Susuuon 10
10
Monuduk i Pitrus di Kunolius pasal di Yisus
1Kivaro iso tulun iri okonko bansa Joudi soi Bandar Koisoria. Ngaranjo nopo nga i Kunolius. Isidono kotua do aatus soujor. Om iri nopo kountunan do soujorjo nga pinonguranan do “Kountunan mantad Vonuvo Itolia.” 2Om rumalan i Kunolius maja do ugama Joudi, om sumamba isido mivaja di tongotulun siri valaijo do Kinoringan nogi. Om obintaak isido di tongotulun Joudi iri ongomimiskin, om soumur isido sumambayang si di Kinoringan. 3Kivaro iso tadau do pukul tiga kama minsosodop diri om nipoontong iso moloikat do Kinoringan rumikot si di Kunolius. Om kadi moloikat disido, “Kunolius,” ka.
4Om nokorosi i Kunolius mongontong di moloikat, om kadisido, “Onu iri, tuan?” ka.
Om jawapno dii i moloikat do ka, “Aukoi oolingan do Kinoringan do norongou Disido iri sambayangnu, om oilaan Disido iri nitulungnu di tongotulun do omiskin. 5Nga ponuupo do tulun mongongoi di Simun, i ponguranan do i Pitrus. 6Minijon isido si di sangaijo i Simun siri timbing do vaig si Bandar Yupa. I sangaijo nopo nga tukang moninidang di kulit do dupot,” kadi moloikat.
7Nokoompus nopo dii i moloikat mitangar om pogiduno dii isido. Om loovono dii di Kunolius iri duvo tulun i susuuonjo om iso soujorjo nga iri rumalan maja do ugama Joudi om monulung isido di Kunolius. 8Popoilo i Kunolius diolo kasangkat diri tinangaran di moloikat om sinuu disido iri tolu kojuvan diri do mongoi soi Yupa.
9Tangaadau kama di susuvab om masipo iolo manau-panau mongoi soi Yupa. Ontok do aui osodu iolo mantad si Yupa om minindakod i Pitrus sumambayang siri soribau di taap iri arantai. 10Om vinitilon dii isido do aupo nakaansak iolo. Om nokoontong dii i Pitrus diri iso pinointalang 11do noukab ilo tavan.#10:11 tavan: langit Om kivaro naantangan disido irad di iso inombubut do kain do tagajo do pinoulu si tana. 12Om naantangan disido i tongobansa do pipiaraan om i tongobansa do tombolog om tongobansa do dupot do mampanau, tumungkaung om iri mundus siri saralom di inombubut do au apatut akanon di tongotulun Joudi. 13Om norongou disido iso dolou minitangar do ka, “Pitrus, tungagno, sumboliono iti dupot om akanono,” ka.
14Nga jawapno dii i Pitrus do ka, “Tuhan, aukui! Do au okupo insan nakaakan do tongodupot do asaim do au apatut akanon dagai bansa Joudi,” ka.
15Om mitangar i dolou kumoinduvo do ka, “Adako mitangar do irad dino do asaim do au apatut akanon, do kadi Kinoringan, ‘Obulikoi mangakan dino do olidang ino,’ ka,” kadi dolou.
16Nga intolu pinoulu iri inombubut, om iri om iiri tinangaranJo. Noompus nopo dii iri om pinoinsavatno dii iri inombubut si suruga.
17Nga oboringou dii i Pitrus minsosoromo nong onu komoion diri nipoontong si disido. Aupo naavi disido minsoromo, om naayanganno dii di tolu tulun mantad si di Kunolius iri valai di Simun. Om poingkakat dii iolo siri gotuvang di pintu. 18Om minongoloou iolo di tulun si saralom do valai, om duatono do ka, “Kivaro naku iso tulun minijon siti, ngaran i Simun, i ponguranan do i Pitrus?” ka.
19Masipo i Pitrus minsoromo nong onu komoion diri nipoontong si disido, om kivarono dii tinangaran do Tatod do Kinoringan norongoujo, “Pitrus, rongoono iti tinangaranku. Kivaro tolu kojuvan mogium dikau. 20Ingkakatno om indaauno. Ada opiduvo ino ginavonu, nga vajano diolo do Iokuno minonuu diolo mongoi siti dikau,” ka.
21Om ingkakatno dii i Pitrus om minindaau do sumamung di tolu kojuvan. Om kadi Pitrus, “Iokuno i tulun iumon muju. Onu dii koiuman muju dogo?” ka.
22Om jawapno dii iolo do ka, “Sinuu ikoi di Kunolius, iso kotua di aatus soujor, mongoi siti. Isido nopo nga tulun do aandai i sumamba do Kinoringan om rojoon#10:22 rojoon: ompodon isido di tongotulun Joudi. Sinuu isido di moloikat tolidang poongoi dikau siri valaijo supaya korongou isido di tinangarannu,” kadiolo. 23Om pinoodoppo dii di Pitrus sonsodop iri tolu kojuvan siri valai ijononjo.
Om pomoromponno dii i Pitrus di susuvab om minaja diolo. Om kivaro piipiro sulod i naparsaya di Yisus si Bandar Yupa nogi do minaja diolo. Om minapitpo dii iolo modop sonsodop. 24Om susuvab nopo dii kavagu om korikot dii iolo siri Bandar Koisoria. Om mongindad dii i Kunolius di korikatan diolo. Om oguu nogi kosuladan di Kunolius om i tandam-andamjo i pinorikot di Kunolius mongindad siri valaijo. 25Korikot nopo dii i Pitrus siri valai om somungono dii di Kunolius isido. Om tinumungub dii isido sumamba di Pitrus. 26Nga poingkokoto dii di Pitrus isido, do kadisido, “Ingkakatno, do ioku nogi nga iradi dika, tuluni toomod,” ka.
27Mangar-tangarpo dii i Pitrus, om masu isido siri valai om nokoontong dii diri tongotulun toguu do minuntun siri. 28Om kadi Pitrus diolo, “Oilaan mujuno do au apatut ikoi tulun ugama Joudi magandaa dikovu i tulun di okonko bansa Joudi om au apatut rumunggum dikovu. Nga kivaro nipoontong di Kinoringan si dogo do monuduk dogo do isai-isai nopo tulun nga au obuli roitan do asaim. 29Jadi ontok diri minongongoi iolo dogo om vaja okuno dii mongoi siti do aui avagat i ginavoku. Om maino, Usai, duatonku dii ika nong nokuro do minonuuko poongoi dogo siti,” kadi Pitrus.
30Om kadi Kunolius, “Di songkoniaabon do irad diti di tadau diri, sinumambayang oku siti valaiku di pukul tiga minsosodop. Tigog kai dii do nokorikot iri iso kojuvan do miningkakat siri gotuvangonku om tinumitiu i sabungjo. 31Om kadisido, ‘Kunolius, nokorongou i Kinoringan di sambayangnu om aui oolingan Disido iri nitulungnu di tongotulun di omiskin. 32Nga ponuuno do tulun mongoi soi Yupa do mogium di Simun, i ponguranan do i Pitrus. Minijon isido si valai di sangaijo, i Simun, siri timbing do vaig. I sangaijo nopo dii nga tukang moninidang do kulit do dupot,’ kadi moloikat. 33Irino dii do turus minonuu oku do tulun poongoi dikau siti. Nga aandai do nokorikotko siti dagai. Om maino minoiuntun ikoi do mongindad dikau siti gotuvang do Kinoringan, do rumongou ikoi diri nisuu do Kinoringan dika,” kadi Kunolius.
34Om timpuunno dii i Pitrus monuduk diolo, om kadisido diolo, “Oilaankuno maino do oinomod do au momili i Kinoringan do tulun. 35Om nunuu nopo bansa do tulun nga kouvangan do Kinoringan nong mongurumat isido do Kinoringan om mamaal di aandai. 36Oilaan mujuno dii iri komoion di abar pinorikot do Kinoringan si dagai bansa Israil pasal do kasandadan do ginavo di tongotulun do i Yisus Koristus inontodon diri, irino Tuhan i monguasa kasangkat do tulun. 37-38Om oilaan muju nogi nong onu najadi siti Vonuvo Yudia di koopod i Yaya mangaabar do misti mokibatis#10:37 mokibatis: mokibaptais i tongotulun. Rinumikot i Yisus mantad Bandar Nasarit, om ontok nopo diri nga inonuan Isido di Tatod Tolidang mantad di Kinoringan, om popokuasa i Kinoringan nogi Disido. Om timpuunno dii i Yisus tumongkop soi Vonuvo Golilia gosob do siti Yudia. Om mamaal Isido do aandai om mongolingos Isido do kasangkat di tongotulun i kinuasaan di kotua do rogon do poimvaja i Kinoringan di Yisus.
39Om ikoi nogi nga sumaksi di tongokaraja di Yisus soi Bandar Yorusalim om pointongkop diti vonuvo do tulun Joudi. Nga pinatai i Yisus do pinapapak di tongotulun siri salib. 40Om vinijau Isido do Kinoringan di kotolu tadau. Om pinointalang do Kinoringan Isido si dagai. 41Nga okonko kasangkat di tongotulun nokoontong Disido do ikoi-ikoi noopo nokoontong do novijau Isido. Do mantadpo di pogulupo om pinili ikoino do Kinoringan do sumiliu do saksi di Yisus. Ontok di vinijau do Kinoringan i Yisus mantad si kapatajon, om miniuruk ikoi Disido mangakan om mongiup. 42Om sinuu ikoi di Yisus papaabar di Abar do Aandai di tongotulun. Om sinuu ikoi nogi popoilo diolo do i Yisus nopo nga pinili do Kinoringan momutus di tongotulun, iri nongapataino om iri poimvijaupo. 43Di pogulupo om nakatangarno i tongonabi, i popolombus di tinangaran do Kinoringan, pasal di Yisus do popoilo iolo do isai-isai nopo aparsaya di Yisus nga oompunan i dusojo mantad do kuasa do ngaran di Yisus,” kadi Pitrus di Kunolius om i songkoruanganjo.
Inonuan i Tongotulun di Okonko Bansa Joudi di Tatod Tolidang
44Masipo i Pitrus mitangar di tongotulun diri om minindaau iri Tatod Tolidang rinumikot siri di kinasangkatan diri tongotulun rumongou di Abar do Aandai. 45Om oiranan dii marong iri tongotulun Joudi i minaja di Pitrus do inonuan do Kinoringan i tongotulun di okonko bansa Joudi do Tatod Tolidang. 46Do nokorongou iolo di tinangaran di tongotulun di okonko bansa Joudi diri do moisosondiang i tinangaran diolo, om mangarajou#10:46 mangarajou: mongompod iolo do kuasa di Kinoringan.
Om kadi Pitrus di songkoruanganjo, 47“Inonuan iti tongotulun siti di Tatod Tolidang irad daton#10:47 daton: ditokou tulun Joudi di pogulu. Au obuli tokou tumingkod mamatis#10:47 mamatis: mamaptais diolo silo vaig,” kadi Pitrus. 48Om suuono dii di Pitrus i tulun mamatis diolo saralom ngaran di Yisus Koristus. Om pokionuon di Kunolius om i songkoruanganjo i Pitrus do mijon siri diolo piipiro tadau.
ទើបបានជ្រើសរើសហើយ៖
Susuuon 10: LabukPKV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.
Susuuon 10
10
Monuduk i Pitrus di Kunolius pasal di Yisus
1Kivaro iso tulun iri okonko bansa Joudi soi Bandar Koisoria. Ngaranjo nopo nga i Kunolius. Isidono kotua do aatus soujor. Om iri nopo kountunan do soujorjo nga pinonguranan do “Kountunan mantad Vonuvo Itolia.” 2Om rumalan i Kunolius maja do ugama Joudi, om sumamba isido mivaja di tongotulun siri valaijo do Kinoringan nogi. Om obintaak isido di tongotulun Joudi iri ongomimiskin, om soumur isido sumambayang si di Kinoringan. 3Kivaro iso tadau do pukul tiga kama minsosodop diri om nipoontong iso moloikat do Kinoringan rumikot si di Kunolius. Om kadi moloikat disido, “Kunolius,” ka.
4Om nokorosi i Kunolius mongontong di moloikat, om kadisido, “Onu iri, tuan?” ka.
Om jawapno dii i moloikat do ka, “Aukoi oolingan do Kinoringan do norongou Disido iri sambayangnu, om oilaan Disido iri nitulungnu di tongotulun do omiskin. 5Nga ponuupo do tulun mongongoi di Simun, i ponguranan do i Pitrus. 6Minijon isido si di sangaijo i Simun siri timbing do vaig si Bandar Yupa. I sangaijo nopo nga tukang moninidang di kulit do dupot,” kadi moloikat.
7Nokoompus nopo dii i moloikat mitangar om pogiduno dii isido. Om loovono dii di Kunolius iri duvo tulun i susuuonjo om iso soujorjo nga iri rumalan maja do ugama Joudi om monulung isido di Kunolius. 8Popoilo i Kunolius diolo kasangkat diri tinangaran di moloikat om sinuu disido iri tolu kojuvan diri do mongoi soi Yupa.
9Tangaadau kama di susuvab om masipo iolo manau-panau mongoi soi Yupa. Ontok do aui osodu iolo mantad si Yupa om minindakod i Pitrus sumambayang siri soribau di taap iri arantai. 10Om vinitilon dii isido do aupo nakaansak iolo. Om nokoontong dii i Pitrus diri iso pinointalang 11do noukab ilo tavan.#10:11 tavan: langit Om kivaro naantangan disido irad di iso inombubut do kain do tagajo do pinoulu si tana. 12Om naantangan disido i tongobansa do pipiaraan om i tongobansa do tombolog om tongobansa do dupot do mampanau, tumungkaung om iri mundus siri saralom di inombubut do au apatut akanon di tongotulun Joudi. 13Om norongou disido iso dolou minitangar do ka, “Pitrus, tungagno, sumboliono iti dupot om akanono,” ka.
14Nga jawapno dii i Pitrus do ka, “Tuhan, aukui! Do au okupo insan nakaakan do tongodupot do asaim do au apatut akanon dagai bansa Joudi,” ka.
15Om mitangar i dolou kumoinduvo do ka, “Adako mitangar do irad dino do asaim do au apatut akanon, do kadi Kinoringan, ‘Obulikoi mangakan dino do olidang ino,’ ka,” kadi dolou.
16Nga intolu pinoulu iri inombubut, om iri om iiri tinangaranJo. Noompus nopo dii iri om pinoinsavatno dii iri inombubut si suruga.
17Nga oboringou dii i Pitrus minsosoromo nong onu komoion diri nipoontong si disido. Aupo naavi disido minsoromo, om naayanganno dii di tolu tulun mantad si di Kunolius iri valai di Simun. Om poingkakat dii iolo siri gotuvang di pintu. 18Om minongoloou iolo di tulun si saralom do valai, om duatono do ka, “Kivaro naku iso tulun minijon siti, ngaran i Simun, i ponguranan do i Pitrus?” ka.
19Masipo i Pitrus minsoromo nong onu komoion diri nipoontong si disido, om kivarono dii tinangaran do Tatod do Kinoringan norongoujo, “Pitrus, rongoono iti tinangaranku. Kivaro tolu kojuvan mogium dikau. 20Ingkakatno om indaauno. Ada opiduvo ino ginavonu, nga vajano diolo do Iokuno minonuu diolo mongoi siti dikau,” ka.
21Om ingkakatno dii i Pitrus om minindaau do sumamung di tolu kojuvan. Om kadi Pitrus, “Iokuno i tulun iumon muju. Onu dii koiuman muju dogo?” ka.
22Om jawapno dii iolo do ka, “Sinuu ikoi di Kunolius, iso kotua di aatus soujor, mongoi siti. Isido nopo nga tulun do aandai i sumamba do Kinoringan om rojoon#10:22 rojoon: ompodon isido di tongotulun Joudi. Sinuu isido di moloikat tolidang poongoi dikau siri valaijo supaya korongou isido di tinangarannu,” kadiolo. 23Om pinoodoppo dii di Pitrus sonsodop iri tolu kojuvan siri valai ijononjo.
Om pomoromponno dii i Pitrus di susuvab om minaja diolo. Om kivaro piipiro sulod i naparsaya di Yisus si Bandar Yupa nogi do minaja diolo. Om minapitpo dii iolo modop sonsodop. 24Om susuvab nopo dii kavagu om korikot dii iolo siri Bandar Koisoria. Om mongindad dii i Kunolius di korikatan diolo. Om oguu nogi kosuladan di Kunolius om i tandam-andamjo i pinorikot di Kunolius mongindad siri valaijo. 25Korikot nopo dii i Pitrus siri valai om somungono dii di Kunolius isido. Om tinumungub dii isido sumamba di Pitrus. 26Nga poingkokoto dii di Pitrus isido, do kadisido, “Ingkakatno, do ioku nogi nga iradi dika, tuluni toomod,” ka.
27Mangar-tangarpo dii i Pitrus, om masu isido siri valai om nokoontong dii diri tongotulun toguu do minuntun siri. 28Om kadi Pitrus diolo, “Oilaan mujuno do au apatut ikoi tulun ugama Joudi magandaa dikovu i tulun di okonko bansa Joudi om au apatut rumunggum dikovu. Nga kivaro nipoontong di Kinoringan si dogo do monuduk dogo do isai-isai nopo tulun nga au obuli roitan do asaim. 29Jadi ontok diri minongongoi iolo dogo om vaja okuno dii mongoi siti do aui avagat i ginavoku. Om maino, Usai, duatonku dii ika nong nokuro do minonuuko poongoi dogo siti,” kadi Pitrus.
30Om kadi Kunolius, “Di songkoniaabon do irad diti di tadau diri, sinumambayang oku siti valaiku di pukul tiga minsosodop. Tigog kai dii do nokorikot iri iso kojuvan do miningkakat siri gotuvangonku om tinumitiu i sabungjo. 31Om kadisido, ‘Kunolius, nokorongou i Kinoringan di sambayangnu om aui oolingan Disido iri nitulungnu di tongotulun di omiskin. 32Nga ponuuno do tulun mongoi soi Yupa do mogium di Simun, i ponguranan do i Pitrus. Minijon isido si valai di sangaijo, i Simun, siri timbing do vaig. I sangaijo nopo dii nga tukang moninidang do kulit do dupot,’ kadi moloikat. 33Irino dii do turus minonuu oku do tulun poongoi dikau siti. Nga aandai do nokorikotko siti dagai. Om maino minoiuntun ikoi do mongindad dikau siti gotuvang do Kinoringan, do rumongou ikoi diri nisuu do Kinoringan dika,” kadi Kunolius.
34Om timpuunno dii i Pitrus monuduk diolo, om kadisido diolo, “Oilaankuno maino do oinomod do au momili i Kinoringan do tulun. 35Om nunuu nopo bansa do tulun nga kouvangan do Kinoringan nong mongurumat isido do Kinoringan om mamaal di aandai. 36Oilaan mujuno dii iri komoion di abar pinorikot do Kinoringan si dagai bansa Israil pasal do kasandadan do ginavo di tongotulun do i Yisus Koristus inontodon diri, irino Tuhan i monguasa kasangkat do tulun. 37-38Om oilaan muju nogi nong onu najadi siti Vonuvo Yudia di koopod i Yaya mangaabar do misti mokibatis#10:37 mokibatis: mokibaptais i tongotulun. Rinumikot i Yisus mantad Bandar Nasarit, om ontok nopo diri nga inonuan Isido di Tatod Tolidang mantad di Kinoringan, om popokuasa i Kinoringan nogi Disido. Om timpuunno dii i Yisus tumongkop soi Vonuvo Golilia gosob do siti Yudia. Om mamaal Isido do aandai om mongolingos Isido do kasangkat di tongotulun i kinuasaan di kotua do rogon do poimvaja i Kinoringan di Yisus.
39Om ikoi nogi nga sumaksi di tongokaraja di Yisus soi Bandar Yorusalim om pointongkop diti vonuvo do tulun Joudi. Nga pinatai i Yisus do pinapapak di tongotulun siri salib. 40Om vinijau Isido do Kinoringan di kotolu tadau. Om pinointalang do Kinoringan Isido si dagai. 41Nga okonko kasangkat di tongotulun nokoontong Disido do ikoi-ikoi noopo nokoontong do novijau Isido. Do mantadpo di pogulupo om pinili ikoino do Kinoringan do sumiliu do saksi di Yisus. Ontok di vinijau do Kinoringan i Yisus mantad si kapatajon, om miniuruk ikoi Disido mangakan om mongiup. 42Om sinuu ikoi di Yisus papaabar di Abar do Aandai di tongotulun. Om sinuu ikoi nogi popoilo diolo do i Yisus nopo nga pinili do Kinoringan momutus di tongotulun, iri nongapataino om iri poimvijaupo. 43Di pogulupo om nakatangarno i tongonabi, i popolombus di tinangaran do Kinoringan, pasal di Yisus do popoilo iolo do isai-isai nopo aparsaya di Yisus nga oompunan i dusojo mantad do kuasa do ngaran di Yisus,” kadi Pitrus di Kunolius om i songkoruanganjo.
Inonuan i Tongotulun di Okonko Bansa Joudi di Tatod Tolidang
44Masipo i Pitrus mitangar di tongotulun diri om minindaau iri Tatod Tolidang rinumikot siri di kinasangkatan diri tongotulun rumongou di Abar do Aandai. 45Om oiranan dii marong iri tongotulun Joudi i minaja di Pitrus do inonuan do Kinoringan i tongotulun di okonko bansa Joudi do Tatod Tolidang. 46Do nokorongou iolo di tinangaran di tongotulun di okonko bansa Joudi diri do moisosondiang i tinangaran diolo, om mangarajou#10:46 mangarajou: mongompod iolo do kuasa di Kinoringan.
Om kadi Pitrus di songkoruanganjo, 47“Inonuan iti tongotulun siti di Tatod Tolidang irad daton#10:47 daton: ditokou tulun Joudi di pogulu. Au obuli tokou tumingkod mamatis#10:47 mamatis: mamaptais diolo silo vaig,” kadi Pitrus. 48Om suuono dii di Pitrus i tulun mamatis diolo saralom ngaran di Yisus Koristus. Om pokionuon di Kunolius om i songkoruanganjo i Pitrus do mijon siri diolo piipiro tadau.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.