kurinṯuuz al awal 8
8
aza 8
ŋiɽaŋal ŋeḏi kwɔmne kweṯir irlici libayila lu
1na ŋeḏi kwɔmne kweṯir irlici libayila lu; ŋiri eyin eḏaruŋw, nyiŋa tatap ŋeṯir zi elŋe ŋu. ṯilŋiiḏina ṯeṯeḏi ŋuma eḏi ruzi kwizi kwere kwupa ki yey-na yuŋwun, lakin na ṯamɽa ṯinderta rerem ṯeṯeḏi ŋuma eḏi duŋgwuŋgwazi lizi. 2ma kwizi kwere aruŋw, ŋeṯinyjelŋe pa ta, nuŋw zi ere keni elŋe kinna mac kaka ŋeŋguŋw zi elŋe. 3lakin muŋw amɽi kwere Allah, eṯi Allah elŋece kwizi ŋgwa tɔk.
4na ŋeḏi eḏne weṯir irlici libayila lu, eṯir zi elŋe nyiŋa eḏaruŋw, kla leṯir zi eca, libayil, liti liri kwɔmne kwere rerem mac; eṯir zi elŋe nyiŋa tɔk eḏaruŋw, na Allah witi wunani wir ter mac, na Allah orɔ wutuput ṯuɽuk, wir yilim. 5kaka mer gwu keni nani kilerena ya ki ṯurmun-na rir rigɽim, reṯir zi eca, libayil, —kaka enir gwu ritezir, na kra reṯir zi eca, leleny, litezir tɔk— 6lakin ki yey-na yeri, na Allah nanni wutuput, wir Papa, kwuruḏu gwu kwɔmne tatap, na eṯir naŋni nyiŋa eḏorɔ luŋwun, na Kweleny kwutuput ṯuɽuk kweni Yecu Kwruztu; kwunderṯa kwumɔ gi kwɔmne tatap orɔ, na eṯir nanni nyiŋa tɔk ŋundu ŋgi.
ṯaŋrica ṯeḏi likwruztyan lajila ki ṯəmna
7lakin nezi lizi tatap ere elŋece ŋu mac. na lɔkwɔ limɔ kwɔkwoce libayila lu kerreny, mer ye kwɔmne kwumer irlici libayila lu ta, eṯuŋw eni wikiyaḏizi rac, na rugwor reŋen, rajila ki ṯəmna, eni rikiyaḏa lu tɔk. 8eḏne wende weḏi ŋuma eḏi ruzi nyuŋwuzi lizaw ki yey-na yeḏi Allah. mer ere eḏne mac a kwende kweṯir ṯuzi kwɔmne kwere; na mer eḏne ta, a kwende kweṯir kiɽezi kwɔmne kwere. 9lakin eṯaŋraḏa keni teter mindaŋ ma hurriya walu ere eḏi zi ṯugwudazi kla lajila mac eḏaki ṯay pir. 10kaka ma kwere eze ŋaŋwu, kweni kweḏi ṯilŋiiḏina, kwunani eḏeḏne ki bulu-na, ŋwere ferle manya, kweni kwajila ki ṯəmna, mindaŋ muŋw ye eḏneya tɔk wumer irlici libayila lu? 11ŋwu ta, ṯilŋiiḏina ṯi tɔŋwa ta, a kwor ŋgwu kwajila ki ṯəmna, kiraḏa lu, kwir aŋgalu kwumɔ Kwruztu eyzi. 12ma əkici ṯaŋwu liaŋgalu lomori puɽcur, mezi kwuɽeḏa rugwori reŋen riti rifirli mac ki ṯəmna, eṯeni ŋa kwəkice Kwruztuŋw lomori puɽcur. 13ŋwu ṯaŋwu, ma kwɔmne kwir eḏne orɔ kweṯi ṯugwudazi eŋgeriŋw eḏaki ṯay pir ta, nyi kwiti kwokwony kwuye kwɔmne ŋgwa ḏuṯ, mindaŋ enyere ṯugwudazi eŋgeriŋw mac.
ទើបបានជ្រើសរើសហើយ៖
kurinṯuuz al awal 8: KIB1967
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuba, Koalib Ngirere New Testament © First published by the British and Foreign Bible Society in Khartoum in 1967.