Markus 6
6
Taw Nasaret Kalimata way Isus
(Mat. 13:53-58; Lukas 4:16-30)
1Isus nalo wan sanya ginan fag fulan, ay nauli wa sat fulan fiya fiya, ay at ngay tagadal galo anya. 2Ay sis Fakamatoun fag Menit, Isus igfamoyung sa sangay taw Udyu bale fakafulan. Ay tagdungugan namatangan dawdaw, ay gidgintoan sa tiba te, “Daginan manga kanya fag taw at foyungan takatanya? Taw ro at fagnasafulun katanya? Setain nu mafafagbulun at madaragang fag fagbulun? 3Kanya wan ebi fag ama takawat bale, Maria at baguwama, ay at fadugsay Santiagu, ay Use, ay Udas, ay anggan Simun, go kin? Ay at fadugsay fag ngay mangena ste yangay si antam, go kin?” Ay ka fag ngay taw kalimata Isus. 4Ay Isus nalong sanya fag ngay taw te, “E gseg tuwa sas Diyus at taglong nus nganday, dasday si at fulan mandi, ay at kalongan, ay anggan tagsit bale at taw.” 5Ay Isus wa nafagbulun at ngay madulawan fag ngay fagbulun si at fulan, dasday nafatayuk at daluwap si at tagadaylan ay nafafiya. 6Ay Isus gamatangan daw, anway sanya fag ngay taw wa gafanud sa anya.
Isus At Nasugu fag Labi Duwa at Fagbulun
(Mat. 10:1,5-15; Lukas 9:1-6; 10:4-11)
Ay Isus nalo sat fakbangan fag ngay fulan laman nanfoyung sa sangay taw. 7Ay nagewan at Nasugu fag Labi Duwa ay nafalo ay nafaudgufudan duwa. Ay nafon at fagmadaragangun laman mafaayan at ngay mafurat fag falad. 8Ay nasugu ka fag labi duwa te, “Lag e ubanan nus nge wain gina am glo, dewa fakonun, ay ambag, ay singku. Ay ubanan ay suwan yakman. 9Masine tuwa nu gsulun am ay sinilas, ay lag gfaduwa ay ubanan ay balukas. 10Nus nganday fag bale ay fagsakboan, sanyai wan nu gtiyug am, ginanya mandi fag lo. 11Ay fagalay sik fulan at ngay taw yud gfasakbo ayu ay yud kaumsig gdungugan ay foyungan, nu glo wam sanya ginan fag fulan, farikfiki yap at dafug siginan ay darafa, sik famasaful sanya fag taw te, e yud masine at kumgurungan ban sa anya.” 12Ay nu katanya, ka fag labi duwa nalo wan ay gfoyung sa sangay taw te, “Ubuni wan ay ngay asalanan.” 13Ay ngayuk mafurat fag falad at naayan. Ay ngayuk tagadaylan at nararus langis ay infiya wan.
Uan Tagfasurung nu Nkate wan
(Mat. 14:1-12; Lukas 9:7-9)
14Fun Erudes nadungug Isus at fagbulun teway Isus at fagmadaragangun indungug. Ay tibak taw iglong te, “Kanya Uan way Tagfasurung gdog yay gleleg. Fakatanyaun madaragang at fagbulun.” 15Ay tiba glong te, “Kanya Elyas.” Ay tiba glong te, “Kanya Diyus at taglong, kata ebi at ngay taglong.”
16Ay fun Erudes nu nadungug katanya, kanya nalong te, “Uan Tagfasurung gdog yay gleleg dewa aw nafalifung at liyug ebi!” 17-18Erudes fagnafalifungun Uan at liyug, anway ebi ataw kanya namangenaan at kaka Filipi at mangena Erudias. Uan glong way gugat Erudes te, “Kamabo way o Muisis at Suguwan nu gmangenaan way o am ifag Erudias.” Nu katanya, Erudes nafagamat ay nafasungsung Uan laman gfaumsiganan Erudias. 19Ay Erudias kadotina Uan, ay kaumsig igfate anya. Ay roro wa mafafagbulun anway Erudes wa kaumsig. 20Fakatanyaun Erudes kalimu Uan, teway nasaful te, Uan masine tuwa at ugali ay we asalanan. Ay kanya gfadiyuganan tuwa Uan ay guseganan tuwa nu gdungugan at foyungan, dewa gfaayu at amatanganan.
21Ay bandi, indasug ka fag menit Erudias fagfanyaun laman gfabul at fakaumsigun. Ginanya Erudes at fangasalug fag menit, ay e fagmafulun dawdaw. Ay Erudes nagewan at ngay fun sirut, ay at ngay fun sundalu, ay anggan at ngay madaragang fag taw sis talun Galiliya. 22Ay Erudias at baguyna nasakbo ay gsayaw, ay Erudes ay anggan at ngay betaw#6:22 betaw: Sis Faniganun, bisita. guseganan. Ay Erudes nalong sa ka fag baguyna te, “Nus nga setaw am fakaumsigun, eti wa angku ay nanfon aw emu.” 23Ay nafatuyanan yangay te, “Nus nga setaw am fagetun, nanfon aw emu, dewa kalati ku fagmagurangan.” 24Ay ka fag baguyna nalaklo ay inkakbang sat tina te, “Taw manga ku fagetun?” Ay at tina nabalus te, “Uan Tagfasurung at alfuyu.” 25Ay rodi ka fag baguyna mafali nu kafoli sas Erudes ay get te, “Kaumsig aw nu gfon o angku katsi Uan Tagfasurung at alfuyu masuwadan si sik finggan daul.” 26Ay Erudes kabalu dawdaw, ay dewa katanya, anway tagsanya fag ngay taw nadungug wan at nafatuyanan, wa mafafamayud sanya fag baguyna. 27Ay rodi Erudes nasugu sik sundalu te, “Ubai ste Uan at alfuyu.” Ay ka fag sundalu nalo wa fiya sas fagsungsungan ay nalifung Uan at liyug. 28Ay ka fag sundalu naubanan Uan at alfuyu, ay nasuwad si sik finggan daul, ay nafon sa ka fag baguyna. Ay ka fag baguyna nafon sat tina. 29Ay Uan at ngay tagadal nu nadungug te, Uan inkate wan, kanya nananlag sas fagsungsungan, ay nabul Uan at bilug ay nalibing wan.
Isus Nafafangon 5,000k Mangama
(Mat. 14:13-21; Lukas 9:10-17; Uan 6:1-14)
30Ka fag Labi Duwa at nasugu nfoli sas Isus, ay kamansulit wa sas Isus fagayu at fagbulun ay at foyungan. 31Ay Isus nalong te, “Bastam wan, glo watam sa sik talun at yud e taw, ay fafiyani yap sirut ay lufuy.” Isus fagnalongun katanya anway ngayuk taw sanya takadasug ay taguli. Ay Isus ay at ngay tagadal we buknga nu gfangon anway ngayuk taw. 32Ay Isus ay at ngay tagadal nasakay sa sik balutu laman umdasug sa sik talun at yud e taw.
33Ay roro ngayuk taw nalag gina glo, ay nasaful te, sanya ro fag lungud talun Isus ay at ngay tagadal. Ay nu katanya, ka fag ngay taw matarung nu nalo siginan sangay fulan, laman nan-guna Isus ay at ngay tagadal sat fakadasugan. Ay at ngay taw naguna wa fiya nu kadasug sanya. 34Ay Isus nu ndaga wan siginans balutu, nalag sik ngay taw ayuwayu. Ay Isus infanyu ka fag ngay taw, anway kata way sik ngay tupa yud e gtanud. Ay Isus ngayu at nafoyung sanya fag ngay taw. 35Ay nu kayabi wan, at ngay tagadal inkakbang sas Isus ay nalong te, “Si way tam at yud e taw fag talun, ay katsi kayabi wan. 36Faloi wan ka fag ngay taw sa sangay fulan sirut laman nanbili yay at fakonun.” 37Ay Isus nalong sat ngay tagadal te, “Am wa ro tagfayafun ka fag ngay taw.” Ay at ngay tagadal nalong sas Isus te, “Go nanbili yay ami laman em famayafun ka fag ngay taw, at kayuwan ro em fansali fakonun, kayu ro waluk magdanun sik taw at nalufuyan?” 38Ay Isus nainto te, “Seyu ay uba tinafay ste?” Ay at ngay tagadal nalinggat ay nabalus te, “Lima ay duwak uyang.”
39Ay Isus nalong sat ngay tagadal te, “Falunggungi, maafudani sanya swa makmak.” 40Ay ka fag ngay taw malunggung wa fiya maafudan. Tibak afud 100k taw, ay tiba 50k taw. 41Ay Isus nabul ka fag limak tinafay ay ka fag duwak uyang. Ay kanya natangda sas banwa, ay nauseganan sas Diyus. Ay nafanramyukan ka fag limak tinafay, ay nafon sat ngay tagadal laman gfafafud sa sangay taw. Ay Isus naafud yangay anggan at uyang fag duwa, laman sas fagayu taw. 42Ay fagayu taw naon ay napsug wan. 43Ay at ngay tagadal nafaful yay at nagsawadan, ay labi duwa yak sabi at kinkapnu at nafanramyukan fag ngay tinafay ay anggan at uyang. 44Ay 5,000k mangama at naon ka fag tinafay.
Isus Nalo sa sangaba Tungud Lino
(Mat. 14:22-33; Uan 6:15-21)
45Ay rodi Isus nafasakay wa at ngay tagadal sas balutu, laman nan-guna wa anya sas dife lino, sas fulan Betsayda. Ay Isus nafalo wan anggan at ngay taw. 46Ay ka fag ngay taw nu nalo wan, Isus nalo wa sa sik tungud muyud laman nandarangin. 47Ay nu nyabi wan, at ngay tagadal swa bilug lino wan. Ay Isus gsesadian way sis talun. 48Ay Isus manlag di, at ngay tagadal gatakan gfalo at balutu, teway nu gfalo gfablang way tagmara. Ay balabag di sdaga kamenit, Isus glo sa sangaba tungud lino ay nangadasug sat ngay tagadal. Ay satu ro Isus nanlangfe wa at ngay tagadal. 49-50Ay roro at ngay tagadal nu nalag Isus nu glo sa sangaba tungud lino, kanya nlimu ay nafanguroan te, “E sik siraw!” Ay roro Isus nalong sat ngay tagadal te, “Lag am kalimu. Aw wan Isus. Fatvngvdi ay amatanganan!” 51Ay Isus nasakbo sasad balutu ay intuwas wan nu gtagmara. Ay at ngay tagadal nadulawan dawdaw, 52teway dewa nalag Isus at nafagbulun fag maylatan sa baliwas tinafay, ya nasaful at masuwad, teway gfaning way gugat at fasadan mandi.
Isus Nafafiya at ke ngay Daylan sas Fulan Genesaret
(Mat. 14:34-36)
53Ay Isus ay at ngay tagadal nu ndife wan, indasug sas fulan Genesaret. Ay sanya nu gfatungkud at balutu. 54Ay Isus ay at ngay tagadal nu ndaga wan siginans balutu, sanya fag fulan at ngay taw natoglag wa daw Isus. 55Ay ka fag ngay taw mafali nu glo sa sangay bale, ay gfasigad wa gfakbang sas Isus fagayu at ke daylan sit basad igyan, nus nganday nu dumungug te, sanya Isus. 56Ay nus nganday Isus at fakadasugan, dewa sas fulan sirut, ay dewa sas fulan daul, ay dewa sa sangay gamasun, ay dewa sa sangay falingki, at ngay taw guba at ke ngay daylan sanya. Ay get sas Isus te, “Nu masine di sa emu, fatedi dewa sim fungfung balukas at ke ngay daylan.” Ay fagayu at nated infiya wan.
ទើបបានជ្រើសរើសហើយ៖
Markus 6: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Markus 6
6
Taw Nasaret Kalimata way Isus
(Mat. 13:53-58; Lukas 4:16-30)
1Isus nalo wan sanya ginan fag fulan, ay nauli wa sat fulan fiya fiya, ay at ngay tagadal galo anya. 2Ay sis Fakamatoun fag Menit, Isus igfamoyung sa sangay taw Udyu bale fakafulan. Ay tagdungugan namatangan dawdaw, ay gidgintoan sa tiba te, “Daginan manga kanya fag taw at foyungan takatanya? Taw ro at fagnasafulun katanya? Setain nu mafafagbulun at madaragang fag fagbulun? 3Kanya wan ebi fag ama takawat bale, Maria at baguwama, ay at fadugsay Santiagu, ay Use, ay Udas, ay anggan Simun, go kin? Ay at fadugsay fag ngay mangena ste yangay si antam, go kin?” Ay ka fag ngay taw kalimata Isus. 4Ay Isus nalong sanya fag ngay taw te, “E gseg tuwa sas Diyus at taglong nus nganday, dasday si at fulan mandi, ay at kalongan, ay anggan tagsit bale at taw.” 5Ay Isus wa nafagbulun at ngay madulawan fag ngay fagbulun si at fulan, dasday nafatayuk at daluwap si at tagadaylan ay nafafiya. 6Ay Isus gamatangan daw, anway sanya fag ngay taw wa gafanud sa anya.
Isus At Nasugu fag Labi Duwa at Fagbulun
(Mat. 10:1,5-15; Lukas 9:1-6; 10:4-11)
Ay Isus nalo sat fakbangan fag ngay fulan laman nanfoyung sa sangay taw. 7Ay nagewan at Nasugu fag Labi Duwa ay nafalo ay nafaudgufudan duwa. Ay nafon at fagmadaragangun laman mafaayan at ngay mafurat fag falad. 8Ay nasugu ka fag labi duwa te, “Lag e ubanan nus nge wain gina am glo, dewa fakonun, ay ambag, ay singku. Ay ubanan ay suwan yakman. 9Masine tuwa nu gsulun am ay sinilas, ay lag gfaduwa ay ubanan ay balukas. 10Nus nganday fag bale ay fagsakboan, sanyai wan nu gtiyug am, ginanya mandi fag lo. 11Ay fagalay sik fulan at ngay taw yud gfasakbo ayu ay yud kaumsig gdungugan ay foyungan, nu glo wam sanya ginan fag fulan, farikfiki yap at dafug siginan ay darafa, sik famasaful sanya fag taw te, e yud masine at kumgurungan ban sa anya.” 12Ay nu katanya, ka fag labi duwa nalo wan ay gfoyung sa sangay taw te, “Ubuni wan ay ngay asalanan.” 13Ay ngayuk mafurat fag falad at naayan. Ay ngayuk tagadaylan at nararus langis ay infiya wan.
Uan Tagfasurung nu Nkate wan
(Mat. 14:1-12; Lukas 9:7-9)
14Fun Erudes nadungug Isus at fagbulun teway Isus at fagmadaragangun indungug. Ay tibak taw iglong te, “Kanya Uan way Tagfasurung gdog yay gleleg. Fakatanyaun madaragang at fagbulun.” 15Ay tiba glong te, “Kanya Elyas.” Ay tiba glong te, “Kanya Diyus at taglong, kata ebi at ngay taglong.”
16Ay fun Erudes nu nadungug katanya, kanya nalong te, “Uan Tagfasurung gdog yay gleleg dewa aw nafalifung at liyug ebi!” 17-18Erudes fagnafalifungun Uan at liyug, anway ebi ataw kanya namangenaan at kaka Filipi at mangena Erudias. Uan glong way gugat Erudes te, “Kamabo way o Muisis at Suguwan nu gmangenaan way o am ifag Erudias.” Nu katanya, Erudes nafagamat ay nafasungsung Uan laman gfaumsiganan Erudias. 19Ay Erudias kadotina Uan, ay kaumsig igfate anya. Ay roro wa mafafagbulun anway Erudes wa kaumsig. 20Fakatanyaun Erudes kalimu Uan, teway nasaful te, Uan masine tuwa at ugali ay we asalanan. Ay kanya gfadiyuganan tuwa Uan ay guseganan tuwa nu gdungugan at foyungan, dewa gfaayu at amatanganan.
21Ay bandi, indasug ka fag menit Erudias fagfanyaun laman gfabul at fakaumsigun. Ginanya Erudes at fangasalug fag menit, ay e fagmafulun dawdaw. Ay Erudes nagewan at ngay fun sirut, ay at ngay fun sundalu, ay anggan at ngay madaragang fag taw sis talun Galiliya. 22Ay Erudias at baguyna nasakbo ay gsayaw, ay Erudes ay anggan at ngay betaw#6:22 betaw: Sis Faniganun, bisita. guseganan. Ay Erudes nalong sa ka fag baguyna te, “Nus nga setaw am fakaumsigun, eti wa angku ay nanfon aw emu.” 23Ay nafatuyanan yangay te, “Nus nga setaw am fagetun, nanfon aw emu, dewa kalati ku fagmagurangan.” 24Ay ka fag baguyna nalaklo ay inkakbang sat tina te, “Taw manga ku fagetun?” Ay at tina nabalus te, “Uan Tagfasurung at alfuyu.” 25Ay rodi ka fag baguyna mafali nu kafoli sas Erudes ay get te, “Kaumsig aw nu gfon o angku katsi Uan Tagfasurung at alfuyu masuwadan si sik finggan daul.” 26Ay Erudes kabalu dawdaw, ay dewa katanya, anway tagsanya fag ngay taw nadungug wan at nafatuyanan, wa mafafamayud sanya fag baguyna. 27Ay rodi Erudes nasugu sik sundalu te, “Ubai ste Uan at alfuyu.” Ay ka fag sundalu nalo wa fiya sas fagsungsungan ay nalifung Uan at liyug. 28Ay ka fag sundalu naubanan Uan at alfuyu, ay nasuwad si sik finggan daul, ay nafon sa ka fag baguyna. Ay ka fag baguyna nafon sat tina. 29Ay Uan at ngay tagadal nu nadungug te, Uan inkate wan, kanya nananlag sas fagsungsungan, ay nabul Uan at bilug ay nalibing wan.
Isus Nafafangon 5,000k Mangama
(Mat. 14:13-21; Lukas 9:10-17; Uan 6:1-14)
30Ka fag Labi Duwa at nasugu nfoli sas Isus, ay kamansulit wa sas Isus fagayu at fagbulun ay at foyungan. 31Ay Isus nalong te, “Bastam wan, glo watam sa sik talun at yud e taw, ay fafiyani yap sirut ay lufuy.” Isus fagnalongun katanya anway ngayuk taw sanya takadasug ay taguli. Ay Isus ay at ngay tagadal we buknga nu gfangon anway ngayuk taw. 32Ay Isus ay at ngay tagadal nasakay sa sik balutu laman umdasug sa sik talun at yud e taw.
33Ay roro ngayuk taw nalag gina glo, ay nasaful te, sanya ro fag lungud talun Isus ay at ngay tagadal. Ay nu katanya, ka fag ngay taw matarung nu nalo siginan sangay fulan, laman nan-guna Isus ay at ngay tagadal sat fakadasugan. Ay at ngay taw naguna wa fiya nu kadasug sanya. 34Ay Isus nu ndaga wan siginans balutu, nalag sik ngay taw ayuwayu. Ay Isus infanyu ka fag ngay taw, anway kata way sik ngay tupa yud e gtanud. Ay Isus ngayu at nafoyung sanya fag ngay taw. 35Ay nu kayabi wan, at ngay tagadal inkakbang sas Isus ay nalong te, “Si way tam at yud e taw fag talun, ay katsi kayabi wan. 36Faloi wan ka fag ngay taw sa sangay fulan sirut laman nanbili yay at fakonun.” 37Ay Isus nalong sat ngay tagadal te, “Am wa ro tagfayafun ka fag ngay taw.” Ay at ngay tagadal nalong sas Isus te, “Go nanbili yay ami laman em famayafun ka fag ngay taw, at kayuwan ro em fansali fakonun, kayu ro waluk magdanun sik taw at nalufuyan?” 38Ay Isus nainto te, “Seyu ay uba tinafay ste?” Ay at ngay tagadal nalinggat ay nabalus te, “Lima ay duwak uyang.”
39Ay Isus nalong sat ngay tagadal te, “Falunggungi, maafudani sanya swa makmak.” 40Ay ka fag ngay taw malunggung wa fiya maafudan. Tibak afud 100k taw, ay tiba 50k taw. 41Ay Isus nabul ka fag limak tinafay ay ka fag duwak uyang. Ay kanya natangda sas banwa, ay nauseganan sas Diyus. Ay nafanramyukan ka fag limak tinafay, ay nafon sat ngay tagadal laman gfafafud sa sangay taw. Ay Isus naafud yangay anggan at uyang fag duwa, laman sas fagayu taw. 42Ay fagayu taw naon ay napsug wan. 43Ay at ngay tagadal nafaful yay at nagsawadan, ay labi duwa yak sabi at kinkapnu at nafanramyukan fag ngay tinafay ay anggan at uyang. 44Ay 5,000k mangama at naon ka fag tinafay.
Isus Nalo sa sangaba Tungud Lino
(Mat. 14:22-33; Uan 6:15-21)
45Ay rodi Isus nafasakay wa at ngay tagadal sas balutu, laman nan-guna wa anya sas dife lino, sas fulan Betsayda. Ay Isus nafalo wan anggan at ngay taw. 46Ay ka fag ngay taw nu nalo wan, Isus nalo wa sa sik tungud muyud laman nandarangin. 47Ay nu nyabi wan, at ngay tagadal swa bilug lino wan. Ay Isus gsesadian way sis talun. 48Ay Isus manlag di, at ngay tagadal gatakan gfalo at balutu, teway nu gfalo gfablang way tagmara. Ay balabag di sdaga kamenit, Isus glo sa sangaba tungud lino ay nangadasug sat ngay tagadal. Ay satu ro Isus nanlangfe wa at ngay tagadal. 49-50Ay roro at ngay tagadal nu nalag Isus nu glo sa sangaba tungud lino, kanya nlimu ay nafanguroan te, “E sik siraw!” Ay roro Isus nalong sat ngay tagadal te, “Lag am kalimu. Aw wan Isus. Fatvngvdi ay amatanganan!” 51Ay Isus nasakbo sasad balutu ay intuwas wan nu gtagmara. Ay at ngay tagadal nadulawan dawdaw, 52teway dewa nalag Isus at nafagbulun fag maylatan sa baliwas tinafay, ya nasaful at masuwad, teway gfaning way gugat at fasadan mandi.
Isus Nafafiya at ke ngay Daylan sas Fulan Genesaret
(Mat. 14:34-36)
53Ay Isus ay at ngay tagadal nu ndife wan, indasug sas fulan Genesaret. Ay sanya nu gfatungkud at balutu. 54Ay Isus ay at ngay tagadal nu ndaga wan siginans balutu, sanya fag fulan at ngay taw natoglag wa daw Isus. 55Ay ka fag ngay taw mafali nu glo sa sangay bale, ay gfasigad wa gfakbang sas Isus fagayu at ke daylan sit basad igyan, nus nganday nu dumungug te, sanya Isus. 56Ay nus nganday Isus at fakadasugan, dewa sas fulan sirut, ay dewa sas fulan daul, ay dewa sa sangay gamasun, ay dewa sa sangay falingki, at ngay taw guba at ke ngay daylan sanya. Ay get sas Isus te, “Nu masine di sa emu, fatedi dewa sim fungfung balukas at ke ngay daylan.” Ay fagayu at nated infiya wan.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines