Markus 7
7
Taw Udyu at Ugali
(Mat. 15:1-9)
1Taw Parisiyu ay anggan tibak tagfoyung Muisis at Suguwan siginans Erusalem inful yangay sas Isus. 2Ay kanya nalag Isus at tagadal at tiba nu gfangon yud nafegus at daluwap.
3Taw Udyu, glabi wan ngay Parisiyu, ya gfangon yap ngay nafegus at daluwap kata at ngay aguyangan ugali. 4Ay dewa noli siginans falingki, ya gfangon yap ngay nafegus at daluwap. Ay ngayu yay at fagfaningun at ngay aguyangan at ugali. Tenday nu gfegus at taya, ay at bisu, ay anggan tibak fagsuwadan fakonun.
5Ay ka fag ngay taw Parisiyu ay ngay tagfoyung Muisis at Suguwan nainto sas Isus te, “Taway manga am ngay tagadal fagyudun gfaning tam ngay aguyangan at ugali? Madyay gina gfangon wa gfegus at daluwap!” 6Ay Isus igbalus te, “Matuyan Isayas at foyungan ebi sa ayu baliwa te, takamaninganan way am. Katatuy Diyus at longan Isayas at rirukan te,
‘Ngay taw nu gseg sa angku, si way kabat at bibig fagtvngvd.
Roro ngap at amatanganan ngayayu way angku.
7Ay we masuwad nu gseg sa angku,
anway at foyungan, sik taw way at longan.’#7:7 Isayas 29:13.
8Nafayudun way am Diyus at longan. Ay ay fagfaningun sas taw way at ugali.”
9Ay Isus nalong yangay te, “Matvngvd nu gafayudun am Diyus at suguwan, laman maning way am ay ngay aguyangan at ugali. 10Kata Muisis at longan ebi ebi te, ‘Esugi tuwa am mama ay am mina. Ay sik taw nu mauri way at longan sat tama ay ate sat tina, fatei wa anya.’ 11Ay roro ay foyungan nu anway te, sik taw nu nalong sat magurang te, ‘Ku fanarabangun nangus sa ayu, Kurban’ (at masuwad te, fanfon sas Diyus), 12wam glong sa ka fag taw te, ‘Tarabangi tuwa am magurang.’ 13Nu katanya way ay longan, gfe yud way am e fanambagun Diyus at longan, anway nafaning wam ay ngay aguyangan ugali. Ay e tiba yay takatanya ay fagbulun.”
Daginan Tagfafurat Taw?
(Mat. 15:10-20)
14Ay Isus gdog yay nafaful sik ngay taw, ay nalong te, “Fagayu am, dungugani ay togdungugi tuwa ku longan. 15Tagfafurat sik taw bunwa at nafat sat basad bibig baliwa, tagfafurat anya takalfas way siginan at bibig. [16Nu e talinga tuwam dungugani!]”
17Ay Isus naubun wa ka fag ngay taw ay nasakbo sad bale. Ay at ngay tagadal ginto anya aro at fafaskudanan at masuwad. 18Ay Isus nabalus at ngay tagadal te, “Go anggan am yam nasaful? Go sangay yam nasaful te, nus nge wain sik taw at naon wa gfafurat anya? 19Anway nus nge wain at naon wa kadasug sat amatanganan, fangkabat nus nge wain at naon nu gdalan sa ways ungdan ay gtunglus wa sas fagnanbapan.” Isus at fagnafoyungun katanya, fagayu fakonun masine tuwa. 20Ay Isus nalong yangay te, “Tagfafurat sa sik taw siginan way at amatanganan. 21-22Anway siginan ways taw at amatanganan tagfasure at mauri fag ngay fasadan, tenday, fakamayunun, ay nu kamul, ay nu gfate, ay nu galabian at tiba nanuranan, ay nu gfagbulun at mauri dawdaw fag fagbulun, ay nu gfanluk, ay nu gsulitanan at mauri sa at tiba baliwa, ay nu gfandaragang, ay nu gfagbulun at yud e fanambagun fag ngay fagbulun. 23Kayunya fag mauri tagsiginan sik taw at amatanganan, ay kanya wan tagfafurat anya.”
Sik Mangena Gafanud tuwa Isus
(Mat. 15:21-29)
24Ay Isus nalo wan sanya ginan, ay indasug sa sangay fulan makbang fulan Tiru. Ay kanya nasakbo sa sik bale. Ay satu ro wa kaumsig nu e sumaful anya te, sanya. Ay dewa katanya, wa maasuksuwan. 25-26Ay ginanya, sik mangena nadungug te, Isus sanya. Ay inkakbang sas Isus ay inlub ay igseg anya. Ka fag mangena sik taw Finisya sas Sirya fag talun, ay at fanlong Grigu. Ay ka fag mangena e baguyna sirut e mafurat fag falad. Ay kanya matvngvd nu get sas Isus te, “Falfasi at mafurat fag falad siginan ku baguyna.” 27Ay Isus glong sanya fag mangena te, “At masine, taguna at ngay sisiyan yap tagfangon, anway wa masine nu gbul sisiyan at fafa ay nangukas sa sangay idu.” 28Ay ka fag mangena nabalus Isus te, “Anggan ngay idu sis daga fagfangonan kon yangay sisiyan at nagdakdakan at kintong.” 29Ay Isus nalong sanya fag mangena te, “Nu katanya tuwa am famalus, ulii wan, teway ka fag mafurat fag falad nalfas wan siginan am baguyna.” 30Ay ka fag mangena noli wan. Ay nu ndasug sat bale, manlag di at baguyna si yay at fagtiyugan ay at mafurat fag falad nafalfas wan.
Isus Nafafiya sik Taw yud Gdungug ay yud Mafaelongan
31Ay Isus nalo wan siginan sangay fulan makbang fulan Tiru. Ay nadalan sas fulan Sidun ay sas Dekapulis fag ngay fulan, ay anggan indasug sas Lino Galiliya. 32Sik ngay taw nataban sas Isus sik taw yud gdungug ay yud mafaelongan. Ay ka fag ngay taw matvngvd nu get sas Isus te, “Fatayuki am daluwap sa anya.” 33Ay Isus nataban ka fag taw sas day fagngayuwan, ay nautkut ka fag taw talinga fag duwa. Ay rodi, natufe ay nated ka fag taw dila. 34Ay Isus natangda sas banwa, ay naengasan ngabasad, ay nalong sa ka fag taw te, “Effata!” At masuwad te, “Aluwangi”. 35Ay rodi, ka fag taw gdungug tuwa ay mafaelongan wan. Ay masnug tuwa nu gelongan. 36Ay Isus matvngvd nu gsalag tagsanya fag ngay taw te, “Lag gfoyung ay nalag sa nus nga sinu fag taw.” Ay roro nus nga seyu ginan Isus nu gsalag, inkugat yay ka fag ngay taw nu gfoyung. 37Ka fag ngay taw nadulawan dawdaw ay glong te, “Fagayu at fagbulun masine tuwa! Madyay at ngay yud gdungug, mafafadungug tuwa. Ay at ngay yud mafaelongan, mafafaelongan tuwa.”
ទើបបានជ្រើសរើសហើយ៖
Markus 7: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Markus 7
7
Taw Udyu at Ugali
(Mat. 15:1-9)
1Taw Parisiyu ay anggan tibak tagfoyung Muisis at Suguwan siginans Erusalem inful yangay sas Isus. 2Ay kanya nalag Isus at tagadal at tiba nu gfangon yud nafegus at daluwap.
3Taw Udyu, glabi wan ngay Parisiyu, ya gfangon yap ngay nafegus at daluwap kata at ngay aguyangan ugali. 4Ay dewa noli siginans falingki, ya gfangon yap ngay nafegus at daluwap. Ay ngayu yay at fagfaningun at ngay aguyangan at ugali. Tenday nu gfegus at taya, ay at bisu, ay anggan tibak fagsuwadan fakonun.
5Ay ka fag ngay taw Parisiyu ay ngay tagfoyung Muisis at Suguwan nainto sas Isus te, “Taway manga am ngay tagadal fagyudun gfaning tam ngay aguyangan at ugali? Madyay gina gfangon wa gfegus at daluwap!” 6Ay Isus igbalus te, “Matuyan Isayas at foyungan ebi sa ayu baliwa te, takamaninganan way am. Katatuy Diyus at longan Isayas at rirukan te,
‘Ngay taw nu gseg sa angku, si way kabat at bibig fagtvngvd.
Roro ngap at amatanganan ngayayu way angku.
7Ay we masuwad nu gseg sa angku,
anway at foyungan, sik taw way at longan.’#7:7 Isayas 29:13.
8Nafayudun way am Diyus at longan. Ay ay fagfaningun sas taw way at ugali.”
9Ay Isus nalong yangay te, “Matvngvd nu gafayudun am Diyus at suguwan, laman maning way am ay ngay aguyangan at ugali. 10Kata Muisis at longan ebi ebi te, ‘Esugi tuwa am mama ay am mina. Ay sik taw nu mauri way at longan sat tama ay ate sat tina, fatei wa anya.’ 11Ay roro ay foyungan nu anway te, sik taw nu nalong sat magurang te, ‘Ku fanarabangun nangus sa ayu, Kurban’ (at masuwad te, fanfon sas Diyus), 12wam glong sa ka fag taw te, ‘Tarabangi tuwa am magurang.’ 13Nu katanya way ay longan, gfe yud way am e fanambagun Diyus at longan, anway nafaning wam ay ngay aguyangan ugali. Ay e tiba yay takatanya ay fagbulun.”
Daginan Tagfafurat Taw?
(Mat. 15:10-20)
14Ay Isus gdog yay nafaful sik ngay taw, ay nalong te, “Fagayu am, dungugani ay togdungugi tuwa ku longan. 15Tagfafurat sik taw bunwa at nafat sat basad bibig baliwa, tagfafurat anya takalfas way siginan at bibig. [16Nu e talinga tuwam dungugani!]”
17Ay Isus naubun wa ka fag ngay taw ay nasakbo sad bale. Ay at ngay tagadal ginto anya aro at fafaskudanan at masuwad. 18Ay Isus nabalus at ngay tagadal te, “Go anggan am yam nasaful? Go sangay yam nasaful te, nus nge wain sik taw at naon wa gfafurat anya? 19Anway nus nge wain at naon wa kadasug sat amatanganan, fangkabat nus nge wain at naon nu gdalan sa ways ungdan ay gtunglus wa sas fagnanbapan.” Isus at fagnafoyungun katanya, fagayu fakonun masine tuwa. 20Ay Isus nalong yangay te, “Tagfafurat sa sik taw siginan way at amatanganan. 21-22Anway siginan ways taw at amatanganan tagfasure at mauri fag ngay fasadan, tenday, fakamayunun, ay nu kamul, ay nu gfate, ay nu galabian at tiba nanuranan, ay nu gfagbulun at mauri dawdaw fag fagbulun, ay nu gfanluk, ay nu gsulitanan at mauri sa at tiba baliwa, ay nu gfandaragang, ay nu gfagbulun at yud e fanambagun fag ngay fagbulun. 23Kayunya fag mauri tagsiginan sik taw at amatanganan, ay kanya wan tagfafurat anya.”
Sik Mangena Gafanud tuwa Isus
(Mat. 15:21-29)
24Ay Isus nalo wan sanya ginan, ay indasug sa sangay fulan makbang fulan Tiru. Ay kanya nasakbo sa sik bale. Ay satu ro wa kaumsig nu e sumaful anya te, sanya. Ay dewa katanya, wa maasuksuwan. 25-26Ay ginanya, sik mangena nadungug te, Isus sanya. Ay inkakbang sas Isus ay inlub ay igseg anya. Ka fag mangena sik taw Finisya sas Sirya fag talun, ay at fanlong Grigu. Ay ka fag mangena e baguyna sirut e mafurat fag falad. Ay kanya matvngvd nu get sas Isus te, “Falfasi at mafurat fag falad siginan ku baguyna.” 27Ay Isus glong sanya fag mangena te, “At masine, taguna at ngay sisiyan yap tagfangon, anway wa masine nu gbul sisiyan at fafa ay nangukas sa sangay idu.” 28Ay ka fag mangena nabalus Isus te, “Anggan ngay idu sis daga fagfangonan kon yangay sisiyan at nagdakdakan at kintong.” 29Ay Isus nalong sanya fag mangena te, “Nu katanya tuwa am famalus, ulii wan, teway ka fag mafurat fag falad nalfas wan siginan am baguyna.” 30Ay ka fag mangena noli wan. Ay nu ndasug sat bale, manlag di at baguyna si yay at fagtiyugan ay at mafurat fag falad nafalfas wan.
Isus Nafafiya sik Taw yud Gdungug ay yud Mafaelongan
31Ay Isus nalo wan siginan sangay fulan makbang fulan Tiru. Ay nadalan sas fulan Sidun ay sas Dekapulis fag ngay fulan, ay anggan indasug sas Lino Galiliya. 32Sik ngay taw nataban sas Isus sik taw yud gdungug ay yud mafaelongan. Ay ka fag ngay taw matvngvd nu get sas Isus te, “Fatayuki am daluwap sa anya.” 33Ay Isus nataban ka fag taw sas day fagngayuwan, ay nautkut ka fag taw talinga fag duwa. Ay rodi, natufe ay nated ka fag taw dila. 34Ay Isus natangda sas banwa, ay naengasan ngabasad, ay nalong sa ka fag taw te, “Effata!” At masuwad te, “Aluwangi”. 35Ay rodi, ka fag taw gdungug tuwa ay mafaelongan wan. Ay masnug tuwa nu gelongan. 36Ay Isus matvngvd nu gsalag tagsanya fag ngay taw te, “Lag gfoyung ay nalag sa nus nga sinu fag taw.” Ay roro nus nga seyu ginan Isus nu gsalag, inkugat yay ka fag ngay taw nu gfoyung. 37Ka fag ngay taw nadulawan dawdaw ay glong te, “Fagayu at fagbulun masine tuwa! Madyay at ngay yud gdungug, mafafadungug tuwa. Ay at ngay yud mafaelongan, mafafaelongan tuwa.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines