Susuuon 11
11
Monorita i Pitrus di Sorita di Kunolius siri Bandar Yorusalim
1Nga nokorongou nopo dii i tongosusuuon di Yisus om i tongosulod vokon i naparsaya di Yisus pointongkop soi Vonuvo Yudia do i tulun di okonko bansa Joudi nogi nga aparsaya di tinangaran do Kinoringan. 2Jadi korikotpo dii i Pitrus soi Bandar Yorusalim om i tongotulun i maja do adat monunat nopo nga pakasala disido. 3Kadiolo, “Nokuro do mongoiko silo di tongotulun di okonko bansa Joudi om muntunko diolo do mangakan?” ka.
4Jadi niabar di Pitrus diolo iri kinojodianjo mantad di timpuuni. 5Om kadi Pitrus diolo, “Ontok diri sumambayang oku soi Bandar Yupa, om nipoontong si dogo iri irad do inombubut do kain tagajo do pinoulu mantad soi suruga pinoinsomok dogo. 6Inantanganku dii marong nong onu siri saralom om antangaiku dii do kivaro kasaangkat di tongobansa do pipiaraan, om tongobansa do dupot do orongit, om tongobansa do tombolog om tongovovokon di au apatut akanon tokou tulun Joudi. 7Om nokorongou oku iso dolou mitangar dogo, ‘Tungagno, Pitrus! Ponumbalino diti dupot om akanono,’ ka.
8Nga kangku, ‘Tuhan, au okui mangakan dino, do au okupo insan mangakan do nunuu nopo iri asaim om au apatut akanon,’ ka.
9Nga jawap kadi dolou kumoinduvo mantad soi suruga, ‘Adako mitangar do irad dino do asaim do au apatut akanon do kadi Kinoringan, “Obulikoi mangakan dino do olidang ino,” ka,’ kadi dolou. 10Nga intolujo pouluo iri inombubut om iri om iiri tinangaranjo. Noompus nopo dii iri om poinsavatono dii iri inombubut si suruga.
11Om ontok diri, kivaro tolu tulun nokorikot siri valai ijononku. Sinuu iolo di iso kotua di aatus soujor, ngaranjo i Kunolius, do mongoi siri dogo mantad soi Bandar Koisoria. 12Om sinuu oku di Tatod do Kinoringan, ‘Adano opiduvo ino ginavonu, vajano diolo,’ ka. Iti onom sulod tokou i naparsaya di Yisus nga minaja nogi dogo. Korikot ikoi nopo dii soi Koisoria om asu ikoino dii siri valai di Kunolius. 13Om popoilo i Kunolius dagai do naantangan disido iri iso moloikat mingkakat siri valaijo. Om kadi moloikat disido, ‘Ponuuno do tulun do mongongoi di Simun Pitrus silo Bandar Yupa. 14I Pitrus nopo nga monuduk dika om i sampaganakannu supaya kaanu kou di kovijaan do auso koovion,’ kadi moloikat.
15Timpuun okuno dii mitangar diolo, om inonuan iolo di Tatod Tolidang irad daton#11:15 daton: ditokou inonuan di pogulu. 16Om aandamanku i tinangar di Tuhan do kaDisido, ‘I Yaya nopo nga mamatis di tongotulun do vaig. Nga pamatis#11:16 pamatis: pamaptais nopo do Kinoringan nga manaak dikovu di TatodJo Tolidang,’ kadi Yisus. 17Atarang marong do nitaak di Kinoringan i TatodJo Tolidang di tulun di okonko bansa Joudi, irad nogi dino do nitaak Disido i TatodJo Tolidang daton ontok do aparsaya tokou di Tuhan Yisus Koristus. Jadi sombo buli potingkodonku i Kinoringan,” kadi Pitrus.
18Nokorongou nopo dii iolo di tinangar di Pitrus do irad diri om otosno dii iolo, om auno dii pakasala iolo kavagu. Nga mangarajouno#11:18 mangarajou: mongompod dii iolo do Kinoringan do kadiolo, “Nitaak do Kinoringan iso kosivatan supaya i tongotulun di okonko bansa Joudi nogi nga obuli rumorogo di duso doisido om kaanu kovijaan do auso koovion,” ka.
Poiuuntunan di Tongotulun i Aparsaya di Yisus si Bandar Ontukia
19Ontok do pinatai i Sotipanus nga minoitotondijang i tongotulun i naparsaya di Yisus sabap do sansarawon di tongotulun Joudi. Piipiro iolo nga minongoi soi Vonuvo Puniki, om soi Puru#11:19 Puru: Pulau Siprus om soi Bandar Ontukia, om popoilo iolo di Abar do Aandai di tongotulun Joudi noopo. 20Nga iri nopo tongotulun vokon i naparsaya di Yisus mantad si Siprus om mantad si Bandar Korini nga minongoi soi Ontukia nogi. Om papaabar iolo di Abar do Aandai pasal di Tuhan Yisus di tongotulun Joudi om nogi i tongotulun di okonko bansa Joudi siri Ontukia. 21Om agajo kuasa do Kinoringan monulung diolo. Om oguu tongotulun gumotuvang di Tuhan om aparsaya Disido.
22Om korongou nopo dii i tongotulun i naparsaya di Yisus saralom do poiuuntunan siri Bandar Yorusalim do naparsaya i tongotulun di okonko bansa Joudi si Ontukia di Tuhan. Jadi sinuu diolo i Banabas mongoi soi Ontukia. 23-24Isido nopo nga tulun do aandai, om noponu i ginavojo do kuasa di Tatod Tolidang om aparsaya isido marong. Korikot nopo dii i Banabas soi Ontukia, om naantanganjo do agajo barakat do Kinoringan di tongotulun siri om asanang dii i ginavojo. Om monosiat i Banabas do pogirot di ginavo diolo do misti rumalan maja di Tuhan do aavi-avi i ginavo diolo. Korongou nopo dii i tongotulun om oguu dii i naparsaya di Tuhan.
25Om minongoi i Banabas siri Bandar Tarsus mogium di Soul. 26Om kosomungai nopo dii di Banabas i Soul om angataijono dii muli soi Ontukia. Sontoun linaid diolo mirurunggum di tongotulun saralom do poiuuntunan di tongotulun do aparsaya di Yisus soi Ontukia, om monuduk iolo di kinoguuan di tongotulun siri. Timpuunno dii i tongotulun soi Ontukia do momungaran diri tongotulun di Yisus do tulun Koristian.
27Om ontok diri kivaro piipiro nabi, i popolombus di tinangaran do Kinoringan, do minongoi soi Ontukia mantad siri Bandar Yorusalim. 28Nokountun nopo dii i tongotulun diri om miningkakat dii iso nabi diri, ngaranjo iAgabus. Om mitangar isido mantad do kuasa di Tatod do Kinoringan, om popoilo isido di tongotulun do rumikot i kolikapan kotongkop do vonuvo. Nga ontok do sumiliu i Koloudius do raja om orikatan nogi i tinangarjo. 29Om tinantu di tongotulun di Yisus soi Ontukia poovit do siin soi Vonuvo Yudia do ponulung di tongosulod i naparsaya di Yisus i mijon soi. Jadi isai iri oguu siin oguu itaak; isai iri okuyak siin okuyak itaak. Irino gosob do agaasanjo. 30Nokopoirurukut nopo dii i tongotulun diri siin om pokitulung iolo duvo di Banabas om i Soul do mongovit diri siin do pokoyon siri tongokotua di tulun i naparsaya siri poiuuntunan soi Vonuvo Yudia.
ទើបបានជ្រើសរើសហើយ៖
Susuuon 11: LabukPKV
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.
Susuuon 11
11
Monorita i Pitrus di Sorita di Kunolius siri Bandar Yorusalim
1Nga nokorongou nopo dii i tongosusuuon di Yisus om i tongosulod vokon i naparsaya di Yisus pointongkop soi Vonuvo Yudia do i tulun di okonko bansa Joudi nogi nga aparsaya di tinangaran do Kinoringan. 2Jadi korikotpo dii i Pitrus soi Bandar Yorusalim om i tongotulun i maja do adat monunat nopo nga pakasala disido. 3Kadiolo, “Nokuro do mongoiko silo di tongotulun di okonko bansa Joudi om muntunko diolo do mangakan?” ka.
4Jadi niabar di Pitrus diolo iri kinojodianjo mantad di timpuuni. 5Om kadi Pitrus diolo, “Ontok diri sumambayang oku soi Bandar Yupa, om nipoontong si dogo iri irad do inombubut do kain tagajo do pinoulu mantad soi suruga pinoinsomok dogo. 6Inantanganku dii marong nong onu siri saralom om antangaiku dii do kivaro kasaangkat di tongobansa do pipiaraan, om tongobansa do dupot do orongit, om tongobansa do tombolog om tongovovokon di au apatut akanon tokou tulun Joudi. 7Om nokorongou oku iso dolou mitangar dogo, ‘Tungagno, Pitrus! Ponumbalino diti dupot om akanono,’ ka.
8Nga kangku, ‘Tuhan, au okui mangakan dino, do au okupo insan mangakan do nunuu nopo iri asaim om au apatut akanon,’ ka.
9Nga jawap kadi dolou kumoinduvo mantad soi suruga, ‘Adako mitangar do irad dino do asaim do au apatut akanon do kadi Kinoringan, “Obulikoi mangakan dino do olidang ino,” ka,’ kadi dolou. 10Nga intolujo pouluo iri inombubut om iri om iiri tinangaranjo. Noompus nopo dii iri om poinsavatono dii iri inombubut si suruga.
11Om ontok diri, kivaro tolu tulun nokorikot siri valai ijononku. Sinuu iolo di iso kotua di aatus soujor, ngaranjo i Kunolius, do mongoi siri dogo mantad soi Bandar Koisoria. 12Om sinuu oku di Tatod do Kinoringan, ‘Adano opiduvo ino ginavonu, vajano diolo,’ ka. Iti onom sulod tokou i naparsaya di Yisus nga minaja nogi dogo. Korikot ikoi nopo dii soi Koisoria om asu ikoino dii siri valai di Kunolius. 13Om popoilo i Kunolius dagai do naantangan disido iri iso moloikat mingkakat siri valaijo. Om kadi moloikat disido, ‘Ponuuno do tulun do mongongoi di Simun Pitrus silo Bandar Yupa. 14I Pitrus nopo nga monuduk dika om i sampaganakannu supaya kaanu kou di kovijaan do auso koovion,’ kadi moloikat.
15Timpuun okuno dii mitangar diolo, om inonuan iolo di Tatod Tolidang irad daton#11:15 daton: ditokou inonuan di pogulu. 16Om aandamanku i tinangar di Tuhan do kaDisido, ‘I Yaya nopo nga mamatis di tongotulun do vaig. Nga pamatis#11:16 pamatis: pamaptais nopo do Kinoringan nga manaak dikovu di TatodJo Tolidang,’ kadi Yisus. 17Atarang marong do nitaak di Kinoringan i TatodJo Tolidang di tulun di okonko bansa Joudi, irad nogi dino do nitaak Disido i TatodJo Tolidang daton ontok do aparsaya tokou di Tuhan Yisus Koristus. Jadi sombo buli potingkodonku i Kinoringan,” kadi Pitrus.
18Nokorongou nopo dii iolo di tinangar di Pitrus do irad diri om otosno dii iolo, om auno dii pakasala iolo kavagu. Nga mangarajouno#11:18 mangarajou: mongompod dii iolo do Kinoringan do kadiolo, “Nitaak do Kinoringan iso kosivatan supaya i tongotulun di okonko bansa Joudi nogi nga obuli rumorogo di duso doisido om kaanu kovijaan do auso koovion,” ka.
Poiuuntunan di Tongotulun i Aparsaya di Yisus si Bandar Ontukia
19Ontok do pinatai i Sotipanus nga minoitotondijang i tongotulun i naparsaya di Yisus sabap do sansarawon di tongotulun Joudi. Piipiro iolo nga minongoi soi Vonuvo Puniki, om soi Puru#11:19 Puru: Pulau Siprus om soi Bandar Ontukia, om popoilo iolo di Abar do Aandai di tongotulun Joudi noopo. 20Nga iri nopo tongotulun vokon i naparsaya di Yisus mantad si Siprus om mantad si Bandar Korini nga minongoi soi Ontukia nogi. Om papaabar iolo di Abar do Aandai pasal di Tuhan Yisus di tongotulun Joudi om nogi i tongotulun di okonko bansa Joudi siri Ontukia. 21Om agajo kuasa do Kinoringan monulung diolo. Om oguu tongotulun gumotuvang di Tuhan om aparsaya Disido.
22Om korongou nopo dii i tongotulun i naparsaya di Yisus saralom do poiuuntunan siri Bandar Yorusalim do naparsaya i tongotulun di okonko bansa Joudi si Ontukia di Tuhan. Jadi sinuu diolo i Banabas mongoi soi Ontukia. 23-24Isido nopo nga tulun do aandai, om noponu i ginavojo do kuasa di Tatod Tolidang om aparsaya isido marong. Korikot nopo dii i Banabas soi Ontukia, om naantanganjo do agajo barakat do Kinoringan di tongotulun siri om asanang dii i ginavojo. Om monosiat i Banabas do pogirot di ginavo diolo do misti rumalan maja di Tuhan do aavi-avi i ginavo diolo. Korongou nopo dii i tongotulun om oguu dii i naparsaya di Tuhan.
25Om minongoi i Banabas siri Bandar Tarsus mogium di Soul. 26Om kosomungai nopo dii di Banabas i Soul om angataijono dii muli soi Ontukia. Sontoun linaid diolo mirurunggum di tongotulun saralom do poiuuntunan di tongotulun do aparsaya di Yisus soi Ontukia, om monuduk iolo di kinoguuan di tongotulun siri. Timpuunno dii i tongotulun soi Ontukia do momungaran diri tongotulun di Yisus do tulun Koristian.
27Om ontok diri kivaro piipiro nabi, i popolombus di tinangaran do Kinoringan, do minongoi soi Ontukia mantad siri Bandar Yorusalim. 28Nokountun nopo dii i tongotulun diri om miningkakat dii iso nabi diri, ngaranjo iAgabus. Om mitangar isido mantad do kuasa di Tatod do Kinoringan, om popoilo isido di tongotulun do rumikot i kolikapan kotongkop do vonuvo. Nga ontok do sumiliu i Koloudius do raja om orikatan nogi i tinangarjo. 29Om tinantu di tongotulun di Yisus soi Ontukia poovit do siin soi Vonuvo Yudia do ponulung di tongosulod i naparsaya di Yisus i mijon soi. Jadi isai iri oguu siin oguu itaak; isai iri okuyak siin okuyak itaak. Irino gosob do agaasanjo. 30Nokopoirurukut nopo dii i tongotulun diri siin om pokitulung iolo duvo di Banabas om i Soul do mongovit diri siin do pokoyon siri tongokotua di tulun i naparsaya siri poiuuntunan soi Vonuvo Yudia.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.