Lukas Kopoilaan
Kopoilaan
Ngaran nopo di tulun i minonulis diti buuk nga i Lukas, iso duktur di aparsaya di Yisus di pogulu. Alanggau i sorita tinulis disido pasal di karaja om i ponudukan di Yisus mantad di tinulisan di tongotulun vokon. Tumimpuun isido monorita do kivaro moloikat popoilo laid pasal do kinosusuvan di Yaya Mamamatis#1:0 Mamamatis: Momomonsu om i Yisus gosob do kinoisavatan di Yisus si suruga. Minonulis nogi i Lukas do iso buuk diri kopisuput diti Abar do Aandai do Tinulis di Lukas do roiton do Sorita Diri Susuuon di Yisus. Iri nopo nga monorita do nokoinsavat nopo dii i Yisus si suruga om muu-guu dii i tongotulun do aparsaya Disido gosob do tinumongkop siti vonuvo. Duvo nopo buuk diti nga porikoton si di iso tulun do agajo pangkat mantad si Bandar Ruum. Ngaranjo nopo dii nga i Tipilus.
Iti nopo buuk do Abar do Aandai do Tinulis di Lukas nga popoilo do i Yisusno i Momimijau, i nijanji do Kinoringan di kasangkat do tulun. Om tinulis nogi di Lukas saralom buuk diti do i Yisus nopo om sinuu di Tatod do Tuhan do mongoi mangaabar di Abar do Aandai do mantad si Kinoringan do porikot si tulun do miskin. Iti nopo Abar do Aandai diti om koontok marong do onuu nopo do koporluan do tulun. Om kivaro kasanangan do ginavo di pointulis siti buuk di Lukas. Koiso nopo nga saralom do piipiro pasal di koimpuunon kivaro kasanangan do ginavo sabap monorita di korikatan di Yisus. Om pingovion do buuk diti kivaro kasanangan do ginavo sabap pinoinsavat i Yisus silo suruga.
Oguu i sinorita siti saralom diti buuk do Abar do Aandai do Tinulis di Lukas do au nokotulis si buuk tinulisan do tulun vokon, irad diri sinding#1:0 sinding: lolongoi di piipiro moloikat, om i piipiro momimiara do kambing biri-biri di minongoi ontong ontok di nosusu i Yisus, om ontok do siri i Yisus Valai Sasambayangan Tagajo di tanakpo Isido, om i pinoiradan do pasal di Tulun do Somoria di Obinsianan om i Tanak di Minombo. (Antangai boogian koduvo om koturu iri nokotulis siri saralom diti buuk ponong suribak.) Om pinoinggajo nogi saralom do buuk diti pasal do sumambayang, om Tatod Tolidang, om pasal di tongondu do monguup di Yisus ontok do potongkop Isido di Abar do Aandai om pasal do ompunan do Kinoringan i duso do tulun.
Saralom diti Buuk
1. Kotimpuunon 1:1-4
2. Kinosusuvan di Yaya Mamamatis#1:0 Mamamatis: Momomonsu om i Yisus 1:5-2:20
3. Ontok do tangaanakpo i Yisus 2:21-52
4. Karaja di Yaya Mamamatis 3:1-20
5. Binotisan#1:0 Binotisan: Binoptoisan i Yisus om pinonsubaan Isido 3:21-4:13
6. Karaja di Yisus si tongotulun do silo Vonuvo Golilia 4:14-9:50
7. Mantad silo Golilia om gosob do korikot silo Bandar Yorusalim 9:51-19:27
8. Minggu di koovion silo Yorusalim om silo misoliput do Yorusalim 19:28-23:56
9. Novijau i Yisus kavagu do mantad si kapatajon, om minintalang Isido, om pinoinsavat Isido silo suruga 24:1-53
Nong kivaro tanda bintang (*) siri tinangaran, nga obuli iumon i komoion diri tinangaran si Kamus Kadajan.
ទើបបានជ្រើសរើសហើយ៖
Lukas Kopoilaan: LabukPKV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.