Lukas 2
2
Kinosusuvan di Yisus
(Mat. 1:18-25)
1Ontok di kinosusuvan di Yaya om minonuu i Raja Koisar Agustus do mongijap kasangkat do tulun siri tongovonuvo iri porintawonjo. 2Om iri nogi dino do kivaro ponuuan do mongijap di tongotulun, om ontok diri i Korinus iri gobonor siri Vonuvo Siria. 3Om kasangkat di tongotulun nga sompori-ori dii muli siri kampung doisido do mokidaptar.
4Om i Jusip nga minuli nogi siri Bandar Boitlim siri Vonuvo Yudia mantad silo Bandar Nasarit siri Vonuvo Golilia. Do sirino Bandar Boitlim i kinosusuvo di Raja Daud om i Jusip nopo nga koturunan di Daud. 5Om ongoino dii i Jusip siri supaya kadaptar ngaran disido duvo di pogongjo, i Moria. Nga iri nopo pogongjo diri om momontijan. 6Nga ontok di siri Boitlim iolo om norikotno dii i kosusuvan di Moria. 7Om kosusu nopo dii isido di tanakjo gulu nga kusai. Om lopotono dii disido i tanakjo di tambam om poododopo si ponumadan do sapi, sabap noovian iolo do ijonon siri valai ririkoton.
I Tongomomimiara do Kambing om i Tongomoloikat
8Nga kivaro piipiro tulun do momimiara do kambing biri-birijo siri pangkatapan do kambing si somok Bandar Boitlim diri ontok di totuvong. 9Om tigogi dii do navaangan iolo di vinaang siri misoliput diolo do minintalang iri iso moloikat do Tuhan siri diolo, om nokorosi dii marong iolo. 10Nga kadi moloikat diolo, “Ada kou korosi! Do ioku nopo diti nga porongou dikovu do abar do aandai. Om abar nopo diti nga papasanang do ginavo do kasaangkat di tongotulun. 11Do sodop maino nosusuno iri Momimijau dikovu siti Boitlim i bandar di Raja Daud. Isidono i Koristus om Tuhan. 12Om pongintutunan muju nopo nga osomungan muju iso tanak topoyok linopot do tambam poingodop siri ponumadan do sapi,” kadi moloikat.
13Om tigogi dii do oguu marong i moloikat mantad soi suruga do kinumoruang diri moloikat do mitangar di momimiara do kambing biri-biri, om mangarajou dii iolo di Kinoringan do ka,
14“Pangarajou#2:14 Pangarajou: Pongompod tokouno di Kinoringan i poingijon soi savat suruga,
om mokianu tokouno Disido
supaya osondodno i ginavo di tongotulun siti vonuvo iri kaandaian Disido!”
kadi tongomoloikat.
15Om korijang nopo dii i tongomoloikat mantad si di momimiara do kambing biri-biri do minuli soi suruga, om poiangat-angatno dii i momimiara do ka, “Kayo tokouno mongoi soi Boitlim, mongontong tokou diri komoion di Tuhan, i nipoilo diri moloikat daton,”#2:15 daton: ditokou kadiolo.
16Om piogono dii iolo mampanau, om kaayangai dii diolo i Moria, om i Jusip om i Tanak kosususu do poingodop siri saralom ponumadan do sapi. 17Nga kaantangai nopo dii diolo, om poiloono dii diolo i tangar di moloikat pasal di Tanak. 18Om oiranan marong dii i tongotulun do nokorongou di tinangar di momimiara do kambing biri-biri. 19Nga potoouono dii di Moria kasangkat iri siri ginavojo mivaja do minsoromo diri komoion diolo, iri norongoujo. 20Om ulino dii i momimiara do kambing biri-biri diri, mivaja do mangarajoui om mangagajoi iolo di Kinoringan diri norongou om naantangan doisido do nakangaam marong iri kinomoi di moloikat.
Sinunatan om Inovit i Yisus siri Valai Sasambayangan Tagajo
21Om korikot nopo dii i kavalu tadau mantad di kinosusuvan di Tanak, om sunataino dii diolo Isido, om ponguranai nogi dii diolo do i Yisus, irad di nipomungaran di moloikat Disido di aupo nokopomontijan i Moria.
22Om korikotpo dii iri maso do kopongolidangan diolo do maja diri nisuu diri Undang-undang di Musa, om ovito nogi dii di Jusip om i Moria i Yisus do minongoi si Yorusalim do pataakon do Tuhan, 23do maja di nokotulis siri Undang-undang do Tuhan do irad diti, “Pointikid-tikidno do tanak kusai di gulu om misti do ipasanganu do Tuhan,” ka.#Antangai Kinolobusan 13:2, 12. 24Om tomodon nopo vagu diolo do mongoi soi nga pataak do isogit, irino do duvo noinan kungkur ko duvo noinan tanak do burungasang do ponogit diinojo di tanak irad di nisuu diri Undang-undang di Tuhan.#Antangai Imam 12:8.
25Om ontok nopo dii nga kivaro iso tulun soi Bandar Yorusalim do i Somiun ngaran, om abanar kotulun om olidang si di Kinoringan. Om vovojoon di Tatod Tolidang isido. Om mandad-andad isido do korikatan diri popoidu di tongotulun Israil mantad di duso diolo. 26Om pinointalang nogi di Tatod Tolidang si di Somiun do, “Aupo apataiko nong aupo koontong di Koristus, i nijanji laaid do Tuhan,” ka. 27Om sabap do sinuu di Tatod do Kinoringan i Somiun do masu siri Valai Sasambayangan Tagajo om asuno dii isido. Nga ontok nogi diri, minasu i Jusip om i Moria do minongovit di Yisus, i Tanakjo, siri Valai Sasambayangan Tagajo do pataakon diolo Isido di Tuhan do irad di nisuu do Undang-undang Ugama do Joudi. 28Om kaantangai nopo dii di Somiun i Yisus om kibitono dii, om pangarajouno dii di Kinoringan do ka,
29“Tuhan, poboyoon okuno dino apatai do maino saralom do kasanangan
do nokorikotno i nijanjiNu,
30do matoku kondiri do nokoontong di Yisus,
i Momimijau do tulun.
31I Yisusno iri pinosodiaNu si gotuvang do kasangkat diri tongobansa,
32om Isidono irad do tanavau do pointalang siri di tongotulun di okonko bansa Israil
supaya koilo iolo nong isai i Kinoringan.
Om sabap do nokorikot i Yisus siti dagai i tongotulun Israil,
nga iri nopo tongotulun di okonko bansa Israil nga mangarajou#2:32 mangarajou: mongompod dagai,”
kadi Somiun do minangarajou do Kinoringan.
33Om koiranaino dii marong iinoJo om iamoJo#2:33 amo: apa di Yisus di tinangar di Somiun. 34Om barakataino dii di Somiun iolo mongiduvo, om pitangar isido di Moria iinoJo di Yisus do irad diti, “Tanak nopo diti om tinantuno do Kinoringan do mamatai diri tongotulun do Israil di au aparsaya om povijau diri aparsaya. Om i Yisusno osiliu do pongintutunan mantad di Kinoringan, nga oguu tongotulun mangada Disido, 35ampa do kointalangno i ginavo diolo do araat. Om dika do ginavo nga sumusa irad do nosungkadan do karis sabap iada diolo Isido,” kadi Somiun.
36Om kavagupo kivaro iso tongondu lumoingno marong, ngaran nopo dii nga iAna, om isido nogi nga nabi, tanak di Panuil, koturunan diAsir. Isido nopo nga turu noo toun do kisavo. 37Om umur disido gosob maino kivarono valu nopulu om apat toun om aupo insan tumingkod isido do mongoi siri Valai Sasambayangan Tagajo. Om tadau sodop isido sumamba do Kinoringan mivaja do sumambayang om mogpuasa. 38Om nokopiontok nogi iAna di Jusip om i Moria siri Valai Sasambayangan Tagajo, om monorimakasi dii iAna di Kinoringan sabap nokoontong di Yisus. Om pangaabarno dii isido di tongotulun di sangandad-andad do mongolukat i Kinoringan di tongotulun siri Bandar Yorusalim.
Minuli i Moloing di Yisus si Nasarit
39Om koopodpo dii kasangkat i moloing di Yisus pataak di isogit do maja di nisuu diri Undang-undang do Tuhan, om uli nogi dii iolo si tijonon diolo siri Bandar Nasarit, siri Vonuvo Golilia. 40Om majo-gajo i Yisus, om mirot-girot i kojuvanJo,#2:40 kojuvan: tinan om muang-ruang i toilaanJo, om binarakatan marong di Kinoringan Isido.
Di Minsusukod i Yisus Inovit siri Valai Sasambayangan Tagajo
41Koubasanan nopo di Jusip om i Moria, i moloing di Yisus, nga mongoi siri Bandar Yorusalim do pointikid-tikid do toun ontok do Tadau Paska, irino tadau tagajo do pangandaman diolo diri kinoiduan diodu-aki diolo mantad siri Vonuvo Masir di pogulu. 42Om ontok di opulu nogi om duvo toun umur di Yisus, om ongoino iolo silo Yorusalim do irad di koubasanan diolo. 43-44Om koikas nopo dii i tadau tagajo, pampanauno dii iolo misasavo muli sampai nasadapan. Nga au noilaan diolo do i Yisus nopo nga minopung siri Yorusalim. Do andasan nopo daa dii diolo om nakagavul Isido siri songkoruangan doisido mampanau. Nga iumo nopo diolo Isido siri pialatan diri koworis-worisan om koubas-ubasan diolo, 45nga aui sino si diolo. Om poguliaino dii diolo kavagu misasavo mongoi si Yorusalim do mogium Disido. 46Om kosomungaino dii diolo Isido di kotolu tadau siri natad do Valai Sasambayangan Tagajo do poingogom siri pialatan di tongoguru ugama do mongkinongou om mongoduat diolo. 47Om kasangkat diri tongotulun di nokorongou nga osumboijan Disido, sabap koilo marong Isido do turus koontok iri ijawapJo. 48Om moloing di Yisus nogi nga osumboijan do koontong do irad diri. Om tangarono dii diinoJo do, “Usau, nokuro do irad diti karajaNu dagai? Antangai ikoipo diamoNu#2:48 diamo: diapa nga nosurau marong mogium Dikau!” kadi Moria.
49Nga jawap i Yisus diolo do, “Nokuro do iumon Oku dikovu? Au koupo koilo do misti siti Oku valai diAmoKu?” ka. 50Nga au koilo iolo nong onu komoion diri tangar Disido.
51Om vajano dii i Yisus diolo muli soi Bandar Nasarit, om mingkubobojo Isido tudukan diolo. Om potoouo nopo dii diinoJo kasangkat iri norongoujo si ginavojo. 52Om i Yisus nga majo-gajo om muang-ruang iri toilaanJo, om makin nogi dii do kouvangan marong di Kinoringan Isido om i tongotulun.
ទើបបានជ្រើសរើសហើយ៖
Lukas 2: LabukPKV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.
Lukas 2
2
Kinosusuvan di Yisus
(Mat. 1:18-25)
1Ontok di kinosusuvan di Yaya om minonuu i Raja Koisar Agustus do mongijap kasangkat do tulun siri tongovonuvo iri porintawonjo. 2Om iri nogi dino do kivaro ponuuan do mongijap di tongotulun, om ontok diri i Korinus iri gobonor siri Vonuvo Siria. 3Om kasangkat di tongotulun nga sompori-ori dii muli siri kampung doisido do mokidaptar.
4Om i Jusip nga minuli nogi siri Bandar Boitlim siri Vonuvo Yudia mantad silo Bandar Nasarit siri Vonuvo Golilia. Do sirino Bandar Boitlim i kinosusuvo di Raja Daud om i Jusip nopo nga koturunan di Daud. 5Om ongoino dii i Jusip siri supaya kadaptar ngaran disido duvo di pogongjo, i Moria. Nga iri nopo pogongjo diri om momontijan. 6Nga ontok di siri Boitlim iolo om norikotno dii i kosusuvan di Moria. 7Om kosusu nopo dii isido di tanakjo gulu nga kusai. Om lopotono dii disido i tanakjo di tambam om poododopo si ponumadan do sapi, sabap noovian iolo do ijonon siri valai ririkoton.
I Tongomomimiara do Kambing om i Tongomoloikat
8Nga kivaro piipiro tulun do momimiara do kambing biri-birijo siri pangkatapan do kambing si somok Bandar Boitlim diri ontok di totuvong. 9Om tigogi dii do navaangan iolo di vinaang siri misoliput diolo do minintalang iri iso moloikat do Tuhan siri diolo, om nokorosi dii marong iolo. 10Nga kadi moloikat diolo, “Ada kou korosi! Do ioku nopo diti nga porongou dikovu do abar do aandai. Om abar nopo diti nga papasanang do ginavo do kasaangkat di tongotulun. 11Do sodop maino nosusuno iri Momimijau dikovu siti Boitlim i bandar di Raja Daud. Isidono i Koristus om Tuhan. 12Om pongintutunan muju nopo nga osomungan muju iso tanak topoyok linopot do tambam poingodop siri ponumadan do sapi,” kadi moloikat.
13Om tigogi dii do oguu marong i moloikat mantad soi suruga do kinumoruang diri moloikat do mitangar di momimiara do kambing biri-biri, om mangarajou dii iolo di Kinoringan do ka,
14“Pangarajou#2:14 Pangarajou: Pongompod tokouno di Kinoringan i poingijon soi savat suruga,
om mokianu tokouno Disido
supaya osondodno i ginavo di tongotulun siti vonuvo iri kaandaian Disido!”
kadi tongomoloikat.
15Om korijang nopo dii i tongomoloikat mantad si di momimiara do kambing biri-biri do minuli soi suruga, om poiangat-angatno dii i momimiara do ka, “Kayo tokouno mongoi soi Boitlim, mongontong tokou diri komoion di Tuhan, i nipoilo diri moloikat daton,”#2:15 daton: ditokou kadiolo.
16Om piogono dii iolo mampanau, om kaayangai dii diolo i Moria, om i Jusip om i Tanak kosususu do poingodop siri saralom ponumadan do sapi. 17Nga kaantangai nopo dii diolo, om poiloono dii diolo i tangar di moloikat pasal di Tanak. 18Om oiranan marong dii i tongotulun do nokorongou di tinangar di momimiara do kambing biri-biri. 19Nga potoouono dii di Moria kasangkat iri siri ginavojo mivaja do minsoromo diri komoion diolo, iri norongoujo. 20Om ulino dii i momimiara do kambing biri-biri diri, mivaja do mangarajoui om mangagajoi iolo di Kinoringan diri norongou om naantangan doisido do nakangaam marong iri kinomoi di moloikat.
Sinunatan om Inovit i Yisus siri Valai Sasambayangan Tagajo
21Om korikot nopo dii i kavalu tadau mantad di kinosusuvan di Tanak, om sunataino dii diolo Isido, om ponguranai nogi dii diolo do i Yisus, irad di nipomungaran di moloikat Disido di aupo nokopomontijan i Moria.
22Om korikotpo dii iri maso do kopongolidangan diolo do maja diri nisuu diri Undang-undang di Musa, om ovito nogi dii di Jusip om i Moria i Yisus do minongoi si Yorusalim do pataakon do Tuhan, 23do maja di nokotulis siri Undang-undang do Tuhan do irad diti, “Pointikid-tikidno do tanak kusai di gulu om misti do ipasanganu do Tuhan,” ka.#Antangai Kinolobusan 13:2, 12. 24Om tomodon nopo vagu diolo do mongoi soi nga pataak do isogit, irino do duvo noinan kungkur ko duvo noinan tanak do burungasang do ponogit diinojo di tanak irad di nisuu diri Undang-undang di Tuhan.#Antangai Imam 12:8.
25Om ontok nopo dii nga kivaro iso tulun soi Bandar Yorusalim do i Somiun ngaran, om abanar kotulun om olidang si di Kinoringan. Om vovojoon di Tatod Tolidang isido. Om mandad-andad isido do korikatan diri popoidu di tongotulun Israil mantad di duso diolo. 26Om pinointalang nogi di Tatod Tolidang si di Somiun do, “Aupo apataiko nong aupo koontong di Koristus, i nijanji laaid do Tuhan,” ka. 27Om sabap do sinuu di Tatod do Kinoringan i Somiun do masu siri Valai Sasambayangan Tagajo om asuno dii isido. Nga ontok nogi diri, minasu i Jusip om i Moria do minongovit di Yisus, i Tanakjo, siri Valai Sasambayangan Tagajo do pataakon diolo Isido di Tuhan do irad di nisuu do Undang-undang Ugama do Joudi. 28Om kaantangai nopo dii di Somiun i Yisus om kibitono dii, om pangarajouno dii di Kinoringan do ka,
29“Tuhan, poboyoon okuno dino apatai do maino saralom do kasanangan
do nokorikotno i nijanjiNu,
30do matoku kondiri do nokoontong di Yisus,
i Momimijau do tulun.
31I Yisusno iri pinosodiaNu si gotuvang do kasangkat diri tongobansa,
32om Isidono irad do tanavau do pointalang siri di tongotulun di okonko bansa Israil
supaya koilo iolo nong isai i Kinoringan.
Om sabap do nokorikot i Yisus siti dagai i tongotulun Israil,
nga iri nopo tongotulun di okonko bansa Israil nga mangarajou#2:32 mangarajou: mongompod dagai,”
kadi Somiun do minangarajou do Kinoringan.
33Om koiranaino dii marong iinoJo om iamoJo#2:33 amo: apa di Yisus di tinangar di Somiun. 34Om barakataino dii di Somiun iolo mongiduvo, om pitangar isido di Moria iinoJo di Yisus do irad diti, “Tanak nopo diti om tinantuno do Kinoringan do mamatai diri tongotulun do Israil di au aparsaya om povijau diri aparsaya. Om i Yisusno osiliu do pongintutunan mantad di Kinoringan, nga oguu tongotulun mangada Disido, 35ampa do kointalangno i ginavo diolo do araat. Om dika do ginavo nga sumusa irad do nosungkadan do karis sabap iada diolo Isido,” kadi Somiun.
36Om kavagupo kivaro iso tongondu lumoingno marong, ngaran nopo dii nga iAna, om isido nogi nga nabi, tanak di Panuil, koturunan diAsir. Isido nopo nga turu noo toun do kisavo. 37Om umur disido gosob maino kivarono valu nopulu om apat toun om aupo insan tumingkod isido do mongoi siri Valai Sasambayangan Tagajo. Om tadau sodop isido sumamba do Kinoringan mivaja do sumambayang om mogpuasa. 38Om nokopiontok nogi iAna di Jusip om i Moria siri Valai Sasambayangan Tagajo, om monorimakasi dii iAna di Kinoringan sabap nokoontong di Yisus. Om pangaabarno dii isido di tongotulun di sangandad-andad do mongolukat i Kinoringan di tongotulun siri Bandar Yorusalim.
Minuli i Moloing di Yisus si Nasarit
39Om koopodpo dii kasangkat i moloing di Yisus pataak di isogit do maja di nisuu diri Undang-undang do Tuhan, om uli nogi dii iolo si tijonon diolo siri Bandar Nasarit, siri Vonuvo Golilia. 40Om majo-gajo i Yisus, om mirot-girot i kojuvanJo,#2:40 kojuvan: tinan om muang-ruang i toilaanJo, om binarakatan marong di Kinoringan Isido.
Di Minsusukod i Yisus Inovit siri Valai Sasambayangan Tagajo
41Koubasanan nopo di Jusip om i Moria, i moloing di Yisus, nga mongoi siri Bandar Yorusalim do pointikid-tikid do toun ontok do Tadau Paska, irino tadau tagajo do pangandaman diolo diri kinoiduan diodu-aki diolo mantad siri Vonuvo Masir di pogulu. 42Om ontok di opulu nogi om duvo toun umur di Yisus, om ongoino iolo silo Yorusalim do irad di koubasanan diolo. 43-44Om koikas nopo dii i tadau tagajo, pampanauno dii iolo misasavo muli sampai nasadapan. Nga au noilaan diolo do i Yisus nopo nga minopung siri Yorusalim. Do andasan nopo daa dii diolo om nakagavul Isido siri songkoruangan doisido mampanau. Nga iumo nopo diolo Isido siri pialatan diri koworis-worisan om koubas-ubasan diolo, 45nga aui sino si diolo. Om poguliaino dii diolo kavagu misasavo mongoi si Yorusalim do mogium Disido. 46Om kosomungaino dii diolo Isido di kotolu tadau siri natad do Valai Sasambayangan Tagajo do poingogom siri pialatan di tongoguru ugama do mongkinongou om mongoduat diolo. 47Om kasangkat diri tongotulun di nokorongou nga osumboijan Disido, sabap koilo marong Isido do turus koontok iri ijawapJo. 48Om moloing di Yisus nogi nga osumboijan do koontong do irad diri. Om tangarono dii diinoJo do, “Usau, nokuro do irad diti karajaNu dagai? Antangai ikoipo diamoNu#2:48 diamo: diapa nga nosurau marong mogium Dikau!” kadi Moria.
49Nga jawap i Yisus diolo do, “Nokuro do iumon Oku dikovu? Au koupo koilo do misti siti Oku valai diAmoKu?” ka. 50Nga au koilo iolo nong onu komoion diri tangar Disido.
51Om vajano dii i Yisus diolo muli soi Bandar Nasarit, om mingkubobojo Isido tudukan diolo. Om potoouo nopo dii diinoJo kasangkat iri norongoujo si ginavojo. 52Om i Yisus nga majo-gajo om muang-ruang iri toilaanJo, om makin nogi dii do kouvangan marong di Kinoringan Isido om i tongotulun.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.