Ruma 6
6
Katsi Di Tam Gafanuguwanan Asalanan, Teway Inkate watam Gasfuwan Tam Isus
1Labon sik taw lumong te, “Ay kin, nu katanya, tam Diyus nu kafanyu tuwa tagasalanan, itam faayui wan tam asalanan, laman ro ngayu tuwa tam Diyus fagfalyamun.” 2E sek, yaya, wa long katanya ku fagalongun. Nu sik taw watam at bagu, wa tam nanfatunglus gfaning asalanan. Kata watam sik taw at kinkate, at yud fagbulun sas asalanan. Katanya tuwa tagtungul nu gbanwan tam.
3-4Ay nu nyamag tuwa tam tam naasurungan at masuwad, wa long tam nandungugan kanya fag elongan, te faayui tam asalanan. Teway at masuwad tam naasurungan sad safa, igfasaful tam sa tam iba te, insadi watam sa tam Fun Isus. Ay nu nsadi watam sa tam Isus, kata yangay tam inkate gasfuwan anya. Ay nu nkate watam gasfuwan tam Fun Isus, inleleg yangay tam kata anya. Teway ebi, tam Fun Isus dewa inkate, tam Tama sis banwa nafon yay at leleg bagu. Ay katanya yangay itam. Tam Diyus nafon antam tam leleg bagu, ay nu katanya, katsi tam ugali dangay kata ebi.
5Nu nkate watam gasfuwan tam Fun Isus, inleleg yangay tam gasfuwan anya. 6Ay nasaful watam te, tam leleganan at dan, infaku wan gasfuwan tam Isus sas salibagan kayu. Nu katanya, tam leleganan tagafanuguwanan asalanan inkate wan. Ay katanya tuway, lag tam nangafanuguwanan asalanan.
7Sik taw at matean, wa long gafanuguwanan asalanan. Inkate wan ay ngani. Ay itam kata watam sik ngay matean, teway inkate watam gasfuwan tam Isus. Ay nu katanya lag tam gasuguwan asalanan.
8-10Ku ngay fadugsay, tam Isus dewa inkate, tam Diyus nafaleleg yay anya. Ay nu katanya, katsi wa long e mafafate anya. Ay at fanambagun tam Isus naatean, nafalyam asalanan at fagmadaragangun. Ay at fanambagun at leleg bagu, igfatunglus igfaning at Tama fakaumsigun.
Ay itam katsi fag ngay tagafanud sa tam Fun Isus, kata watam anya. Inkate watam ebi gasfuwan anya. Ay gafanud watam te, umke leleg wa ban tam fiya siginan anya. 11Nu katanya, tam leleganan katsi fag ngay menit, fasurei te, inkate watam gasfuwan anya, ay e leleg yangay tam siginan anya. Nu sas asalanan baliwa, katai way sik ngay matean. At masuwad, wa tam nanfagbulun. Ay nu sa tam Diyus baliwa, fasurei te, e leleg watam fiya at bagu.
12Kaduge tam ste swa daga, lag fabayan asalanan nu gmagurang antam ay nu gtaban antam sa at naumsigan. 13Dewa sirut fag amatanganan, ay dewa alay fag fagbulun, lag tam gasuguwan asalanan. Teway nu gasuguwan way tam, rodi ngap, tam nafagbulun mauri wan. Nu katanya, fagdaul tam amatanganan, ay fagayu tam fagbulun, fakatai tuwa tam Diyus fakaumsigun, laman ro kanya tuwa tagfanuguwanan antam.
Ebi taguna, kata way tam sik ngay matean. Wa tam e fagsegun. Ay roro tam Diyus, nafaleleg tuwa antam. Nu katanya, faningi tuwa kata tam Diyus at ngay fakaumsigun. 14Teway katsi, bundi asalanan tagmagurang antam. Ay ebi ataw long, gina tam gasuguwan tam Diyus at ngay suguwan ayuwayu, ginanya long, roro ngap, asalanan way tagmagurang antam. Ay katsi, igdi. Katsi si watam tam Diyus fakafanyuun.
Katsi Diyus watam at Fanuguwan
15Labon sik taw lumong te, “E kin, fadi. Katsi ngaro di tam gasuguwan tam Diyus at ngay suguwan ayuwayu. Si watam tam Diyus fakafanyuun. Ay katsi long, masine wan nu gasalanan tam.” E sek, yaya, wa katanya ku fagalongun. Wa tam fatunglus sas mauri fag fagbulun, teway nu anway o gugat igfatunglus igfagbulun mauri, at masuwad, gafanuguwanan way o gugat asalanan.
16Ku ngay fadugsay, nu nafaning watam fiya fiya sa sik taw, rodi ataw, itam wan ka fag taw at fanuguwan. Kanya fag taw igfanuguwanan way antam. Ay katanya yangay asalanan. Galay tam igfaning fiya fiya sas asalanan, rodi ataw, itam wan kanya fag asalanan at fanuguwan. Kanya wan tagfanuguwanan antam. Ay nus nga sinu tagafanuguwanan asalanan, at fakadasugan sa ways fakateun. Ay roro, nu tam Diyus tuwa tagfanuguwanan antam, tam Diyus nalong wa antam te, “Kata wam yud e asalanan.”
17Ebi, fagayu tam anway tam ayuwayu gafanuguwanan asalanan. Ay guseganan tam sa tam Diyus, te, kanya nabul antam sanya ginan, siginan nu antam gafanuguwanan. Ay katsi, tam amatanganan anwa inrabing sa tam Diyus at ngay foyungan baliwa. Ay gurunganan watam igfaning kanya fag ngay longan. 18Katsi di tam gafanuguwanan asalanan. Antuwa tam gafanuguwanan at matuyan fag foyungan.
19Ku ngay fadugsay, nu gelongan aw katanya, te gafanuguwanan tam, kanya ku fafaskudanan way. Gamatangan kway te, laman ro mafabul tuwa tam tam Diyus fagalongun. Teway gamatangan aw te, itam sik ngay taw way tam, wa tam bangan mafafabul tam Diyus at ngay fagalongun.
Ebi tam fagfaningun, sa way at mafurat fag ngay fagbulun. Ginkugatan wan tam ugali nu mauri. Ay roro katsi, faningi tuwa at matuyan fag ngay foyungan, laman bandi ban, tam ugali kata fiya fiya tam Diyus fakaumsigun.
20Ebi, kaduge am gafanuguwanan asalanan, wam bangan gananfagbulunun at masine. Igfagbulun way am at mauri. 21Ay katsi nasaful wam te, katanya ngaro fag ngay fagbulun mapla way. Ay wa long ro inke fanambagun sa ayu, katanya fag ngay fagbulun. Teway kanya fag ngay fagbulun, satu ro igfadasug way ayu sas fakateun.
22Katsi inlangfe watam siginans wa asalanan. Diyus tuwa tam at ngay fanuguwan. Ay nu tam Diyus watam at fanuguwan, tam Diyus igfaamatanganan tuwa antam, laman tam ugali kata tuwa at fakaumsigun. Igtaban wa ban gugat gugat antam sa anya baliwa, anggan wa ban fadasug antam sas leleg at yud katabu.
23Itam, e asalanan way tam. Ay satu ro, tam fakadasugan, sa ways fakateun. Ay roro tam Diyus nafon antam at famanyun. Kanya fag famanyun, anwa long leleg at yud katabu. Kanya tam Diyus at nafon sa tam Fun Isus at ngay taw.
ទើបបានជ្រើសរើសហើយ៖
Ruma 6: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Ruma 6
6
Katsi Di Tam Gafanuguwanan Asalanan, Teway Inkate watam Gasfuwan Tam Isus
1Labon sik taw lumong te, “Ay kin, nu katanya, tam Diyus nu kafanyu tuwa tagasalanan, itam faayui wan tam asalanan, laman ro ngayu tuwa tam Diyus fagfalyamun.” 2E sek, yaya, wa long katanya ku fagalongun. Nu sik taw watam at bagu, wa tam nanfatunglus gfaning asalanan. Kata watam sik taw at kinkate, at yud fagbulun sas asalanan. Katanya tuwa tagtungul nu gbanwan tam.
3-4Ay nu nyamag tuwa tam tam naasurungan at masuwad, wa long tam nandungugan kanya fag elongan, te faayui tam asalanan. Teway at masuwad tam naasurungan sad safa, igfasaful tam sa tam iba te, insadi watam sa tam Fun Isus. Ay nu nsadi watam sa tam Isus, kata yangay tam inkate gasfuwan anya. Ay nu nkate watam gasfuwan tam Fun Isus, inleleg yangay tam kata anya. Teway ebi, tam Fun Isus dewa inkate, tam Tama sis banwa nafon yay at leleg bagu. Ay katanya yangay itam. Tam Diyus nafon antam tam leleg bagu, ay nu katanya, katsi tam ugali dangay kata ebi.
5Nu nkate watam gasfuwan tam Fun Isus, inleleg yangay tam gasfuwan anya. 6Ay nasaful watam te, tam leleganan at dan, infaku wan gasfuwan tam Isus sas salibagan kayu. Nu katanya, tam leleganan tagafanuguwanan asalanan inkate wan. Ay katanya tuway, lag tam nangafanuguwanan asalanan.
7Sik taw at matean, wa long gafanuguwanan asalanan. Inkate wan ay ngani. Ay itam kata watam sik ngay matean, teway inkate watam gasfuwan tam Isus. Ay nu katanya lag tam gasuguwan asalanan.
8-10Ku ngay fadugsay, tam Isus dewa inkate, tam Diyus nafaleleg yay anya. Ay nu katanya, katsi wa long e mafafate anya. Ay at fanambagun tam Isus naatean, nafalyam asalanan at fagmadaragangun. Ay at fanambagun at leleg bagu, igfatunglus igfaning at Tama fakaumsigun.
Ay itam katsi fag ngay tagafanud sa tam Fun Isus, kata watam anya. Inkate watam ebi gasfuwan anya. Ay gafanud watam te, umke leleg wa ban tam fiya siginan anya. 11Nu katanya, tam leleganan katsi fag ngay menit, fasurei te, inkate watam gasfuwan anya, ay e leleg yangay tam siginan anya. Nu sas asalanan baliwa, katai way sik ngay matean. At masuwad, wa tam nanfagbulun. Ay nu sa tam Diyus baliwa, fasurei te, e leleg watam fiya at bagu.
12Kaduge tam ste swa daga, lag fabayan asalanan nu gmagurang antam ay nu gtaban antam sa at naumsigan. 13Dewa sirut fag amatanganan, ay dewa alay fag fagbulun, lag tam gasuguwan asalanan. Teway nu gasuguwan way tam, rodi ngap, tam nafagbulun mauri wan. Nu katanya, fagdaul tam amatanganan, ay fagayu tam fagbulun, fakatai tuwa tam Diyus fakaumsigun, laman ro kanya tuwa tagfanuguwanan antam.
Ebi taguna, kata way tam sik ngay matean. Wa tam e fagsegun. Ay roro tam Diyus, nafaleleg tuwa antam. Nu katanya, faningi tuwa kata tam Diyus at ngay fakaumsigun. 14Teway katsi, bundi asalanan tagmagurang antam. Ay ebi ataw long, gina tam gasuguwan tam Diyus at ngay suguwan ayuwayu, ginanya long, roro ngap, asalanan way tagmagurang antam. Ay katsi, igdi. Katsi si watam tam Diyus fakafanyuun.
Katsi Diyus watam at Fanuguwan
15Labon sik taw lumong te, “E kin, fadi. Katsi ngaro di tam gasuguwan tam Diyus at ngay suguwan ayuwayu. Si watam tam Diyus fakafanyuun. Ay katsi long, masine wan nu gasalanan tam.” E sek, yaya, wa katanya ku fagalongun. Wa tam fatunglus sas mauri fag fagbulun, teway nu anway o gugat igfatunglus igfagbulun mauri, at masuwad, gafanuguwanan way o gugat asalanan.
16Ku ngay fadugsay, nu nafaning watam fiya fiya sa sik taw, rodi ataw, itam wan ka fag taw at fanuguwan. Kanya fag taw igfanuguwanan way antam. Ay katanya yangay asalanan. Galay tam igfaning fiya fiya sas asalanan, rodi ataw, itam wan kanya fag asalanan at fanuguwan. Kanya wan tagfanuguwanan antam. Ay nus nga sinu tagafanuguwanan asalanan, at fakadasugan sa ways fakateun. Ay roro, nu tam Diyus tuwa tagfanuguwanan antam, tam Diyus nalong wa antam te, “Kata wam yud e asalanan.”
17Ebi, fagayu tam anway tam ayuwayu gafanuguwanan asalanan. Ay guseganan tam sa tam Diyus, te, kanya nabul antam sanya ginan, siginan nu antam gafanuguwanan. Ay katsi, tam amatanganan anwa inrabing sa tam Diyus at ngay foyungan baliwa. Ay gurunganan watam igfaning kanya fag ngay longan. 18Katsi di tam gafanuguwanan asalanan. Antuwa tam gafanuguwanan at matuyan fag foyungan.
19Ku ngay fadugsay, nu gelongan aw katanya, te gafanuguwanan tam, kanya ku fafaskudanan way. Gamatangan kway te, laman ro mafabul tuwa tam tam Diyus fagalongun. Teway gamatangan aw te, itam sik ngay taw way tam, wa tam bangan mafafabul tam Diyus at ngay fagalongun.
Ebi tam fagfaningun, sa way at mafurat fag ngay fagbulun. Ginkugatan wan tam ugali nu mauri. Ay roro katsi, faningi tuwa at matuyan fag ngay foyungan, laman bandi ban, tam ugali kata fiya fiya tam Diyus fakaumsigun.
20Ebi, kaduge am gafanuguwanan asalanan, wam bangan gananfagbulunun at masine. Igfagbulun way am at mauri. 21Ay katsi nasaful wam te, katanya ngaro fag ngay fagbulun mapla way. Ay wa long ro inke fanambagun sa ayu, katanya fag ngay fagbulun. Teway kanya fag ngay fagbulun, satu ro igfadasug way ayu sas fakateun.
22Katsi inlangfe watam siginans wa asalanan. Diyus tuwa tam at ngay fanuguwan. Ay nu tam Diyus watam at fanuguwan, tam Diyus igfaamatanganan tuwa antam, laman tam ugali kata tuwa at fakaumsigun. Igtaban wa ban gugat gugat antam sa anya baliwa, anggan wa ban fadasug antam sas leleg at yud katabu.
23Itam, e asalanan way tam. Ay satu ro, tam fakadasugan, sa ways fakateun. Ay roro tam Diyus nafon antam at famanyun. Kanya fag famanyun, anwa long leleg at yud katabu. Kanya tam Diyus at nafon sa tam Fun Isus at ngay taw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines