Yitenda ya Wapostoli 27
27
1Kutunda pamakuyuvero ghetu, ghoruyendo rokuItaliya, ko kutapa kwawo Paghulusi nawakan̂otwa hamweya kwaJuliyusi, muyendithi wawamashurundate wafumu shokuru. 2Gho twa peramine muthikepa thaAdrimitighumu, ethi tha tambire kuditunga dyaAsiya. Ha kara netu Arisitagusi ghoMukamasedoniya ghomuTesalonika. 3Mudiyuwa dyokuranda ko, ko kakuma kwetu muMasedoniya. Juliyusi ha kuwana naPaghulusi, no gha mu fundhwerire eshi gha ka dhingure hashere wendi no ha mu ghamwenine muyinu yoyihe yi gha nyandire.
4Kutunda pa, ha tu thekura no twa kumine thambodiya dhaSipurusi. Yoyishi ko wa tu pungumwenine mupepo. 5Mukutjinaghana dikuruviya, twa huthire kurudyo rwetu Silisiye naPamfiliya, no twa kumine kuMira muLisiya. 6Ko gha ka wanine muyendithi thikepa thaWaAleksandriya, ethi thina kuyenda kuItaliya no gha ka tu perekire mo.
7Mayuwa ghomengi twa voghedhire thiwana‐thiwana nomaghukukutu ghomakuru, tu tambe ghurura no tu kathekere kuKunidusi. Pakudhira kututhigha mupepo eshi tu rundurure shime ruyendo rwetu, ko kupungushera kwetu thambodiya dhaKreta, tu pinduruke ghuvugha Salmone. 8Twa vughire nomaghukukutu kumbadi no twa kumine padyango di ha toyire eshi, Maya Ghashaghuwa pepi nombara Leseya.
9Twa yongarithire manako ghomengi, no yivugha yothikepa ya karire yikukutu. Yoyishi thivaka thomakuporero ne, ku thina piti. Paghulusi ko kuwashingwenena po thiwana eshi: 10“Mwarume mwe, ame ne na mono eshi ruyendo rwetu rokutunda pano, runa kukukuta thikuma, ene kadi kukushinyiha komurongerero nothikepa keho, ne nomayongarero ghomoyo dhetu karo.”
11Ene muyendithi waWakaroma, gha kuruperire thikuma mu kundhundha kwamuhingi no kwathinda shathikepa, kupiterera yi gha ghambire Paghulusi. 12Diya nadyo mbadi dya rogherire kutura mo pakufu. Nowingi wawo ha himine kushwagha mo, no kuyereka kukokera kuFenikisi. Fenikisi ne diya dyaKreta, edi dyayandhuruka kuditokera dhodikuruviya no kumbunda‐ditokera dhodikuruviya. Ko ha ka shanine kutura pathivaka thi thokufu.
Dingundunga padikuruviya
13Mupepo ghokuGhucuma, wa tangire kupeperera thiwanathiwana. No harume ha ghayarire eshi, ha rundurure shime dighano dyawo. Ko kunyenyena kwawo madhughekitho, no ha vugherire kurungengera rwaKreta. 14Ene mbadi pa dhighamine, ko kupunga dingundunga dishokuru dyokuMbundadiva, edi ha toya eshi Eghurakiloni.
15Dipepo dya kokire thikuma thikepa. No yoyishi dirume dyothikepa mbadi dya konine kupayura mudipepo, ko kuthigha kwetu thikepa thi puke nodipepo. 16Apa twa kumine thambodiya kumbadi dhokarudhighana Kaghuda, twa wanine kamanana mondo. Gho twa kawanine maghukukutu pakushutura katoghana thiwana kuthikepa. 17Apa ha manine kukandutha hakarware katoghana, ko kutumbura kwawo mighodhi ha ghangerere kwishi dhothikepa, ha kughamwenithe ko. Yoyishi ha yapire eshi thikepa, maghana sho thi ka heghe pamaheke ghaSirtisi, ko kukuyurura po kwawo mashayire no kuthigha thikepa thi kupukere.
18Karo yoyishi twa wanine ghukukutu thikuma mudingundunga, mudiyuwa dyokuranda ko, kokutanga kwawo kutupadheka murongerero ghothikepa mumeyu. 19Mudiyuwa dyomunyima, hathinda ha vukumenine mudikuruviya yimborongondja yothikepa yimweya. 20Mayuwa ghomengi gha pitire po, kushimono diyuwa no nungwedhi temba, ene dingundunga ne ghomukuyungero wadyo thikuma. Paghuhura ha tu hupura vene yokuwana maghamweno.
21Apa ha dhirire kudya nako dhodhire, ha kemana Paghulusi mukatji kawo no gha ningire eshi: “Mwarume mwe, ngo mwa ni tererire no ngo mbadi twa thekurire muKreta. Ngo tuna shwagha mudihudhi dino nomuyishinyiha yino twaduri‐duri vene. 22Ene ngambi kenge tudi muyikoghodha yino na kumukumbera eshi: Mu tjimape! Mbadipo ghopapenu yu sho gha yongarithe moyo wendi. Thikepa pithatho tho sho thi thathunuke. 23Mughuthiku ghu ghuna tundu ko, ghana ni hokokera muengeli waNyambi, yu gha kara wange noyu na kukarera. 24Muengeli nga ningi kukwange eshi: ‘Wa yapa, Paghulusi. Tango wa kukone kukuma shime kughutho wafumu shokuru. Ene papoye ghana kukungera Nyambi mughunongo wendi moyo dhawaheya wa ha di pofotji noye muthikepa.’ 25Yodigho, mutjimape, mwarume! Ame ne na kurupera paNyambi eshi, mbo yina hokoka yoyiheya thika di gha yi ni tongwerire. 26Kemo yapwa kurikanyitha eshi tu kone kuhegha, pakarudhi kamweya.”
27Mughuthiku ghodikumi noghune pakatji koghuthiku, oku shime twa karera mu kupuka‐puka padikuruviya dyaAdriyati, ko kughayara hayivughi eshi, tuna kokera kundundu. 28Ko kuvukumena mo kwawo thiyedhekeritho, no ha wanine ghudhungi ghomameteri makumi mahatu nokwoko noyofotji. Eyi hana kuhenya ko kamanana ha vukume karo thiyedhekeritho, ko kuwana kwawo ghudhungi wapo mameteri makumi mawadi nokwoko nomawadi. 29Awo ne ha yapire eshi, thikepa pamawe thina kungurundunda no ha vukumine madhughekitho mane ghokudikadhi dyothikepa, no ha ghayarire eshi kuna kukya. 30Hayivughi ha shanine kukanduka muthikepa no ha hedhumwenine katoghana mudikuruviya ghughayadhara eshi, ha vukumene yidhughekitho kudirume dyothikepa. 31Ko kuninga Paghulusi kwamuyendithi no‐kwawamashurundate ghendi eshi: “Ngeshi mbadi sho ha kare harume wano kuno kumighambi, ngo mbadi sho mupwe kughamwena.”
32Ko kutjinuna hamashurundate mighodhi dhowatoghana no wa wire mudikuruviya.
33Mumakyathiku, Paghulusi gha tjokedhire wahe ha dye no kuninga eshi: “Dyarero ne diyuwa dyodikumi nomane, omu muna kuporera nokudya temba thinu. 34Yo na kumutojekedha eshi mu dye. Amwe ne mwa nyanda thikuma maghamweno. Noyofotji temba ghopapenu yu mbo gha yongaritha, kahuki kopamutwi wendi.”
35Apa gha manine Paghulusi kughamba yi, ko kutumbura ghuroto no gha tumerire Nyambi, muthitunumho thawahe wahe wa ha karire po, ha ghu yondora no gha tangire kudya. 36Nowaheya ha tjimapire, no ha tangire kudya nawo. 37Twaheya pofotji twe twa karire muthikepa, ne twanu mathere mawadi nomakumi kwoko nomawadi nokwoko noyofotji. 38Apa ha manine kudya nokwikuta, ko kumwaghera kwawo murongerero ghomavumbukiro mudikuruviya, ha redhupithe thikepa.
Mashinyihero ghothikepa
39Eyi dina kukya, mbadi ha dimukire shime ditunga. Ene ha monine diya nombadi. Ko kukuyuva kwawo eshi ha ka thekere ko thikepa ngeshi ha kone. 40Ko kutetaghura kwawo yidhughekitho no kuyithigha mudikuruviya. Podigho popo, ko kushutaghura kwawo mighodhi dhamuhingi no kuyevura shayire ghokughutho eshi, mupepo ghu kone kupukithera thikepa kundundu. 41Ene thikepa tha pukerire kudiheke no tha heghire. Dirume dya vumbamine no mbadi dya konine kukuthunga‐thunga. No dikadhi dya tjokire kumakurungumbi. 42Hamashurundate, ha kuyuvire eshi ha paghe hakan̂otwa wahe. Mukuninga eshi, noyofotji temba sho gha kone kuyereka kuyogha ngambi kwomba mo. 43Ene muyendithi waWakaroma gha himine kughamwena Paghulusi, no gha wa shingire eshi mbadi ha kona kutenda yi. Ko kurawera kwendi wa ha twetha kuyogha eshi, ha reghe mo pakutanga no ha yoghere kundundu, ha kanduke. 44No hamweya ha wa kuthe payikungu, hamweya ne ha kakatere kuyipara yothikepa. Pamuhingo ghu, po ha kandukerire waheya kundundu haduri‐duri.
ទើបបានជ្រើសរើសហើយ៖
Yitenda ya Wapostoli 27: MHW1986
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986
Yitenda ya Wapostoli 27
27
1Kutunda pamakuyuvero ghetu, ghoruyendo rokuItaliya, ko kutapa kwawo Paghulusi nawakan̂otwa hamweya kwaJuliyusi, muyendithi wawamashurundate wafumu shokuru. 2Gho twa peramine muthikepa thaAdrimitighumu, ethi tha tambire kuditunga dyaAsiya. Ha kara netu Arisitagusi ghoMukamasedoniya ghomuTesalonika. 3Mudiyuwa dyokuranda ko, ko kakuma kwetu muMasedoniya. Juliyusi ha kuwana naPaghulusi, no gha mu fundhwerire eshi gha ka dhingure hashere wendi no ha mu ghamwenine muyinu yoyihe yi gha nyandire.
4Kutunda pa, ha tu thekura no twa kumine thambodiya dhaSipurusi. Yoyishi ko wa tu pungumwenine mupepo. 5Mukutjinaghana dikuruviya, twa huthire kurudyo rwetu Silisiye naPamfiliya, no twa kumine kuMira muLisiya. 6Ko gha ka wanine muyendithi thikepa thaWaAleksandriya, ethi thina kuyenda kuItaliya no gha ka tu perekire mo.
7Mayuwa ghomengi twa voghedhire thiwana‐thiwana nomaghukukutu ghomakuru, tu tambe ghurura no tu kathekere kuKunidusi. Pakudhira kututhigha mupepo eshi tu rundurure shime ruyendo rwetu, ko kupungushera kwetu thambodiya dhaKreta, tu pinduruke ghuvugha Salmone. 8Twa vughire nomaghukukutu kumbadi no twa kumine padyango di ha toyire eshi, Maya Ghashaghuwa pepi nombara Leseya.
9Twa yongarithire manako ghomengi, no yivugha yothikepa ya karire yikukutu. Yoyishi thivaka thomakuporero ne, ku thina piti. Paghulusi ko kuwashingwenena po thiwana eshi: 10“Mwarume mwe, ame ne na mono eshi ruyendo rwetu rokutunda pano, runa kukukuta thikuma, ene kadi kukushinyiha komurongerero nothikepa keho, ne nomayongarero ghomoyo dhetu karo.”
11Ene muyendithi waWakaroma, gha kuruperire thikuma mu kundhundha kwamuhingi no kwathinda shathikepa, kupiterera yi gha ghambire Paghulusi. 12Diya nadyo mbadi dya rogherire kutura mo pakufu. Nowingi wawo ha himine kushwagha mo, no kuyereka kukokera kuFenikisi. Fenikisi ne diya dyaKreta, edi dyayandhuruka kuditokera dhodikuruviya no kumbunda‐ditokera dhodikuruviya. Ko ha ka shanine kutura pathivaka thi thokufu.
Dingundunga padikuruviya
13Mupepo ghokuGhucuma, wa tangire kupeperera thiwanathiwana. No harume ha ghayarire eshi, ha rundurure shime dighano dyawo. Ko kunyenyena kwawo madhughekitho, no ha vugherire kurungengera rwaKreta. 14Ene mbadi pa dhighamine, ko kupunga dingundunga dishokuru dyokuMbundadiva, edi ha toya eshi Eghurakiloni.
15Dipepo dya kokire thikuma thikepa. No yoyishi dirume dyothikepa mbadi dya konine kupayura mudipepo, ko kuthigha kwetu thikepa thi puke nodipepo. 16Apa twa kumine thambodiya kumbadi dhokarudhighana Kaghuda, twa wanine kamanana mondo. Gho twa kawanine maghukukutu pakushutura katoghana thiwana kuthikepa. 17Apa ha manine kukandutha hakarware katoghana, ko kutumbura kwawo mighodhi ha ghangerere kwishi dhothikepa, ha kughamwenithe ko. Yoyishi ha yapire eshi thikepa, maghana sho thi ka heghe pamaheke ghaSirtisi, ko kukuyurura po kwawo mashayire no kuthigha thikepa thi kupukere.
18Karo yoyishi twa wanine ghukukutu thikuma mudingundunga, mudiyuwa dyokuranda ko, kokutanga kwawo kutupadheka murongerero ghothikepa mumeyu. 19Mudiyuwa dyomunyima, hathinda ha vukumenine mudikuruviya yimborongondja yothikepa yimweya. 20Mayuwa ghomengi gha pitire po, kushimono diyuwa no nungwedhi temba, ene dingundunga ne ghomukuyungero wadyo thikuma. Paghuhura ha tu hupura vene yokuwana maghamweno.
21Apa ha dhirire kudya nako dhodhire, ha kemana Paghulusi mukatji kawo no gha ningire eshi: “Mwarume mwe, ngo mwa ni tererire no ngo mbadi twa thekurire muKreta. Ngo tuna shwagha mudihudhi dino nomuyishinyiha yino twaduri‐duri vene. 22Ene ngambi kenge tudi muyikoghodha yino na kumukumbera eshi: Mu tjimape! Mbadipo ghopapenu yu sho gha yongarithe moyo wendi. Thikepa pithatho tho sho thi thathunuke. 23Mughuthiku ghu ghuna tundu ko, ghana ni hokokera muengeli waNyambi, yu gha kara wange noyu na kukarera. 24Muengeli nga ningi kukwange eshi: ‘Wa yapa, Paghulusi. Tango wa kukone kukuma shime kughutho wafumu shokuru. Ene papoye ghana kukungera Nyambi mughunongo wendi moyo dhawaheya wa ha di pofotji noye muthikepa.’ 25Yodigho, mutjimape, mwarume! Ame ne na kurupera paNyambi eshi, mbo yina hokoka yoyiheya thika di gha yi ni tongwerire. 26Kemo yapwa kurikanyitha eshi tu kone kuhegha, pakarudhi kamweya.”
27Mughuthiku ghodikumi noghune pakatji koghuthiku, oku shime twa karera mu kupuka‐puka padikuruviya dyaAdriyati, ko kughayara hayivughi eshi, tuna kokera kundundu. 28Ko kuvukumena mo kwawo thiyedhekeritho, no ha wanine ghudhungi ghomameteri makumi mahatu nokwoko noyofotji. Eyi hana kuhenya ko kamanana ha vukume karo thiyedhekeritho, ko kuwana kwawo ghudhungi wapo mameteri makumi mawadi nokwoko nomawadi. 29Awo ne ha yapire eshi, thikepa pamawe thina kungurundunda no ha vukumine madhughekitho mane ghokudikadhi dyothikepa, no ha ghayarire eshi kuna kukya. 30Hayivughi ha shanine kukanduka muthikepa no ha hedhumwenine katoghana mudikuruviya ghughayadhara eshi, ha vukumene yidhughekitho kudirume dyothikepa. 31Ko kuninga Paghulusi kwamuyendithi no‐kwawamashurundate ghendi eshi: “Ngeshi mbadi sho ha kare harume wano kuno kumighambi, ngo mbadi sho mupwe kughamwena.”
32Ko kutjinuna hamashurundate mighodhi dhowatoghana no wa wire mudikuruviya.
33Mumakyathiku, Paghulusi gha tjokedhire wahe ha dye no kuninga eshi: “Dyarero ne diyuwa dyodikumi nomane, omu muna kuporera nokudya temba thinu. 34Yo na kumutojekedha eshi mu dye. Amwe ne mwa nyanda thikuma maghamweno. Noyofotji temba ghopapenu yu mbo gha yongaritha, kahuki kopamutwi wendi.”
35Apa gha manine Paghulusi kughamba yi, ko kutumbura ghuroto no gha tumerire Nyambi, muthitunumho thawahe wahe wa ha karire po, ha ghu yondora no gha tangire kudya. 36Nowaheya ha tjimapire, no ha tangire kudya nawo. 37Twaheya pofotji twe twa karire muthikepa, ne twanu mathere mawadi nomakumi kwoko nomawadi nokwoko noyofotji. 38Apa ha manine kudya nokwikuta, ko kumwaghera kwawo murongerero ghomavumbukiro mudikuruviya, ha redhupithe thikepa.
Mashinyihero ghothikepa
39Eyi dina kukya, mbadi ha dimukire shime ditunga. Ene ha monine diya nombadi. Ko kukuyuva kwawo eshi ha ka thekere ko thikepa ngeshi ha kone. 40Ko kutetaghura kwawo yidhughekitho no kuyithigha mudikuruviya. Podigho popo, ko kushutaghura kwawo mighodhi dhamuhingi no kuyevura shayire ghokughutho eshi, mupepo ghu kone kupukithera thikepa kundundu. 41Ene thikepa tha pukerire kudiheke no tha heghire. Dirume dya vumbamine no mbadi dya konine kukuthunga‐thunga. No dikadhi dya tjokire kumakurungumbi. 42Hamashurundate, ha kuyuvire eshi ha paghe hakan̂otwa wahe. Mukuninga eshi, noyofotji temba sho gha kone kuyereka kuyogha ngambi kwomba mo. 43Ene muyendithi waWakaroma gha himine kughamwena Paghulusi, no gha wa shingire eshi mbadi ha kona kutenda yi. Ko kurawera kwendi wa ha twetha kuyogha eshi, ha reghe mo pakutanga no ha yoghere kundundu, ha kanduke. 44No hamweya ha wa kuthe payikungu, hamweya ne ha kakatere kuyipara yothikepa. Pamuhingo ghu, po ha kandukerire waheya kundundu haduri‐duri.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986