Nu Galin 1
1
Taw Israel nu Gafanuguwanan sis Talun Iptu
1Akub ngayan at sadi Israel. Gina Akub glo sas talun Iptu, kanya nataban at ngay baguwama ay anggan at ngay talnayan. Kayu tuy at ngay baguwama: 2Rubin, Simyun, Lebi, Uda, 3Isakar, Sibulun, Benamin, 4Dan, Naptali, Gad, ay Asir. 5Kadugenya Use glugo wan nut sis talun Iptu. Ay Akub at kadagdagan gina glo sas talun Iptu at kayuwan anwa 70.
6Ay bandi nu glugo wan, Use ay anggan at ngay fadugsay inkate wan. Ay dewa namin ka fag sugfun taw, 7at ngay kadagdagan inkayu wa ayuwayu ay nu gbanwan nus nganday wan sas fagdaul talun Iptu.
8Ay ginanya sis talun Iptu e sik fun bagu. Ay ka fag fun wa gsaful sas Use baliwa. 9Ay kanya nalong sa sangay taw Iptu te, “Dungugani ku longan! Taw Israel glabi wa antam at kayuwan ay anggan at kamadaragangan. 10Ay nu nanfabarangyan wa ban tam, labon tumarabang sa tam ngay fabarangyan baliwa, ay gfabarangyan antam laman lumo ste ginan. Nu katanya, nansalag yay tam laman wa kaayu dawdaw.”
11Ay ka fag ngay taw Iptu nafili sik ngay tagfangguna madotama laman nanfatakan taw Israel, at famatakan, gfafagbulun dawdaw. Nafaawat fulan Pitum ay fulan Rameses laman at fun#1:11 fun: Sis Fangebriyu, Faraun. Kanya bunwa taw ngayan. Anway sis talun Iptu nu glong at fun, Faraun. umke ngay fagfafulan nus nge wain. 12Ay dewa katvngvd anya nu gfatakan, gtunglus wa ngap taw Israel nu kaayu ay nu kapnu sas fagdaul talun Iptu. Nu katanya, taw Iptu kalimu wa dawdaw. 13Ay gfaugat yay nu gfatakan taw Israel. 14Ay gfaawat wa gugat gugat sik ngay famadafut ay sik ngay batu fangawat bale,#1:14 batu fangawat bale: Sis Faniganun, tisa. Kanya kata sik alublak. ay matvngvd nu gfafagbulun sat ngay daga, ay wa kafanyu taw Israel nus di sirut.
15Ay ginanya fag lungud, at fun sis talun Iptu nalong sa sangay Ebriyu#1:15 Ebriyu: at masuwad, taw Israel. at tagfasalug, Sipra ay Pua te, 16“Gina am gtarabang sik Ebriyu nu gfasalug, at ngenge nu sik ama way, fatei wan, ay nu sik ina tuwa, lag am gfate.” 17Ay roro, at ngay tagfasalug wa gfaning at fun longan, teway kalimu tuwa Diyus. Ay kayu ginan gfasalug, di gfate, gfabayan wa at ngenge nu gleleg dewa sik ama.
18Ay nu katanya, at fun nagewan ka fag ngay tagfasalug ay nu ndasug nainto te, “Taw ro ay fakatanyaun? Taw ro ay fagnafabayanun at ngay ngenge nu gleleg, dewa sik ama?” 19Ay kanya nabalus te, “Sik Ebriyu di kata sik taw Iptu. Kanya mafali tuwa nu gfasalug, ay nu ndasug wami, e ngenge wan.” 20-21Ay taw Israel inkayu wa dawdaw. Ay Diyus nafon sa ka fag ngay tagfasalug at ngay mangama ay at ngay sisiyan, teway gafanud tuwa sas Diyus. 22Ay at fun nasugu sa sangay taw Iptu te, “Ukasi wan sad Safa Nilu nu sik ama way at bagu nsalug. Ay nu sik ina tuwa, lag am kukas.”
ទើបបានជ្រើសរើសហើយ៖
Nu Galin 1: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Nu Galin 1
1
Taw Israel nu Gafanuguwanan sis Talun Iptu
1Akub ngayan at sadi Israel. Gina Akub glo sas talun Iptu, kanya nataban at ngay baguwama ay anggan at ngay talnayan. Kayu tuy at ngay baguwama: 2Rubin, Simyun, Lebi, Uda, 3Isakar, Sibulun, Benamin, 4Dan, Naptali, Gad, ay Asir. 5Kadugenya Use glugo wan nut sis talun Iptu. Ay Akub at kadagdagan gina glo sas talun Iptu at kayuwan anwa 70.
6Ay bandi nu glugo wan, Use ay anggan at ngay fadugsay inkate wan. Ay dewa namin ka fag sugfun taw, 7at ngay kadagdagan inkayu wa ayuwayu ay nu gbanwan nus nganday wan sas fagdaul talun Iptu.
8Ay ginanya sis talun Iptu e sik fun bagu. Ay ka fag fun wa gsaful sas Use baliwa. 9Ay kanya nalong sa sangay taw Iptu te, “Dungugani ku longan! Taw Israel glabi wa antam at kayuwan ay anggan at kamadaragangan. 10Ay nu nanfabarangyan wa ban tam, labon tumarabang sa tam ngay fabarangyan baliwa, ay gfabarangyan antam laman lumo ste ginan. Nu katanya, nansalag yay tam laman wa kaayu dawdaw.”
11Ay ka fag ngay taw Iptu nafili sik ngay tagfangguna madotama laman nanfatakan taw Israel, at famatakan, gfafagbulun dawdaw. Nafaawat fulan Pitum ay fulan Rameses laman at fun#1:11 fun: Sis Fangebriyu, Faraun. Kanya bunwa taw ngayan. Anway sis talun Iptu nu glong at fun, Faraun. umke ngay fagfafulan nus nge wain. 12Ay dewa katvngvd anya nu gfatakan, gtunglus wa ngap taw Israel nu kaayu ay nu kapnu sas fagdaul talun Iptu. Nu katanya, taw Iptu kalimu wa dawdaw. 13Ay gfaugat yay nu gfatakan taw Israel. 14Ay gfaawat wa gugat gugat sik ngay famadafut ay sik ngay batu fangawat bale,#1:14 batu fangawat bale: Sis Faniganun, tisa. Kanya kata sik alublak. ay matvngvd nu gfafagbulun sat ngay daga, ay wa kafanyu taw Israel nus di sirut.
15Ay ginanya fag lungud, at fun sis talun Iptu nalong sa sangay Ebriyu#1:15 Ebriyu: at masuwad, taw Israel. at tagfasalug, Sipra ay Pua te, 16“Gina am gtarabang sik Ebriyu nu gfasalug, at ngenge nu sik ama way, fatei wan, ay nu sik ina tuwa, lag am gfate.” 17Ay roro, at ngay tagfasalug wa gfaning at fun longan, teway kalimu tuwa Diyus. Ay kayu ginan gfasalug, di gfate, gfabayan wa at ngenge nu gleleg dewa sik ama.
18Ay nu katanya, at fun nagewan ka fag ngay tagfasalug ay nu ndasug nainto te, “Taw ro ay fakatanyaun? Taw ro ay fagnafabayanun at ngay ngenge nu gleleg, dewa sik ama?” 19Ay kanya nabalus te, “Sik Ebriyu di kata sik taw Iptu. Kanya mafali tuwa nu gfasalug, ay nu ndasug wami, e ngenge wan.” 20-21Ay taw Israel inkayu wa dawdaw. Ay Diyus nafon sa ka fag ngay tagfasalug at ngay mangama ay at ngay sisiyan, teway gafanud tuwa sas Diyus. 22Ay at fun nasugu sa sangay taw Iptu te, “Ukasi wan sad Safa Nilu nu sik ama way at bagu nsalug. Ay nu sik ina tuwa, lag am kukas.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines