Mateu 1
1
Gheonologhia al Isus Hristos
1Cartea a farãljei al Isus Hristos, hiljilu al David, hiljilu al Avraham. 2Al Abraham lji s-amintã Isacu, al Isac lji s-amintã Iacovu. Al Iacovu lji s-amintã Iuda shi fratsilji a lui, 3al Iuda lji s-amintã di la Tamara Faresu sh-Zara. Al Faresu lji s-amintã Hezromu, al Hezromu lji s-amintã Aramu, 4al Aramu lji s-amintã Aminadabu, al Aminadabu lji s-amintã Naasonu, al Naasonu lji s-amintã Salmonu, 5al Salmonu lji s-amintã Boazu di la Rahabi, al Boazu lji s-amintã Obedu di la Ruth, al Obedu lji s-amintã Iesseu, 6al Iesseu lji s-amintã Davidu amirã. Al amirãlu David lji s-amintã Solomonu di la muljearea tsi eara al Uriah, 7al Solomonu lji s-amintã Roboamu, al Roboamu lji s-amintã Abiahu, al Abiahu lji s-amintã Asafu, 8al Asafu lji s-amintã Iosafatu, al Iosafatu lji s-amintã Ioramu, al Ioramu lji s-amintã Oziau, 9al Oziau lji s-amintã Ioatamu, al Ioatamu lji s-amintã Ahazul, al Ahazu lji s-amintã Ezekia, 10al Ezekia lji s-amintã Manaseu, al Manaseu lji s-amintã Amonu, al Amonu lji s-amintã Iosia, 11al Iosia lji s-amintã Iekonia shi fratsilji a lui tu chirolu a mutariljei tu Babilon.
Mutarea tu Babilon
12Dupã mutarea tu Babilon, al Iehonia lji s-amintã Salatielu, al Salatielu lji s-amintã Zorobabelu, 13al Zorobabelu lji s-amintã Abiudu, al Abiudu lji s-amintã Eliakimu, al Eliakimu lji s-amintã Azoru, 14al Azoru lji s-amintã Sadocu, al Sadocu lji s-amintã Achimu, al Achimu lji s-amintã Eliudu, 15al Eliudu lji s-amintã Eleazaru, al Eleazaru lji s-amintã Mathanu, al Mathanu lji s-amintã Iacovu, 16al Iacovu lji s-amintã Iosifu, bãrbatilu ali Marii, di la ea s-amintã Isusul, tsi s-acljimã Hristos. 17Ashã cã tuti gheneratili di la Abrahamu pãnã la Davidu s-fac patrusprãdzatsi di gheneratsi, shi di la Davidu pãnã la mutarea tu Babilon, patrusprãdzatsi di gheneratsi, shi di la mutarea tu Babilon pãnã la Hristolu, patrusprãdzatsi di gheneratsi.
Amintarea al Isus Hristos
18Amintarea al Isus Hristolu fu ashã: Maria, muma a lui, eara susita al Iosif, ma nãinti tsi s-apãrnjea s-bãna deadun, armasi greauã di la Duhlu Sãmtu. 19Atumtsea Iosiful, susitlu a ljei, tsi eara un om ndreptu sh-nu vrea s-u arushina nãintea a oamnjilor, apofãsi s-u alasã ascumtã.
20Ma, iarã minduea singur aestu lucru, lji s-afãnisi tu yis un anghil di la Domnul sh-lji dzãsi: “Iosif, hiljilu al David, s-nu ai fricã s-u ljeai Maria ca muljeara a ta, cã tsi s-acãtsã tu nãsã easti lucru di la Duhlu Sãmtu. 21Shi ea va s-amintã un ficior, sh-tini va lji badzã numa Isus, cã elu va s-ascapã populu a lui di amãrtiili a lor.”
22Shi tutã aestã s-featsi tra si mplineascã zborlu a Domnului dupã prufitlu tsi dzãtsi: 23“Ia, virghina va armãnã greauã sh-va amintã un ficior, tsi va lj-bagã numa Emanuel,” tsi va s-dzãcã: “Dumnidzãlu cu noi.” 24Sh-Iosiful, dupã tsi si sculã di somnu, featsi ashã cum lu avea ursit anghilu a Domnului, sh-u lo ningã nãsu muljeara a lui. 25Ma elu nu u cunuscu, pãnã-cãndu ea amintã ficiorlu a ljei sh-elu s-acljimã Isus.
ទើបបានជ្រើសរើសហើយ៖
Mateu 1: BLRR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
