Romanos 5
5
Ba'ax cu yúuchul le quéen tojquinta'ac máac tumen Jajal Dios
1Bey túuno', cu dzo'ocol c dza'abal ma'alob tu táan Jajal Dios tu yo'olal ocsaj óolale', yaan to'on jéedzel yéetel Jajal Dios tu yo'olal c Yuumtzil Jesucristo. 2Tumen tu yo'olal Cristoe' dzo'oc c ocol ti' le siibal utzila' tu yo'olal le ocsaj óolalo'. Ti' le siibal utzila' jeedzel anilo'on yéetel cu qui'imacchajal c óol ti' u alab óolalil u nojbe'enil Junab Jajal Dios. 3Ma' chéen lela', ba'ale' bey xan cu qui'imacchajal c óol ti' le mukyajo'; tumen c ojele' le mukyajo' cu dzaíc to'on chuca'an óolal, 4yéetel le chuca'an óolalo' cu beetic c ka'amal ma'alob, yéetel le quéen ka'amaco'on ma'alobe' yaan to'on alab óolal. 5Le alab óolala' ma' tu p'atico'on kaasil, tumen Jajal Diose' dzo'oc u chupic c pucsi'ikal yéetel u yaacunaj tu yo'olal Quili'ich Pixan dzo'oc u dzáic ti' to'ono'.
6Tumen le ca'ach ma' tu páajtal c toquicbáa ti' le kebano', Cristoe' jach tu kiinile' j quíim tu y o'olal le j kasa'ano'obo'. 7Jach talam ca quíimic wa máax tu yo'olal u u láak máac, mix tu yo'olal jun túul máac toj; ba'ale' tu yo'olal jun túul máac jach tu jaajil utze' míin je'el u yantal wa máax quíimil tu yo'olale'. 8Ba'ale' Jajal Diose' cu ye'esic to'on tu jaajil u yaabilbtmajo'on iquil quíimic Cristo t o'olal quex láili' j kebano'on ca'ache'. 9Ba'ale' tumen dzo'oc c dza'abal ma'alob tu táan Jajal Dios tu yo'olal quíimic Cristoe', tu jaajile' yaan c to'ocol ti' le dzooc jaadzo' tu yo'olal leti'. 10tumen wa Jajal Dios tu dzajo'on ma'alob tu táan leti' tu yo'olal u quíimil u Paal quex enemigo'on ca'ach ti'e', jach u tojil ca c tuculte' je'el u toquico'on tu yo'olal u cuxtale', tumen yaan to'on jéedzel tu yéetel. 11Ma' chéen lela', ba'ale' bey xan cu qui'imacchajal c óol ti' Jajal Dios tu yo'olal c Yuumtzil Jesucristo, tumen tu yo'olal Cristoe' dzo'oc u yantal to'on jéedzel yéetel Jajal Dios.
Adan yéetel Cristo
12Bey túuno' je'el bix tu yo'olal jun túulili' máac j ooc le keban ti' le yóokolcaaba' ca tu taasaj yéetele' le quíimilo', bey xan máanic xan le quíimilo' ti' tuláacal máaco'ob tumen tuláacal kebanchajo'ob. 13Ma'ili' yanac le a'almaj t'aano' yanili' keban way yóokolcaabe'; quex ma' tu yila'al le kebano' wa mina'an a'almaj t'aan.
14Quex beyo', le quíimilo' yanji páajtalil ti' tu yóokol le máaxo'ob kebanchajo'obo' cáajic tu kiinilo'ob Adán tac tu kiinilo'ob Moisés, quex ma' kebanchajo'ob tu yo'olal x ma' u'uyaj t'aanil je'el bix tu beetjilac Adane': Adane' u yoochel le máax bíin taalaco'.
15Ba'ale' u si'ipil Adane' ma' tu páajtal u quetbesa'al yéetel le siibal cu dzáic to'on Jajal Dioso'. Tumen tu yo'olal u si'ipil jun túulili' máaque' ya'ab quíimo'obi', ba'ale' le siibal utzil cu síic to'on Jajal Dios tu yo'olal jun túulili' máac, Jesucritoe', mas táaj nojoch, bey xan u ti'al u yutzil ya'abcach máaco'ob. 16U keban jun túulili' máaque' ma' tu páajtal u que'etel yéetel le siibal cu dzáic to'on Jajal Dioso', tumen le ba'ax úuch tu yo'olal le kebano', le xot kiino' j taale' tu yo'olal jun p'éelili' si'ipil, ba'ale' le ba'ax úuch tu yo'olal le siibalo', máaco'obe' quex ya'ab u si'ipilo'obe' cu dza'abalo'ob ma'alob tu táan Jajal Dios. 17Tumen wa le quíimil yanji páajtalil ti' tu yo'olal u si'ipil jun túulili' máaque', jach ma'alob ca c tuculte' le máaxo'ob cu dza'abalo'ob ma'alob tumen Jajal Dios tu táane', yaan u yantal páajtalil ti'ob ti' le túumben cuxtala', tu yo'olal jun túulili' máac, Jesucristo.
18Je'el bix u si'ipil Adan tu dzaj tuláacal máac yáanal xot kiino', bey xan le toj meyaj tu beetaj Jesucristo tu taasaj ti' tuláacal máaco'obe' jun p'éel cuxtal tzela'an ti' xot kinaj.
19U káat u ya'ale', tu yo'olal u ma' u'uyaj t'aanil jun túul máaque' ya'ab beeta'abo'ob j kebano'obi'; ba'ale' queet yéetel lela', tu yo'olal u yu'ubaj t'aanil jun túul máaque', ya'ab cun dzaabilti'ob ma'alob tu táan Jajal Diosi. 20U jaajile' le a'almaj t'aano' j taale' u ti'al ca ya'abchajac le kebano'; ba'ale' le tu'ux ya'abchaj le kebano' asab ya'abchaj u siibal utzil Jajal Dios. 21Bey túuno je'el bix yanji páajtalil ti' le keban u ti'al u taasic quíimilo', bey xan le ca j yanchajo'on ma'alob tu táan Jajal Diose', u siibal utzile' yanji páajtalil ti' u ti'al u dzaíc to'on cuxtal mina'an u xuul tu yo'olal c Yuumtzil Jesucristo.
ទើបបានជ្រើសរើសហើយ៖
Romanos 5: YUA04
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Maya de YucatánTumben Nupt'an NT © Sociedad Bíblica de Mexico, 2004.
Romanos 5
5
Ba'ax cu yúuchul le quéen tojquinta'ac máac tumen Jajal Dios
1Bey túuno', cu dzo'ocol c dza'abal ma'alob tu táan Jajal Dios tu yo'olal ocsaj óolale', yaan to'on jéedzel yéetel Jajal Dios tu yo'olal c Yuumtzil Jesucristo. 2Tumen tu yo'olal Cristoe' dzo'oc c ocol ti' le siibal utzila' tu yo'olal le ocsaj óolalo'. Ti' le siibal utzila' jeedzel anilo'on yéetel cu qui'imacchajal c óol ti' u alab óolalil u nojbe'enil Junab Jajal Dios. 3Ma' chéen lela', ba'ale' bey xan cu qui'imacchajal c óol ti' le mukyajo'; tumen c ojele' le mukyajo' cu dzaíc to'on chuca'an óolal, 4yéetel le chuca'an óolalo' cu beetic c ka'amal ma'alob, yéetel le quéen ka'amaco'on ma'alobe' yaan to'on alab óolal. 5Le alab óolala' ma' tu p'atico'on kaasil, tumen Jajal Diose' dzo'oc u chupic c pucsi'ikal yéetel u yaacunaj tu yo'olal Quili'ich Pixan dzo'oc u dzáic ti' to'ono'.
6Tumen le ca'ach ma' tu páajtal c toquicbáa ti' le kebano', Cristoe' jach tu kiinile' j quíim tu y o'olal le j kasa'ano'obo'. 7Jach talam ca quíimic wa máax tu yo'olal u u láak máac, mix tu yo'olal jun túul máac toj; ba'ale' tu yo'olal jun túul máac jach tu jaajil utze' míin je'el u yantal wa máax quíimil tu yo'olale'. 8Ba'ale' Jajal Diose' cu ye'esic to'on tu jaajil u yaabilbtmajo'on iquil quíimic Cristo t o'olal quex láili' j kebano'on ca'ache'. 9Ba'ale' tumen dzo'oc c dza'abal ma'alob tu táan Jajal Dios tu yo'olal quíimic Cristoe', tu jaajile' yaan c to'ocol ti' le dzooc jaadzo' tu yo'olal leti'. 10tumen wa Jajal Dios tu dzajo'on ma'alob tu táan leti' tu yo'olal u quíimil u Paal quex enemigo'on ca'ach ti'e', jach u tojil ca c tuculte' je'el u toquico'on tu yo'olal u cuxtale', tumen yaan to'on jéedzel tu yéetel. 11Ma' chéen lela', ba'ale' bey xan cu qui'imacchajal c óol ti' Jajal Dios tu yo'olal c Yuumtzil Jesucristo, tumen tu yo'olal Cristoe' dzo'oc u yantal to'on jéedzel yéetel Jajal Dios.
Adan yéetel Cristo
12Bey túuno' je'el bix tu yo'olal jun túulili' máac j ooc le keban ti' le yóokolcaaba' ca tu taasaj yéetele' le quíimilo', bey xan máanic xan le quíimilo' ti' tuláacal máaco'ob tumen tuláacal kebanchajo'ob. 13Ma'ili' yanac le a'almaj t'aano' yanili' keban way yóokolcaabe'; quex ma' tu yila'al le kebano' wa mina'an a'almaj t'aan.
14Quex beyo', le quíimilo' yanji páajtalil ti' tu yóokol le máaxo'ob kebanchajo'obo' cáajic tu kiinilo'ob Adán tac tu kiinilo'ob Moisés, quex ma' kebanchajo'ob tu yo'olal x ma' u'uyaj t'aanil je'el bix tu beetjilac Adane': Adane' u yoochel le máax bíin taalaco'.
15Ba'ale' u si'ipil Adane' ma' tu páajtal u quetbesa'al yéetel le siibal cu dzáic to'on Jajal Dioso'. Tumen tu yo'olal u si'ipil jun túulili' máaque' ya'ab quíimo'obi', ba'ale' le siibal utzil cu síic to'on Jajal Dios tu yo'olal jun túulili' máac, Jesucritoe', mas táaj nojoch, bey xan u ti'al u yutzil ya'abcach máaco'ob. 16U keban jun túulili' máaque' ma' tu páajtal u que'etel yéetel le siibal cu dzáic to'on Jajal Dioso', tumen le ba'ax úuch tu yo'olal le kebano', le xot kiino' j taale' tu yo'olal jun p'éelili' si'ipil, ba'ale' le ba'ax úuch tu yo'olal le siibalo', máaco'obe' quex ya'ab u si'ipilo'obe' cu dza'abalo'ob ma'alob tu táan Jajal Dios. 17Tumen wa le quíimil yanji páajtalil ti' tu yo'olal u si'ipil jun túulili' máaque', jach ma'alob ca c tuculte' le máaxo'ob cu dza'abalo'ob ma'alob tumen Jajal Dios tu táane', yaan u yantal páajtalil ti'ob ti' le túumben cuxtala', tu yo'olal jun túulili' máac, Jesucristo.
18Je'el bix u si'ipil Adan tu dzaj tuláacal máac yáanal xot kiino', bey xan le toj meyaj tu beetaj Jesucristo tu taasaj ti' tuláacal máaco'obe' jun p'éel cuxtal tzela'an ti' xot kinaj.
19U káat u ya'ale', tu yo'olal u ma' u'uyaj t'aanil jun túul máaque' ya'ab beeta'abo'ob j kebano'obi'; ba'ale' queet yéetel lela', tu yo'olal u yu'ubaj t'aanil jun túul máaque', ya'ab cun dzaabilti'ob ma'alob tu táan Jajal Diosi. 20U jaajile' le a'almaj t'aano' j taale' u ti'al ca ya'abchajac le kebano'; ba'ale' le tu'ux ya'abchaj le kebano' asab ya'abchaj u siibal utzil Jajal Dios. 21Bey túuno je'el bix yanji páajtalil ti' le keban u ti'al u taasic quíimilo', bey xan le ca j yanchajo'on ma'alob tu táan Jajal Diose', u siibal utzile' yanji páajtalil ti' u ti'al u dzaíc to'on cuxtal mina'an u xuul tu yo'olal c Yuumtzil Jesucristo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Maya de YucatánTumben Nupt'an NT © Sociedad Bíblica de Mexico, 2004.