གཉིད་པ་ཀོ་རིན་ཐི། 10

པ་ཝལ་གི་ རོ༌ཀ་ལའི༌ཁ༌ག་ སྐྱབས་ཨ༌ཝ༌ལ།

1ཉི་ཨོམ་ ཁིརིས་ག་ བྱམས་པར་དང་ ཉམ་ཆུང་ག་ཐུང་ཀེ་ཨ་ཉི་ པ་ཝལ་ ཇང་ཏེན་གི་ ན་ཧ་ཞུན་ཅ་ ན་ཧ་གུབ་ཀ་ཤོ་ ཇང་ཡོང་བ་ལུ༌ལ། དག་པ་ཀབ་ཉི་ ན་ཧ་བ་ཀེ་ ཇང་ཀིན་ག་ཆོ་ལ་ཀབ་ཉི་ཤོ་ ཡོང་ཐེད་པུ་ལ་དག་ཉི་ ཇ་ག་ཀོར་གེ་ཡེག༌ལ། 2ཇི་གི་ན་ཧ་ ལ་སོ་སྐུ་ཆེན་ཨན་ཅ་ ཇང་ནའི་ཆོ་ས་ག་ ཨོ་ཕ་ཀབ་ཉི་ ཇང་ཀག་ཏར་ རི་ཝ་མ་ཅོད༌ཅོ། འཇིག་རྟེན་པ་གི་ མི་ཝ་དང་ཏུ་ཉི་ མི་ན་དག་ཉི་ཡེག་ཁཱན་ སོ་ངོ་བ་ཀབ་ཉི་ ཨུ་ཉུ་དང་ཏུན་མ་ག་ ཇི་གི་ཀག་ཏར་ ཨ་ལེ་རེ༌བེ།

3ཨའི་འཛམ་གླིང་ག་ ཆོན་ཐཱན་རང་གི་ནེ་བུ་ འཇིག་རྟེན་པ་གི་ ཕྱད་མདའ་ཕི་ཝ་དང་ཏུ་ཉི་ ཨ་ཤི་ཕྱད་མདའ་ཕི་ལུ་མཱན༌ཅ། 4ཨ་ཤི་ཕྱད་མདའ་ཕི་ཁཱན་ མཚོན་ཆ་བ་ འཇིག་རྟེན་པ་ག་ མཚོན་ཆ་མང་གི་ཝ་ བདུད་ཀ་དབང་ཚད་བ་ མེ་པ་ཕི་ཁཱན་ དཀོན་མཆོག་ག་ ཤུགས་སྟོབས་གི༌ལ། 5ཁམ་ཙོང་ཉི་ རྩོད་པ་ཕི་ཁཱན་བ་ ཐམས་ཅན་རང་ ཨ་ཤི་ ཨོ་ཐ་མཚོན་ཆ་གི་ཨ་ཉི་ མེ་པ་ཕིན་གེམ༌ཅ། ཧང་ཡ་དག་ནེ་ལ་ ཁམ་ཙོང་ཉི་ རྩོད་པ་ཕི་ཁཱན་གི་ དཀོན་མཆོག་ གུམ་ཡེ་ལེ་བི་ལུ་མཱན༌ཅ། ཨོ་ཐ་མཚོན་ཆ་ག་ཐུང་ཀེ་ཨ་ཉི་ མི་ཁཱན་སེམས་ ཐམས་ཅན་རང་ ཨ་ཤི་ཙུང་ཉི་བུན་ཐཱན་ ཁིརིས་ག་ཆ་གནས་ཐ་ཁཱན་ཅོད༌ཅ། 6ན་ཤི་ཆ་གནས་ཐ་ཉི་ཆུམ་དེན་གེ་ ཆ་གནས་ཐ་ལེ་མ་ན་ཁཱན་ ཐམས་ཅན་རང་ ཁྲིམས་ཀེ་བེ་ག་ ཨའི་ཅབ་ཉི་ཆོ༌ལེ།

7ན་ཤི་ཕིས་ཀེ་ཐོང་ཁཱན་ག་ཤ་ གོད༌ལ། ཨི་བི་གི་རང་གི་ནེ་བུ་ ལོ་དེ་ཏོག་ཏོ་ཨ་ཉི་ རོག་ཁིརིས་ག་གི་ལ་དག་ མི་ཝ་ཐུར་ རོག་ཁིརིས་ག་ གི་ཝ་པུརུས་ཀིན་ཨ་ཉི་ ཨའི་བུ་ ཁིརིས་ག་རང་གི་ལ་དག་ཉི་ སེམས་ཀ་ཐའི། 8གཙོ་བོ་གི་ ན་ཧ་བ་ མེ་པ་ཕི་ལེ་དེན་གེ་ མང་གི་ཝ་ ལེག་པུ་ཅོད་པེ་དེན་གེ་ ཨ་ཧ་ཏཱན་ དབང་ཚད་གནང་ཁཱན་ག་ཀོར་གེ་ ཇི་གི་ད་སུར་ ཐེབ་རང་ཁམ་ཙོང་ནེ་བུ་ ཇང་ངི་ནང་མ་ཁུ༌ལ།

9ཇི་གི་ ཨོ་ཐ་ཡི་གུ་ག་ཐུང་ཀེ་ཨ་ཉི་ ན་ཧ་བ་ ཡོང་ཁེ་ལེ་བིན་ཅ་མང་གི། 10ཧང་ཡ་དག་ནེ་ལ་ ཚེ་བང་གི་ཡེག་ལ་ པ་ཝལ་གི་ ཡི་གུ་འབྲི་བ་ཀབ་ཉི་ ཀག་ཏར་དང་ ན་སྒྲིང་སྒྲིང་ཨ་ཉི་འབྲི་བ་ཨུན༌ཅ། དག་པ་ཀབ་ཉི་ རོག་ཨ་ཧ་བ་ཀབ་ཉི་ རུ་མ་ཀབ་ཉི་ཤོ་ རོ་ཀི་ ཧང་རང་ཨ་ལེ་རེ་བུ་མཱན་ཅ་ ཉི་རོ་ཀི་ཡེག་ཁཱན་བུ་ ཁུངས་ཧང་རང་མ་ཝ་ཨུན་ཅ་དག༌ཉི། 11ཨའི་མ་ལཱན་ཆོ་ལ་ཀབ་ཉི་ ཨ་ཤི་ཡི་གུ་འབྲི་བ་པུརུས་ཀིན་ཨ་ཉི་ ཨའི་ན་ཧ་བཱརང་ཀ་ ཨོ་ཕ་ཀབ་ཉི་བུ་ ཡི་གུ་འབྲི་བ་ད་བུ་རང་ ཨོ་ཕེ་དག་ཉི་ ཨུ་ཉུ་ད་བུ་ཆོ་ཁཱན་ སོ་ངོ་བ་ཀི་ སེ་ལེ་ཁེ༌ལེ།

12རང་ཏེན་ག་བསྟོད་པ་ཕི་ཁཱན་ སོ་ངོ་བ་ཀབ་ཉི་ ཨ་ཤི་དོ་ལུ་ཨ་ལེ་ག་ ཨུ་ཉུ་མ་ནེ་ལ་ རེ་ཉི་གོད་པེ་ག་ ཨ་ཧ་སེམས་མཱན༌ཅ། རོག་ཏེ་བ་ཀི་ རོག་ཏེ་བ་ནང་དོ་ ཐུར་དང་ཐུར་ཀབ་ཉི་ ཟེར་བ་མ་ཚཱད་པ་ རོག་ཏེ་བ་ནང་དོ་ རེ་ཉི་བུ་གོད༌ལ། རོག་ཏེ་བ་ གནམ་མེད་ས་མེད་ ཡོང་བ༌ལ།

13དག་པ་ཀབ་ཉི་ ཨ་ཤི་ཚེད་མ་ཝ་ཨ་ཉི་ ཁམ་མ་ཙོང༌མ། ཨ་ཤི་ཁམ་ཙོང་ནེ་བུ་ དཀོན་མཆོག་གི་ ཨ་ཧ་ས་མཚམས་གནང་མ་དང་ཏུ་ཉི་ཤ་ ཨ་ཤི་ཁམ་ཙོང༌མེ། ཉི་ན་ཧ་བ་བུ་ ཨོ་ཉ་ས་མཚམས་ནང་ཀ་ཁེན༌ཅ། 14ཉི་ཨའི་ ན་ཧ་བཱརང་ཀ་ མ་ཤེག་པ་གི་ནེ་ལ་ ཨ་ཤི་ཁམ་ཙོང་མེ་ག་ ཟག་པུ་རང་ཟག་པེ་ཆོ༌ཝ། ཉི་ཨུ་ཉུ་ད་བུ་ ཨ་ཤི་ཨ་ཝ་མཱན༌ཅ། ཁིརིས་ག་འཐེན་ལེག་པུ་བུ་ཉི་ ན་ཧ་བཱརང་ཀ་སག་པུ་རང་ ཐམས་ཅན་གེ་ གོ་མ་དི་ཁཱན་ཤོ་ ཨའི་གི༌ལ།

15ཉི་བཱརའ་གི་ཨ་ཁཱན་ ལའི་ག་ཐུང་ཀ་བུ་ ཨ་ཤི་ཁམ་ཙོང་མ་མཱན༌ཅ། ལག་ཏང་ ན་ཧ་བ་ དད་པ་ག་ཟོག་ཅེན་ ཉི་ཨ་ཤི་ ན་ཧ་པོང་ཀ་ ཨ་ཁཱན་ལའི་ཁེ་པ་ ཆི་ལུ་རིན་ཆེན་དག་ཉི་ ཨ་ཤི་རེ་ཆ་ཨན༌ཅ། 16ཉི་གེ་ བཱརའ་གི་གོ་མ་གེ་རང་ ལའི་ཨ་ཁཱན་ཨུང་ག་ཀོར་གེ་ ཁམ་མ་ཙོང་མཱན་ ན་ཧ་བ་ཀེ་ ཇང་ཀིན་ག་ཆོ་ཁཱན་ ས་ཆ་ཁོན་དི་ཉི་ ཨ་ཤི་འཐེན་ལེག་པུ་བཤད་པེ་རེ༌བེ། 17དག་པ་ཀབ་ཉི་ ཨི་བི་གི་ཁམ་ཙོང་མ་ཐུར་ གཙོ་བོ་གི་ མཛད་ཁཱན་ག་ཀོར་གེ་ ཁམ་ཙོང་ཆེན།#10:17 ཡར་མི་ཡ་ག་དཔེ་ཆ་ 9:24

18ཧང་ཡ་དག་ནེ་ལ་ སོ་ངོ་གི་ བསྟོད་པ་ཕུལ་ཁཱན་ཁེ་པ་ ཙི་ལེ་མང་གི་ཝ་ གཙོ་བོ་གི་ བསྟོད་པ་ཕུལ་ཁཱན་ཁེ་པ་ ཙི་ལེ་ཁེ༌ལེ༎

ទើបបានជ្រើសរើសហើយ៖

གཉིད་པ་ཀོ་རིན་ཐི། 10: TNTB

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

Tshangla New Testament

ស្វែងយល់បន្ថែមទៀតអំពី Tshangla New Testament (BSI)