Yitenda ya Wapostoli 28
28
Paghulusi pathirudhi thaMalta
1Apa twa ka kumine ndjewa‐ndjewa kumbadi, mo mu kayuvo wetu eshi ethi ne thothirudhi thaMalta. 2Hanu wa ha karire mo, ha tu nyanyukerire thikuma. Yoyishi kwakarire mvura nomepo, ko kutukon̂erera kwawo mudiro, no ha twithire twaheya. 3Paghulusi gha koghaghurire yaghara no gha yi pakire pamudiro. Paghughenyu ghu, ko kushwagha thiyoka. Ho tha mu humine panyara dhendi. 4Apa ha monine hanu thiyoka thina mengerera panyara dhaPaghulusi, ko kughambathana kwawo eshi: “Murume yu ne gha kone kukara thipaghi. Ngambi kenge nga pu kughamwena mudikuruviya, kadi wa kumuthigha nyinya dhoghunyambi eshi gha pare.”
5Paghulusi ko kumatwera kwendi thiyoko mumudiro, no mbadiko thi tha shwaghire po. 6Ha taterera kwawo eshi ngwa n̂anyi gha tughumane, ngambi ghafe pawangu‐wangu. Ene yi hana kutaterera rure no kumona eshi, mbadiko thi thina kushwagha po papendi, ko kukuvutura muyighayara yawo eshi, Nyambi yu.
7Mumukunda ghu, mwa karire farama dhathinda shathirudhi, murume ghodina dyoPublighusi. Aye gha tu tamburire thiwanathiwana, no twa karire mayuwa mahatu twagenda homudighumbo dyendi. 8Wiha Publighusi gha karire mughudidi, kutjitju dhomudira. Paghulusi gha yendire kukwendi, no pa gha manine kurapera gha mu kambekire nyara dhendi no gha mwirukithire.
9Munyima dhokuturuka yi, ko kwiya hakakukorwa hamweya karo muthirudhi kwaPaghulusi. Nawo gha werukithire. 10Ko kukukutekera kwawo noyitapa yoyingi. No apa twa fungurukire, ha tu pire yoyiheya eyi twa nyandire.
Kutunda muMalta gha yende kuRoma
11Munyima dhotughonda tuhatu, ko kufunguruka kwetu noDiyoskuri, thikepa thokuAleksandriya, ethi tha tungire mo kufu yomuhe. 12Ko ka kuma kwetu kuSirakuse, ha tu kara mo mayuwa mahatu.
13Kutunda po ha tu vughu tu ka kume kuRegighumu. Mudiyuwa dyokuranda ko, ho wa tangire kupunga mupepo ghokuGhucuma. Nomunyima dhomayuwa mawadi ha tu kavera kuPotegholi. 14Ko twa ka kuwanine nawatawi awa ha twithire eshi tu ka kare mayuwa kwoko nomawadi kukwawo. Kemo dyo twa yendire kuRoma. 15Hatawi hokuya ha tu yuvire nohamweya hopapawo ha tu tjingawerire na ha tu wane pamaghurero, ghokuApighusi, nawamweya kumayugho Mahatu ghaWagenda. Apa gha wa monine Paghulusi ha tumera Nyambi no gha tjimapire.
Paghulusi muRoma
16Apa twa ka kumine Muroma, Paghulusi ne gha wanine mafundhwero, ghokutunga kehe ku ghana himi thinda namushurundate ghokumukunga.
17Munyima dhomayuwa mahatu, kokuragha kwendi hakamiti waWajuda heye kukwendi. Apa ha kukongwedhire pofotji ha ningi kukwawo eshi: “Mwayendhange, yame ghokukanga thi na ghendha kudiko dyetu, ngambi thokuyikara yawakerekandongo wetu. Ene napu kukwata muJerusalema no hana ni tapa kwaWaroma. 18Awo hana ni pangura no ha hima kunishutura, yoyishi mbadiko thinu thokunipangwera kukufa. 19Ene yoyi ha yi kukuthithire Hajuda, po na kutoyedhidherire kwafumu shokuru. Eyi ne mbadi yina kuninga eshi ame ne, na kara noyinyeghenya eshi, ningeneke hadiko dyange mumurandu. 20Ethi ne thothinu thi na kwithera eshi na tu kuwane no ni ghambaghure noye. Ame ne mumughodhi nidi, pamurandu ghoyu gha tatererire Isragheli.”
21Ko kumuhutha kwawo eshi: “Atwe ne mbadi twa mona mambapira ghoyinu yoye ghokutunda kuJudeya. Karo noyofotji temba ghopawayendhetu yu gha kutenda buyu ngambi kukutana. 22Ene tuna ruru eshi, tu yuve kukoye eyi ghuna kughayara. Yoyishi eyi twa dimuka ko twe ne, eshi kokuhe ha kanana yokumutara ghuno.”
23Ko kukuvureka kwawo nendi yodiyuwa. No mudiyuwa di, heyire hanu hohengi karo kudyango di gha karire. Kutunda kumathiku‐thiku kate parunguro, Paghulusi gha wa tjwathanithire yoghufumu waNyambi, noyomumuragho waMosesi noya waporofeta no gha yerekire kunongonana yokwaJesusi. 24Payithimwetwedha yendi hamweya ha tawire, hamweya ne mbadi ha tawire. 25Keho ne mbadi ha kuyuvire pofotji, ko kukuyakunuka kwawo. Ene Paghulusi gha wa tongwerire shime eshi: “Ghushemwa gha ghambire Mupepo ghoKupongoka pakanwa kumuporofeta Jesaya, kwawakerekandongo wenu! 26Gha ningire eshi:
‘Yende kudiko di no ka di tongwere ngeno:
Amwe mbo muna yuvu no kuyuva
ene vamwe, mbadi mbo mu yi tjwathana,
no mbo muna mono no kumona,
ene vamwe, mbadi mbo mu yi mona.
27Yoyishi mutjima ghodiko di ne ghundumu‐ndumu,
no ha mana kuvuka matwi ghawo
no ha fikerera meho ghawo,
pamweya ngo ha kone ngwa
kumona nomeho ghawo
no kuyuva nomatwi ghawo
no kutjwathana nomitjima dhawo no ha piruke
name ni werukithe.’
28Amwe ne mu yitjwathane keho thiwana, pathinu thi Nyambi ghana kutuma mbudhi dhendi kwawahayidena. Awo ne mbo hana ka tegherera.” 29Munyima dhon̂ando dhino, ko kutunda po Hajuda no ha ka yendire noghukukanana thikuma.
30NaPaghulusi gha karire myaka dhiwadi dhokuyara, mundhugho dhi gha yadhimine. No gha tamburire waheya wa ha ka mu dhingurire. 31Aye gha yuvithire ghufumu waNyambi, no gha hongire hanu yoyiheya yokwaFumu Jesus Kristusi. Eyi ne gha yi tendire nomatjimapero ghomakuru, no mbadiko thi tha mu yapithire.
ទើបបានជ្រើសរើសហើយ៖
Yitenda ya Wapostoli 28: MHW1986
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986
Yitenda ya Wapostoli 28
28
Paghulusi pathirudhi thaMalta
1Apa twa ka kumine ndjewa‐ndjewa kumbadi, mo mu kayuvo wetu eshi ethi ne thothirudhi thaMalta. 2Hanu wa ha karire mo, ha tu nyanyukerire thikuma. Yoyishi kwakarire mvura nomepo, ko kutukon̂erera kwawo mudiro, no ha twithire twaheya. 3Paghulusi gha koghaghurire yaghara no gha yi pakire pamudiro. Paghughenyu ghu, ko kushwagha thiyoka. Ho tha mu humine panyara dhendi. 4Apa ha monine hanu thiyoka thina mengerera panyara dhaPaghulusi, ko kughambathana kwawo eshi: “Murume yu ne gha kone kukara thipaghi. Ngambi kenge nga pu kughamwena mudikuruviya, kadi wa kumuthigha nyinya dhoghunyambi eshi gha pare.”
5Paghulusi ko kumatwera kwendi thiyoko mumudiro, no mbadiko thi tha shwaghire po. 6Ha taterera kwawo eshi ngwa n̂anyi gha tughumane, ngambi ghafe pawangu‐wangu. Ene yi hana kutaterera rure no kumona eshi, mbadiko thi thina kushwagha po papendi, ko kukuvutura muyighayara yawo eshi, Nyambi yu.
7Mumukunda ghu, mwa karire farama dhathinda shathirudhi, murume ghodina dyoPublighusi. Aye gha tu tamburire thiwanathiwana, no twa karire mayuwa mahatu twagenda homudighumbo dyendi. 8Wiha Publighusi gha karire mughudidi, kutjitju dhomudira. Paghulusi gha yendire kukwendi, no pa gha manine kurapera gha mu kambekire nyara dhendi no gha mwirukithire.
9Munyima dhokuturuka yi, ko kwiya hakakukorwa hamweya karo muthirudhi kwaPaghulusi. Nawo gha werukithire. 10Ko kukukutekera kwawo noyitapa yoyingi. No apa twa fungurukire, ha tu pire yoyiheya eyi twa nyandire.
Kutunda muMalta gha yende kuRoma
11Munyima dhotughonda tuhatu, ko kufunguruka kwetu noDiyoskuri, thikepa thokuAleksandriya, ethi tha tungire mo kufu yomuhe. 12Ko ka kuma kwetu kuSirakuse, ha tu kara mo mayuwa mahatu.
13Kutunda po ha tu vughu tu ka kume kuRegighumu. Mudiyuwa dyokuranda ko, ho wa tangire kupunga mupepo ghokuGhucuma. Nomunyima dhomayuwa mawadi ha tu kavera kuPotegholi. 14Ko twa ka kuwanine nawatawi awa ha twithire eshi tu ka kare mayuwa kwoko nomawadi kukwawo. Kemo dyo twa yendire kuRoma. 15Hatawi hokuya ha tu yuvire nohamweya hopapawo ha tu tjingawerire na ha tu wane pamaghurero, ghokuApighusi, nawamweya kumayugho Mahatu ghaWagenda. Apa gha wa monine Paghulusi ha tumera Nyambi no gha tjimapire.
Paghulusi muRoma
16Apa twa ka kumine Muroma, Paghulusi ne gha wanine mafundhwero, ghokutunga kehe ku ghana himi thinda namushurundate ghokumukunga.
17Munyima dhomayuwa mahatu, kokuragha kwendi hakamiti waWajuda heye kukwendi. Apa ha kukongwedhire pofotji ha ningi kukwawo eshi: “Mwayendhange, yame ghokukanga thi na ghendha kudiko dyetu, ngambi thokuyikara yawakerekandongo wetu. Ene napu kukwata muJerusalema no hana ni tapa kwaWaroma. 18Awo hana ni pangura no ha hima kunishutura, yoyishi mbadiko thinu thokunipangwera kukufa. 19Ene yoyi ha yi kukuthithire Hajuda, po na kutoyedhidherire kwafumu shokuru. Eyi ne mbadi yina kuninga eshi ame ne, na kara noyinyeghenya eshi, ningeneke hadiko dyange mumurandu. 20Ethi ne thothinu thi na kwithera eshi na tu kuwane no ni ghambaghure noye. Ame ne mumughodhi nidi, pamurandu ghoyu gha tatererire Isragheli.”
21Ko kumuhutha kwawo eshi: “Atwe ne mbadi twa mona mambapira ghoyinu yoye ghokutunda kuJudeya. Karo noyofotji temba ghopawayendhetu yu gha kutenda buyu ngambi kukutana. 22Ene tuna ruru eshi, tu yuve kukoye eyi ghuna kughayara. Yoyishi eyi twa dimuka ko twe ne, eshi kokuhe ha kanana yokumutara ghuno.”
23Ko kukuvureka kwawo nendi yodiyuwa. No mudiyuwa di, heyire hanu hohengi karo kudyango di gha karire. Kutunda kumathiku‐thiku kate parunguro, Paghulusi gha wa tjwathanithire yoghufumu waNyambi, noyomumuragho waMosesi noya waporofeta no gha yerekire kunongonana yokwaJesusi. 24Payithimwetwedha yendi hamweya ha tawire, hamweya ne mbadi ha tawire. 25Keho ne mbadi ha kuyuvire pofotji, ko kukuyakunuka kwawo. Ene Paghulusi gha wa tongwerire shime eshi: “Ghushemwa gha ghambire Mupepo ghoKupongoka pakanwa kumuporofeta Jesaya, kwawakerekandongo wenu! 26Gha ningire eshi:
‘Yende kudiko di no ka di tongwere ngeno:
Amwe mbo muna yuvu no kuyuva
ene vamwe, mbadi mbo mu yi tjwathana,
no mbo muna mono no kumona,
ene vamwe, mbadi mbo mu yi mona.
27Yoyishi mutjima ghodiko di ne ghundumu‐ndumu,
no ha mana kuvuka matwi ghawo
no ha fikerera meho ghawo,
pamweya ngo ha kone ngwa
kumona nomeho ghawo
no kuyuva nomatwi ghawo
no kutjwathana nomitjima dhawo no ha piruke
name ni werukithe.’
28Amwe ne mu yitjwathane keho thiwana, pathinu thi Nyambi ghana kutuma mbudhi dhendi kwawahayidena. Awo ne mbo hana ka tegherera.” 29Munyima dhon̂ando dhino, ko kutunda po Hajuda no ha ka yendire noghukukanana thikuma.
30NaPaghulusi gha karire myaka dhiwadi dhokuyara, mundhugho dhi gha yadhimine. No gha tamburire waheya wa ha ka mu dhingurire. 31Aye gha yuvithire ghufumu waNyambi, no gha hongire hanu yoyiheya yokwaFumu Jesus Kristusi. Eyi ne gha yi tendire nomatjimapero ghomakuru, no mbadiko thi tha mu yapithire.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986