero kwaNyambi! Eyi ne paJesus Kristusi ghoHekudyetu ghana kuyitendera. Yoyi na kunindundumenitha thikuma.
Ame na rughana muragho waNyambi nomudhimu wange ghoghuhe. Muyikara yange ne kumuragho ghodiharwero.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986