Ruma 14
14
Dewa Gsadsamanan Ayu Sirut Tam Naayamagan, Dangay Tam Faaringangan Tam Iba
1-4Ku ngay fadugsay, itam fag ngay tagafanud sa tam Fun Isus, igsadsamanan ayu sirut tam naayamagan. Itam tiba, magan tuwa si tam amatanganan nu kon tam nus nge wain fag fakonun, teway katanya wan tam naayamagan. Inyamag watam te, katsi tam Diyus we fagsalagun tam fakonun. Ay roro ngap, tiba tam fadugsay e filian way fakonun. Wa kon karni, teway wa katvngvd si antam at naayamagan. Kanya fag ngay taw gamatangan way te, “Tam Diyus wa guseganan nu kon way tam tibak fakonun.” Katanya nu gsadsamanan tam.
Ay dewa katanya, dangay tam garingangan sanya baliwa fag ngay elongan. Am takon nus nge wain, dangay igfalingun ay iba, te, “Go sangay yam inyamag, te, masine wan nu kon tam fagayu?” Ay am at ke filian nu kon, dangay glong ay iba te, “Go sangay wam saful, te, nu kon way am katanya fag fakonun, gasalanan way am?” Dangay tam garingangan katanya.
Ay am at ke filian nu kon, lag glong te, “Kanya fag taw at fagbulun wa masine. Kon way tam Diyus fagsalagun.” Roro kanya fag taw dewa kon am fagyudun kon, tam Diyus kesug tuwa anya. Ay tam Diyus wa fanuguwan kanya fag taw. Ay galay sik fanuguwan, at fun wan at mafafalong, te go at fanuguwan fagbulun masine ay go yaya. Nu katanya, fabayani wan tam Diyus tagamatangan sam iba baliwa. Ay roro tam Diyus nu glag am iba, masine tuwa, teway tam Fun Isus wan tagfasine.
5Nu katanya, dewa tam nalag te, tam iba fagbulun, saman si antam, lag garingangan. Dewa te, tibak taw, e filian dawdaw sadik menit, te kanya wa unu Diyus at menit, ay tibak taw glong te, yaya, fagayu menit sudan tuwa mafanud, roro lag garingangan dewa katanya. Tam fagbulun, itam sadi-sadik taw, faamatanganuni tuwa, te go inday tagtungul.
6Ay dangay e amatanganan igfalingun tam iba, teway fagayu tam, tanan tuwa tam igfauseganan tam Diyus. Kanya fag fulan taw at ke filian sadik menit nu gseg tam Diyus, kanya at fasadan fiya fiya, nanfauseganan tuwa tam Diyus, ginanya fag menit. Katanya yangay anggan at yud e filian nu kon, kanya sigon at fasadan, igfauseganan tam Diyus, tagfon at fakonun. Ay dewa kanya fag fulan taw at ke filian fag fakonun, kanya sigon at fasadan, anyangay igfauseganan Diyus. Dewa at ke filian, ay dewa at yud e filian, fagduwa guseganan tuwa sa tam Diyus.
7-9Ebi, tam Fun Isus inkate, ay indog gleleg. Ay at fasadan at faginkateun, laman ban fagayu taw, dewa at kinkate ay dewa tagleleg, laman ban kanya wan at Fun. Ay katsi itam fagayu, tam Fun Isus watam at taw. Kaduge tam igleleg, ay dewa ban tam inkate, tam Fun Isus yay tam gugat at taw. Nu katanya, kaduge tam gleleg, tam amatanganan dangay te, “Go setain nu fabul aw ku ngay naumsigan?” Ay dewa ban tam gakateun, katanya yangay, tam amatanganan dangay si tam naumsigan mandi. Tagtungul tam amatanganan, antuwa te, “Go setain nu fafaning aw ku Fun at naumsigan?” Katanya tuwa tagtungul tam amatanganan.
10Nu katanya, itam takon nus nge wain fag fakonun, dangay falingun tam fadugsay at yud kon. Ay at yud kon fag taw, lag glong te sik asalanan way tam fadugsay fagbulun, nu kon nus nge wain. Teway fakatanyaun ay, itam ban fagayu, umlindug yay tam si tam Diyus at daga salubangan. Ay kanya yay ban taglong antam, te go masine tam ngay nafagbulun.
11Sa sik afud tam Diyus fanlongan, e tapan tam te, fagayu ban taw tumudan, igfauseganan tam Fun Diyus. Ay lumong ban ayuwayu te, kanya wa fiya tagtungul tam Fagsegan. Katanya wa fiya at kumgurungan.#14:11 Isayas 45:23 12Ay igfoyung wa ban tam fiya sa tam Diyus tam ngay nafagbulun kaduge ste swa daga.
13Nu katanya, dewa tam nalag tam fadugsay at fagbulun, te wa kata si antam, lag sigad iglong te, “Sek, katanya ay fagbulun wa gtungul.” Ay nu gfili tam tam ngay fagbulun mandi, faamatanguni tuwa. Labon e sik fagbulun, satu ro masine tuwa nu gfagbulun tam, ay teway am iba ro nu nalag, kaayu way ro at amatanganan. Ate ro am iba nu nalag, manke asalanan yay rodi ataw. Nu katanya way ro, lag fagbulun kanya.
14Labon gamatangan tam te, fagayu fakonun masine wan nu kon tam. Angku ngaro ku naatuyan, katanya fiya fiya, te masine wan fagayu fakonun, nu nsadi watam sa tam Fun Isus. Nu katanya, satu ro, masine tuwa nu kon tam. Ay teway labon e ufud way tam at yud katvngvd antam nu nyamag. Ay kanya fag taw nu umon way ro, inke asalanan wan kanya fag taw, teway nafamabo wayay at amatanganan, te wa unu masine sas Diyus nu kon katanya fag fakonun.
15Nu katanya, lag tam kon sik fakonun nu gfaayu way tam iba amatanganan. Teway nu kafanyu tuwa tam tam iba, di ro tam igfaayu at ngay amatanganan. Amatangani tuwa te, “Kanya ku iba, deyud kata si angku at nasaful, tam Fun Isus kafanyu tuwa dawdaw. Katvngvdan nu kafanyu, nanangate tuwa.” Ay labon naon way tam tam nateboan fag fakonun, ay kanya fag taw nalag, ay inkayu dawdaw at amatanganan, ay inyayu wan siginan tam Fun Isus. Nu katanya way ro, itam wan at nafayayu kanya fag taw siginan tam Fun Isus.
16Nu katanya, dewa masine sa antam sik fagbulun, lag tam fagbulun nu dway ro masine sa tam iba. 17Teway at fanambagun fiya fiya tam fagin-gamutun sa tam Diyus at fagmagurangun fag ngay taw, bundi te, nanfangon way tam fagsadi ay nanginum. Antuwa te, laman nanfagbulun tuwa tam at masine, ay laman masadi tuwa tam sa tam iba, ay laman Masine fag Falad igfon antam sik amatanganan taguseganan. 18Katanya tuwa at masine tam ugali nu gfaning tam tam Fun Isus. Ay tam ugali nu katanya tuwa, tam Diyus guseganan tuwa antam, ay tam iba guseganan yangay.
19Ay nu katanya, ugatani tuwa nangasadii sa tam iba. Ay fadfatvngvdani tam sadi at fagafanudun sa tam Diyus. 20Dangay tam nangaringangan sa tam fakonun baliwa, teway nu anway tam naaringangan katanya, tam Diyus at nafagbulun si antam inrasras wan.
Nu te ngap, fagayu fakonun masine tuwa nu kon tam. Ay roro lag tam kon nu gfasalan way tam iba. 21Dewa nu kon tam karni, lag tam fagbulun nu gfasalan way tam fadugsay. Ay tibak fanginum, maranug wayay nu nafadaulun way tam nu ginum tam. Ay kanya lag tam ginum nus di sirut nu gfasalan way tam fadugsay. Dewas nga setaw tam fagbulun, nu gfasalan way tam fadugsay, taglabi ngap, lagi. 22Ay lag tam dawdaw kadaragang kamansulit sa tam iba tam nasaful sanya baliwa fag ngay longan. Tam Diyus yakman tagsaful tam amatanganan.
Nu katanya, nu ntuyan wo te, masine tuwa nu kon o sik fakonun, useganani tuwa. 23Ay roro nu dway o fiya fiya intuyan, lag kon. Wa masine sa tam Diyus nu kon o, teway nafamabo way o am amatanganan. Anggan tibak fagbulun, katanya yangay. Way o intuyan te, masine tuwa sik tagafanud nu gfagbulun katanya, lagi kanya. Nu nafamabo way o am amatanganan, te kanya wa masine, gasalanan way o.
ទើបបានជ្រើសរើសហើយ៖
Ruma 14: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Ruma 14
14
Dewa Gsadsamanan Ayu Sirut Tam Naayamagan, Dangay Tam Faaringangan Tam Iba
1-4Ku ngay fadugsay, itam fag ngay tagafanud sa tam Fun Isus, igsadsamanan ayu sirut tam naayamagan. Itam tiba, magan tuwa si tam amatanganan nu kon tam nus nge wain fag fakonun, teway katanya wan tam naayamagan. Inyamag watam te, katsi tam Diyus we fagsalagun tam fakonun. Ay roro ngap, tiba tam fadugsay e filian way fakonun. Wa kon karni, teway wa katvngvd si antam at naayamagan. Kanya fag ngay taw gamatangan way te, “Tam Diyus wa guseganan nu kon way tam tibak fakonun.” Katanya nu gsadsamanan tam.
Ay dewa katanya, dangay tam garingangan sanya baliwa fag ngay elongan. Am takon nus nge wain, dangay igfalingun ay iba, te, “Go sangay yam inyamag, te, masine wan nu kon tam fagayu?” Ay am at ke filian nu kon, dangay glong ay iba te, “Go sangay wam saful, te, nu kon way am katanya fag fakonun, gasalanan way am?” Dangay tam garingangan katanya.
Ay am at ke filian nu kon, lag glong te, “Kanya fag taw at fagbulun wa masine. Kon way tam Diyus fagsalagun.” Roro kanya fag taw dewa kon am fagyudun kon, tam Diyus kesug tuwa anya. Ay tam Diyus wa fanuguwan kanya fag taw. Ay galay sik fanuguwan, at fun wan at mafafalong, te go at fanuguwan fagbulun masine ay go yaya. Nu katanya, fabayani wan tam Diyus tagamatangan sam iba baliwa. Ay roro tam Diyus nu glag am iba, masine tuwa, teway tam Fun Isus wan tagfasine.
5Nu katanya, dewa tam nalag te, tam iba fagbulun, saman si antam, lag garingangan. Dewa te, tibak taw, e filian dawdaw sadik menit, te kanya wa unu Diyus at menit, ay tibak taw glong te, yaya, fagayu menit sudan tuwa mafanud, roro lag garingangan dewa katanya. Tam fagbulun, itam sadi-sadik taw, faamatanganuni tuwa, te go inday tagtungul.
6Ay dangay e amatanganan igfalingun tam iba, teway fagayu tam, tanan tuwa tam igfauseganan tam Diyus. Kanya fag fulan taw at ke filian sadik menit nu gseg tam Diyus, kanya at fasadan fiya fiya, nanfauseganan tuwa tam Diyus, ginanya fag menit. Katanya yangay anggan at yud e filian nu kon, kanya sigon at fasadan, igfauseganan tam Diyus, tagfon at fakonun. Ay dewa kanya fag fulan taw at ke filian fag fakonun, kanya sigon at fasadan, anyangay igfauseganan Diyus. Dewa at ke filian, ay dewa at yud e filian, fagduwa guseganan tuwa sa tam Diyus.
7-9Ebi, tam Fun Isus inkate, ay indog gleleg. Ay at fasadan at faginkateun, laman ban fagayu taw, dewa at kinkate ay dewa tagleleg, laman ban kanya wan at Fun. Ay katsi itam fagayu, tam Fun Isus watam at taw. Kaduge tam igleleg, ay dewa ban tam inkate, tam Fun Isus yay tam gugat at taw. Nu katanya, kaduge tam gleleg, tam amatanganan dangay te, “Go setain nu fabul aw ku ngay naumsigan?” Ay dewa ban tam gakateun, katanya yangay, tam amatanganan dangay si tam naumsigan mandi. Tagtungul tam amatanganan, antuwa te, “Go setain nu fafaning aw ku Fun at naumsigan?” Katanya tuwa tagtungul tam amatanganan.
10Nu katanya, itam takon nus nge wain fag fakonun, dangay falingun tam fadugsay at yud kon. Ay at yud kon fag taw, lag glong te sik asalanan way tam fadugsay fagbulun, nu kon nus nge wain. Teway fakatanyaun ay, itam ban fagayu, umlindug yay tam si tam Diyus at daga salubangan. Ay kanya yay ban taglong antam, te go masine tam ngay nafagbulun.
11Sa sik afud tam Diyus fanlongan, e tapan tam te, fagayu ban taw tumudan, igfauseganan tam Fun Diyus. Ay lumong ban ayuwayu te, kanya wa fiya tagtungul tam Fagsegan. Katanya wa fiya at kumgurungan.#14:11 Isayas 45:23 12Ay igfoyung wa ban tam fiya sa tam Diyus tam ngay nafagbulun kaduge ste swa daga.
13Nu katanya, dewa tam nalag tam fadugsay at fagbulun, te wa kata si antam, lag sigad iglong te, “Sek, katanya ay fagbulun wa gtungul.” Ay nu gfili tam tam ngay fagbulun mandi, faamatanguni tuwa. Labon e sik fagbulun, satu ro masine tuwa nu gfagbulun tam, ay teway am iba ro nu nalag, kaayu way ro at amatanganan. Ate ro am iba nu nalag, manke asalanan yay rodi ataw. Nu katanya way ro, lag fagbulun kanya.
14Labon gamatangan tam te, fagayu fakonun masine wan nu kon tam. Angku ngaro ku naatuyan, katanya fiya fiya, te masine wan fagayu fakonun, nu nsadi watam sa tam Fun Isus. Nu katanya, satu ro, masine tuwa nu kon tam. Ay teway labon e ufud way tam at yud katvngvd antam nu nyamag. Ay kanya fag taw nu umon way ro, inke asalanan wan kanya fag taw, teway nafamabo wayay at amatanganan, te wa unu masine sas Diyus nu kon katanya fag fakonun.
15Nu katanya, lag tam kon sik fakonun nu gfaayu way tam iba amatanganan. Teway nu kafanyu tuwa tam tam iba, di ro tam igfaayu at ngay amatanganan. Amatangani tuwa te, “Kanya ku iba, deyud kata si angku at nasaful, tam Fun Isus kafanyu tuwa dawdaw. Katvngvdan nu kafanyu, nanangate tuwa.” Ay labon naon way tam tam nateboan fag fakonun, ay kanya fag taw nalag, ay inkayu dawdaw at amatanganan, ay inyayu wan siginan tam Fun Isus. Nu katanya way ro, itam wan at nafayayu kanya fag taw siginan tam Fun Isus.
16Nu katanya, dewa masine sa antam sik fagbulun, lag tam fagbulun nu dway ro masine sa tam iba. 17Teway at fanambagun fiya fiya tam fagin-gamutun sa tam Diyus at fagmagurangun fag ngay taw, bundi te, nanfangon way tam fagsadi ay nanginum. Antuwa te, laman nanfagbulun tuwa tam at masine, ay laman masadi tuwa tam sa tam iba, ay laman Masine fag Falad igfon antam sik amatanganan taguseganan. 18Katanya tuwa at masine tam ugali nu gfaning tam tam Fun Isus. Ay tam ugali nu katanya tuwa, tam Diyus guseganan tuwa antam, ay tam iba guseganan yangay.
19Ay nu katanya, ugatani tuwa nangasadii sa tam iba. Ay fadfatvngvdani tam sadi at fagafanudun sa tam Diyus. 20Dangay tam nangaringangan sa tam fakonun baliwa, teway nu anway tam naaringangan katanya, tam Diyus at nafagbulun si antam inrasras wan.
Nu te ngap, fagayu fakonun masine tuwa nu kon tam. Ay roro lag tam kon nu gfasalan way tam iba. 21Dewa nu kon tam karni, lag tam fagbulun nu gfasalan way tam fadugsay. Ay tibak fanginum, maranug wayay nu nafadaulun way tam nu ginum tam. Ay kanya lag tam ginum nus di sirut nu gfasalan way tam fadugsay. Dewas nga setaw tam fagbulun, nu gfasalan way tam fadugsay, taglabi ngap, lagi. 22Ay lag tam dawdaw kadaragang kamansulit sa tam iba tam nasaful sanya baliwa fag ngay longan. Tam Diyus yakman tagsaful tam amatanganan.
Nu katanya, nu ntuyan wo te, masine tuwa nu kon o sik fakonun, useganani tuwa. 23Ay roro nu dway o fiya fiya intuyan, lag kon. Wa masine sa tam Diyus nu kon o, teway nafamabo way o am amatanganan. Anggan tibak fagbulun, katanya yangay. Way o intuyan te, masine tuwa sik tagafanud nu gfagbulun katanya, lagi kanya. Nu nafamabo way o am amatanganan, te kanya wa masine, gasalanan way o.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines