मारकु धेपगी ङोटो़
धेपगी ङोटो़
मारकुगो येशुगी ङेने च्युङङीने, सीमोन पेटोगी लेगाला रोवा झ्यीगीन, चाक्षे मी च्यीक लाक। पेटोगी मारकुला “ङी भीजो” ॱनेरी ॱने हो़तालाक। (१ पेटो ५:१३) खो बारनाबागी पी़न्दा धाङ कुछाप पाउलुगी रोवा लाक (जेपा १२:२५, कोलोसाबा ४:१०, २ तीमोथेउ ४:११)।
मारकु खोराङ ङेने च्युङङीने मेन्नाः, खी़ येशुगी मीछे कोरला पेटोने ज्यावालाक। खी़ खोरी ताम्शाङ दे, पेटोगी ॱनेना च्योक्रे ढीक्पालाक। सुङरापगी खेवा माङक्षेगी मारकुगी दे ताम्शाङ दे, रोमापा ग्याखापगी रोम ग्याजारु ढीक्पालाक ॱनेरी, साम्लो हो़तालाक। मेथागी खोरी ताम्शाङ याहुदापाक्याला ढीक्टा च्योक्रे, मारकु खोरी ताम्शाङ दे रोमापाक्याला ॱनेरी ढीक्पालाक। ताम्शाङ श्यीउने, मारकुगी ताम्शाङ दे एन्योक ढीक्पालाक। मारकुगी ताम्शाङ दे चीलो ५५ ॱने ६५ नाङला, येशु ढोरी लो सुमच्यु चो़ला ढीक्पालाक। मेथा धाङ लुका ॱङीउगी, मारकुगी ताम्शाङला हो़गीन लाब माङक्षे, खोराङक्याई ताम्शाङला ॱरे हो़तालाक। ॱङोन्ने ॱनाना मारकुगी ताम्शाङ घीरी, मेथागी ताम्शाङला ॱरे हो़तालाक।
कारछाक
ताम्शाङगी गोचुक १:१-१३
येशुगी गालीलदु जेजा क्षाक्ले १:१४–९:५०
गालीलने येरुसालेम थुक्पे १०:१-५२
येरुसालेमदु धी़न्डा श्युक्योकगो ११:१–१५:४७
येशु छीवाने ॱलार सो़न्पा १६:१-८
चोवो ॱलार सो़न्दी ॱङो़न्पा धाङ नाम्खे श्यीङखाम स्योकला फेप्पा १६:९-२०
ទើបបានជ្រើសរើសហើយ៖
मारकु धेपगी ङोटो़: LOY
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society