Мк 6
6
6 ГЛАВА
1-6 Назаретыште илыше-влак Иисуслан огыт ӱшане. 7-13 Иисус латкок Апостолжым колта. 14-29 Тынеш Пуртышо Иоаннын колымыжо. 30-44 Вич тӱжем еҥым теммеш пукшымаш. 45-52 Иисус вӱд ӱмбач кая. 53-56 Геннисаретыште черле-влакым паремдымаш.
1Иисус тушечын лектын каен да кушмо кундемышкыже толын, тунемшыж-влакат пырля лийыныт. 2Шуматкече шумеке, Тудо синагогышто туныкташ тӱҥалын. Иисусым колыштшо-влак коклаште шукышт ӧрын йодыштыныт: «Кушечын Тудын чыла тиде? Могай кугу уш-акыл Тудлан пуалтын? Могай чудо-влак Тудын кид дене ышталтыт! 3Тудыжо плотник, Мариян эргыже, Иаковын, Иосийын, Иудан да Симонын шольышт огыл мо? Тудын акаж-влакат мемнан коклаште огытыл мо?» Нуно Тудлан ӱшанен огытыл. 4Но Иисус нунылан каласен: «Шке олаштыже, родо-тукым коклаштыже да суртыштыжо веле пророк чап деч посна лиеш». 5Тудо тыште нимогай чудым ыштен кертын огыл. Икмыняр еҥым гына, ӱмбакышт кидым пыштен, паремден. 6Нине еҥын ӱшанышт укелан Иисус ӧрын.
Вара Иисус тиде кундемысе илемлаште коштын да туныктен. 7Иисус латкок тунемшыжым ӱжын да кокыт дене шеледен колташ тӱҥалын. Тудо нунылан осал шӱлышым поктен лукташ вийым пуэн 8да корнышко пондо деч молым нимом налаш кӱштен огыл: киндымат, сумкамат, ӱштеш оксамат, 9но йолышко тыглай йолчиемым чияш, а кок вургемым чияш огыл. 10Нунылан ойлен: «Пӧртышкӧ пурымекыда вес вере кайымешкыда туштак илыза. 11Иктаж-могай верыште тендам огыт пурто, але ынешт колышт гын, тушеч лекса да йол гычда пуракым почкалтыза. Тидыже нунылан ончылгоч шижтарымаш лиеш. Чынак тыланда ойлем: суд кечын Содом ден Гоморралан тиде ола деч куштылгырак лиеш». 12Тунемше-влак каеныт, языкым касарыкташ да Юмо деке савырнаш туныктен коштыныт. 13Нуно шуко иям поктен луктыныт да шуко черлым ӱй дене шӱрен паремденыт.
14Ирод#6:14 Ирод – Ирод Антипа, Перей ден Галилейын вуйлатышыже. кугыжат Иисус нерген колын, вет Тудын лӱмжӧ чыла вере палыме лийын. Ирод ойлен: «Тиде Тынеш Пуртышо Иоанн колымаш гыч ылыжын, сандене Тудын гоч тыгай чудо-влак лийыт». 15Весышт – Илия манын ойленыт. А кумшышт – пророк але пророк кокла гыч иктыж гай маныныт. 16Тидын нерген колмеке, Ирод каласен: «Тиде мыйын кӱштымем почеш вуйжым руал ойырымо Иоанн. Тудо колымаш гыч ылыжын».
17Ирод шкеже Иоанным кучаш кӱштен да казаматыш петырен улмаш. Тидым Филипп изажын Иродиада ватыжлан кӧра ыштен. Иродиадам Ирод марлан налын, 18сандене Иоанн тудлан каласен: «Тыланет изатын ватыж дене илаш ок лий». 19Но Иродиада Иоаннлан сырымым кӧргыштыжӧ кучен да тудым пушташ шонен. Туге гынат кертын огыл. 20Ирод пален: Иоанн чын ыштыше да святой айдеме, сандене тудын деч лӱдын да тудым арален. Иоаннын ойлымыжым колыштын, Ирод шуко ыштен, тудым колышташ йӧратен.
21Иродиадалан келшыше йӧн Иродын шочмо кечын лектын. Ирод чыла тӧралан, сарзе-влакын вуйлатышыштлан да Галилейысе эн пагалыме еҥ-влаклан пайремым ыштен. 22Иродиадан ӱдыржӧ тушко пурен да куштен, Иродланат, тудын дене пырля кочшо унаж-влакланат чот келшен. Кугыжа ӱдырлан каласен: «Мом шонет – йод, мый пуэм». 23Тудлан эше товатлен: «Кеч-мом йодат гынат, пел кугыжанышем марте пуэм». 24Ӱдыр лектын да аваж деч йодын: «Мом йодаш?» Аваже вашештен: «Тынеш Пуртышо Иоаннын вуйжым». 25Ӱдыр тунамак кугыжа деке писын пурен да каласен: «Тынеш Пуртышо Иоаннын вуйжым мыланем, кӱмыжеш пыштен, кызытак пу». 26Кугыжа чот ойганен, но чыла уна ончылно товатлымыжлан кӧра тореш ынеж каласе улмаш. 27Иоаннын вуйжым кондаш кӱштен, тудо тунамак оролым колтен. 28Орол казаматыш каен да Иоаннын вуйжым руал ойырен. Вара тудым кӱмыжыш пыштен конден да ӱдырлан пуэн. А ӱдыр аважлан пуэн.
29Иоаннын тунемшыж-влак, тидын нерген колмеке, толыныт, тудын капшым налыныт да шӱгарыш пыштеныт.
30Апостол-влак Иисус деке погыненыт да мом ыштымышт, калыкым молан туныктымышт нерген чылажымат ойленыт. 31Иисус нунылан каласен: «Ӧрдыжкырак, тымык верыш, посна каена, тушто изиш каналтыза». Вет шуко еҥ толмо-кайымылан кӧра нунын кочкашыштат жапышт лийын огыл.
32Нуно, пушыш шинчын, тымык верыш посна каеныт. 33Но шукышт кайымыштым ужыныт да нуным паленыт, почешышт чыла ола гыч куржыныт, тушко ондакрак миен шуыныт да Тудын деке погыненыт. 34Серыш лекмеке, шуко калыкым ужынат, Иисус нуным чаманен. Еҥ-влак кӱтӱчӧ деч посна кодшо шорык тӱшка гай лийыныт. Нуным шукылан туныкташ тӱҥалын.
35Ятыр жап эртымеке, тунемшыж-влак Иисус деке миеныт да ойленыт: «Вержат тыште калык илыдыме, ынде жапат шуко эртен. 36Калыкым колто. Тек нуно лишыл яллашке да илемлашке каят да шкаланышт киндым налыт, вет кочкаш нимошт уке». 37Но Иисус вашештен: «Те нунылан кочкаш пуыза». Тунемшыж-влак каласеныт: «Ме кок шӱдӧ динарийлан киндым налаш кайышаш да нунылан кочкаш пуышаш улына мо?» 38Тудо йодын: «Тендан кунар киндыда уло? Мийыза, ончалза». Пален налмекышт, нуно ойленыт: «Вич сукыр кинде да кок кол». 39Иисус калыкым ужар шудо ӱмбаке тӱшкан-тӱшкан шындаш кӱштен. 40Витле да шӱдӧ еҥ дене чыланат радам дене шинчыныт. 41Иисус вич кинде ден кок колым кидыш налын, пылпомышко ончалын да благословитлен. Вара киндым тодылын, калыклан пуэдышт манын, тунемшыж-влаклан пуэн. Тиде кок колымат чылалан пайлен. 42Чылан теммешке кочкыныт. 43Кодшо катыш дене латкок комдым поген теменыт. Тыгак кодшо колымат погеныт. 44Кочшо пӧръеҥ-влак вич тӱжем нарын лийыныт.
45Тунамак Иисус тунемшыж-влаклан, пушыш шинчын, вес велысе Вифсаида велке Шкеж деч ондакрак вончаш кӱштен. А Шкеже калыкым ужатен колташ кодын. 46Нуным колтымеке, курыкыш кумалаш каен.
47Кас шуын. Пуш теҥыз покшелне улмаш, а Иисус шкетын серыште лийын. 48Тунемшыж-влакын мардеж ваштареш пуш дене нелын ийын кайымыштым ужынат, Иисус йӱдым, нылымше орол годым, теҥыз ӱмбач ошкеден толын да нунын воктеч эртен кайынеже улмаш. 49Теҥыз ӱмбач ошкылшо Иисусым ужмекышт, тунемшыж-влак шинчаланна коеш шоненыт да кычкыраш тӱҥалыныт. 50Чыланат Тудым ужыныт да моткоч лӱдыныт, но Иисус тунамак нунын дене мутланаш тӱҥалын да каласен: «Чот шогыза, ида лӱд, тиде Мый улам». 51Тудо нунын деке пушыш шинчын, мардеж чарнен. Тунемшыж-влак ӧрын-лӱдын шогеныт. 52Нуно але кинде дене лиймымат умылен огытыл. Нунын шӱмышт кӱэмалтше улмаш.
53Вес веке вончымеке, нуно Геннисарет кундемыш шуыныт да серыш лектыныт. 54Пуш гыч волен гына шуктеныт, тусо калык Иисусым пален 55да тиде кундем мучко куржтал савырнен. Кушто улмыж нерген колмеке, черле-влакым тушко вакшышеш нумал кондаш тӱҥалыныт. 56Кушко гына Тудо миен, – олашке, ялышке але илемышке, – черле-влакым уремыш нумал луктыныт да кеч Тудын вургем урвалтыж деке тӱкнаш черле-влаклан эрыкым пуаш Иисус деч йодыныт. Тудын деке тӱкнышӧ-влак чылан паремыныт.
ទើបបានជ្រើសរើសហើយ៖
Мк 6: УС
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Библийым кусарыше институт, Хельсинки 2007
Мк 6
6
6 ГЛАВА
1-6 Назаретыште илыше-влак Иисуслан огыт ӱшане. 7-13 Иисус латкок Апостолжым колта. 14-29 Тынеш Пуртышо Иоаннын колымыжо. 30-44 Вич тӱжем еҥым теммеш пукшымаш. 45-52 Иисус вӱд ӱмбач кая. 53-56 Геннисаретыште черле-влакым паремдымаш.
1Иисус тушечын лектын каен да кушмо кундемышкыже толын, тунемшыж-влакат пырля лийыныт. 2Шуматкече шумеке, Тудо синагогышто туныкташ тӱҥалын. Иисусым колыштшо-влак коклаште шукышт ӧрын йодыштыныт: «Кушечын Тудын чыла тиде? Могай кугу уш-акыл Тудлан пуалтын? Могай чудо-влак Тудын кид дене ышталтыт! 3Тудыжо плотник, Мариян эргыже, Иаковын, Иосийын, Иудан да Симонын шольышт огыл мо? Тудын акаж-влакат мемнан коклаште огытыл мо?» Нуно Тудлан ӱшанен огытыл. 4Но Иисус нунылан каласен: «Шке олаштыже, родо-тукым коклаштыже да суртыштыжо веле пророк чап деч посна лиеш». 5Тудо тыште нимогай чудым ыштен кертын огыл. Икмыняр еҥым гына, ӱмбакышт кидым пыштен, паремден. 6Нине еҥын ӱшанышт укелан Иисус ӧрын.
Вара Иисус тиде кундемысе илемлаште коштын да туныктен. 7Иисус латкок тунемшыжым ӱжын да кокыт дене шеледен колташ тӱҥалын. Тудо нунылан осал шӱлышым поктен лукташ вийым пуэн 8да корнышко пондо деч молым нимом налаш кӱштен огыл: киндымат, сумкамат, ӱштеш оксамат, 9но йолышко тыглай йолчиемым чияш, а кок вургемым чияш огыл. 10Нунылан ойлен: «Пӧртышкӧ пурымекыда вес вере кайымешкыда туштак илыза. 11Иктаж-могай верыште тендам огыт пурто, але ынешт колышт гын, тушеч лекса да йол гычда пуракым почкалтыза. Тидыже нунылан ончылгоч шижтарымаш лиеш. Чынак тыланда ойлем: суд кечын Содом ден Гоморралан тиде ола деч куштылгырак лиеш». 12Тунемше-влак каеныт, языкым касарыкташ да Юмо деке савырнаш туныктен коштыныт. 13Нуно шуко иям поктен луктыныт да шуко черлым ӱй дене шӱрен паремденыт.
14Ирод#6:14 Ирод – Ирод Антипа, Перей ден Галилейын вуйлатышыже. кугыжат Иисус нерген колын, вет Тудын лӱмжӧ чыла вере палыме лийын. Ирод ойлен: «Тиде Тынеш Пуртышо Иоанн колымаш гыч ылыжын, сандене Тудын гоч тыгай чудо-влак лийыт». 15Весышт – Илия манын ойленыт. А кумшышт – пророк але пророк кокла гыч иктыж гай маныныт. 16Тидын нерген колмеке, Ирод каласен: «Тиде мыйын кӱштымем почеш вуйжым руал ойырымо Иоанн. Тудо колымаш гыч ылыжын».
17Ирод шкеже Иоанным кучаш кӱштен да казаматыш петырен улмаш. Тидым Филипп изажын Иродиада ватыжлан кӧра ыштен. Иродиадам Ирод марлан налын, 18сандене Иоанн тудлан каласен: «Тыланет изатын ватыж дене илаш ок лий». 19Но Иродиада Иоаннлан сырымым кӧргыштыжӧ кучен да тудым пушташ шонен. Туге гынат кертын огыл. 20Ирод пален: Иоанн чын ыштыше да святой айдеме, сандене тудын деч лӱдын да тудым арален. Иоаннын ойлымыжым колыштын, Ирод шуко ыштен, тудым колышташ йӧратен.
21Иродиадалан келшыше йӧн Иродын шочмо кечын лектын. Ирод чыла тӧралан, сарзе-влакын вуйлатышыштлан да Галилейысе эн пагалыме еҥ-влаклан пайремым ыштен. 22Иродиадан ӱдыржӧ тушко пурен да куштен, Иродланат, тудын дене пырля кочшо унаж-влакланат чот келшен. Кугыжа ӱдырлан каласен: «Мом шонет – йод, мый пуэм». 23Тудлан эше товатлен: «Кеч-мом йодат гынат, пел кугыжанышем марте пуэм». 24Ӱдыр лектын да аваж деч йодын: «Мом йодаш?» Аваже вашештен: «Тынеш Пуртышо Иоаннын вуйжым». 25Ӱдыр тунамак кугыжа деке писын пурен да каласен: «Тынеш Пуртышо Иоаннын вуйжым мыланем, кӱмыжеш пыштен, кызытак пу». 26Кугыжа чот ойганен, но чыла уна ончылно товатлымыжлан кӧра тореш ынеж каласе улмаш. 27Иоаннын вуйжым кондаш кӱштен, тудо тунамак оролым колтен. 28Орол казаматыш каен да Иоаннын вуйжым руал ойырен. Вара тудым кӱмыжыш пыштен конден да ӱдырлан пуэн. А ӱдыр аважлан пуэн.
29Иоаннын тунемшыж-влак, тидын нерген колмеке, толыныт, тудын капшым налыныт да шӱгарыш пыштеныт.
30Апостол-влак Иисус деке погыненыт да мом ыштымышт, калыкым молан туныктымышт нерген чылажымат ойленыт. 31Иисус нунылан каласен: «Ӧрдыжкырак, тымык верыш, посна каена, тушто изиш каналтыза». Вет шуко еҥ толмо-кайымылан кӧра нунын кочкашыштат жапышт лийын огыл.
32Нуно, пушыш шинчын, тымык верыш посна каеныт. 33Но шукышт кайымыштым ужыныт да нуным паленыт, почешышт чыла ола гыч куржыныт, тушко ондакрак миен шуыныт да Тудын деке погыненыт. 34Серыш лекмеке, шуко калыкым ужынат, Иисус нуным чаманен. Еҥ-влак кӱтӱчӧ деч посна кодшо шорык тӱшка гай лийыныт. Нуным шукылан туныкташ тӱҥалын.
35Ятыр жап эртымеке, тунемшыж-влак Иисус деке миеныт да ойленыт: «Вержат тыште калык илыдыме, ынде жапат шуко эртен. 36Калыкым колто. Тек нуно лишыл яллашке да илемлашке каят да шкаланышт киндым налыт, вет кочкаш нимошт уке». 37Но Иисус вашештен: «Те нунылан кочкаш пуыза». Тунемшыж-влак каласеныт: «Ме кок шӱдӧ динарийлан киндым налаш кайышаш да нунылан кочкаш пуышаш улына мо?» 38Тудо йодын: «Тендан кунар киндыда уло? Мийыза, ончалза». Пален налмекышт, нуно ойленыт: «Вич сукыр кинде да кок кол». 39Иисус калыкым ужар шудо ӱмбаке тӱшкан-тӱшкан шындаш кӱштен. 40Витле да шӱдӧ еҥ дене чыланат радам дене шинчыныт. 41Иисус вич кинде ден кок колым кидыш налын, пылпомышко ончалын да благословитлен. Вара киндым тодылын, калыклан пуэдышт манын, тунемшыж-влаклан пуэн. Тиде кок колымат чылалан пайлен. 42Чылан теммешке кочкыныт. 43Кодшо катыш дене латкок комдым поген теменыт. Тыгак кодшо колымат погеныт. 44Кочшо пӧръеҥ-влак вич тӱжем нарын лийыныт.
45Тунамак Иисус тунемшыж-влаклан, пушыш шинчын, вес велысе Вифсаида велке Шкеж деч ондакрак вончаш кӱштен. А Шкеже калыкым ужатен колташ кодын. 46Нуным колтымеке, курыкыш кумалаш каен.
47Кас шуын. Пуш теҥыз покшелне улмаш, а Иисус шкетын серыште лийын. 48Тунемшыж-влакын мардеж ваштареш пуш дене нелын ийын кайымыштым ужынат, Иисус йӱдым, нылымше орол годым, теҥыз ӱмбач ошкеден толын да нунын воктеч эртен кайынеже улмаш. 49Теҥыз ӱмбач ошкылшо Иисусым ужмекышт, тунемшыж-влак шинчаланна коеш шоненыт да кычкыраш тӱҥалыныт. 50Чыланат Тудым ужыныт да моткоч лӱдыныт, но Иисус тунамак нунын дене мутланаш тӱҥалын да каласен: «Чот шогыза, ида лӱд, тиде Мый улам». 51Тудо нунын деке пушыш шинчын, мардеж чарнен. Тунемшыж-влак ӧрын-лӱдын шогеныт. 52Нуно але кинде дене лиймымат умылен огытыл. Нунын шӱмышт кӱэмалтше улмаш.
53Вес веке вончымеке, нуно Геннисарет кундемыш шуыныт да серыш лектыныт. 54Пуш гыч волен гына шуктеныт, тусо калык Иисусым пален 55да тиде кундем мучко куржтал савырнен. Кушто улмыж нерген колмеке, черле-влакым тушко вакшышеш нумал кондаш тӱҥалыныт. 56Кушко гына Тудо миен, – олашке, ялышке але илемышке, – черле-влакым уремыш нумал луктыныт да кеч Тудын вургем урвалтыж деке тӱкнаш черле-влаклан эрыкым пуаш Иисус деч йодыныт. Тудын деке тӱкнышӧ-влак чылан паремыныт.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Библийым кусарыше институт, Хельсинки 2007