1 Korintus 7
7
Minonulis i Poulus pasal do Mikawin
1Om itino iti ijawapku maino dikovu diri pongoduatan muju dogo si surat muju. Nong au manansavo i kusai nga aandaii. 2Nga sabap do oguu mamaal kalalasu, aandai nogi do manansavo i kusai, om i tongondu nogi nga aandai do mokisavo. 3Om aandai do tumbojoon di kusai i kouvangan di savojo, om i tongondu pun tumbojoon i kouvangan di savo disido. 4Om ausono kuasa di tongondu di kojuvanjo kondiri nga irino i savo disido, om i kusai pun auso kuasa di kojuvanjo kondiri nga irino i savojo. 5Om ada kouno mirijang midudun nong okonko piupakatan laid. Om nong kiuvang kou maganu do maso do sumambayang buli nogi mirijang midudun nga ada do alaid. Om koopodpo iri mirunggum kou kavagu supaya au kovi ponsubaan di Soitan, i kotua do rogon, sabap au kou kokodos. 6Nga itino tangaronku dikovu do okoniko mamajal oku dikovu, nga maja di kagaanan do ginavo muju. 7Nga songkuro kaandai daa nong kasangkat tulun nga kosugut dogo do auso savo. Nga moisosondiang bo i sinundu itaak do Kinoringan do iso-iso tulun, irino do kivaro kokodos do au kasavo om kivaro au.
8Nga tulun nopo di auso savo om i tongondu napatajan savo, itino tangaronku diolo do aandai daa do sumugut dogo do auso savo. 9Nga nong au nopo iolo kokodos, gaam nogi do manansavo ko mantad do oolian marong i kouvangan.
10Nga atipo patangaronku di tulun di nakakawin nga okoniko dogon do ponuuan diti nga i sinuu di Tuhan di pogulu.#Antangai Markus 10:9, 12. Tongondu nopo diri kisavo om ada marong kumiada di savojo. 11Nga kumiada nopo isido adano mokisavo kavagu, ko gaam nogi do kumiandai kavagu di savojo. Om i kusai di nakasavo pun ada mangada di savojo.
12Nga tulun vokon nopo om itino patangaronku, -- nga okoniko tinangar di Tuhan laaid, -- do nong kivaro nopo sulod tokou kusai do nakasavo laaid di okonko aparsaya di Tuhan nga tongondu diri tumatap kumisasavo di kusai diri, om adano marong adaai isido. 13Om nong kivaro sulod tokou tongondu do nasavo laaid di au aparsaya di Tuhan nga kusai diri tumatap kumisasavo di tongondu diri, om adano marong kumiada disido. 14Do insan au aparsaya di Tuhan i kusai ko iipo tondu diri pun olidangi pisasavaan diolo diri sabap opiival iolo aparsaya di Tuhan. Om irad nopo dino komoionku maino om olidang i tangaanak diolo diri. Nga nong okonko irad dino tantuno do iradi tangaanak do tulun kaapir dii i tangaanak diolo diri.
15Nga nong kondiri di tulun diri au aparsaya di Tuhan do kumiada di tulun diri aparsaya om pobojoon nopo iri. Jadi irad nopo dino, i sulod tokou di kusai ko i tongondupo diri ada do manaan disido. Do linoou tokou di Kinoringan sumiliu do Koristian supaya kivaro kopiandaian, irino do pobojooni nopo isido diri. 16Ikovu tongondu do aparsaya di kisavo, ombo oilaannu do kaangatko di savonu do mongoi si kovijaan. Om ikovu kusai do aparsaya di kisavo, ombo oilaannu do kaangatko di savonu do mongoi si kovijaan.
Tumilombus nopo di Kovivijaan Muju ontok di Loovo Kou
17Nga pointikid-tikid do tulun misti tumilombus nopo di kovivijaanjo laaid ontok di loovo isido di Kinoringan maja di natantu di Tuhan si disido. Om tinatapku do irad dino oturanku siri pointikid-tikid di poiuuntunan do tulun di aparsaya. 18Nong kivaro tulun di nosunatan ontok do tinuminong di pangalaavan do Kinoringan, om adano iduo i tanda-tanda di sunat diri. Om nong kivaro tulun di au nosunatan ontok do tinuminong di pangalaavan do Kinoringan, om adano pokisunat. 19Sabap kisunat do auso sunat nga miiradi do auso kountungan, nga misti maja di tongonisuu do Kinoringan, irino iri kiuntung. 20Irino sabap do pointikid-tikid do tulun nga tumilombus nopo diri kovivijaanjo laaid irad di tinong isido di loovo do Kinoringan. 21Nong turiponko di loovokoi om adano kosurau. Nga songkuro nogi kaandai nong polobusonko di tuannu i monguripon dika, om pakajono ino kosivatan dino supaya okonnoko turiponkoi. 22Do iri nopo i tulun do inuripon ontok do linoou di Tuhan do aparsaya Disido nga kaantangan di Tuhan do okonko turipon isido. Om irad nogi dino, iri nopo i tulun do okonko turipon ontok do linoou di Koristus nga sumiliu irad do turipon di Koristus. 23Ikovu nopo nobolino om oorogo marong i nipongorogo do Tuhan dikovu. Sabap diri do ada kouno dii mokiuripon di tulun vokon. 24Oou kosusuladanku, iri nopo kovivijaan muju laaid ontok diri loovo kou di Kinoringan nga potilombuso muju nopo irad diri do siri kou gotuvang Disido.
Jawap di Niduat pasal di Auso Savo
25Om atipo ijawapku maino dikovu diri pongoduatan muju pasal di tongoraraa di ausopo savo. Ausoi nisuu do Tuhan dogo, nga aandamanku do ioku irad di tulun di obuli pangarapan sabap nga i kosianan do Tuhan dogo.
26Osoromoku nopo nong dino-dinoi kosusaan do irad diti maso do maino, om aandai nogi daa do tumilombus i tulun irad di kaadaanjo laaid do auso savo. 27Nga nong kisavoko nopo om adano iduai i savonu, om nong ausopo om adano panansavo. 28Nga manansavoko nopo om au odusoko. Om i raraa do mokisavo nga aui oduso isido. Nga iripo dino do soumur oguu kosusaan, om irino katangaranku dikovu diti supaya ausoi kosusaan muju.
29Oou kosusuladanku, komoionku nopo nga irino do okuyakno iri maso tokou. Sabap diri mantad maino poguluvononpo iri karaja do Tuhan om ampa nogi i karaja muju kondiri. Irad nopo dino i kusai di kisavo om iradon nopo di ausopo savo.#7:29 Ayat nopo diti nga atalang nogi nong pavantang diri tinangaran do poinlosok irad diti. “Oou kosusuladanku, komoionku nopo om irino do okuyakno iri maso tokou. Sabap diri mantad maino poguluvononpo iri karaja do Tuhan om ampa nogi i karaja muju kondiri. Mantad maino, i kusai di kisavo do kumaraja si Tuhan om iradon nopo di ausopo savo.” 30Om i tongotulun di mogiad nga iradon nopo di auso koiadan, om i tongotulun di koirak nga iradon nopo di auso koirakan, om i tongotulun di momoli nga iradon nopo do au kasanganu di binoli disido. 31Om i tongotulun di mamakai di onuu nopo barang siti vonuvo nga iradon nopo di auso pakajon disido, sabap vonuvo nopo diti nga auno alaid do gorovoton.
32Nga kouvanganku nopo daa supaya ausoi kosuraan muju. Kusai nopo di auso savo om obojou minsoromo di pakarajaanjo si di Tuhan nong potingkuro i gaagayajo di kouvangan di Tuhan. 33Nga kusai nopo di kisavo om minsoromo di pakarajaanjo siti vonuvo nong potingkuro i gaagaya disido supaya kouvangan di savojo, 34om irino sabap do opiduvo-duvo i ginavojo. Nga tongondu nopo di ausono savo ko i raraapo om osompini marong ginavo disido minsoromo di pakarajaanjo si di Tuhan supaya asanganu i kojuvan om i ginavojo di Tuhan. Nga tongondu nopo di kisavono om minsoromo di pakarajaanjo siti vonuvo nong potingkuro i gaagaya disido supaya kouvangan di savojo.
35Katangaranku nopo bo dikovu diti nga monulung okui marong dikovu, om okoniko do au pobojou dino kouvangan muju, nga supaya oinomod om aandai ino gaagaya muju, om rumalan kovi marong maja di kouvangan di Tuhan.
36Nga tulun nopo di mipogong pitatadon nga aui dino kopilombus misavo daa, nga ondomon kavagu di kusai do au apatut irad diri, om au kokodos isido do au asavojo i tongondu, om pikowinon nopo iolo sabap irad nopo diri om aui koduso iolo. 37Nga nong kivaro kusai di tumatap do au kumawin do irino nopili disido, om ausoi mamajal do pakawin, om okonko pajalon isido do ada kumawin om akadasan disido i kouvanganjo om aandai nogi do irad diri. 38Sabap diri do kasavo nga aandaii om au kasavo pun makinpo dii kaandai.
39Om i tongondu di kisavo nga au obuli mokisavo do sondiang kusai nong poimvijaupo i savojo. Nga nong apataino i savo disido laid ampa nogi do obuli mokikawin do isaai nopo i kouvangan disido nong miiradi do aparsaya di Tuhan. 40Nga ioku nopo dogo minsoromo om asanang nogi isido do au mokisavo kavagu. Om irino ituduk di Tatod do Kinoringan siti ginavoku do opurimananku.
ទើបបានជ្រើសរើសហើយ៖
1 Korintus 7: LabukPKV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.
1 Korintus 7
7
Minonulis i Poulus pasal do Mikawin
1Om itino iti ijawapku maino dikovu diri pongoduatan muju dogo si surat muju. Nong au manansavo i kusai nga aandaii. 2Nga sabap do oguu mamaal kalalasu, aandai nogi do manansavo i kusai, om i tongondu nogi nga aandai do mokisavo. 3Om aandai do tumbojoon di kusai i kouvangan di savojo, om i tongondu pun tumbojoon i kouvangan di savo disido. 4Om ausono kuasa di tongondu di kojuvanjo kondiri nga irino i savo disido, om i kusai pun auso kuasa di kojuvanjo kondiri nga irino i savojo. 5Om ada kouno mirijang midudun nong okonko piupakatan laid. Om nong kiuvang kou maganu do maso do sumambayang buli nogi mirijang midudun nga ada do alaid. Om koopodpo iri mirunggum kou kavagu supaya au kovi ponsubaan di Soitan, i kotua do rogon, sabap au kou kokodos. 6Nga itino tangaronku dikovu do okoniko mamajal oku dikovu, nga maja di kagaanan do ginavo muju. 7Nga songkuro kaandai daa nong kasangkat tulun nga kosugut dogo do auso savo. Nga moisosondiang bo i sinundu itaak do Kinoringan do iso-iso tulun, irino do kivaro kokodos do au kasavo om kivaro au.
8Nga tulun nopo di auso savo om i tongondu napatajan savo, itino tangaronku diolo do aandai daa do sumugut dogo do auso savo. 9Nga nong au nopo iolo kokodos, gaam nogi do manansavo ko mantad do oolian marong i kouvangan.
10Nga atipo patangaronku di tulun di nakakawin nga okoniko dogon do ponuuan diti nga i sinuu di Tuhan di pogulu.#Antangai Markus 10:9, 12. Tongondu nopo diri kisavo om ada marong kumiada di savojo. 11Nga kumiada nopo isido adano mokisavo kavagu, ko gaam nogi do kumiandai kavagu di savojo. Om i kusai di nakasavo pun ada mangada di savojo.
12Nga tulun vokon nopo om itino patangaronku, -- nga okoniko tinangar di Tuhan laaid, -- do nong kivaro nopo sulod tokou kusai do nakasavo laaid di okonko aparsaya di Tuhan nga tongondu diri tumatap kumisasavo di kusai diri, om adano marong adaai isido. 13Om nong kivaro sulod tokou tongondu do nasavo laaid di au aparsaya di Tuhan nga kusai diri tumatap kumisasavo di tongondu diri, om adano marong kumiada disido. 14Do insan au aparsaya di Tuhan i kusai ko iipo tondu diri pun olidangi pisasavaan diolo diri sabap opiival iolo aparsaya di Tuhan. Om irad nopo dino komoionku maino om olidang i tangaanak diolo diri. Nga nong okonko irad dino tantuno do iradi tangaanak do tulun kaapir dii i tangaanak diolo diri.
15Nga nong kondiri di tulun diri au aparsaya di Tuhan do kumiada di tulun diri aparsaya om pobojoon nopo iri. Jadi irad nopo dino, i sulod tokou di kusai ko i tongondupo diri ada do manaan disido. Do linoou tokou di Kinoringan sumiliu do Koristian supaya kivaro kopiandaian, irino do pobojooni nopo isido diri. 16Ikovu tongondu do aparsaya di kisavo, ombo oilaannu do kaangatko di savonu do mongoi si kovijaan. Om ikovu kusai do aparsaya di kisavo, ombo oilaannu do kaangatko di savonu do mongoi si kovijaan.
Tumilombus nopo di Kovivijaan Muju ontok di Loovo Kou
17Nga pointikid-tikid do tulun misti tumilombus nopo di kovivijaanjo laaid ontok di loovo isido di Kinoringan maja di natantu di Tuhan si disido. Om tinatapku do irad dino oturanku siri pointikid-tikid di poiuuntunan do tulun di aparsaya. 18Nong kivaro tulun di nosunatan ontok do tinuminong di pangalaavan do Kinoringan, om adano iduo i tanda-tanda di sunat diri. Om nong kivaro tulun di au nosunatan ontok do tinuminong di pangalaavan do Kinoringan, om adano pokisunat. 19Sabap kisunat do auso sunat nga miiradi do auso kountungan, nga misti maja di tongonisuu do Kinoringan, irino iri kiuntung. 20Irino sabap do pointikid-tikid do tulun nga tumilombus nopo diri kovivijaanjo laaid irad di tinong isido di loovo do Kinoringan. 21Nong turiponko di loovokoi om adano kosurau. Nga songkuro nogi kaandai nong polobusonko di tuannu i monguripon dika, om pakajono ino kosivatan dino supaya okonnoko turiponkoi. 22Do iri nopo i tulun do inuripon ontok do linoou di Tuhan do aparsaya Disido nga kaantangan di Tuhan do okonko turipon isido. Om irad nogi dino, iri nopo i tulun do okonko turipon ontok do linoou di Koristus nga sumiliu irad do turipon di Koristus. 23Ikovu nopo nobolino om oorogo marong i nipongorogo do Tuhan dikovu. Sabap diri do ada kouno dii mokiuripon di tulun vokon. 24Oou kosusuladanku, iri nopo kovivijaan muju laaid ontok diri loovo kou di Kinoringan nga potilombuso muju nopo irad diri do siri kou gotuvang Disido.
Jawap di Niduat pasal di Auso Savo
25Om atipo ijawapku maino dikovu diri pongoduatan muju pasal di tongoraraa di ausopo savo. Ausoi nisuu do Tuhan dogo, nga aandamanku do ioku irad di tulun di obuli pangarapan sabap nga i kosianan do Tuhan dogo.
26Osoromoku nopo nong dino-dinoi kosusaan do irad diti maso do maino, om aandai nogi daa do tumilombus i tulun irad di kaadaanjo laaid do auso savo. 27Nga nong kisavoko nopo om adano iduai i savonu, om nong ausopo om adano panansavo. 28Nga manansavoko nopo om au odusoko. Om i raraa do mokisavo nga aui oduso isido. Nga iripo dino do soumur oguu kosusaan, om irino katangaranku dikovu diti supaya ausoi kosusaan muju.
29Oou kosusuladanku, komoionku nopo nga irino do okuyakno iri maso tokou. Sabap diri mantad maino poguluvononpo iri karaja do Tuhan om ampa nogi i karaja muju kondiri. Irad nopo dino i kusai di kisavo om iradon nopo di ausopo savo.#7:29 Ayat nopo diti nga atalang nogi nong pavantang diri tinangaran do poinlosok irad diti. “Oou kosusuladanku, komoionku nopo om irino do okuyakno iri maso tokou. Sabap diri mantad maino poguluvononpo iri karaja do Tuhan om ampa nogi i karaja muju kondiri. Mantad maino, i kusai di kisavo do kumaraja si Tuhan om iradon nopo di ausopo savo.” 30Om i tongotulun di mogiad nga iradon nopo di auso koiadan, om i tongotulun di koirak nga iradon nopo di auso koirakan, om i tongotulun di momoli nga iradon nopo do au kasanganu di binoli disido. 31Om i tongotulun di mamakai di onuu nopo barang siti vonuvo nga iradon nopo di auso pakajon disido, sabap vonuvo nopo diti nga auno alaid do gorovoton.
32Nga kouvanganku nopo daa supaya ausoi kosuraan muju. Kusai nopo di auso savo om obojou minsoromo di pakarajaanjo si di Tuhan nong potingkuro i gaagayajo di kouvangan di Tuhan. 33Nga kusai nopo di kisavo om minsoromo di pakarajaanjo siti vonuvo nong potingkuro i gaagaya disido supaya kouvangan di savojo, 34om irino sabap do opiduvo-duvo i ginavojo. Nga tongondu nopo di ausono savo ko i raraapo om osompini marong ginavo disido minsoromo di pakarajaanjo si di Tuhan supaya asanganu i kojuvan om i ginavojo di Tuhan. Nga tongondu nopo di kisavono om minsoromo di pakarajaanjo siti vonuvo nong potingkuro i gaagaya disido supaya kouvangan di savojo.
35Katangaranku nopo bo dikovu diti nga monulung okui marong dikovu, om okoniko do au pobojou dino kouvangan muju, nga supaya oinomod om aandai ino gaagaya muju, om rumalan kovi marong maja di kouvangan di Tuhan.
36Nga tulun nopo di mipogong pitatadon nga aui dino kopilombus misavo daa, nga ondomon kavagu di kusai do au apatut irad diri, om au kokodos isido do au asavojo i tongondu, om pikowinon nopo iolo sabap irad nopo diri om aui koduso iolo. 37Nga nong kivaro kusai di tumatap do au kumawin do irino nopili disido, om ausoi mamajal do pakawin, om okonko pajalon isido do ada kumawin om akadasan disido i kouvanganjo om aandai nogi do irad diri. 38Sabap diri do kasavo nga aandaii om au kasavo pun makinpo dii kaandai.
39Om i tongondu di kisavo nga au obuli mokisavo do sondiang kusai nong poimvijaupo i savojo. Nga nong apataino i savo disido laid ampa nogi do obuli mokikawin do isaai nopo i kouvangan disido nong miiradi do aparsaya di Tuhan. 40Nga ioku nopo dogo minsoromo om asanang nogi isido do au mokisavo kavagu. Om irino ituduk di Tatod do Kinoringan siti ginavoku do opurimananku.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.