Ruma 13
13
Faningi tuwa Tam ngay Fun Ste swa Daga
1Fagayu taw faningi tuwa at ngay fun ste swa daga, teway tam Diyus wan at kinkumsig laman kanya fag ngay taw igmagurang. We taw mafamagurang ste swa daga, tam Diyus nu dway nafili. 2Nu katanya, nu kamabo way tam tam ngay fun ste swa daga, kamabo way tam tam Diyus at ngay filian. Ay tam Diyus lumong ban antam te, “Wa masine katanya am nafagbulun.”
3Nu katanya, faningi tuwa tam ngay fun at suguwan, laman tam fun guseganan tuwa antam, ay laman di tam kalimu anya. Teway tam ngay fagbulun nu masine tuwa, di tam kalimu tam ngay fun ste swa daga. Takalimu tam fun, anway tagfagbulun mauri. 4Teway at sadi tam Diyus fasadan, fagnafiliun tam ngay fun, laman igfatungul taw fagbulun sat masine.
Ay at sadi ya tam Diyus fasadan, fagnafiliun tam fun ste swa daga, laman tagfauri at ngay taw tagfagbulun mauri. Nu katanya, nu anway o igfagbulun mauri, ani wa fiya alimui tam fun ste swa daga, teway kanya e fagmadaragangun wa fiya igfauri emu.
5Nu katanya, ku ngay fadugsay, faningi wa fiya tam fun ste swa daga, laman ro di tam gafaurianan, ay laman di tam kapla si tam amatanganan, te nafagbulun way tam at yud masine.
6Ay tam fun ste swa daga galay get fansali tam ngay buwis, ani tuwa salii. Teway kanya fag ngay taw, tam Diyus yangay fanuguwan, ay ngayu tuwa at ngay fagbulun. 7Nu katanya, fasaki tuwa nu gsali tam tam buwis. Ay dangay e amatanganan igfalingun tam ngay fun. Amatangani tuwa te, “Kanya tam fun wan, ay iglabi tuwa antam nu e fagmadaragangun.”
Esugi Tam Iba, Teway Dewas Nga Ginain, tam Fun Isus Umdasug wa Daw
8Galay tam e bedan sa tam iba, salii tuwa. Ay nu nafasali tuwa tam tam bedan, kanya mandi intabu wan. Ay roro di katanya nu antam kesug tam iba. Nu antam kesug tam iba, dangay e fakatabuwan. Teway sik taw nu nasaful tuwa kesug tiba, igfaning yangay ro tam Diyus at ngay suguwan.
9Nu natap watam tam Diyus fanlongan, ngayu wa dawdaw tam natap tam Diyus fagsalagun, te, “Lag katanya ay ugali.” “Lag kamayun,” “Lag kamate,” “Lag kamul,” “Lag galabian,” ay e tiba yak suguwan sat dayu.#13:9 Nu Galin 20:13-17; Diyuterunumyu 5:17-21 Ay roro kanya fag ngay suguwan ayuwayu, e fagmasadian tuwa. Nafasadi te, “Sik taw nu kesug tiba, katvngvdi yangay nu kesug at balyu.”#13:9 Lebitiku 19:18 10Ay nu gfaning tuwa tam kanya fag sadik suguwan, di long ro tam nanfagbulun tam Diyus at ngay fagsalagun. Teway nu kesug watam tam fadugsay, di long ro tam nanfagbulun mauri sanya fag taw.
11Esugi wa fiya tam iba, teway nasaful watam te, dewas nga ginain, tam Fun Isus umdasug wa daw. Gfalangfe wa daw antam. Kakbang wa kakbang, kanya fag lungud, kaduge tam gugat gafanud sa anya. Nu katanya, dangay tam kata sik ngay taw tagtiyug. Mafuloani tuwa, 12teway katabu wan at yabi. Gakayamagun wan. At masuwad, tam Fun Isus gakadasugun wan.
Nu katanya, katsi, lag tam fagbulun tagsiginans marum fag ngay fagbulun. Tam fagfagbulunanun, tagsiginan tuwas mayamag fag ngay fagbulun, teway kanya tuwa fag ngay fagbulun tam fanbabo Satanas.
13Fagayu tagbanwan sad mayamag, dangay gafaningan tagsisad marum fag ngay taw at ugali. At masuwad, fagayu tagafanud sa tam Fun Isus, dangay gafaningan at yud gafanud fag ngay taw at ugali. Galay tibak taw gaygaluwan ayuwayu, nangasigung ay nanfagbulun tiba yak mauri, lag galo. Ay lag kalong kalong nanfamayun, ay tiba yak fagbulun sas fakamayunun baliwa, kanya fagayu lagi. Ay dangay gfaaringangan tam iba. Ay lag galabian tam iba at fagekwaun. Antam tam ugali, saruyi tuwa kanya fagayu.
14Ay lag tam kalong kalong gamatangan te, “Tain manga nu fabul aw ku ngay fakaumsigun at mauri?” Tam fagbulun, ani tuwa faningi tam Fagsegan at ngay fagbulun. Faningi tuwa tam Fun Isus ugali.
ទើបបានជ្រើសរើសហើយ៖
Ruma 13: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Ruma 13
13
Faningi tuwa Tam ngay Fun Ste swa Daga
1Fagayu taw faningi tuwa at ngay fun ste swa daga, teway tam Diyus wan at kinkumsig laman kanya fag ngay taw igmagurang. We taw mafamagurang ste swa daga, tam Diyus nu dway nafili. 2Nu katanya, nu kamabo way tam tam ngay fun ste swa daga, kamabo way tam tam Diyus at ngay filian. Ay tam Diyus lumong ban antam te, “Wa masine katanya am nafagbulun.”
3Nu katanya, faningi tuwa tam ngay fun at suguwan, laman tam fun guseganan tuwa antam, ay laman di tam kalimu anya. Teway tam ngay fagbulun nu masine tuwa, di tam kalimu tam ngay fun ste swa daga. Takalimu tam fun, anway tagfagbulun mauri. 4Teway at sadi tam Diyus fasadan, fagnafiliun tam ngay fun, laman igfatungul taw fagbulun sat masine.
Ay at sadi ya tam Diyus fasadan, fagnafiliun tam fun ste swa daga, laman tagfauri at ngay taw tagfagbulun mauri. Nu katanya, nu anway o igfagbulun mauri, ani wa fiya alimui tam fun ste swa daga, teway kanya e fagmadaragangun wa fiya igfauri emu.
5Nu katanya, ku ngay fadugsay, faningi wa fiya tam fun ste swa daga, laman ro di tam gafaurianan, ay laman di tam kapla si tam amatanganan, te nafagbulun way tam at yud masine.
6Ay tam fun ste swa daga galay get fansali tam ngay buwis, ani tuwa salii. Teway kanya fag ngay taw, tam Diyus yangay fanuguwan, ay ngayu tuwa at ngay fagbulun. 7Nu katanya, fasaki tuwa nu gsali tam tam buwis. Ay dangay e amatanganan igfalingun tam ngay fun. Amatangani tuwa te, “Kanya tam fun wan, ay iglabi tuwa antam nu e fagmadaragangun.”
Esugi Tam Iba, Teway Dewas Nga Ginain, tam Fun Isus Umdasug wa Daw
8Galay tam e bedan sa tam iba, salii tuwa. Ay nu nafasali tuwa tam tam bedan, kanya mandi intabu wan. Ay roro di katanya nu antam kesug tam iba. Nu antam kesug tam iba, dangay e fakatabuwan. Teway sik taw nu nasaful tuwa kesug tiba, igfaning yangay ro tam Diyus at ngay suguwan.
9Nu natap watam tam Diyus fanlongan, ngayu wa dawdaw tam natap tam Diyus fagsalagun, te, “Lag katanya ay ugali.” “Lag kamayun,” “Lag kamate,” “Lag kamul,” “Lag galabian,” ay e tiba yak suguwan sat dayu.#13:9 Nu Galin 20:13-17; Diyuterunumyu 5:17-21 Ay roro kanya fag ngay suguwan ayuwayu, e fagmasadian tuwa. Nafasadi te, “Sik taw nu kesug tiba, katvngvdi yangay nu kesug at balyu.”#13:9 Lebitiku 19:18 10Ay nu gfaning tuwa tam kanya fag sadik suguwan, di long ro tam nanfagbulun tam Diyus at ngay fagsalagun. Teway nu kesug watam tam fadugsay, di long ro tam nanfagbulun mauri sanya fag taw.
11Esugi wa fiya tam iba, teway nasaful watam te, dewas nga ginain, tam Fun Isus umdasug wa daw. Gfalangfe wa daw antam. Kakbang wa kakbang, kanya fag lungud, kaduge tam gugat gafanud sa anya. Nu katanya, dangay tam kata sik ngay taw tagtiyug. Mafuloani tuwa, 12teway katabu wan at yabi. Gakayamagun wan. At masuwad, tam Fun Isus gakadasugun wan.
Nu katanya, katsi, lag tam fagbulun tagsiginans marum fag ngay fagbulun. Tam fagfagbulunanun, tagsiginan tuwas mayamag fag ngay fagbulun, teway kanya tuwa fag ngay fagbulun tam fanbabo Satanas.
13Fagayu tagbanwan sad mayamag, dangay gafaningan tagsisad marum fag ngay taw at ugali. At masuwad, fagayu tagafanud sa tam Fun Isus, dangay gafaningan at yud gafanud fag ngay taw at ugali. Galay tibak taw gaygaluwan ayuwayu, nangasigung ay nanfagbulun tiba yak mauri, lag galo. Ay lag kalong kalong nanfamayun, ay tiba yak fagbulun sas fakamayunun baliwa, kanya fagayu lagi. Ay dangay gfaaringangan tam iba. Ay lag galabian tam iba at fagekwaun. Antam tam ugali, saruyi tuwa kanya fagayu.
14Ay lag tam kalong kalong gamatangan te, “Tain manga nu fabul aw ku ngay fakaumsigun at mauri?” Tam fagbulun, ani tuwa faningi tam Fagsegan at ngay fagbulun. Faningi tuwa tam Fun Isus ugali.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines