Fagbulun 24
24
Taw Udyu Nafalimatan Pablu
1Nu nlangfe wa limak menit, fun taganyun Ananias nalo wa sas fulan Sesaria. At ufud tibak taw Udyu at ngay tagmagurang ay Tertulu, sik abugadu. Ay ka fag ngay taw nafoyung sas gubernadur Feliks at nalimatan sas Pablu baliwa. 2-3Ay nu nafasanya wa Pablu sas ke Feliks at akbang, Tertulu gfasigad wa gfalimatan Pablu. Glong te, “Em nesugan fag gubernadur, mabayan tuwa tuy fag talun anway am fagbulun masine tuwa. Nus nganday ami, guseganan ami dawdaw sa emu sam nafagbulun fagayu. 4Ay kwa kaumsig gfaaba ku longan laman wo kanbang. Ku fakaumsigun antuwa te, laman dumungug tuwo em longan dewa yud ngayu. 5Nu glag ami tuy fag taw, sik tagfalimatan way emi. Anway kanya gfadotaman way sa sangay taw Udyu sas fagdaul daga. Ay e fagfanggunaun sik fulan taw at nangayan ‘Sik ngay Taw Nasaret.’ 6Ay kanya gfafurat way sas Diyus bale baliwa. Ay em fagnagamatun wa ngani anya. [Satu nanfauri wami anya kata at marirukan sa em suguwan. 7Ay roro sik tagfangguna sundalu, Lisias, indasug ay naago emi. 8Ay Lisias nalong te, nus nga sinu at takalimata anya, nanlag yay emu.] Ay gina ro o minto sa anya, sumaful yangay o te, matuyan tuwa fagayu em nalimatan sa anya baliwa.” 9Ay taw Udyu sanya nafadiyuganan sas Tertulu at longan te, “Matuyan wa fiya fagayu at longan.”
Pablu Nafoyung at Fagbulun fiya fiya
10Ay gubernadur Feliks nafalelegan at daluwap sas Pablu baliwa laman Pablu gelongan wan. Ay Pablu nalong te, “Nasaful kwa te, ngayu wak banwa nu an o sik tagbuknga#24:10 tagbuknga: Sis Faniganun, hukom. ste fag talun. Ay nu katanya, guseganan aw nu gbaliwa#24:10 gbaliwa: Sis Faniganun, tanggol. aw angku sam daga salubangan. 11Ay gina ro o minto sa tibak taw, sumaful o te, ya glabi 12k menit nu madasugan aw sas Erusalem, laman nanseg aw sas Diyus. 12Ay taw Udyu nu nalag angku, dakdi gfaringangan, ay dakdi gfadotaman sa sangay taw, dewa sas Diyus bale, ay dewa sa sangay taw Udyu at ngay bale fakafulan, ay dewa sas fagdaul fulan Erusalem. 13Ay ka fag ngay taw wa mafafatuyan at fakalimataun sa angku baliwa katsi. 14Ay roro gfatuyan aw sam daga salubangan te, gafanud aktuwa sas Isus baliwa at foyungan. Ay roro ka fag ngay taw at ayupan, wa masine ka fag foyungan sas Isus baliwa. Gseg aktuwa sa em aguyangan at Diyus. Gafanud akyangay fagayu at marirukan sas Muisis at Suguwan ay sas Diyus at ngay taglong at ngay rirukan. 15E fagsegun aktuwa sas Diyus, kata yangay ka fag ngay taw at fagsegun te, at kinkate gdog yay ban gleleg, dewa at masine fag taw ay dewa at mauri fag taw. 16Ay nu katanya, faggugat matagakan aktuwa nu gfagbulun aw, laman dakdi e fakaplaun sas Diyus ay anggan sas taw.
17“Glugo wan nu gyud aw sas Erusalem. Ay infoli aw sanya laman nanguba aw sik ngay famanyun sa ku ngay kalongan at yud e kwa, ay laman nanganyun aw sas Diyus. 18Ay ginanya, tibak taw nalag angku gina aw sis Diyus bale, gina aw gfagbulun ka fag ngay foyungan nu gfasine aw mandi angku. Ay wa ngayu at taw sanya ay di e garingangan. 19Ay ka fag ngay taw Udyu at kindasug sas Erusalem tagsiginans talun Asia, satu nangus stiyei yap, laman kanya wan tagfoyung emu at nalimatan sa angku baliwa. 20Ay kanya nu dway stiye, tagstei wa fag ngay taw at tagfoyung emu, nu e nalag way ku fagbulun at mauri, kaduge aw sas Taw Udyu Tiba Tungud Tagmagurang at daga salubangan. 21Ay kin, e nalag wa ku fagbulun gina aw guro te, ‘Ay fakalimataun angku katsi anway e fagsegun aw te, at kinkate gdog yay gleleg.’ ”
22Ay Feliks kasakan at nasafulan sas Isus baliwa. Ay kanya gfafanya yay at ngay taw te, “Kaduge yay ban at tagfangguna sundalu, Lisias, umdasug, nu lumong aw ku fasadan sa emu baliwa.” 23Ay kanya nalong sas fun sundalu te, “Tanudi yap Pablu ay fabayani yap anya. Ay lag gsalag at ngay fagwes nu kaumsig gfatvngvdun anya.”
Feliks Gdungugan yay Sirut Pablu
24Ay gina nlangfe ngayuk menit, Feliks gdog yay indasug sanya ay nataban at mangena, Drusila, sik taw Udyu. Ay Feliks nafakbang Pablu sa anya, ay gdungugan at foyungan sa baliwa nu gafanud sas Isus, tam Diyus at nafili fag Fun. 25Ay gina gdungugan Pablu at longan sa baliwa at matuyan, ay anggan sas fagbarisun, ay sas Diyus nu gfauri ban tagasalanan, kanya nlimu ay nalong sas Pablu te, “Balikam yap am longan. Loi wan katsi. Ay nu masine yay ban sa tibak menit, gdog akyay igewan emu ste.”
26Ay malayun Feliks nu gfatsanya Pablu laman nanfasulitanan anya, teway kanya kaumsig Pablu nu gfon anya sik ngay singku. 27Ay nu nalangfe wa duwak banwa, e natubus wa Feliks. Ay at fantubus Purkius Festus. Ay ginanya, Feliks at fagnaubunun Pablu sas bale fagsungsungan laman taw Udyu kaumsig tuwa anya.
ទើបបានជ្រើសរើសហើយ៖
Fagbulun 24: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Fagbulun 24
24
Taw Udyu Nafalimatan Pablu
1Nu nlangfe wa limak menit, fun taganyun Ananias nalo wa sas fulan Sesaria. At ufud tibak taw Udyu at ngay tagmagurang ay Tertulu, sik abugadu. Ay ka fag ngay taw nafoyung sas gubernadur Feliks at nalimatan sas Pablu baliwa. 2-3Ay nu nafasanya wa Pablu sas ke Feliks at akbang, Tertulu gfasigad wa gfalimatan Pablu. Glong te, “Em nesugan fag gubernadur, mabayan tuwa tuy fag talun anway am fagbulun masine tuwa. Nus nganday ami, guseganan ami dawdaw sa emu sam nafagbulun fagayu. 4Ay kwa kaumsig gfaaba ku longan laman wo kanbang. Ku fakaumsigun antuwa te, laman dumungug tuwo em longan dewa yud ngayu. 5Nu glag ami tuy fag taw, sik tagfalimatan way emi. Anway kanya gfadotaman way sa sangay taw Udyu sas fagdaul daga. Ay e fagfanggunaun sik fulan taw at nangayan ‘Sik ngay Taw Nasaret.’ 6Ay kanya gfafurat way sas Diyus bale baliwa. Ay em fagnagamatun wa ngani anya. [Satu nanfauri wami anya kata at marirukan sa em suguwan. 7Ay roro sik tagfangguna sundalu, Lisias, indasug ay naago emi. 8Ay Lisias nalong te, nus nga sinu at takalimata anya, nanlag yay emu.] Ay gina ro o minto sa anya, sumaful yangay o te, matuyan tuwa fagayu em nalimatan sa anya baliwa.” 9Ay taw Udyu sanya nafadiyuganan sas Tertulu at longan te, “Matuyan wa fiya fagayu at longan.”
Pablu Nafoyung at Fagbulun fiya fiya
10Ay gubernadur Feliks nafalelegan at daluwap sas Pablu baliwa laman Pablu gelongan wan. Ay Pablu nalong te, “Nasaful kwa te, ngayu wak banwa nu an o sik tagbuknga#24:10 tagbuknga: Sis Faniganun, hukom. ste fag talun. Ay nu katanya, guseganan aw nu gbaliwa#24:10 gbaliwa: Sis Faniganun, tanggol. aw angku sam daga salubangan. 11Ay gina ro o minto sa tibak taw, sumaful o te, ya glabi 12k menit nu madasugan aw sas Erusalem, laman nanseg aw sas Diyus. 12Ay taw Udyu nu nalag angku, dakdi gfaringangan, ay dakdi gfadotaman sa sangay taw, dewa sas Diyus bale, ay dewa sa sangay taw Udyu at ngay bale fakafulan, ay dewa sas fagdaul fulan Erusalem. 13Ay ka fag ngay taw wa mafafatuyan at fakalimataun sa angku baliwa katsi. 14Ay roro gfatuyan aw sam daga salubangan te, gafanud aktuwa sas Isus baliwa at foyungan. Ay roro ka fag ngay taw at ayupan, wa masine ka fag foyungan sas Isus baliwa. Gseg aktuwa sa em aguyangan at Diyus. Gafanud akyangay fagayu at marirukan sas Muisis at Suguwan ay sas Diyus at ngay taglong at ngay rirukan. 15E fagsegun aktuwa sas Diyus, kata yangay ka fag ngay taw at fagsegun te, at kinkate gdog yay ban gleleg, dewa at masine fag taw ay dewa at mauri fag taw. 16Ay nu katanya, faggugat matagakan aktuwa nu gfagbulun aw, laman dakdi e fakaplaun sas Diyus ay anggan sas taw.
17“Glugo wan nu gyud aw sas Erusalem. Ay infoli aw sanya laman nanguba aw sik ngay famanyun sa ku ngay kalongan at yud e kwa, ay laman nanganyun aw sas Diyus. 18Ay ginanya, tibak taw nalag angku gina aw sis Diyus bale, gina aw gfagbulun ka fag ngay foyungan nu gfasine aw mandi angku. Ay wa ngayu at taw sanya ay di e garingangan. 19Ay ka fag ngay taw Udyu at kindasug sas Erusalem tagsiginans talun Asia, satu nangus stiyei yap, laman kanya wan tagfoyung emu at nalimatan sa angku baliwa. 20Ay kanya nu dway stiye, tagstei wa fag ngay taw at tagfoyung emu, nu e nalag way ku fagbulun at mauri, kaduge aw sas Taw Udyu Tiba Tungud Tagmagurang at daga salubangan. 21Ay kin, e nalag wa ku fagbulun gina aw guro te, ‘Ay fakalimataun angku katsi anway e fagsegun aw te, at kinkate gdog yay gleleg.’ ”
22Ay Feliks kasakan at nasafulan sas Isus baliwa. Ay kanya gfafanya yay at ngay taw te, “Kaduge yay ban at tagfangguna sundalu, Lisias, umdasug, nu lumong aw ku fasadan sa emu baliwa.” 23Ay kanya nalong sas fun sundalu te, “Tanudi yap Pablu ay fabayani yap anya. Ay lag gsalag at ngay fagwes nu kaumsig gfatvngvdun anya.”
Feliks Gdungugan yay Sirut Pablu
24Ay gina nlangfe ngayuk menit, Feliks gdog yay indasug sanya ay nataban at mangena, Drusila, sik taw Udyu. Ay Feliks nafakbang Pablu sa anya, ay gdungugan at foyungan sa baliwa nu gafanud sas Isus, tam Diyus at nafili fag Fun. 25Ay gina gdungugan Pablu at longan sa baliwa at matuyan, ay anggan sas fagbarisun, ay sas Diyus nu gfauri ban tagasalanan, kanya nlimu ay nalong sas Pablu te, “Balikam yap am longan. Loi wan katsi. Ay nu masine yay ban sa tibak menit, gdog akyay igewan emu ste.”
26Ay malayun Feliks nu gfatsanya Pablu laman nanfasulitanan anya, teway kanya kaumsig Pablu nu gfon anya sik ngay singku. 27Ay nu nalangfe wa duwak banwa, e natubus wa Feliks. Ay at fantubus Purkius Festus. Ay ginanya, Feliks at fagnaubunun Pablu sas bale fagsungsungan laman taw Udyu kaumsig tuwa anya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines