Ruma 5
5
Tam Isus Nafasadi wa Antam sa Tam Diyus
1Katsi, gafanud watam sa tam Fun Isus. Ay tam Diyus nu glag antam, di tam e asalanan. Ay katanya tuway, tam Fun Isus nafasadi wa antam sa tam Diyus. 2Kanya wan at nafadasug tam Diyus fakafanyuun sa antam.
Ay gafanud wa tam ay sa tam Fun Isus, tam Diyus at fakafanyuun tunglusanan fiya fiya nu kadasug sa antam. Nu katanya, guseganan watam dawdaw. Teway nasaful watam te, katsi ban sik menit, tam Diyus igfon wa fiya sa antam at nafamasadan fag fagmasineun ay fag fagmadaragangun.
3Katsi, ngayu yay tam fagsungatanun. Ay dewa ngayu tam fagsungatanun, guseganan tuwa tam gugat, teway nasaful tam te, kanya fag ngay fagsungatanun ayuwayu, igfoyung antam nu gbaris. 4Ay nu gbaris tuwa tam at ngay mataka, igfalag tuwa tam sa tam fadugsay te, gafanud watam fiya sa tam Isus. Ay nu katanya tuwa, igfaugat tuwa baliwa tam amatanganan nu gfanseg tam sa tam Diyus at ngay nafatuyanan.
5Ay kanya tam fagfansegun siginan tam Diyus, umgurungan wa ban fiya, teway tam Diyus matvngvd dawdaw nu kesug antam. Ay nafatsi antam at Masine fag Falad, tagfaamatang antam te tam Diyus kesug dawdaw antam.
6-8Katatuy tam Diyus nu gfatuyan antam te kesug wa fiya antam. Nu ndasug wan at filian fag lungud, tam Diyus nasugu tam Fun Isus, laman nangate, laman fasaruyan antam siginans faurianan. Itam fagayu, wa tam maasaruy ka fag faurianan, teway sik ngay taw way tam at yud saful tam Diyus. Ay roro ngap, tam Fun Isus inkate, laman di tam umfaurianan.
Ay nu itam way taw, wa tam fafagbulun kata tam Isus nafagbulun, at nanangate laman nanfalangfe tibak taw. Amatangani te, tam usama masine tuwa at ugali, ay dewa katanya sik ngay taw at mauri gafateun way. Ay dewa ro masine tam usama ugali, wa ro tam mafamasadan nangate laman falangfe tam usama. Ay muwag yay labon, nu at namasine wa dawdaw tam usama at ngay nafagbulun, labon e mfanyu yay, te, “Kanya sik masine tuwa dawdaw.” Ay labon nu nfanyu wan, e nangate yay daw. Ay tam Isus long, nanangate tuwa, laman falangfe antam fag ngay taw tagfangasalanan.
9Ay tam Isus naatean, nafalyam tuwa tam ngay asalanan. Ay nafalyam tuway tam ngay asalanan, lag tam gaduwanun. Kanya mafafasaruyan wa long ban fiya antam siginan tam Diyus faurianan.
10Ebi, igfalimatan way tam tam Diyus. Ay dewa katanya, tam Diyus Baguwama nanangate yay, ay nafasadi tuwa antam sa tam Diyus. Ay katanya tuway at nafagbulun sa antam, lag tam gaduwanun. Teway tam Diyus Baguwama igleleg tuwa, ay nu katanya falangfe wa long ban antam.
11Ay saman kanya ku nalong ayuwayu, e fagusegananun yay tam sadi. Guseganan tam dawdaw te, katsi tam Diyus watam at ngay taw, teway tam Fun Isus ngani nafasadi antam sa anya.
Adan at Nafadasug sas Taw, Faurianan way. Ay sis Isus at Nafadasug, Famanyun tuwa
12Ku ngay fadugsay, ebi taguna fag taw anwayay inke asalanan, bandi ataw baliwa, asalanan inrapyag wan sas fagayu taw. Ay siginan nafasigad gasalanan, fasigad yangay anggan at taw nu kate. Bandi baliwa, fagayu taw kate wadi, teway fagayu taw inke asalanan wan.
13Ginanya fag lungud banwanan, tam Diyus ya nafon at ngay suguwan sas taw Udyu. Ay at ngay taw gtunglus way nu gfaning asalanan. Ay dewa te at ngay taw igfangasalanan way ayuwayu, tam Diyus wa gamatangan at ngay asalanan, teway tam Diyus nasaful te, ye nafon at suguwan tagsalag taw nu gasalanan.
14Ay tam Diyus deyud nafon at suguwan at ngayu, inke longan wa fiya sa tibak taw. Adan ngani at sadi. Ay Adan nafamabo wayay kanya fag longan, inkate wan. Ay at ngayu fag ngay taw, we nasaful Diyus suguwan. Ay dewa katanya, siginans Adan, anggan indasug sas Muisis fag fulan taw, kanya fag ngay taw inkate wan yud e nasafulan.
Ay roro, bundi Adan sesadi at ke nafadasug dawdaw sa sangay taw. Anggan tam Isus e nafadasug yangay. 15Ay kanya fag duwa, at nafadasug wa kata at sadi. Sis Adan at nafadasug, asalanan. Ay asalanan intayuk wayay sas fagayu taw, at ngay taw kate wadi. Ay si tam Isus at nafadasug, sik famanyun tuwa. Nafadasug tam Diyus fakafanyuun sas taw. Ay tam Diyus fakafanyuun, iglabi fiya fiya taw asalanan, madyay dewa tam gasalanan, tam Diyus kafanyu tuwa antam.
16Adan, nafadasug faurianan sas taw. Sadik taw inke asalanan wayay, fagayu taw kafaurianan wan. Ay roro tam Diyus, e nafamasadan tuwa at famanyun, ay at famanyun di long kata sis Adan at nafadasug. Teway at famanyun, sik fanfalyam tuwa asalanan. Dewa te, ebi ginan ngayu wa ayuwayu tam asalanan, katsi tam Diyus nu glag antam, kata watam yud e asalanan. Katanya tam Diyus famanyun sa antam.
17Ebi, Adan naasalanan wayay, bandi baliwa, fagayu taw gamagurangan way fakateun. Ay roro tam Fun Isus nafagbulun, nafadasug tam Diyus famanyun. Ay tam Diyus famanyun nalabi fagayu taw at asalanan. Dewa te e asalanan way tam ayuwayu, tam Diyus infanyu yay antam. Ay nu katanya, itam fagayu at nabul tam Diyus famanyun, kata watam yud e asalanan. Ay inke leleg watam at matuyan. Ay gina ban tam Fun Isus igmagurang, itam sigon igmagurang yangay tam gasfuwan anya.
18At mafungkuk fag longan, ebi ataw taguna, sadik taw at nafagbulun nafadasug faurianan sas fagayu taw. Ay roro bandi ataw, sadi ya fiyak taw at nafagbulun, ay si anya at nafagbulun, nafalyam sik ngay taw ayuwayu at asalanan, laman ro tam Diyus nu glag antam, kata tuwa tam at yud e asalanan. Ay katsi itam, inke leleg watam at bagu.
19Ebi ebi, sadik taw nafamabo wayay tam Diyus, bandi baliwa at ngay taw, inke asalanan wan, sanya ginan fag sadik taw. Ay bandi ataw, sik taw indasug yay fiya, ay kanya fag taw igfaning tuwa tam Diyus at fakaumsigun. Ay bandi ataw, sik ngay taw ayuwayu inkata wa sik ngay yud e asalanan, sanya ginan fag sadik taw.
20-21Ebi ebi, tam Diyus nafon tuwa at ngay suguwan sas taw. Ay roro tam Diyus fasadan, at fagnafonun antam at ngay suguwan, laman at famasaful antam te, sik ngay takamabo way tam, madyay wa tam nafafaning tam Diyus suguwan. Igfangasalanan way tam, ay katanya wayay, itam taw, kate way tam.
Ay roro tam asalanan dewa gugat gugat kaayu, tam Diyus kafanyu yay antam. Ay tam Diyus nu kafanyu antam, iglabi yay fiya fiya taw nu gfangasalanan. Ay nu katanya, tam Diyus naawat tuwa at faran, laman ro nu glag antam, kata tuwa tam yud e asalanan. Ay nafon yangay antam leleg at yud katabu. Ay tam Fun Isus wan at ke fagbulun tagfadasug antam kanya fag leleg at yud katabu. Kanya tuwa tam Fagsegan.
ទើបបានជ្រើសរើសហើយ៖
Ruma 5: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Ruma 5
5
Tam Isus Nafasadi wa Antam sa Tam Diyus
1Katsi, gafanud watam sa tam Fun Isus. Ay tam Diyus nu glag antam, di tam e asalanan. Ay katanya tuway, tam Fun Isus nafasadi wa antam sa tam Diyus. 2Kanya wan at nafadasug tam Diyus fakafanyuun sa antam.
Ay gafanud wa tam ay sa tam Fun Isus, tam Diyus at fakafanyuun tunglusanan fiya fiya nu kadasug sa antam. Nu katanya, guseganan watam dawdaw. Teway nasaful watam te, katsi ban sik menit, tam Diyus igfon wa fiya sa antam at nafamasadan fag fagmasineun ay fag fagmadaragangun.
3Katsi, ngayu yay tam fagsungatanun. Ay dewa ngayu tam fagsungatanun, guseganan tuwa tam gugat, teway nasaful tam te, kanya fag ngay fagsungatanun ayuwayu, igfoyung antam nu gbaris. 4Ay nu gbaris tuwa tam at ngay mataka, igfalag tuwa tam sa tam fadugsay te, gafanud watam fiya sa tam Isus. Ay nu katanya tuwa, igfaugat tuwa baliwa tam amatanganan nu gfanseg tam sa tam Diyus at ngay nafatuyanan.
5Ay kanya tam fagfansegun siginan tam Diyus, umgurungan wa ban fiya, teway tam Diyus matvngvd dawdaw nu kesug antam. Ay nafatsi antam at Masine fag Falad, tagfaamatang antam te tam Diyus kesug dawdaw antam.
6-8Katatuy tam Diyus nu gfatuyan antam te kesug wa fiya antam. Nu ndasug wan at filian fag lungud, tam Diyus nasugu tam Fun Isus, laman nangate, laman fasaruyan antam siginans faurianan. Itam fagayu, wa tam maasaruy ka fag faurianan, teway sik ngay taw way tam at yud saful tam Diyus. Ay roro ngap, tam Fun Isus inkate, laman di tam umfaurianan.
Ay nu itam way taw, wa tam fafagbulun kata tam Isus nafagbulun, at nanangate laman nanfalangfe tibak taw. Amatangani te, tam usama masine tuwa at ugali, ay dewa katanya sik ngay taw at mauri gafateun way. Ay dewa ro masine tam usama ugali, wa ro tam mafamasadan nangate laman falangfe tam usama. Ay muwag yay labon, nu at namasine wa dawdaw tam usama at ngay nafagbulun, labon e mfanyu yay, te, “Kanya sik masine tuwa dawdaw.” Ay labon nu nfanyu wan, e nangate yay daw. Ay tam Isus long, nanangate tuwa, laman falangfe antam fag ngay taw tagfangasalanan.
9Ay tam Isus naatean, nafalyam tuwa tam ngay asalanan. Ay nafalyam tuway tam ngay asalanan, lag tam gaduwanun. Kanya mafafasaruyan wa long ban fiya antam siginan tam Diyus faurianan.
10Ebi, igfalimatan way tam tam Diyus. Ay dewa katanya, tam Diyus Baguwama nanangate yay, ay nafasadi tuwa antam sa tam Diyus. Ay katanya tuway at nafagbulun sa antam, lag tam gaduwanun. Teway tam Diyus Baguwama igleleg tuwa, ay nu katanya falangfe wa long ban antam.
11Ay saman kanya ku nalong ayuwayu, e fagusegananun yay tam sadi. Guseganan tam dawdaw te, katsi tam Diyus watam at ngay taw, teway tam Fun Isus ngani nafasadi antam sa anya.
Adan at Nafadasug sas Taw, Faurianan way. Ay sis Isus at Nafadasug, Famanyun tuwa
12Ku ngay fadugsay, ebi taguna fag taw anwayay inke asalanan, bandi ataw baliwa, asalanan inrapyag wan sas fagayu taw. Ay siginan nafasigad gasalanan, fasigad yangay anggan at taw nu kate. Bandi baliwa, fagayu taw kate wadi, teway fagayu taw inke asalanan wan.
13Ginanya fag lungud banwanan, tam Diyus ya nafon at ngay suguwan sas taw Udyu. Ay at ngay taw gtunglus way nu gfaning asalanan. Ay dewa te at ngay taw igfangasalanan way ayuwayu, tam Diyus wa gamatangan at ngay asalanan, teway tam Diyus nasaful te, ye nafon at suguwan tagsalag taw nu gasalanan.
14Ay tam Diyus deyud nafon at suguwan at ngayu, inke longan wa fiya sa tibak taw. Adan ngani at sadi. Ay Adan nafamabo wayay kanya fag longan, inkate wan. Ay at ngayu fag ngay taw, we nasaful Diyus suguwan. Ay dewa katanya, siginans Adan, anggan indasug sas Muisis fag fulan taw, kanya fag ngay taw inkate wan yud e nasafulan.
Ay roro, bundi Adan sesadi at ke nafadasug dawdaw sa sangay taw. Anggan tam Isus e nafadasug yangay. 15Ay kanya fag duwa, at nafadasug wa kata at sadi. Sis Adan at nafadasug, asalanan. Ay asalanan intayuk wayay sas fagayu taw, at ngay taw kate wadi. Ay si tam Isus at nafadasug, sik famanyun tuwa. Nafadasug tam Diyus fakafanyuun sas taw. Ay tam Diyus fakafanyuun, iglabi fiya fiya taw asalanan, madyay dewa tam gasalanan, tam Diyus kafanyu tuwa antam.
16Adan, nafadasug faurianan sas taw. Sadik taw inke asalanan wayay, fagayu taw kafaurianan wan. Ay roro tam Diyus, e nafamasadan tuwa at famanyun, ay at famanyun di long kata sis Adan at nafadasug. Teway at famanyun, sik fanfalyam tuwa asalanan. Dewa te, ebi ginan ngayu wa ayuwayu tam asalanan, katsi tam Diyus nu glag antam, kata watam yud e asalanan. Katanya tam Diyus famanyun sa antam.
17Ebi, Adan naasalanan wayay, bandi baliwa, fagayu taw gamagurangan way fakateun. Ay roro tam Fun Isus nafagbulun, nafadasug tam Diyus famanyun. Ay tam Diyus famanyun nalabi fagayu taw at asalanan. Dewa te e asalanan way tam ayuwayu, tam Diyus infanyu yay antam. Ay nu katanya, itam fagayu at nabul tam Diyus famanyun, kata watam yud e asalanan. Ay inke leleg watam at matuyan. Ay gina ban tam Fun Isus igmagurang, itam sigon igmagurang yangay tam gasfuwan anya.
18At mafungkuk fag longan, ebi ataw taguna, sadik taw at nafagbulun nafadasug faurianan sas fagayu taw. Ay roro bandi ataw, sadi ya fiyak taw at nafagbulun, ay si anya at nafagbulun, nafalyam sik ngay taw ayuwayu at asalanan, laman ro tam Diyus nu glag antam, kata tuwa tam at yud e asalanan. Ay katsi itam, inke leleg watam at bagu.
19Ebi ebi, sadik taw nafamabo wayay tam Diyus, bandi baliwa at ngay taw, inke asalanan wan, sanya ginan fag sadik taw. Ay bandi ataw, sik taw indasug yay fiya, ay kanya fag taw igfaning tuwa tam Diyus at fakaumsigun. Ay bandi ataw, sik ngay taw ayuwayu inkata wa sik ngay yud e asalanan, sanya ginan fag sadik taw.
20-21Ebi ebi, tam Diyus nafon tuwa at ngay suguwan sas taw. Ay roro tam Diyus fasadan, at fagnafonun antam at ngay suguwan, laman at famasaful antam te, sik ngay takamabo way tam, madyay wa tam nafafaning tam Diyus suguwan. Igfangasalanan way tam, ay katanya wayay, itam taw, kate way tam.
Ay roro tam asalanan dewa gugat gugat kaayu, tam Diyus kafanyu yay antam. Ay tam Diyus nu kafanyu antam, iglabi yay fiya fiya taw nu gfangasalanan. Ay nu katanya, tam Diyus naawat tuwa at faran, laman ro nu glag antam, kata tuwa tam yud e asalanan. Ay nafon yangay antam leleg at yud katabu. Ay tam Fun Isus wan at ke fagbulun tagfadasug antam kanya fag leleg at yud katabu. Kanya tuwa tam Fagsegan.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines