Mateu 3
3
Ioan Pãtidzãtorlu
1Tu atseali dzãli vini Ioan Pãtidzãtorlu, tsi predica tu irnjia a Iudeiljei, 2shi dzãtsea: “Mitãnjiusits-vã, cã amirãriljea a tserurilor easti aproapi!” 3Sh-ti Ioanul avea gritã prufitlu Isaia cãndu dzãsi:
#
Isa 40:3. “Boatsea atsilui tsi aurlã tu irnjii:
‘Ndridzets-u calea a Domnului,
ndriptats cãrãrili a lui.’”
4Ioanul avea nviscutã un stranji di lãna a cãmilãljei sh-un brãn di chealã la mesi. Elu s-hrãnea cu carcaletsi shi njeari-agrã. 5Atumtsea oamnjilji a Ierusalemlui, di tutã Iudea sh-di locurili a Iordanlui s-dutsea cãtrã nãsu, 6shi s-pãtidza di la nãsu, tu arãulu Iordan mãrtirsinda amãrtiili a lor.
7Ma elu, vidzãnda cã multsã Farisei shi Saducei ma yinea s-pãtidza la nãsu, lã dzãsi a lor: “Pulji di nãpãrtitsi, cai vã ari nvitsatã tsi s-ascãpats di nãrirea a Domnului tsi ma yini? 8Dats fruti buni trã mitãnjiusirea a voastrã! 9Sh-nu dzãtsets cu mintea a voastrã: ‘Noi avem Abrahamul ca tatã.’ Cã mini ma vã dzãc cã Dumnidzãlu poati s-da hilji a Abrahamului sh-dit aesti chetri. 10Sh-tora tupoara easti tu rãdãtsina a ponjilor. Cathi pom, tsi nu da fruti buni, va si s-talji sh-va si s-arucã tu foc. 11Mini ma vã pãtedz cu apã, trã mitãnjiusiri, ma atsel tsi yini dupã mini easti ma mari di mini, sh-mini nu escu axiu nitsi s-tsãn sandalili a lui. Elu va s-vã pãteadzã cu Duhlu Sãmtu sh-cu foc. 12Elu tsãni tu mãnã lupata sh-va curã tut grãnarlu a lui, grãnlu a lui va lu adunã tu hãmbar, ma cotsala va lu ardã tu foc niastes.”
Pãtidzãrea al Isus
13Atumtsea vini Isusul dit Galilea tu Iordan, la Ioanul tra si s-pãteadz di la nãsu. 14Ma Ioanul lu ncuntrã dzãcãnda: “Mini prindi s-mi pãtedzu di la tini, sh-tini ma yinji la mini?” 15Sh-Isusul, apãndisinda, lji dzãsi: “Alasã si s-facã tora, cã ashã mplinim cathi ndriptati.” Atumtsea elu lu alãsã.
16Sh-Isusul, macãt s-pãtidzã, ishi dit apã. Shi ia, tserurili s-discljisirã, sh-elu vidzu Duhlu a Dumnidzãlui dipunãnda ca un purumbu sh-yininda pristi nãsu. 17Shi ia, unã boatsi dit tser tsi lj-dzãsi: “Aestu easti Hiljiu a meu vrut, di la cai escu hãrisit.”
ទើបបានជ្រើសរើសហើយ៖
Mateu 3: BLRR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
