a Korinter briv 7
7
kapitel ziben
1un vos shaich dem, vos ir hot geshriben; es iz gut far a mentshn nisht ontsuriren a froi (tsitiren nitsitiren). 2nor tsulib zoines zol yeder (man) hoben zain eigen vaib, un yede froi ir eigenem man. 3zol der man opgeben zain choiv tsu der froi; un punkt azoi di froi dem man. 4di froi hot nisht kein deye tsu zogen iber ir eigen laib, nor der man; un punkt azoi hot der man nisht kein deye tsu zogen iber zain eigen laib, nor di froi. 5sheidt zich nisht op eins funem andern, achuts oib ir zent merutse deroif biz tsu a geviser tsait, kedei ir zolt zich opgeben mit tfile, un kumt zich vider tsunoif, kedei der Satan zol aich nisht brengen tsu kein nisoyen durch eier nisht aingehaltenkeit. 6un dos dozike zog ich bederech reshus, nisht vi a gebot. 7ich volt gevolt, az ale mentshn zolen zain vi ich bin alein. nor yeder einer hot zain eigene matone fun Hashem, der azoi, un der azoi.
8un tsu di nisht chasene gehate un tsu di almones zog ich: es iz gut far zei tsu blaiben azoi, vi ich bin. 9nor oib zei kenen zich nisht ainhalten, zolen zei chasene hoben; vorem es iz beser chasene tsu hoben vi tsu brenen (fun taive). 10un di farheirate zog ich on, nisht ich, nor der Har, az a froi zol zich nisht opsheiden funem man; 11nor oib zi hot zich gesheidt, zol zi blaiben nisht farheirat, oder zich iberbeten miten man; un a man zol nisht farlozen zain vaib. 12tsu di ibrike ober zog ich, nisht der Har, oib a bruder hot an umgloibik vaib, un zi iz maskem tsu voinen mit im, zol er zi nisht farlozen. 13un oib a froi hot an umgloibiken man, un er shtimt ein mit ir tsu voinen, zol zi nisht farlozen dem man. 14vorem der umgloibiker man vert geheilikt durch der froi, un di umgloibike froi vert geheilikt durch dem bruder; vail ven nisht, volten eiere kinder geven tomeim, zei zenen itst ober heilik. 15oib ober der umgloibiker vil zich sheiden, zol er zich sheiden: in azelche falen iz der bruder oder di shvester nisht knechtish gebunden; den Hashem hot aich gerufen (tsu leben) besholem. 16vorem vos veistu, froi, efsher vestu rateven dem man? oder vos veistu, man, efsher vestu rateven dain vaib? 17nor vi der Har hot yedn tsugeteilt, vi Hashem hot yedn barufen, azoi zol er zich noyeg zain. un azoi bafel ich in ale kehiles. 18iz der barufener a gemalter? zol er nisht veren umgemalt, iz emitser barufen gevoren als an orl? zol er zich nisht mal zain. 19di milah iz gornisht, un di orlah iz gornisht; nor dos ophiten di mitsvos fun Hashem. 20zol yeder einer blaiben in der doziker barufung, in velcher er iz barufen gevoren. 21bistu barufen gevoren als a knecht? mach dir nisht kein daiges deriber; nor oib du kenst bafrait veren, nuts es liber ois. 22vorem ver es iz barufen gevoren inem Har als a knecht, der iz dem Hars a bafraiter (mentsh); punkt azoi iz der, velcher iz barufen gevoren als a fraier (mentsh), a knecht funem Moshiach. 23ir zent taier gekoift gevoren; vert zhe nisht kein knecht fun mentshn. 24brider, zol yeder einer farblaiben in dem shtand, in velchen er iz barufen gevoren far Hashem.
25un vos shaich bsules, hob ich nisht kein gebot fun dem Har; ich gib nor main meinung, vi azelcher, vos hot derlangt rachomim durch dem Har, tsu zain getrai. 26ich halt deriber dos dozike far gut tsulib der itstiker shverer tsait, az es iz gut far a mentshn azoi tsu blaiben: 27bistu gebunden tsu a froi? zuch nisht frai tsu veren. bistu frai gevoren fun a froi? zuch nisht kein vaib. 28un ven du zolst afile chasene hoben, hostu (oich) nisht gezindikt; un ven di bsule hot chasene, hot zi (oich) nisht gezindikt. azelche velen ober hoben tsores inem laib; un ich vil es aich ainshporen. 29ich zog ober dos dozike, brider: di tsait iz kurts, kedei fun itst on zolen di, velche hoben froien, zain, vi zei volten nisht gehat; 30un di veinendike, vi zei volten nisht geveint; un di, velche zenen zich mesameyech, vi zei volten zich nisht mesameyech geven; un di, velche koifen ein, vi zei volten gornisht farmogt; 31un di, velche gebroichn di velt, vi zei volten zi nisht gebroicht; vorem dos geshtalt fun der doziker velt fargeit. 32un ich vil ir zolt zain on daiges. der nisht farheirater kimert zich far di zachn funem Har, viazoi er zol voilgefelen dem Har; 33der chasene gehater kimert zich vegen di zachn fun der velt, viazoi er zol voilgefelen zain vaib; 34un er iz tseteilt. un di nisht farheirate froi un di bsule zorgt zich far di zachn funem Har, kedei zi zol zain heilik sai inem kerper sai inem gaist; di chasene gehate (froi) ober zorgt zich vegen di zachn fun der velt, viazoi zi zol voilgefelen dem man. 35un ich zog dos dozike far eier eigenem nutsn; nisht kedei tsu varfen a nets oif aich, nor vi es iz bekvodik, un ir zolt kenen dinen dem Har umgeshtert. 36oib ober emitser meint, az er tut on zain bsule a charpe, oib zi zol farbaigein ire raife yorn, un es iz azoi arum a choiv, zol er ton, vos er vil; er bageit nisht kein zind; zei megn chasene hoben. 37ver ober es shteit fest in zain hartsn, vail er iz nisht getsvungen, un hot macht iber zain eigenem vilen, un hot dos dozike bashlosen in zain eigenem hartsn optsuhiten zain bsule, tut er voil. 38azoi arum oich der, velcher macht chasene zain bsule, tut voil; un der, velcher macht zi nisht chasene, vet ton beser. 39a froi iz gebunden kol zman der man irer lebt; un ven ir man shtarbt, iz zi frai chasene tsu hoben mit vemen zi vil; nor inem Har. 40veiler ober iz ir, loit main meinung, ven zi blaibt azoi; un mir shaint ois, az oich ich hob dem Gaist fun Hashem.
ទើបបានជ្រើសរើសហើយ៖
a Korinter briv 7: OYBCLATN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
OYBC Yiddish (Hebrew script) in Latin script © Copyright 2024 AFII