Lukas 1
1
Kotimpuunan
1Sulodku Tipilus i agajo kuasa, iokuno i Lukas do monulis diti sorita do pokirimonku dikau. Om oguuno tulun vokon do nokoponulis di sorita pasal di Yisus i najadi siti daton.#1:1 daton: ditokou 2Abar nopo diri nga pinolombus si daton di tongotulun diri nokoontong kondiri mantad di togina, iri nosiliu do guru do potuduk diri Abar do Aandai. 3Om ioku nopo diti nga nokoimpuun marong do mokituduk pasal diri Abar do Aandai. Sabap diri do koopodku nopo monorisid iri abar najadi togina diri, om aandaian oku dii do monusun diti tinangaran do pokoyonku sino dikau, 4supaya om oilaannu do oinomod marong iri tinangaran i pinotuduk dikau.
Popoilo Laid i Moloikat di Kosusuvan di Yaya Mamamatis
5Iti soritaku diti irad dino: i timpuuni kivaro iso imam, ngaran nopo dii nga i Jokoria. Om ontok di Raja Irudispo raja siri Vonuvo Yudia,#1:5 Vonuvo Yudia: Komoion nopo di ngaran diti nga kasangkat do Vonuvo Israil (i roitan do Polistin di pogulu). i Jokoriano nga iso imam do mantad di boogian diUbijan. Om savo nopo disido diri nga i Lojibit ngaran. Om isido nogi koturunan ponong diArun, irino imam di togiina. 6Iolo nopo diri nga abanar siri gotuvang do Kinoringan. Om obimvaja marong iolo diri tinangaran om i nisuu do Tuhan. 7Nga auso dii tanak diolo diri do au gia maganak i Lojibit, om gosobi dii lumoing iolo mongiduvo.
8Nga kivaro insan maso do nosuatan i boogian diObia sumuvoli do kumaraja diri pakarajaan do imam. Om i Jokoria nogi nga siri kumaraja diri pakarajaan do imam si di Kinoringan. 9Om undiono dii di tongoimam nong isai osuatan do undi do masu si Valai Sasambayangan Tagajo do monutud di komonian, do irino koubasan diolo do momili di imam do monutud di komonian. Om i Jokoria dii nosuatan, om asuno dii isido siri Valai do Tuhan diri. 10Om kasangkat di tongotulun siri labus nga sinumambayang ontok diri tutudai iri komonian.
11Om ontokno dii diri do minintalang iso moloikat do Tuhan siri di Jokoria do poingkakat siri ponong vanan diri ponutudan do komonian. 12Nga pogontong di Jokoria diri moloikat turus do nokotigog om nokorosi marong isido. 13Nga kadiri moloikat minitangar di Jokoria, “Jokoria! Adako rumosi, do norongouno di Kinoringan i pinokianunu, om i Lojibit savonu nga maganaki dii do iso tanak kusai om pongurananno di Yaya. 14Om asanang i ginavonu om aandaianko marong om oguu tulun vokon nogi nga aandaian do osusu isido! 15Do isido nopo nga sumiliu do tulun do agajo pangkat siri gotuvang do Tuhan. Om au apatut isido mongiup do liing do anggur om nunu nopo i tiiupon do topoit. Om mantadpo si tijan diinojo om kukuasawonno isido di Tatod do Kinoringan. 16Om oguu iri tongotulun do Israil angatanjo do gumuli si di Tuhan, i Kinoringan di apatut sambawon diolo. 17Om noonuan isido do ginavo om kuasa irad di nabi Ilia, i popolombus di tinangaran do Kinoringan pogulu. Mogulu isido mampanau mantad do Tuhan do popitoluod do ginavo diamojo#1:17 diamo: diapa om i tanakjo. Om tudukan disido i tongotulun diri au mangasip, supaya koguli iri sinoromo diolo do abanar. Nong irad dino, isidono iri poposiap di ginavo do tulun supaya aparsaya do Tuhan,” kadi moloikat si di Jokoria.
18Jadi kadi Jokoria do minitangar diri moloikat, “Potingkuro oku do koilo do oinomod iti komoionnu? Do ioku nopo diti nga lumoingno om i savoku nga lumoing nogi,” kadi Jokoria.
19Nga pitangarno kavagu i moloikat, “Iokuno i Jibrail, i susuuon mantad si Kinoringan. Om Isidono minonuu dogo do mitangar dika om poporongou dika diti abar do aandai. 20Iti nopo komoionku dikau nga misti do ajadi maja di maso di natantu. Nga sabap do aukoi aparsaya dogo om irino dii do auko koobus mitangar om osiliuko do bobou gosob do orikot i tadau dino komoionku dikau,” kadi moloikat.
21Nga ontok nopo diri nga songindad-indad i tongotulun kinoguuan di Jokoria. Om osumboijan dii i tongotulun do alaid marong isido siri saralom do Valai Sasambayangan Tagajo. 22Om kalabus nopo dii i Jokoria om au dii moilo isido mitangar diri tongotulun do bobou dii isido. Om iradno dii diri kinoilaan diri tongotulun do kivaro nipoontong si di Jokoria siri saralom do Valai Sasambayangan Tagajo. Nga iripo dii i longonjo pongilaan diri komoionjo.
23Om noopodjo nopo dii i karaja siri Valai Sasambayangan Tagajo, om ulino dii isido si valai. 24Au alaid mantad diri om minomontijanno dii i Lojibit, savo di Jokoria, om aupo dii mimvulai isido siri valaijo gosob do limono vulan linaid. 25Om kadisido, “Osianan oku dii di Tuhan om itino dii tinulung oku Disido gosob do minomontijan oku dii do mantad di kuasaJo, do ponirung diri koikumanku siri gotuvang do tulun, iri ausopo tanakku,” kadi Lojibit.
Kopoilaan Laid di Moloikat i Kosusuvan di Yisus
26-27Ontok diri koonom vulan di Lojibit do momontijan, suuono dii kavagu di Kinoringan i moloikat Jibrail do mongoi siri di iso raraa siri Bandar Nasarit siri Vonuvo Golilia. Ngaran nopo di raraa diri nga i Moria, i napagangan di Jusip, i koturunan di Raja Daud. 28Korikot nopo iri moloikat siri disido om pitangarno dii do, “Ososogitkono do kouvanganko do Tuhan om koruanganko Disido soumur,” kadi moloikat.
29Nga kotigog nogi i Moria mivaja do sumurau i ginavojo, om mininsoroomo dii isido nong onu komoion diri tangar di moloikat. 30Om pitangarno kavagu i moloikat do, “Moria, ada rumosi do opuavang#1:30 opuavang: aandai ginavo, obintaak om obintulung i Kinoringan mamarakat dika. 31Oinomod bo do kopomontijanko om osusu nopo tanak diri nga kusai, om ponguranai mujuno iri do i Yisus. 32Om Isidono sumiliu do tulun tagajo om i roitan do Tanak di Kinoringan, i Agajo Marong Kuasa. Om Tuhanno, i Kinoringan, i posiliu Disido do raja irad di takiJo, i Raja Daud. 33Om Isidono momorinta diri koturunan di Yakub gosob do salaid-laid; om auso koompusan di kopomorintaanJo,” kadiri moloikat do minitangar di Moria.
34Nga mokiilo dii i Moria di moloikat do, “Potingkurono ino do aupo nasavo oku?” ka.
35Nga jawapno dii i moloikat do, “Mindaau i Tatod Tolidang sino dika, om sinundui Disido i Agajo Marong Kuasa do mongolopot dikau. Irino karait-rait do olidang i tanak do paganakannu, om roitan do Tanak do Kinoringan. 36Om ondomono pogi i Lojibit i sulodnu do insan lumoingpo om, ‘Auno maganak,’ kado tulun nga maino momontijanno dii isido om koonomno vulan i tijanjo maino. 37Do tinangar di Kinoringan nga auso do au osiliu,” kadiri moloikat.
38Nga kadi Moria, “Ioku nopo nga turiponi do Tuhan. Pojodion nopo dogo ino komoionnu,” ka. Om iduaino dii di moloikat isido.
Minandaa i Moria si di Lojibit
39Om korongou nopo di Moria iri, om piogono isido momorompon om sokidno isido do mongoi siri iso bandar siri Vonuvo Yudia. 40Om korikot nopo dii isido siri bandar diri, om asuno isido siri valai di Jokoria om salamno dii di Lojibit. 41Nga korongou nopo i Lojibit di pananalam di Moria, nga turus do ginumuran iri tanak siri tijan disido, om inosuanno dii i Lojibit di kuasa do Tatod Tolidang. 42Om pitangarno i Lojibit do opuod marong do irad diti,
“Agajono i nibarakat do Kinoringan dikau
mantad di nibarakat di tongotongondu vokon,
om ino paganakannu nogi nga kibarakat.
43Au oku kotumi dikau,
do ikano iinojo di Tuhanku
nga ongoio oku dika andaawo.
44Do pogrongouku#1:44 pogrongou: pagrongou di dolounu sumalam dogo
turus do ginumuran ilo tanak siti tijanku do naandaian.
45Nga osogit-sogitkono,
sabap naparsayako do orikot iri komoion do Tuhan,”
kadi Lojibit.
46Om pitangarno i Moria do,
“Mangarajou#1:46 Mangarajou: Mongompod oku marong do Tuhan,
47om asanang, marong i ginavoku
do mantad di Kinoringan i Momimijau dogo kasanangan di ginavoku.
48Do iokuno turipon Disido di auso ngaran-ngaran
nga aui oolingan oku Disido!
Om mantad dii do maino do moisusuvolipo iri tongokoturunan
nga mitangar do ososogit oku.
49Do i Kinoringanno i nokolobi kagajo i kuasaJo,
do porikot iri barakat di agajo marong siti dogo.
Om olidangno i ngaranJo.
50Om osianan Isido diri tongokoturunan i moisusuvoli
do mongurumat Disido.
51Om iino vinaal di longon Disido popointalang di sinunduJo.
Om tulun di osumbung nga pinoiririjang Disido
mivaja di sinoromo diolo.
52Om tulun di kipangkat do raja
nga inolusan do pangkat,
om pinangkat Disido i tulun di auso ngaran-ngaran.
53Om tulun nopo di vitilon nga pinabajak Disido diri tongaandai,
om tulun nopo di takaya nga sinunsubJo poidu
do longon ko longon mogidu.
54Om pinorikot dii Disido i nijanjiJo si di iodu-aki tokou,
do monulung daton#1:54 daton: ditokou tulun Israil, i susuuonJo.
55Sabap aandamanpo Disido i jinanjiJo do potuduk di kosiananJo si diIbraim
om itokou i koturunan disido gosob salaid-laid,”
kadi Moria do mangarajou di Kinoringan.
56Om poindadapo dii i Moria siri di Lojibit do tolu kama vulan linaid diri, om uli nogi dii isido siri valaijo.
Kinosusuvan di Yaya Mamamatis
57Jadi korikot nopo iri vulan do kosusuvan di Lojibit, om kosusuno dii isido om kusaii dii i tanakjo. 58Om korongou dii i tongotulun si sosomok om i kosusuladanjo do irad dino do aandai marong i Tuhan di Lojibit om iolo nga kaavaja di Lojibit do asanang i ginavo.
59Nga korikot nopo dii do sominggu umur di tanak om rikotno i tongotulun do monunat diri tanak om ponguranan daa dii diolo i tanak do i Jokoria do pasangajon daa diamojo.#1:59 diamo: diapa 60Nga kadiinojo, “Okoniko ino ngaran diusau; i Yaya nono,” ka.
61Jawapno iolo do, “Ausoi kosuladannu do kingaran di Yaya,” kadiolo, do maja di adat do tulun Joudi misti do pasangajon ngaran di tanak di kosusuladan disido.
62Om kopojono diolo iamojo#1:62 amo: apa do mongoduat disido nong isai kouvanganjo momungaran di tanak disido. 63Om pokianu dii isido do papan do ponulisanjo, om tulisaino dii disido irad diti, “I Yaya ngaran dialo,” ka. Nga oiranan dii marong iolo diri ngaran di tanak. 64Om tigogi dii do kavantang dii kavagu i Jokoria mitangar om pangarajouno#1:64 pangarajou: pongompod dii isido do Kinoringan. 65Om korongou nopo dii iri tongotulun diri si sosomok diolo irad diri natangar di Jokoria om rumosi dii marong iolo. Om poiabar-abarono dii i tongotulun siri gosob do nokotongkop dii i abar diri siri tongokokompungan soi sokid, siri Vonuvo Yudia. 66Om kivaro dii minsoromono di tongotulun di nokorongou om mitangar do, “Jumadi kama do tulun tagajo ilo tanak dilo do laaid,” kadiolo. Om mitangar iolo do irad diri sabap do maja-vajai i kuasa do Tuhan disido.
Porikot i Jokoria di Abar do Tuhan
67Om inosuan dii di kuasa do Tatod Tolidang i Jokoria, iamojo di tanak, om minitangar irad diti do polombus diri nituduk do Kinoringan si ginavojo do,
68“Rojoonno i Tuhan, i Kinoringan tokou tulun Israil!
Do nipoontong Disido iri kosiananJo si daton#1:68 daton: ditokou
om mongolukat daton mantad di duso tokou.
69Om inonuan tokou iso tulun koturunan di Daud,
i susuuon di Kinoringan,
iri kikuasa marong do obuli momijau daton.
70Do irino irad di janji mantad do Kinoringan si di nabi linidanganJo,
irino i popolombus di tinangaranJo di pogulupo,
71do poiduon tokou do mantad siri musu tokou,
om nogi mantad diri kuasa di tulun di obonsi daton.
72Om pinotuduk di Kinoringan iri kosiananJo iri nijanjiJo siri di iodu-aki tokou,
om monuman dii diri pinongojonjianJo di olidang si diolo.
73Do i pogulupo sinumumpa Isido mangajanji si diIbraim, i taki tokou,
74do misti tulungon tokou Disido popoidu mantad siri tongomusu tokou.
Om irino supaya au tokovi rumosi do kumaraja si di Kinoringan,
75om supaya olidang tokovi om abanar tokou siri gotuvang di Kinoringan
salaidpo do poimvijau tokoupo,”
kadi Jokoria.
76Om pitangarno dii isido di tanakjo do,
“Usau, ika nopo nga roitanko nogi do nabi do Kinoringan i Agajo Marong Kuasa,
om ikano mogulu mantad di Tuhan do mangandai laaid di ralan do vajaan Disido,
77om porongou di tongotulun diri maja do Kinoringan do ovijau iolo
do oompunan i duso doisido.
78Sabap osianan om orubatan marong i Kinoringan daton,
om porikoton Disido iri mongovit do kovijaan si daton,
Isido nopo diri nga irad di tadau do sumilau nogi do tumitiu mantad soi suruga
79do pavaang siri tulun di poindada siri totuvong
om iri nolungungan do kapatajan,
om monitiu nogi Isido diri ulokon tokou,
om poimpulanu daton do kasandadan do ginavo,”
kadi Jokoria.
80Jadi i tanak diri pun murut-surutno dii, om muang-ruangno dii toilaan di ginavojo. Om kosukod nopo dii isido om minijon dii isido siri padang do kovotuvan gosob do norikot i maso do mintalang isido do monuduk di tongotulun Israil.
ទើបបានជ្រើសរើសហើយ៖
Lukas 1: LabukPKV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.
Lukas 1
1
Kotimpuunan
1Sulodku Tipilus i agajo kuasa, iokuno i Lukas do monulis diti sorita do pokirimonku dikau. Om oguuno tulun vokon do nokoponulis di sorita pasal di Yisus i najadi siti daton.#1:1 daton: ditokou 2Abar nopo diri nga pinolombus si daton di tongotulun diri nokoontong kondiri mantad di togina, iri nosiliu do guru do potuduk diri Abar do Aandai. 3Om ioku nopo diti nga nokoimpuun marong do mokituduk pasal diri Abar do Aandai. Sabap diri do koopodku nopo monorisid iri abar najadi togina diri, om aandaian oku dii do monusun diti tinangaran do pokoyonku sino dikau, 4supaya om oilaannu do oinomod marong iri tinangaran i pinotuduk dikau.
Popoilo Laid i Moloikat di Kosusuvan di Yaya Mamamatis
5Iti soritaku diti irad dino: i timpuuni kivaro iso imam, ngaran nopo dii nga i Jokoria. Om ontok di Raja Irudispo raja siri Vonuvo Yudia,#1:5 Vonuvo Yudia: Komoion nopo di ngaran diti nga kasangkat do Vonuvo Israil (i roitan do Polistin di pogulu). i Jokoriano nga iso imam do mantad di boogian diUbijan. Om savo nopo disido diri nga i Lojibit ngaran. Om isido nogi koturunan ponong diArun, irino imam di togiina. 6Iolo nopo diri nga abanar siri gotuvang do Kinoringan. Om obimvaja marong iolo diri tinangaran om i nisuu do Tuhan. 7Nga auso dii tanak diolo diri do au gia maganak i Lojibit, om gosobi dii lumoing iolo mongiduvo.
8Nga kivaro insan maso do nosuatan i boogian diObia sumuvoli do kumaraja diri pakarajaan do imam. Om i Jokoria nogi nga siri kumaraja diri pakarajaan do imam si di Kinoringan. 9Om undiono dii di tongoimam nong isai osuatan do undi do masu si Valai Sasambayangan Tagajo do monutud di komonian, do irino koubasan diolo do momili di imam do monutud di komonian. Om i Jokoria dii nosuatan, om asuno dii isido siri Valai do Tuhan diri. 10Om kasangkat di tongotulun siri labus nga sinumambayang ontok diri tutudai iri komonian.
11Om ontokno dii diri do minintalang iso moloikat do Tuhan siri di Jokoria do poingkakat siri ponong vanan diri ponutudan do komonian. 12Nga pogontong di Jokoria diri moloikat turus do nokotigog om nokorosi marong isido. 13Nga kadiri moloikat minitangar di Jokoria, “Jokoria! Adako rumosi, do norongouno di Kinoringan i pinokianunu, om i Lojibit savonu nga maganaki dii do iso tanak kusai om pongurananno di Yaya. 14Om asanang i ginavonu om aandaianko marong om oguu tulun vokon nogi nga aandaian do osusu isido! 15Do isido nopo nga sumiliu do tulun do agajo pangkat siri gotuvang do Tuhan. Om au apatut isido mongiup do liing do anggur om nunu nopo i tiiupon do topoit. Om mantadpo si tijan diinojo om kukuasawonno isido di Tatod do Kinoringan. 16Om oguu iri tongotulun do Israil angatanjo do gumuli si di Tuhan, i Kinoringan di apatut sambawon diolo. 17Om noonuan isido do ginavo om kuasa irad di nabi Ilia, i popolombus di tinangaran do Kinoringan pogulu. Mogulu isido mampanau mantad do Tuhan do popitoluod do ginavo diamojo#1:17 diamo: diapa om i tanakjo. Om tudukan disido i tongotulun diri au mangasip, supaya koguli iri sinoromo diolo do abanar. Nong irad dino, isidono iri poposiap di ginavo do tulun supaya aparsaya do Tuhan,” kadi moloikat si di Jokoria.
18Jadi kadi Jokoria do minitangar diri moloikat, “Potingkuro oku do koilo do oinomod iti komoionnu? Do ioku nopo diti nga lumoingno om i savoku nga lumoing nogi,” kadi Jokoria.
19Nga pitangarno kavagu i moloikat, “Iokuno i Jibrail, i susuuon mantad si Kinoringan. Om Isidono minonuu dogo do mitangar dika om poporongou dika diti abar do aandai. 20Iti nopo komoionku dikau nga misti do ajadi maja di maso di natantu. Nga sabap do aukoi aparsaya dogo om irino dii do auko koobus mitangar om osiliuko do bobou gosob do orikot i tadau dino komoionku dikau,” kadi moloikat.
21Nga ontok nopo diri nga songindad-indad i tongotulun kinoguuan di Jokoria. Om osumboijan dii i tongotulun do alaid marong isido siri saralom do Valai Sasambayangan Tagajo. 22Om kalabus nopo dii i Jokoria om au dii moilo isido mitangar diri tongotulun do bobou dii isido. Om iradno dii diri kinoilaan diri tongotulun do kivaro nipoontong si di Jokoria siri saralom do Valai Sasambayangan Tagajo. Nga iripo dii i longonjo pongilaan diri komoionjo.
23Om noopodjo nopo dii i karaja siri Valai Sasambayangan Tagajo, om ulino dii isido si valai. 24Au alaid mantad diri om minomontijanno dii i Lojibit, savo di Jokoria, om aupo dii mimvulai isido siri valaijo gosob do limono vulan linaid. 25Om kadisido, “Osianan oku dii di Tuhan om itino dii tinulung oku Disido gosob do minomontijan oku dii do mantad di kuasaJo, do ponirung diri koikumanku siri gotuvang do tulun, iri ausopo tanakku,” kadi Lojibit.
Kopoilaan Laid di Moloikat i Kosusuvan di Yisus
26-27Ontok diri koonom vulan di Lojibit do momontijan, suuono dii kavagu di Kinoringan i moloikat Jibrail do mongoi siri di iso raraa siri Bandar Nasarit siri Vonuvo Golilia. Ngaran nopo di raraa diri nga i Moria, i napagangan di Jusip, i koturunan di Raja Daud. 28Korikot nopo iri moloikat siri disido om pitangarno dii do, “Ososogitkono do kouvanganko do Tuhan om koruanganko Disido soumur,” kadi moloikat.
29Nga kotigog nogi i Moria mivaja do sumurau i ginavojo, om mininsoroomo dii isido nong onu komoion diri tangar di moloikat. 30Om pitangarno kavagu i moloikat do, “Moria, ada rumosi do opuavang#1:30 opuavang: aandai ginavo, obintaak om obintulung i Kinoringan mamarakat dika. 31Oinomod bo do kopomontijanko om osusu nopo tanak diri nga kusai, om ponguranai mujuno iri do i Yisus. 32Om Isidono sumiliu do tulun tagajo om i roitan do Tanak di Kinoringan, i Agajo Marong Kuasa. Om Tuhanno, i Kinoringan, i posiliu Disido do raja irad di takiJo, i Raja Daud. 33Om Isidono momorinta diri koturunan di Yakub gosob do salaid-laid; om auso koompusan di kopomorintaanJo,” kadiri moloikat do minitangar di Moria.
34Nga mokiilo dii i Moria di moloikat do, “Potingkurono ino do aupo nasavo oku?” ka.
35Nga jawapno dii i moloikat do, “Mindaau i Tatod Tolidang sino dika, om sinundui Disido i Agajo Marong Kuasa do mongolopot dikau. Irino karait-rait do olidang i tanak do paganakannu, om roitan do Tanak do Kinoringan. 36Om ondomono pogi i Lojibit i sulodnu do insan lumoingpo om, ‘Auno maganak,’ kado tulun nga maino momontijanno dii isido om koonomno vulan i tijanjo maino. 37Do tinangar di Kinoringan nga auso do au osiliu,” kadiri moloikat.
38Nga kadi Moria, “Ioku nopo nga turiponi do Tuhan. Pojodion nopo dogo ino komoionnu,” ka. Om iduaino dii di moloikat isido.
Minandaa i Moria si di Lojibit
39Om korongou nopo di Moria iri, om piogono isido momorompon om sokidno isido do mongoi siri iso bandar siri Vonuvo Yudia. 40Om korikot nopo dii isido siri bandar diri, om asuno isido siri valai di Jokoria om salamno dii di Lojibit. 41Nga korongou nopo i Lojibit di pananalam di Moria, nga turus do ginumuran iri tanak siri tijan disido, om inosuanno dii i Lojibit di kuasa do Tatod Tolidang. 42Om pitangarno i Lojibit do opuod marong do irad diti,
“Agajono i nibarakat do Kinoringan dikau
mantad di nibarakat di tongotongondu vokon,
om ino paganakannu nogi nga kibarakat.
43Au oku kotumi dikau,
do ikano iinojo di Tuhanku
nga ongoio oku dika andaawo.
44Do pogrongouku#1:44 pogrongou: pagrongou di dolounu sumalam dogo
turus do ginumuran ilo tanak siti tijanku do naandaian.
45Nga osogit-sogitkono,
sabap naparsayako do orikot iri komoion do Tuhan,”
kadi Lojibit.
46Om pitangarno i Moria do,
“Mangarajou#1:46 Mangarajou: Mongompod oku marong do Tuhan,
47om asanang, marong i ginavoku
do mantad di Kinoringan i Momimijau dogo kasanangan di ginavoku.
48Do iokuno turipon Disido di auso ngaran-ngaran
nga aui oolingan oku Disido!
Om mantad dii do maino do moisusuvolipo iri tongokoturunan
nga mitangar do ososogit oku.
49Do i Kinoringanno i nokolobi kagajo i kuasaJo,
do porikot iri barakat di agajo marong siti dogo.
Om olidangno i ngaranJo.
50Om osianan Isido diri tongokoturunan i moisusuvoli
do mongurumat Disido.
51Om iino vinaal di longon Disido popointalang di sinunduJo.
Om tulun di osumbung nga pinoiririjang Disido
mivaja di sinoromo diolo.
52Om tulun di kipangkat do raja
nga inolusan do pangkat,
om pinangkat Disido i tulun di auso ngaran-ngaran.
53Om tulun nopo di vitilon nga pinabajak Disido diri tongaandai,
om tulun nopo di takaya nga sinunsubJo poidu
do longon ko longon mogidu.
54Om pinorikot dii Disido i nijanjiJo si di iodu-aki tokou,
do monulung daton#1:54 daton: ditokou tulun Israil, i susuuonJo.
55Sabap aandamanpo Disido i jinanjiJo do potuduk di kosiananJo si diIbraim
om itokou i koturunan disido gosob salaid-laid,”
kadi Moria do mangarajou di Kinoringan.
56Om poindadapo dii i Moria siri di Lojibit do tolu kama vulan linaid diri, om uli nogi dii isido siri valaijo.
Kinosusuvan di Yaya Mamamatis
57Jadi korikot nopo iri vulan do kosusuvan di Lojibit, om kosusuno dii isido om kusaii dii i tanakjo. 58Om korongou dii i tongotulun si sosomok om i kosusuladanjo do irad dino do aandai marong i Tuhan di Lojibit om iolo nga kaavaja di Lojibit do asanang i ginavo.
59Nga korikot nopo dii do sominggu umur di tanak om rikotno i tongotulun do monunat diri tanak om ponguranan daa dii diolo i tanak do i Jokoria do pasangajon daa diamojo.#1:59 diamo: diapa 60Nga kadiinojo, “Okoniko ino ngaran diusau; i Yaya nono,” ka.
61Jawapno iolo do, “Ausoi kosuladannu do kingaran di Yaya,” kadiolo, do maja di adat do tulun Joudi misti do pasangajon ngaran di tanak di kosusuladan disido.
62Om kopojono diolo iamojo#1:62 amo: apa do mongoduat disido nong isai kouvanganjo momungaran di tanak disido. 63Om pokianu dii isido do papan do ponulisanjo, om tulisaino dii disido irad diti, “I Yaya ngaran dialo,” ka. Nga oiranan dii marong iolo diri ngaran di tanak. 64Om tigogi dii do kavantang dii kavagu i Jokoria mitangar om pangarajouno#1:64 pangarajou: pongompod dii isido do Kinoringan. 65Om korongou nopo dii iri tongotulun diri si sosomok diolo irad diri natangar di Jokoria om rumosi dii marong iolo. Om poiabar-abarono dii i tongotulun siri gosob do nokotongkop dii i abar diri siri tongokokompungan soi sokid, siri Vonuvo Yudia. 66Om kivaro dii minsoromono di tongotulun di nokorongou om mitangar do, “Jumadi kama do tulun tagajo ilo tanak dilo do laaid,” kadiolo. Om mitangar iolo do irad diri sabap do maja-vajai i kuasa do Tuhan disido.
Porikot i Jokoria di Abar do Tuhan
67Om inosuan dii di kuasa do Tatod Tolidang i Jokoria, iamojo di tanak, om minitangar irad diti do polombus diri nituduk do Kinoringan si ginavojo do,
68“Rojoonno i Tuhan, i Kinoringan tokou tulun Israil!
Do nipoontong Disido iri kosiananJo si daton#1:68 daton: ditokou
om mongolukat daton mantad di duso tokou.
69Om inonuan tokou iso tulun koturunan di Daud,
i susuuon di Kinoringan,
iri kikuasa marong do obuli momijau daton.
70Do irino irad di janji mantad do Kinoringan si di nabi linidanganJo,
irino i popolombus di tinangaranJo di pogulupo,
71do poiduon tokou do mantad siri musu tokou,
om nogi mantad diri kuasa di tulun di obonsi daton.
72Om pinotuduk di Kinoringan iri kosiananJo iri nijanjiJo siri di iodu-aki tokou,
om monuman dii diri pinongojonjianJo di olidang si diolo.
73Do i pogulupo sinumumpa Isido mangajanji si diIbraim, i taki tokou,
74do misti tulungon tokou Disido popoidu mantad siri tongomusu tokou.
Om irino supaya au tokovi rumosi do kumaraja si di Kinoringan,
75om supaya olidang tokovi om abanar tokou siri gotuvang di Kinoringan
salaidpo do poimvijau tokoupo,”
kadi Jokoria.
76Om pitangarno dii isido di tanakjo do,
“Usau, ika nopo nga roitanko nogi do nabi do Kinoringan i Agajo Marong Kuasa,
om ikano mogulu mantad di Tuhan do mangandai laaid di ralan do vajaan Disido,
77om porongou di tongotulun diri maja do Kinoringan do ovijau iolo
do oompunan i duso doisido.
78Sabap osianan om orubatan marong i Kinoringan daton,
om porikoton Disido iri mongovit do kovijaan si daton,
Isido nopo diri nga irad di tadau do sumilau nogi do tumitiu mantad soi suruga
79do pavaang siri tulun di poindada siri totuvong
om iri nolungungan do kapatajan,
om monitiu nogi Isido diri ulokon tokou,
om poimpulanu daton do kasandadan do ginavo,”
kadi Jokoria.
80Jadi i tanak diri pun murut-surutno dii, om muang-ruangno dii toilaan di ginavojo. Om kosukod nopo dii isido om minijon dii isido siri padang do kovotuvan gosob do norikot i maso do mintalang isido do monuduk di tongotulun Israil.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.