Hakaroma 6
6
Kufa kudiharwero, ghuyumi ne kwaNyambi
1Nye sho tu ghambe twe keho kuyinu yi? Tu kare kengeno mukuharura eshi, dhivure n̂eke ndi? 2Kadi kemo. Ngepi di sho tu kone twe twafa mudiharwero kupara shime mumwadyo? 3Endi mbadi mwa dimuka eshi, twahe twapwa kuyogha mwaKristus Jesusi eshi. Twapwa kuyogha mukufa kwendi ndi? 4Padiyoghero, twapwire kuvumbeka pofotji Nendi mukufa. Eshi thika kenge di gha vumbukire Kristusi, mwawafu mughufumu ghongcamu dhaWihe. Kuninga eshi, natwe karo kemo sho tu kone kupara mumoyo ghoghupya.
5Yoyishi twa kupakerera Nendi muyifa yendi. Shemwa dyo mbo tu kara Nendi karo pamuvumbukero wendi. 6Atwe twa dimuka shemwa eshi mukuru wetu, pofotji naKristusi ha mu pamarire kuthikurushe. Yi kone kutunda po yikara yomaharwero. Yodigho, atwe ne kadi shime twapika diharwero. 7Munu yu gha fire, gha shutuka kudiharwero nongcamu dhadyo. 8Atwe twa fire pofotji naKristusi. Yo twa tawera eshi, mbo tuna para Nendi pofotji. 9Twa dimuka twathinda eshi, Kristusi gha vumbukire mwawafu, no mbadi mbo gha kona karo kufa. Kufa gha pira ngcamu kuKwendi. 10Aye gha fire kehe pano no roruhe kudiharwero dyokufa. Pan̂anyi‐n̂anyi, kupara ghana kupara Ye kwaNyambi. 11Yodigho, namwe mu dimuke kemo eshi, mwa fire mudiharwero. KwaNyambi ne moyo. Yoyishi mwe, pofotji naKristus Jesusi mu di.
12Mwa toperera eshi gha mu mune shime maharwero ghenu. No mwa tawa kuyirumbera yenu yokaye eyi mbo yipwa wangu. 13Mwa tapa thipo thoyirama yenu thikarera thokumaharwero ghenu, thi kare thirughanitho thoghuyi. Kadi kemo, mu karere Nyambi yira hanu wa ha fire no hana wa tumuna. Kehe thipo mu thi tende thi karere Nyambi, yira thirughanitho thoghuhunga. 14Maharwero mbadi gha kona kumumuna shime karo. Yoyishi mbadi mwa kara kwishi dhomaharwero. Ene kwishi dhothin̂eke.
Yikarera yoghuhunga
15Nye yina kuninga yi? Twa kona kutenda maharwero, yoyi mbadi twa kara kwishi dhomuragho, ene kwishi dhon̂eke? Yapira, kadi kemo. 16Mwa yidimuka shemwa mwathinda: Ngeshi mwa kutapa kwamunu eshi mu kare ghutawedhi yira mwapika. Po muna karera keho mwapika wayofotji yu mwa kara kukwendi ghutawedhi. Ngeshi ha di kara diharwero kukwenu eshi kufa. Endi ghutawedhi ghokwaNyambi ha ghu kara ghuhungami. 17Ene twe tuna tumera kwaNyambi eshi mwe mwa karire mwapika homaharwero, mitjima dhenu ne dha karire ghutawedhi kuyihonga, yira thika di mwa yi tamburire payithimwetwedha. 18Atwe tuna kumutumera Nyambi, yoyi gha mu shutura kumaharwero, ho muna kara mwapika ghoghuhungami. 19Pamurandu ghoghuthuta wenu, na kurughanitha nodighanekero dyokehe diyuwa muyipara yetu. Thika di tha kara kehe thipo thoyirama yenu, muthirughana thokupira ghukushuki no mumuragho no kupara mukashongo‐shongo. Dyo sho mu kone karo kehe thipo thoyirama yenu, thi kare muyipara yothirughana thoghuhunga no ghupongoki.
20Apa mwa karire mwapika homaharwero, mwa karire horo kughuhunga. 21Thinu munye mwa wanine pahonyi dhenu, apa ha mu tapire? Ghuhura ghoyinu ne yifa. 22Ene kenge di muna shutuka kumaharwero, ho muna kurughanena Nyambi, mwa kara nothinu thokumupongokitha. Paghuhura ne moyo ghororuheya. 23Yiruwera yomaharwero ne yifa. Yothitapa thon̂eke thaNyambi ne moyo ghororuheya, mwaKristus Jesusi ghoHekudyetu.
ទើបបានជ្រើសរើសហើយ៖
Hakaroma 6: MHW1986
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986
Hakaroma 6
6
Kufa kudiharwero, ghuyumi ne kwaNyambi
1Nye sho tu ghambe twe keho kuyinu yi? Tu kare kengeno mukuharura eshi, dhivure n̂eke ndi? 2Kadi kemo. Ngepi di sho tu kone twe twafa mudiharwero kupara shime mumwadyo? 3Endi mbadi mwa dimuka eshi, twahe twapwa kuyogha mwaKristus Jesusi eshi. Twapwa kuyogha mukufa kwendi ndi? 4Padiyoghero, twapwire kuvumbeka pofotji Nendi mukufa. Eshi thika kenge di gha vumbukire Kristusi, mwawafu mughufumu ghongcamu dhaWihe. Kuninga eshi, natwe karo kemo sho tu kone kupara mumoyo ghoghupya.
5Yoyishi twa kupakerera Nendi muyifa yendi. Shemwa dyo mbo tu kara Nendi karo pamuvumbukero wendi. 6Atwe twa dimuka shemwa eshi mukuru wetu, pofotji naKristusi ha mu pamarire kuthikurushe. Yi kone kutunda po yikara yomaharwero. Yodigho, atwe ne kadi shime twapika diharwero. 7Munu yu gha fire, gha shutuka kudiharwero nongcamu dhadyo. 8Atwe twa fire pofotji naKristusi. Yo twa tawera eshi, mbo tuna para Nendi pofotji. 9Twa dimuka twathinda eshi, Kristusi gha vumbukire mwawafu, no mbadi mbo gha kona karo kufa. Kufa gha pira ngcamu kuKwendi. 10Aye gha fire kehe pano no roruhe kudiharwero dyokufa. Pan̂anyi‐n̂anyi, kupara ghana kupara Ye kwaNyambi. 11Yodigho, namwe mu dimuke kemo eshi, mwa fire mudiharwero. KwaNyambi ne moyo. Yoyishi mwe, pofotji naKristus Jesusi mu di.
12Mwa toperera eshi gha mu mune shime maharwero ghenu. No mwa tawa kuyirumbera yenu yokaye eyi mbo yipwa wangu. 13Mwa tapa thipo thoyirama yenu thikarera thokumaharwero ghenu, thi kare thirughanitho thoghuyi. Kadi kemo, mu karere Nyambi yira hanu wa ha fire no hana wa tumuna. Kehe thipo mu thi tende thi karere Nyambi, yira thirughanitho thoghuhunga. 14Maharwero mbadi gha kona kumumuna shime karo. Yoyishi mbadi mwa kara kwishi dhomaharwero. Ene kwishi dhothin̂eke.
Yikarera yoghuhunga
15Nye yina kuninga yi? Twa kona kutenda maharwero, yoyi mbadi twa kara kwishi dhomuragho, ene kwishi dhon̂eke? Yapira, kadi kemo. 16Mwa yidimuka shemwa mwathinda: Ngeshi mwa kutapa kwamunu eshi mu kare ghutawedhi yira mwapika. Po muna karera keho mwapika wayofotji yu mwa kara kukwendi ghutawedhi. Ngeshi ha di kara diharwero kukwenu eshi kufa. Endi ghutawedhi ghokwaNyambi ha ghu kara ghuhungami. 17Ene twe tuna tumera kwaNyambi eshi mwe mwa karire mwapika homaharwero, mitjima dhenu ne dha karire ghutawedhi kuyihonga, yira thika di mwa yi tamburire payithimwetwedha. 18Atwe tuna kumutumera Nyambi, yoyi gha mu shutura kumaharwero, ho muna kara mwapika ghoghuhungami. 19Pamurandu ghoghuthuta wenu, na kurughanitha nodighanekero dyokehe diyuwa muyipara yetu. Thika di tha kara kehe thipo thoyirama yenu, muthirughana thokupira ghukushuki no mumuragho no kupara mukashongo‐shongo. Dyo sho mu kone karo kehe thipo thoyirama yenu, thi kare muyipara yothirughana thoghuhunga no ghupongoki.
20Apa mwa karire mwapika homaharwero, mwa karire horo kughuhunga. 21Thinu munye mwa wanine pahonyi dhenu, apa ha mu tapire? Ghuhura ghoyinu ne yifa. 22Ene kenge di muna shutuka kumaharwero, ho muna kurughanena Nyambi, mwa kara nothinu thokumupongokitha. Paghuhura ne moyo ghororuheya. 23Yiruwera yomaharwero ne yifa. Yothitapa thon̂eke thaNyambi ne moyo ghororuheya, mwaKristus Jesusi ghoHekudyetu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986