Fagsigadan 50
50
1Ay Akub nu nkate wan at baguwama Use naayuk at tama ay nagafus. Ay kadugenya guyway wan. 2Ay rodi ataw nasugu at ngay fanuguwan tagsaful gfatvngvdun sik kinkate at bilug laman di karuwas mafali. Glong te “Ani yap fatvngvduni ku mama at bilug.”#50:2 Ebi, sis taw Iptu, galay gfatvngvdun sik kinkate at bilug, igbul wan at ngay basad bilug ay gfatsat ngaba bilug sik ngay gamut fanyud karuwas. Ay at ngay fanuguwan gfaning wa fiya, laman at tama bilug di karuwas mafali. 3Ay kanya fag ngay fanuguwan nu gfagbulun, at kadugayan, 40k menit. Ebi kadugenya taw Iptu at ugali nu gfatvngvdun sik taw at kinkate at bilug. Ay saman kanya, fagayu taw Iptu nafaning ebi ginan at ugali galay sik taw at madaragang inkate. Ay at kadugayan nu gfaning katanya, 70k menit.
Use nu Gsandig at Tama Kata Ebi at Nafatuyanan at Tama
4Ay nu nlangfe wan kanya fag 70k menit, Use inkakbang sat fun daul at ngay fanuguwan. Glong te, “Nu masine di sa ayu, falui yap angku. Nanlongi sa tam fun daul te, 5‘Am tagtarabang Use get emu te, lumo kyay nansandig ku mama, teway ebi kaduge ku mama gleleg yay nasugu angku te, “Dewa gina nu gsandig o angku sai tuwa ku naawat fag fagsandigan sas talun Kanaan.” Ay nalong yangay angku te, “Fatuyani wa fiya angku te sanya wa ban fiya nu gsandig o angku.”’ Ay foyungi yangay sa tam fun daul te, dewa aw lumo, nu nasandig kwa ku mama, kafoli kyay stiye.” 6Ay at fun daul nu nadungug, kanya nabalus te, “Kin. Longi sas Use te, kin kaumsig aw. Faningi am nafatuyanan sa am mama.”
7-9Ay nu katanya Use nalo wa fiya nansandig at tama sas talun Kanaan. Ay ngayu fag taw tagufud anya: Fagayu tagfafagbulun sis fun daul at bale ay fagayu at ngay fun sirut ay sik ngay sundalu ayuwayu tagsakay sis kabayu ay sis karitun. Ay Use at ngay fadugsay ay at ngay kalongan ay anggan at ngay fanuguwan. Ay roro Use at ngay kalongan wa nataban at ngay fagluwon ay at ngay ngenge. Sanya way sis talun Gusin. Anggan at ngay balan, sanya way. Ay kanya long fag ngay taw, gaygaluwan wa ayuwayu glo, nansandig Use tama.
10Ay kanya fag ngay taw nu glugo wa nu glo, indasug sa sik fagrabasan trigu at ngayan Atad, makbang Safa Urdan. Ay nu sanya wan, kanya fagayu nauyway dawdaw. Ay nafaning yay fiya at ugali nu kabalu dawdaw sik kinkate. Ay at kadugayan nu gfagbulun katanya, fituk menit. 11Ay at ngay taw Kanaan nu nalag, naylatan ay glong te, “Ka fag ngay taw Iptu e fakabaluun dawdaw.” Ay nu katanya taw Kanaan nafangayan sanya fag lungud at makbang Safa Urdan te, Abel-Misraim. Abel-Misraim at masuwad, sik ngay taw Iptu inbalu.
12Ay Akub at ngay baguwama nu ntabu wa nu guyway sanya, kanya nafatunglus yay nu glo. Ay nafagurungan wan at tama fakaumsigun. 13Nauba wan at bilug sas talun Kanaan ay nasandig wa fiya sasad luwib sas Makpela, makbang Mamri fag daga. Ay kanya fag Makpela ebi Abrayam at nabili fag daga siginan sik taw Kit at ngayan Efrun laman at fagnansadigan at kinkate. 14Ay Use nu ntabu wan nu gsandig at tama sanyas talun Kanaan, nauli wa sas talun Iptu, gfaygaluwan at ngay fadugsay. Anggan fagayu at ngay ufud ebi nu nansandig, fagayu nauli wan.
Use nu Gfalyam at ngay Fadugsay Nafagbulun sa Anya
15Ay bandi ataw Use at ngay fadugsay gsulitanan ayuwayu te, “Katsi tam tama naubun wa antam. At sawad itam way sisiyan. Labon manga tam fadugsay Use kadotama yay antam si at amatanganan. Ay nu katanya way nanfafoli wa long ban sa antam ebi tam nafagbulun sa anya.” 16Ay nu katanya at ngay fadugsay nasugu sik taw at nanfadasug at fagalongunun sas Use. Ay kanya fag taw nalo wa fiya ay nafoyung wa fiya sas Use te, “Ebi ay tama kaduge gleleg nalong tuwa unu sam ngay fadugsay te, 17nangeti yap unu sa emu sik fanfalyam sas fagayu at nafagbulun sa emu ebi at mauri dawdaw. Ay katsi ngaro am ngay fadugsay get sa emu te, falyami tuwa unu at nafagbulun sa emu ebi at yud masine. Dangay unu gamatangan, teway anggan am ngay fadugsay gfaning yangay ay tama at fagsegan fag Diyus.” Ay Use nu nadungug kanya fag longan, kanya nauyway.
18Ay rodi ataw, tiba sisiyan inkakbang sa anya ay natudan sat daga salubangan, sik famasaful te, gfababaun. Ay kadugenya gelonganan te, “Fanuguwanani wa ban emi.” 19Ay Use nabalus te “Yaya, sisiyan am, dangay kalimu angku. Dakdi nanfauri ayu. Aw bunakwa sik Diyus. Tam Diyus tuwa at ke fagmadaragangun igfauri. 20Nute ngap ngaro, ebi ay nafagbulun sa angku mauri wa fiya. Roro tam Diyus wa mangaro at ke fasadan ku fagnadalanun sanya fag ngay mataka. Ay anya at fasadan masine tuwa, laman sik ngay taw ayuwayu di mkate gina e fanlunus. 21Nu katanya lag kalimu angku! Aw wa ban tagfatvngvdun ayu anggan sa ay ngay unga.” Ay katanya Use nu gfataluwan at ngay fadugsay laman at ngay fadugsay amatanganan manabayan tuwa.
Use nu Kate
22-23Ay Use ay at tama sugfun fagayu gbanwan yay gugat sis talun Iptu. Ay Use nalag yay Efraim at ngay fufu. Ay nalag yangay Manasis baguwama Makir at ngay unga. Ay Use nalong te, “Makir at ngay unga bilang wa ku unga.” Ay at kadugayan Use nu gbanwan, 110k banwa.
24Ay Use nalong sa at ngay fadugsay te, “Katsi gakateun kwan, ay dewa katanya, tam Diyus di ban gfabayan ayu. Ay kanya falfas tuwa ban tam ngay kalongan ste ginan fag talun ay tumaban sas talun Kanaan, teway ebi nafatuyanan wa sa tam aguyangan Abrayam, Isaak ay Akub te, mon wa ban fiya kanya fag talun sa antam fag kalongan.” 25Ay Use nalong sat ngay fadugsay te, “Dewa gina, faamatangi tuwa tam ngay kalongan te, tam Diyus nu gfaalin wa ayu ste ginan fag talun, ubanani tuwa ku ngay butul. Ay get aw ayu te, fatuyanani tuwa sa angku, te igfoyung wa ban am fiya kanya.”
26Ay Use nkate wan. At kadugayan 110k banwa. Ay taw Iptu nafatvngvdun at bilug laman di mruwas mafali. Ay nasuwad at bilug sa sik kabaung sanya sis talun Iptu.
ទើបបានជ្រើសរើសហើយ៖
Fagsigadan 50: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Fagsigadan 50
50
1Ay Akub nu nkate wan at baguwama Use naayuk at tama ay nagafus. Ay kadugenya guyway wan. 2Ay rodi ataw nasugu at ngay fanuguwan tagsaful gfatvngvdun sik kinkate at bilug laman di karuwas mafali. Glong te “Ani yap fatvngvduni ku mama at bilug.”#50:2 Ebi, sis taw Iptu, galay gfatvngvdun sik kinkate at bilug, igbul wan at ngay basad bilug ay gfatsat ngaba bilug sik ngay gamut fanyud karuwas. Ay at ngay fanuguwan gfaning wa fiya, laman at tama bilug di karuwas mafali. 3Ay kanya fag ngay fanuguwan nu gfagbulun, at kadugayan, 40k menit. Ebi kadugenya taw Iptu at ugali nu gfatvngvdun sik taw at kinkate at bilug. Ay saman kanya, fagayu taw Iptu nafaning ebi ginan at ugali galay sik taw at madaragang inkate. Ay at kadugayan nu gfaning katanya, 70k menit.
Use nu Gsandig at Tama Kata Ebi at Nafatuyanan at Tama
4Ay nu nlangfe wan kanya fag 70k menit, Use inkakbang sat fun daul at ngay fanuguwan. Glong te, “Nu masine di sa ayu, falui yap angku. Nanlongi sa tam fun daul te, 5‘Am tagtarabang Use get emu te, lumo kyay nansandig ku mama, teway ebi kaduge ku mama gleleg yay nasugu angku te, “Dewa gina nu gsandig o angku sai tuwa ku naawat fag fagsandigan sas talun Kanaan.” Ay nalong yangay angku te, “Fatuyani wa fiya angku te sanya wa ban fiya nu gsandig o angku.”’ Ay foyungi yangay sa tam fun daul te, dewa aw lumo, nu nasandig kwa ku mama, kafoli kyay stiye.” 6Ay at fun daul nu nadungug, kanya nabalus te, “Kin. Longi sas Use te, kin kaumsig aw. Faningi am nafatuyanan sa am mama.”
7-9Ay nu katanya Use nalo wa fiya nansandig at tama sas talun Kanaan. Ay ngayu fag taw tagufud anya: Fagayu tagfafagbulun sis fun daul at bale ay fagayu at ngay fun sirut ay sik ngay sundalu ayuwayu tagsakay sis kabayu ay sis karitun. Ay Use at ngay fadugsay ay at ngay kalongan ay anggan at ngay fanuguwan. Ay roro Use at ngay kalongan wa nataban at ngay fagluwon ay at ngay ngenge. Sanya way sis talun Gusin. Anggan at ngay balan, sanya way. Ay kanya long fag ngay taw, gaygaluwan wa ayuwayu glo, nansandig Use tama.
10Ay kanya fag ngay taw nu glugo wa nu glo, indasug sa sik fagrabasan trigu at ngayan Atad, makbang Safa Urdan. Ay nu sanya wan, kanya fagayu nauyway dawdaw. Ay nafaning yay fiya at ugali nu kabalu dawdaw sik kinkate. Ay at kadugayan nu gfagbulun katanya, fituk menit. 11Ay at ngay taw Kanaan nu nalag, naylatan ay glong te, “Ka fag ngay taw Iptu e fakabaluun dawdaw.” Ay nu katanya taw Kanaan nafangayan sanya fag lungud at makbang Safa Urdan te, Abel-Misraim. Abel-Misraim at masuwad, sik ngay taw Iptu inbalu.
12Ay Akub at ngay baguwama nu ntabu wa nu guyway sanya, kanya nafatunglus yay nu glo. Ay nafagurungan wan at tama fakaumsigun. 13Nauba wan at bilug sas talun Kanaan ay nasandig wa fiya sasad luwib sas Makpela, makbang Mamri fag daga. Ay kanya fag Makpela ebi Abrayam at nabili fag daga siginan sik taw Kit at ngayan Efrun laman at fagnansadigan at kinkate. 14Ay Use nu ntabu wan nu gsandig at tama sanyas talun Kanaan, nauli wa sas talun Iptu, gfaygaluwan at ngay fadugsay. Anggan fagayu at ngay ufud ebi nu nansandig, fagayu nauli wan.
Use nu Gfalyam at ngay Fadugsay Nafagbulun sa Anya
15Ay bandi ataw Use at ngay fadugsay gsulitanan ayuwayu te, “Katsi tam tama naubun wa antam. At sawad itam way sisiyan. Labon manga tam fadugsay Use kadotama yay antam si at amatanganan. Ay nu katanya way nanfafoli wa long ban sa antam ebi tam nafagbulun sa anya.” 16Ay nu katanya at ngay fadugsay nasugu sik taw at nanfadasug at fagalongunun sas Use. Ay kanya fag taw nalo wa fiya ay nafoyung wa fiya sas Use te, “Ebi ay tama kaduge gleleg nalong tuwa unu sam ngay fadugsay te, 17nangeti yap unu sa emu sik fanfalyam sas fagayu at nafagbulun sa emu ebi at mauri dawdaw. Ay katsi ngaro am ngay fadugsay get sa emu te, falyami tuwa unu at nafagbulun sa emu ebi at yud masine. Dangay unu gamatangan, teway anggan am ngay fadugsay gfaning yangay ay tama at fagsegan fag Diyus.” Ay Use nu nadungug kanya fag longan, kanya nauyway.
18Ay rodi ataw, tiba sisiyan inkakbang sa anya ay natudan sat daga salubangan, sik famasaful te, gfababaun. Ay kadugenya gelonganan te, “Fanuguwanani wa ban emi.” 19Ay Use nabalus te “Yaya, sisiyan am, dangay kalimu angku. Dakdi nanfauri ayu. Aw bunakwa sik Diyus. Tam Diyus tuwa at ke fagmadaragangun igfauri. 20Nute ngap ngaro, ebi ay nafagbulun sa angku mauri wa fiya. Roro tam Diyus wa mangaro at ke fasadan ku fagnadalanun sanya fag ngay mataka. Ay anya at fasadan masine tuwa, laman sik ngay taw ayuwayu di mkate gina e fanlunus. 21Nu katanya lag kalimu angku! Aw wa ban tagfatvngvdun ayu anggan sa ay ngay unga.” Ay katanya Use nu gfataluwan at ngay fadugsay laman at ngay fadugsay amatanganan manabayan tuwa.
Use nu Kate
22-23Ay Use ay at tama sugfun fagayu gbanwan yay gugat sis talun Iptu. Ay Use nalag yay Efraim at ngay fufu. Ay nalag yangay Manasis baguwama Makir at ngay unga. Ay Use nalong te, “Makir at ngay unga bilang wa ku unga.” Ay at kadugayan Use nu gbanwan, 110k banwa.
24Ay Use nalong sa at ngay fadugsay te, “Katsi gakateun kwan, ay dewa katanya, tam Diyus di ban gfabayan ayu. Ay kanya falfas tuwa ban tam ngay kalongan ste ginan fag talun ay tumaban sas talun Kanaan, teway ebi nafatuyanan wa sa tam aguyangan Abrayam, Isaak ay Akub te, mon wa ban fiya kanya fag talun sa antam fag kalongan.” 25Ay Use nalong sat ngay fadugsay te, “Dewa gina, faamatangi tuwa tam ngay kalongan te, tam Diyus nu gfaalin wa ayu ste ginan fag talun, ubanani tuwa ku ngay butul. Ay get aw ayu te, fatuyanani tuwa sa angku, te igfoyung wa ban am fiya kanya.”
26Ay Use nkate wan. At kadugayan 110k banwa. Ay taw Iptu nafatvngvdun at bilug laman di mruwas mafali. Ay nasuwad at bilug sa sik kabaung sanya sis talun Iptu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines