लुका 4:9-12

धेनी धी़कगी खोङबाला येरुसालेमदु ठीक्‍ती, क्षो़खाङगी उच्‍चीला लाङदु च्‍युक्‍ती, खोङबाला ॱनेवालाक, “खेराङ को़न्‍क्षोकगी से हीन्‍ना देने माला छोम। घीझ्‍येरी ॱनाना सुङरापला ढीक हो़तालाक, ‘खोङबागी खेराङला क्‍योप्‍येला, खेराङगी क्षीला राङगी भाङछेनक्‍याला का ॱनाङा जेगीलाक, धेनी धोगोङ खाला खेराङगी श्‍याप ॱमेफोक्‍येगी क्षीला, खुङक्‍याई लाक्‍पागी खेराङला शीम्‍गीलाक।’” धेनी येशुगी सुवालाक, “सुङरापला ‘ख्‍यो़ खेरी को़न्‍क्षोक चोवोला छो़ता माझ्‍यी।’ ॱनेरी ढीक हो़तालाक।”