Fagbulun 14
14
Pablu ay Bernabe sis Fulan Ikunyu
1Pablu ay Bernabe gina sis fulan Ikunyu, nasakbo sa sangay taw Udyu at bale fakafulan ay igfoyung sanya. Ngayuk taw Udyu ay taw Gresiya gafanud sas Isus. 2Ay tibak taw Udyu at yud gafanud igfaunatan sat yud Udyu fag ngay taw laman mauri at amatanganan sa sangay tagafanud baliwa. 3Ay dewa katanya, Pablu ay Bernabe glugo yay nut sanya. Ay maseganama tuwa nu gfoyung sa tam Fun baliwa. Ay tam Fun wan tagfatuyan sa at foyungan sa baliwa at fakafanyuun, teway kanya nafon at fagmadaragangun sas Pablu ay sas Bernabe laman gfasure at madulawan ay at madaragang fag ngay fagbulun. 4Ay at ngay taw sanya fag fulan inkafud, at tiba nafaning sa sangay taw Udyu at yud gafanud, ay tiba nafaning sas Pablu ay Bernabe ay anggan sa sangay Nasugu.
5Ay ngay taw Udyu, ay yud Udyu fag ngay taw, ay anggan at ngay tagfangguna nsadi at amatanganan laman nanfalang batu sas Pablu ay anggan sat ngay ufud. 6Ay Pablu ay anggan at ngay ufud nu nasaful ka fag ngay taw at fasadan nalo wa sas fulan Listra ay sas fulan Derbe sas Likaunia fag talun, ay anggan sa tagsafungan fag ngay fulan sanya. 7Ay nafoyung sanya at Masine fag Barita.
Pablu ay Bernabe sis Fulan Listra ay Derbe
8Ay sis fulan Listra e sik taw yud malo siginan ngay bagu kasalug. 9Ay kanya gdungugan Pablu nu kamoyung. Ay Pablu nalinggat dawdaw at yud malo ay nasaful te, matvngvd tuwa at fagafanudun te, umfiya wa fiya. 10Ay Pablu gbiya nu gelongan te, “Alindugi ay maturuni!” Ay ka fag taw inlindug tuwa daw ay glodloan tuwa. 11Ay sanya fag ngay taw nu nalag Pablu at fagbulun, nauro sat fanlong mandi te, “Sik ngay diyus kata sik taw indasug sa antam!” 12Ay ka fag ngay taw nafangayan Bernabe te, Seus, ay nafangayan yangay Pablu te, Ermes, anway Pablu tagelongan. 13Ay at fagsegan Seus at bale fakafulan sanya sis day fulan. Ay Seus at taganyun nataban sik ngay baka tama ay nafadalagan sik ngay sariksik sanya sasad sakbawan fulan alad. At fagnatabanun, laman kanya ay anggan at ngay taw mon at anyun sas Pablu ay sas Bernabe. 14Ay Pablu ay Bernabe nu nadungug at ngay taw at fagbulun, kanya nagirat at balukas. Ay mafali nu nalo sas wa taw ay guro te, 15“Em ngay fagwes, taw fakatanyaun ay fagbulun? Sik taw way ami kata ayu. Ay gfoyung way ami at Masine fag Barita laman mubun am kanya ay fagbulun at yud masine. Ay laman ay fagfaningun sa tuwas Tagleleg Faggugat fag Diyus, at naawat banwa, ay daga, ay dagat, ay anggan fagayu tagsanya. 16Ebi ebi Diyus nafabayan yay fagayu talun at ngay taw nu gfaning sat fasadan mandi. 17Ay dewa katanya, Diyus nafasaful yay sat ngay taw at ugali at masine. Madyay kanya at nafe moyan siginans banwa, ay at nafe buwadan ngay kayu, ay at nafon at ngay fakonun ay manga sik fagusegananun sa sangay taw.” 18Ay dewa katanya Pablu ay Bernabe at longan, gatakan yay nu gsalag ka fag ngay taw nu gfatunglus ganyun sa anya.
E Nafalang Batu sas Pablu sis Fulan Listra
19Ay sik taw Udyu ndasug sas fulan Listra siginans fulan Antiukia ay fulan Ikunyu. Ay igfamatuwan sas taw Listra, ay insadi te, nanfalang batu sas Pablu. Ay nu nafalang wan, kanya naguyudan sas day fulan, ay nu gfasad inkate wan. 20Ay roro gina at ngay tagadal masafung Pablu, kanya nlindug ay infoli sasad fulan. Ay balabag di, kanya ay Bernabe nalo wa sas fulan Derbe.
Ka fag Duwama Infoli yay sa ebi ataw at ngaba Dalan
21Pablu ay Bernabe nafoyung at Masine fag Barita sas fulan Derbe, ay ngayuk taw gafanud sas Isus. Ay bandi ka fag duwama nfoli yangay sas fulan Listra ay sas fulan Ikunyu ay anggan sas fulan Antiukia sis Pisidia fag talun. 22Ay sanya nafatvngvd at ngay tagadal ngay amatanganan. Ay nafoyung te, “Fatvngvdi tuwa ay fagafanudun. Anway bagu tam umdasug sas Diyus at fagmagurangan taw, e ngay faurianan yay tam fagdumalanun.” 23Ay Pablu nafili yay at ngay tagmagurang sas fagayu tagafanud. Ay kanya nafe lungud gyud gfangon laman gdarangin sa at ngay nafili, ay anggan nafanusetaw wa sa tam Fun Diyus, anway kanya gafanud tuwa sas Diyus.
24Pablu ay Bernabe nu nalo wan, nadalan wa talun Pisidia ay indasug sas talun Famfilia. 25Ay nu nafoyung wa Diyus at longan sas fulan Ferga, kanya nalo yangay sas Atalya. 26Ay sanya ginan duwama nasakay wa sa sik balutu kafoli sas fulan Antiukia. Sanya fag fulan ebi at ngay tagafanud nu gdarangin anya, laman Diyus tumarabang sat ngay fagbulun gina glo. Ay katsi ntabu wan ka fag fagbulun. 27Ay duwama nu ndasug wa sas Antiukia, nafaful at ngay tagafanud. Ay nafamansulit fagayu Diyus at natarabang anya sat ngay fagbulun. Ay nafamansulit yangay te, setain Diyus nu nafaamatangan at yud Udyu fag ngay taw laman mafanud sa tam Fun Isus. 28Ay duwama nalugo wan nut sanya gfaygaluwan Isus at ngay tagadal.
ទើបបានជ្រើសរើសហើយ៖
Fagbulun 14: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Fagbulun 14
14
Pablu ay Bernabe sis Fulan Ikunyu
1Pablu ay Bernabe gina sis fulan Ikunyu, nasakbo sa sangay taw Udyu at bale fakafulan ay igfoyung sanya. Ngayuk taw Udyu ay taw Gresiya gafanud sas Isus. 2Ay tibak taw Udyu at yud gafanud igfaunatan sat yud Udyu fag ngay taw laman mauri at amatanganan sa sangay tagafanud baliwa. 3Ay dewa katanya, Pablu ay Bernabe glugo yay nut sanya. Ay maseganama tuwa nu gfoyung sa tam Fun baliwa. Ay tam Fun wan tagfatuyan sa at foyungan sa baliwa at fakafanyuun, teway kanya nafon at fagmadaragangun sas Pablu ay sas Bernabe laman gfasure at madulawan ay at madaragang fag ngay fagbulun. 4Ay at ngay taw sanya fag fulan inkafud, at tiba nafaning sa sangay taw Udyu at yud gafanud, ay tiba nafaning sas Pablu ay Bernabe ay anggan sa sangay Nasugu.
5Ay ngay taw Udyu, ay yud Udyu fag ngay taw, ay anggan at ngay tagfangguna nsadi at amatanganan laman nanfalang batu sas Pablu ay anggan sat ngay ufud. 6Ay Pablu ay anggan at ngay ufud nu nasaful ka fag ngay taw at fasadan nalo wa sas fulan Listra ay sas fulan Derbe sas Likaunia fag talun, ay anggan sa tagsafungan fag ngay fulan sanya. 7Ay nafoyung sanya at Masine fag Barita.
Pablu ay Bernabe sis Fulan Listra ay Derbe
8Ay sis fulan Listra e sik taw yud malo siginan ngay bagu kasalug. 9Ay kanya gdungugan Pablu nu kamoyung. Ay Pablu nalinggat dawdaw at yud malo ay nasaful te, matvngvd tuwa at fagafanudun te, umfiya wa fiya. 10Ay Pablu gbiya nu gelongan te, “Alindugi ay maturuni!” Ay ka fag taw inlindug tuwa daw ay glodloan tuwa. 11Ay sanya fag ngay taw nu nalag Pablu at fagbulun, nauro sat fanlong mandi te, “Sik ngay diyus kata sik taw indasug sa antam!” 12Ay ka fag ngay taw nafangayan Bernabe te, Seus, ay nafangayan yangay Pablu te, Ermes, anway Pablu tagelongan. 13Ay at fagsegan Seus at bale fakafulan sanya sis day fulan. Ay Seus at taganyun nataban sik ngay baka tama ay nafadalagan sik ngay sariksik sanya sasad sakbawan fulan alad. At fagnatabanun, laman kanya ay anggan at ngay taw mon at anyun sas Pablu ay sas Bernabe. 14Ay Pablu ay Bernabe nu nadungug at ngay taw at fagbulun, kanya nagirat at balukas. Ay mafali nu nalo sas wa taw ay guro te, 15“Em ngay fagwes, taw fakatanyaun ay fagbulun? Sik taw way ami kata ayu. Ay gfoyung way ami at Masine fag Barita laman mubun am kanya ay fagbulun at yud masine. Ay laman ay fagfaningun sa tuwas Tagleleg Faggugat fag Diyus, at naawat banwa, ay daga, ay dagat, ay anggan fagayu tagsanya. 16Ebi ebi Diyus nafabayan yay fagayu talun at ngay taw nu gfaning sat fasadan mandi. 17Ay dewa katanya, Diyus nafasaful yay sat ngay taw at ugali at masine. Madyay kanya at nafe moyan siginans banwa, ay at nafe buwadan ngay kayu, ay at nafon at ngay fakonun ay manga sik fagusegananun sa sangay taw.” 18Ay dewa katanya Pablu ay Bernabe at longan, gatakan yay nu gsalag ka fag ngay taw nu gfatunglus ganyun sa anya.
E Nafalang Batu sas Pablu sis Fulan Listra
19Ay sik taw Udyu ndasug sas fulan Listra siginans fulan Antiukia ay fulan Ikunyu. Ay igfamatuwan sas taw Listra, ay insadi te, nanfalang batu sas Pablu. Ay nu nafalang wan, kanya naguyudan sas day fulan, ay nu gfasad inkate wan. 20Ay roro gina at ngay tagadal masafung Pablu, kanya nlindug ay infoli sasad fulan. Ay balabag di, kanya ay Bernabe nalo wa sas fulan Derbe.
Ka fag Duwama Infoli yay sa ebi ataw at ngaba Dalan
21Pablu ay Bernabe nafoyung at Masine fag Barita sas fulan Derbe, ay ngayuk taw gafanud sas Isus. Ay bandi ka fag duwama nfoli yangay sas fulan Listra ay sas fulan Ikunyu ay anggan sas fulan Antiukia sis Pisidia fag talun. 22Ay sanya nafatvngvd at ngay tagadal ngay amatanganan. Ay nafoyung te, “Fatvngvdi tuwa ay fagafanudun. Anway bagu tam umdasug sas Diyus at fagmagurangan taw, e ngay faurianan yay tam fagdumalanun.” 23Ay Pablu nafili yay at ngay tagmagurang sas fagayu tagafanud. Ay kanya nafe lungud gyud gfangon laman gdarangin sa at ngay nafili, ay anggan nafanusetaw wa sa tam Fun Diyus, anway kanya gafanud tuwa sas Diyus.
24Pablu ay Bernabe nu nalo wan, nadalan wa talun Pisidia ay indasug sas talun Famfilia. 25Ay nu nafoyung wa Diyus at longan sas fulan Ferga, kanya nalo yangay sas Atalya. 26Ay sanya ginan duwama nasakay wa sa sik balutu kafoli sas fulan Antiukia. Sanya fag fulan ebi at ngay tagafanud nu gdarangin anya, laman Diyus tumarabang sat ngay fagbulun gina glo. Ay katsi ntabu wan ka fag fagbulun. 27Ay duwama nu ndasug wa sas Antiukia, nafaful at ngay tagafanud. Ay nafamansulit fagayu Diyus at natarabang anya sat ngay fagbulun. Ay nafamansulit yangay te, setain Diyus nu nafaamatangan at yud Udyu fag ngay taw laman mafanud sa tam Fun Isus. 28Ay duwama nalugo wan nut sanya gfaygaluwan Isus at ngay tagadal.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines