Мк 7
7
7 ГЛАВА
1-23 Кугезе-влакын йӱлашт. 24-30 Финикий ӱдырамашын ӱшанымыже. 31-37 Чокракым паремдымаш.
1Иисус деке Иерусалим гыч фарисей да законым туныктышо икмыняр еҥ погынен. 2Тудын тунемшыж кокла гыч икмынярышт амыргыше кид дене, кидым мушде киндым кочмыштым ужмеке, нуным шылталеныт. 3Вет фарисей ден чыла моло иудей, кугезыштын тошто йӱлаштым шуктен, кидым сайын мушде огыт коч. 4Пазар гыч толмекышт, нуно мушкылтде огыт коч. Эше шуко моло йӱлам шуктат, мутлан, коркам, кӧршӧкым, вӱргене подым да олымбалым мушмо йӱлаштым.
5Вара фарисей ден закон туныктышо-влак Иисус деч йодыныт: «Молан Тыйын тунемшет-влак ача-кочана-влакын йӱлашт почеш огыт иле? Молан нуно мушдымо кид дене киндым кочкыт?» 6Тудо нунылан каласен: «Сайла кояш тӧчышӧ-влак, тендан нерген Исаия пророк чын ойлен. Возымо:
”Тиде калык Мыйым шомак дене пагала,
но нунын шӱмышт Мый дечем пешак мӱндырнӧ.
7Арам нуно Мылам кумалыт:
Мыйын туныктымем олмеш
айдемын кӱштымым веле туныктат”.#7:6-7 Ис 29:13.
8Те Юмын кӱштымыж деч кораҥында, айдемын илыш-йӱлажым кучеда. Те кружкам да коркам мушкыда да тыгайым эше шуко молым ыштеда».
9Иисус умбакыже ойлен: «Шкендан йӱладам шукташ манын, те Юмын кӱштымыжым моштен кораҥдеда. 10Моисей каласен: ”Шке ачат-аватым пагале”, тыгак ”Кӧ шке ача-аваж нерген осал мутым ойла, тудым тек пуштыт”.#7:10 Исх 20:12, 21:17. 11А те вес семын ойледа. Кӧ ачажлан але аважлан ”Мом тыланет пуышаш улам ыле, тиде корван#7:11 Корван – еврей мут. Тудо Юмылан пуаш сӧрымӧ надырым ончыкта. – тидым Юмылан сӧренам” манеш гын, 12шке ачажлан але аважлан ок полшо гынат йӧра маныда. 13Тыге те Юмын шомакшым шкендан йӱлада дене ӧрдыжеш кодеда. Тыгайым те шуко ыштеда».
14Иисус уло калыкым Шкеж деке ӱжын да каласен: «Мыйым чыланат колыштса да умылыза. 15Айдемын кӧргыш тӱжвач пурышо нимоат тудым амыртен огеш керт. Мо айдемын кӧргыж гыч лектеш, тидыже тудым амырта. 16Кӧн колышташ пылышыже уло – тек колеш!»
17Кунам Иисус калык кокла гыч пӧртышкӧ пурен, тунемшыж-влак Тудын деч туштен каласымыж нерген йодыныт. 18Тудо каласен: «Теат огыда умыло мо? Айдеме кӧргыш тӱжвач пурышо кокла гыч нимоат тудым амыртен огеш керт. Тидым огыда умыло мо? 19Тиде айдемын шӱмышкыжӧ огыл, а пагарышкыже логалын, тӱжваке лектеш». Тыге кеч-могай кочкышым ару манын. 20Тудо умбакыже ойлен: «Айдемын кӧргыж гыч мо лектеш, тудо айдемым амырта. 21Кӧргӧ гыч, айдемын шӱмжӧ гыч осал шонымаш, яжарланымаш, еҥ вате дене коштмаш, пуштмаш, 22шолыштмаш, опкынланымаш, осаллык, ондалымаш, вожылдымаш, кӧранымаш, мыскылымаш, кугешнымаш, ушдымылык лектыт. 23Чыла тиде осалже айдемын кӧргӧ гыч лектеш да тудым амырта».
24Иисус тушечын Тир да Сидон кундемышке каен. Тудо ик пӧртышкӧ пурен да тидын нерген нигӧ ынже пале манын шонен, туге гынат шинчаш перныде кодын кертын огыл. 25Тудын толмыж нерген ик ӱдырамаш пален налын, ӱдыржӧ осал шӱлыш кучыман улмаш. Иисус деке ӱдырамаш миен да йол воктекыже кумык возын. 26Ӱдырамаш чын Юмым палыдыме улмаш, Сирийысе Финикийыште шочын. Тудо ӱдыржын кӧргыж гыч иям поктен лукташ Иисусым сӧрвален. 27Иисус тудлан каласен: «Тек ондак йоча-влак кочкын темыт. Нунын деч киндым шупшын налын, пийлан кудалташ сай огыл». 28«Туге, Господь, – вашештен ӱдырамаш, – но пий-шамычат йоча-влакын камвозыктымо пудыргым ӱстел йымалне кочкыт». 29Иисус тудлан каласен: «Тыге каласыметлан кӧра кае, ӱдыретын кӧргыж гыч ия лектын». 30Ӱдырамаш мӧҥгыжӧ миен да йочажым вакшышыште кийышым ужын. Ия тудын кӧргыж гыч лектын улмаш.
31Иисус адак Тир да Сидон кундем гыч лектын да Декаполис верла гоч Галилей теҥыз деке миен. 32Иисус деке чокрак да йӧсын ойлышо еҥым конденыт да тудын ӱмбаке кидым пышташ йодыныт. 33Иисус тиде еҥым калык тӱшка деч ӧрдыжкӧ наҥгаен, парняжым тудын пылышышкыже пыштен, шӱвалын да тудын йылмыжым тӱкалтен, 34вара пылпомышко ончалын, кугун шӱлалтен да тудлан каласен: «Еффафа!» Тиде мутшо «почылт» манме лиеш. 35Тиде еҥын пылышыже тунамак почылтын да йылмыжат рудалтын. Тудо раш ойлаш тӱҥалын. 36Тидын нерген Иисус нигӧланат каласкалаш кӱштен огыл, но Тудо кунар утларак чарен, еҥ-влак тунар шукырак каласкаленыт. 37Нуно чот ӧрын ойленыт: «Тудо чыла сайын ышта: чокрак-влакым колын кертшым ышта, йылмыдыме-влакым – ойлен кертшым!»
ទើបបានជ្រើសរើសហើយ៖
Мк 7: УС
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Библийым кусарыше институт, Хельсинки 2007
Мк 7
7
7 ГЛАВА
1-23 Кугезе-влакын йӱлашт. 24-30 Финикий ӱдырамашын ӱшанымыже. 31-37 Чокракым паремдымаш.
1Иисус деке Иерусалим гыч фарисей да законым туныктышо икмыняр еҥ погынен. 2Тудын тунемшыж кокла гыч икмынярышт амыргыше кид дене, кидым мушде киндым кочмыштым ужмеке, нуным шылталеныт. 3Вет фарисей ден чыла моло иудей, кугезыштын тошто йӱлаштым шуктен, кидым сайын мушде огыт коч. 4Пазар гыч толмекышт, нуно мушкылтде огыт коч. Эше шуко моло йӱлам шуктат, мутлан, коркам, кӧршӧкым, вӱргене подым да олымбалым мушмо йӱлаштым.
5Вара фарисей ден закон туныктышо-влак Иисус деч йодыныт: «Молан Тыйын тунемшет-влак ача-кочана-влакын йӱлашт почеш огыт иле? Молан нуно мушдымо кид дене киндым кочкыт?» 6Тудо нунылан каласен: «Сайла кояш тӧчышӧ-влак, тендан нерген Исаия пророк чын ойлен. Возымо:
”Тиде калык Мыйым шомак дене пагала,
но нунын шӱмышт Мый дечем пешак мӱндырнӧ.
7Арам нуно Мылам кумалыт:
Мыйын туныктымем олмеш
айдемын кӱштымым веле туныктат”.#7:6-7 Ис 29:13.
8Те Юмын кӱштымыж деч кораҥында, айдемын илыш-йӱлажым кучеда. Те кружкам да коркам мушкыда да тыгайым эше шуко молым ыштеда».
9Иисус умбакыже ойлен: «Шкендан йӱладам шукташ манын, те Юмын кӱштымыжым моштен кораҥдеда. 10Моисей каласен: ”Шке ачат-аватым пагале”, тыгак ”Кӧ шке ача-аваж нерген осал мутым ойла, тудым тек пуштыт”.#7:10 Исх 20:12, 21:17. 11А те вес семын ойледа. Кӧ ачажлан але аважлан ”Мом тыланет пуышаш улам ыле, тиде корван#7:11 Корван – еврей мут. Тудо Юмылан пуаш сӧрымӧ надырым ончыкта. – тидым Юмылан сӧренам” манеш гын, 12шке ачажлан але аважлан ок полшо гынат йӧра маныда. 13Тыге те Юмын шомакшым шкендан йӱлада дене ӧрдыжеш кодеда. Тыгайым те шуко ыштеда».
14Иисус уло калыкым Шкеж деке ӱжын да каласен: «Мыйым чыланат колыштса да умылыза. 15Айдемын кӧргыш тӱжвач пурышо нимоат тудым амыртен огеш керт. Мо айдемын кӧргыж гыч лектеш, тидыже тудым амырта. 16Кӧн колышташ пылышыже уло – тек колеш!»
17Кунам Иисус калык кокла гыч пӧртышкӧ пурен, тунемшыж-влак Тудын деч туштен каласымыж нерген йодыныт. 18Тудо каласен: «Теат огыда умыло мо? Айдеме кӧргыш тӱжвач пурышо кокла гыч нимоат тудым амыртен огеш керт. Тидым огыда умыло мо? 19Тиде айдемын шӱмышкыжӧ огыл, а пагарышкыже логалын, тӱжваке лектеш». Тыге кеч-могай кочкышым ару манын. 20Тудо умбакыже ойлен: «Айдемын кӧргыж гыч мо лектеш, тудо айдемым амырта. 21Кӧргӧ гыч, айдемын шӱмжӧ гыч осал шонымаш, яжарланымаш, еҥ вате дене коштмаш, пуштмаш, 22шолыштмаш, опкынланымаш, осаллык, ондалымаш, вожылдымаш, кӧранымаш, мыскылымаш, кугешнымаш, ушдымылык лектыт. 23Чыла тиде осалже айдемын кӧргӧ гыч лектеш да тудым амырта».
24Иисус тушечын Тир да Сидон кундемышке каен. Тудо ик пӧртышкӧ пурен да тидын нерген нигӧ ынже пале манын шонен, туге гынат шинчаш перныде кодын кертын огыл. 25Тудын толмыж нерген ик ӱдырамаш пален налын, ӱдыржӧ осал шӱлыш кучыман улмаш. Иисус деке ӱдырамаш миен да йол воктекыже кумык возын. 26Ӱдырамаш чын Юмым палыдыме улмаш, Сирийысе Финикийыште шочын. Тудо ӱдыржын кӧргыж гыч иям поктен лукташ Иисусым сӧрвален. 27Иисус тудлан каласен: «Тек ондак йоча-влак кочкын темыт. Нунын деч киндым шупшын налын, пийлан кудалташ сай огыл». 28«Туге, Господь, – вашештен ӱдырамаш, – но пий-шамычат йоча-влакын камвозыктымо пудыргым ӱстел йымалне кочкыт». 29Иисус тудлан каласен: «Тыге каласыметлан кӧра кае, ӱдыретын кӧргыж гыч ия лектын». 30Ӱдырамаш мӧҥгыжӧ миен да йочажым вакшышыште кийышым ужын. Ия тудын кӧргыж гыч лектын улмаш.
31Иисус адак Тир да Сидон кундем гыч лектын да Декаполис верла гоч Галилей теҥыз деке миен. 32Иисус деке чокрак да йӧсын ойлышо еҥым конденыт да тудын ӱмбаке кидым пышташ йодыныт. 33Иисус тиде еҥым калык тӱшка деч ӧрдыжкӧ наҥгаен, парняжым тудын пылышышкыже пыштен, шӱвалын да тудын йылмыжым тӱкалтен, 34вара пылпомышко ончалын, кугун шӱлалтен да тудлан каласен: «Еффафа!» Тиде мутшо «почылт» манме лиеш. 35Тиде еҥын пылышыже тунамак почылтын да йылмыжат рудалтын. Тудо раш ойлаш тӱҥалын. 36Тидын нерген Иисус нигӧланат каласкалаш кӱштен огыл, но Тудо кунар утларак чарен, еҥ-влак тунар шукырак каласкаленыт. 37Нуно чот ӧрын ойленыт: «Тудо чыла сайын ышта: чокрак-влакым колын кертшым ышта, йылмыдыме-влакым – ойлен кертшым!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Библийым кусарыше институт, Хельсинки 2007