1 Korintus 6
6
Ponudukan pasal Mangadaawa do Sulod
1Om kivaropo toguronku kavagu dikovu. Nong kivaro sino dikovu do moiodu-odu, au apatut isido mongoi mokisalasai di tulun kaapir, nga misti mokisalasai di tulun do songonuvon di Kinoringan. 2Mimang noilaan mujuno do itokou nopo tulun do songonuvon di Kinoringan nga manalasai di tulun siti vonuvo do insan tadau. Jadi nong ikovu manalasai di tulun siti vonuvo do insan tadau, tantu kadapat kovi manalasai di aal di tongopopoyok. 3Om mimang noilaan muju do itokou nogi i manalasai di tongomoloikat do insan tadau. Jadi adapo om i moloikat, insan iti kovijaan tokou do maino nga adapat tokovi do manalasai. 4Irad nopo dino nong kivaro bisara muju nga ada kou mokisalasai di tulun kaapir di auso ngaran-ngaran kaantangan muju di tongotulun si poiuuntunan muju. 5Tangaronku dikovu pasal diti supaya koilo kou do oikuman. Misti do kivaro opintar sino dikovu do moilo manalasai di pioduan misulod. 6Nga kivaroi sooro tulun do mangadaawa di sulodjo, om mokisalasai si tulun do okonko aparsaya.
7Nong kivaro nopo pioduan muju do irad dino gosob do moibibisara kou, inono tanda do nakala kou marong di araat. Nga gaam nogi do mikubobojo kou do pakaraaton om mikubobojo kou do porugion. 8Nga insan moisusulod koupo saralom di Koristus nga moisusuli kovi mangaraat om mongorugi.
9Noilaan mujuno do ii nopo tulun di au maja di abanar nga au kaanu di kaandaio di Kopomorintaan di Kinoringan. Sabap diri do ada kouno kapalid, do ii nopo tulun di mamaal kalalasu, om i sumamba di okonko i Kinoringan, om i lumapau, om i mikaraja sasama kusai om sasama tongondu, 10om i mananakau, om i tamaa, om i moginovukan, om i mangaraat do vokon, om i parampuk, om itino kasangkat iri au kaanu di kaandaio saralom do Kopomoritaan di Kinoringan. 11Om inong kou nogi diri vokon di pogulupo. Nga do maino nopo dii nga minokiugas kou di duso muju, om linidangan kouno dii do Kinoringan, om pinakabanar kou si di Disido sabap aparsaya kou di Tuhan Yisus Koristus, om mantad di kuasa di Tatod di Kinoringan tokou.
Pakajono ino Kojuvan do Pagajo di Kinoringan
12Kivaro kama mitangar do irad diti, “Kasangkat do onuu nopo nga obuli do vaalonku,” ka. Om oinomod nogi, nga okoniko kasangkat iri do popountung disido. Om ioku nga obuli mitangar do, “Kasangkat do onuu nopo nga obuli do vaalonku,” kangku daa, nga au okui uvang do uriponon do onuu nopo. 13Om kivaro nogi tulun do mitangar do irad diti, “Taakanon nopo nga oporlu di tijan om i tijan nga oporlu di taakanon,” ka. Om oinomod nogi do mongiduvo diri nga gorovoton do Kinoringan. Nga apatut do kojuvan#6:13 kojuvan: tinan tokou nopo nga okoniko pakajon do sumundal, nga pakajon do kumaraja si di Tuhan, om i Tuhan nga kumaraja saralom do kojuvan tokou. 14Om vinijauno do Kinoringan i Tuhan Yisus do mantad di kapatajon. Om itokou nogi nga irad dino do vijauon di kuasa Disido.
15Noilaan mujuno do kojuvan muju nopo nga boogian do kojuvan di Koristus. Jadi aui apatut do pakajonku iri iso boogian do kojuvan di Koristus do kumasau di tondu sundal. 16Om noilaan mujuno kama do iri nopo tulun di sumokot di tongondu sundal nga nokopionsino iri irad do misavo, sabap kadi tinangaran siri Kitab, “Okonnoko duvopo kojuvan diolo, nga irino miiso iri raa om tonsi diolo,” ka.#Antangai Kinovorunan 2:24. 17Nga tulun nopo do sumompuu di Tuhan nga kopiiso i tatodjo di Tatod di Tuhan.
18Insoduai mujuno ino gaagaya do sumundal sabap sumundal nopo om irino gaagaya di tulun do koduso di kojuvan kondiri. Nga pointikid-tikid di duso vokon i vaalon do tulun nga aui koompot-ompot i kojuvanjo. 19Om noilaan mujuno do kojuvan muju nopo nga irino valai di Tatod Tolidang i poindada sino dikovu, i Tatod di nitaak dikovu mantad di Kinoringan. Kojuvan muju nopo nga okonnoko ikovupo sumanganu nga irino i Kinoringan. 20Do ikovu nopo nga nobolino om oorogo marong i nipomoli do Kinoringan dikovu. Nong irad dino, pakajo mujuno ino kojuvan muju do papagajo do ngaran di Kinoringan.
ទើបបានជ្រើសរើសហើយ៖
1 Korintus 6: LabukPKV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.
1 Korintus 6
6
Ponudukan pasal Mangadaawa do Sulod
1Om kivaropo toguronku kavagu dikovu. Nong kivaro sino dikovu do moiodu-odu, au apatut isido mongoi mokisalasai di tulun kaapir, nga misti mokisalasai di tulun do songonuvon di Kinoringan. 2Mimang noilaan mujuno do itokou nopo tulun do songonuvon di Kinoringan nga manalasai di tulun siti vonuvo do insan tadau. Jadi nong ikovu manalasai di tulun siti vonuvo do insan tadau, tantu kadapat kovi manalasai di aal di tongopopoyok. 3Om mimang noilaan muju do itokou nogi i manalasai di tongomoloikat do insan tadau. Jadi adapo om i moloikat, insan iti kovijaan tokou do maino nga adapat tokovi do manalasai. 4Irad nopo dino nong kivaro bisara muju nga ada kou mokisalasai di tulun kaapir di auso ngaran-ngaran kaantangan muju di tongotulun si poiuuntunan muju. 5Tangaronku dikovu pasal diti supaya koilo kou do oikuman. Misti do kivaro opintar sino dikovu do moilo manalasai di pioduan misulod. 6Nga kivaroi sooro tulun do mangadaawa di sulodjo, om mokisalasai si tulun do okonko aparsaya.
7Nong kivaro nopo pioduan muju do irad dino gosob do moibibisara kou, inono tanda do nakala kou marong di araat. Nga gaam nogi do mikubobojo kou do pakaraaton om mikubobojo kou do porugion. 8Nga insan moisusulod koupo saralom di Koristus nga moisusuli kovi mangaraat om mongorugi.
9Noilaan mujuno do ii nopo tulun di au maja di abanar nga au kaanu di kaandaio di Kopomorintaan di Kinoringan. Sabap diri do ada kouno kapalid, do ii nopo tulun di mamaal kalalasu, om i sumamba di okonko i Kinoringan, om i lumapau, om i mikaraja sasama kusai om sasama tongondu, 10om i mananakau, om i tamaa, om i moginovukan, om i mangaraat do vokon, om i parampuk, om itino kasangkat iri au kaanu di kaandaio saralom do Kopomoritaan di Kinoringan. 11Om inong kou nogi diri vokon di pogulupo. Nga do maino nopo dii nga minokiugas kou di duso muju, om linidangan kouno dii do Kinoringan, om pinakabanar kou si di Disido sabap aparsaya kou di Tuhan Yisus Koristus, om mantad di kuasa di Tatod di Kinoringan tokou.
Pakajono ino Kojuvan do Pagajo di Kinoringan
12Kivaro kama mitangar do irad diti, “Kasangkat do onuu nopo nga obuli do vaalonku,” ka. Om oinomod nogi, nga okoniko kasangkat iri do popountung disido. Om ioku nga obuli mitangar do, “Kasangkat do onuu nopo nga obuli do vaalonku,” kangku daa, nga au okui uvang do uriponon do onuu nopo. 13Om kivaro nogi tulun do mitangar do irad diti, “Taakanon nopo nga oporlu di tijan om i tijan nga oporlu di taakanon,” ka. Om oinomod nogi do mongiduvo diri nga gorovoton do Kinoringan. Nga apatut do kojuvan#6:13 kojuvan: tinan tokou nopo nga okoniko pakajon do sumundal, nga pakajon do kumaraja si di Tuhan, om i Tuhan nga kumaraja saralom do kojuvan tokou. 14Om vinijauno do Kinoringan i Tuhan Yisus do mantad di kapatajon. Om itokou nogi nga irad dino do vijauon di kuasa Disido.
15Noilaan mujuno do kojuvan muju nopo nga boogian do kojuvan di Koristus. Jadi aui apatut do pakajonku iri iso boogian do kojuvan di Koristus do kumasau di tondu sundal. 16Om noilaan mujuno kama do iri nopo tulun di sumokot di tongondu sundal nga nokopionsino iri irad do misavo, sabap kadi tinangaran siri Kitab, “Okonnoko duvopo kojuvan diolo, nga irino miiso iri raa om tonsi diolo,” ka.#Antangai Kinovorunan 2:24. 17Nga tulun nopo do sumompuu di Tuhan nga kopiiso i tatodjo di Tatod di Tuhan.
18Insoduai mujuno ino gaagaya do sumundal sabap sumundal nopo om irino gaagaya di tulun do koduso di kojuvan kondiri. Nga pointikid-tikid di duso vokon i vaalon do tulun nga aui koompot-ompot i kojuvanjo. 19Om noilaan mujuno do kojuvan muju nopo nga irino valai di Tatod Tolidang i poindada sino dikovu, i Tatod di nitaak dikovu mantad di Kinoringan. Kojuvan muju nopo nga okonnoko ikovupo sumanganu nga irino i Kinoringan. 20Do ikovu nopo nga nobolino om oorogo marong i nipomoli do Kinoringan dikovu. Nong irad dino, pakajo mujuno ino kojuvan muju do papagajo do ngaran di Kinoringan.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.