Fagbulun 13
13
E Nasugu Bernabe ay Saulu
1Sis fulan Antiukia fag bale fakafulan e ngay taglong ay e ngay takamoyung, kanya Bernabe, ay Simyun (at tiba at ngayan Malayung), ay Lusyu sik taw Sirene, ay Manaen, fun Erudes fagsud gina alay, ay anggan Saulu. 2Ay ka fag ngay mangama gina gseg sa tam Fun ay gina gfe lungud gyud gfangon laman gdarangin, at Masine fag Falad nalong te, “Faagbilugi sa angku Bernabe ay Saulu, anway kanya ku nafili sa ku fasadan fag fagbulun.” 3Ay nu ntabu wan nu gfe lungud gyud gfangon laman gdarangin, ka fag ngay mangama nated Bernabe ay Saulu, sik famasaful te, at nafili, ay nafalo wan.
Bernabe ay Saulu sis Furu Sipre
4Ay at Masine fag Falad nasugu wa Bernabe ay Saulu sas fulan Seleusia. Ay sanya ginan ka fag duwama nasakay wa sa sik balutu taglo sas furu Sipre. 5Ay nu ndasug wa sas fulan Salamina sis furu Sipre, ka fag duwama nafoyung Diyus at longan sa sangay taw Udyu at ngay bale fakafulan. Ay Uan tagtarabang duwama. 6Ay nu ntabu wan nu gfamoyung sanya fag furu fagdaul, ka fag tuluk ama ndasug wa sas fulan Pafus. Ay sanya nalag sik taw mabara, sik taw Udyu, at ngayan Bar-Isus. Kanya gfalukanan te, “Sik taglong aw.” 7Bar-Isus Sergiu-Faulu at fagwes. Sergiu-Faulu at fun sanya fag furu. Ay Sergiu-Faulu sik mamatanganan fag taw. Ay kanya nasugu te, “Tabani stiye Bernabe ay Saulu laman nandungugan aw Diyus at longan.” 8Ka fag mabara fag taw, at ngayan sas Grigu at fanlongan, Elimas. Kanya gsalag Bernabe ay Saulu nu gfoyung at fun laman wa gafanud sas Isus. 9Ay at Masine fag Falad namagurang Saulu, at sadi at ngayan Pablu, ay nalinggat dawdaw sa ka fag mabara fag taw. 10Ay nalong te, “Satanas way o at baguwama, ay sik tagfanluk ay takamuwag way o, ay gsalag way o gugat at matuyan. Gfasaruy way o gugat tam Fun at ngay balyavtan at matuyan. 11Ay katsi, tam Fun gfaurianan wemu, ay wa ro o glag sik kadugayan.” Ay rodi nkarum wa fiya Elimas at mata ay gsarap tagted anya sa sangaba dalan. 12Ay fun Sergiu-Faulu gafanud wan gina nalag at kin-gurungan sas Elimas. Anway kanya nadulawan daw nu nadungug at foyungan sa tam Fun baliwa.
Pablu nu Kamoyung sas Fulan Antiukia
13Pablu ay at ngay ufud nalo wan siginans fulan Pafus, ay nasakay wa sa sik balutu tagsas fulan Ferga sis Famfilia fag talun. Ay nu ndasug wa sanya, Uan naubun wa at ibama ay noli wa sas Erusalem. 14Ay at tiba natunglus yay sas fulan Antiukia sis Pisidia fag talun. Ay nut si was Fakamatoun fag Menit, kanya tagaygaluwanan nasakbo wa sas taw Udyu at bale fakafulan ay namalunggung sanya. 15Ay nu ntabu wa gtap Muisis at longan sik afud, ay anggan ngay taglong ebi at ngay rirukan, at ngay tagmagurang sanya fag bale fakafulan nasugu at fagsuguwan te, “Longi sas Pablu ay sat ngay ufud te, ‘Em ngay fadugsay, nu e fagafoyungun yay am tagfatvngvd ste fag ngay taw at amatanganan, foyungi emi.’ ”
16Ay Pablu nlindug ay nalong te, “Dungugani ku longan! Am fag ngay taw Israel, ay am at yud Udyu fag ngay taw tagseg sas Diyus, dungugani ku longan. 17Taw Israel at Diyus at nafili tam ngay aguyangan ay at nafaayu anya kaduge gbanwan sis talun Iptu. Teway Diyus madaragang, kanya nafalfas tam ngay aguyangan siginans talun Iptu. 18Ay 40k banwa Diyus nu nafatvngvdun tam ngay aguyangan sis talun at yud e taw. 19Ay Diyus nafate wan fituk fulan taw sis talun Kanaan, ay kanya nafon wa sa tam ngay aguyangan ka fag talun. 20At kadugayan Diyus nu gfagbulun katanya, 450k banwa.
“Ay Diyus nafili sik ngay tagfangguna sa tam ngay aguyangan laman tagmagurang anya, yap ngay indasug Samwel sik taglong. 21Ay ginanya tam ngay aguyangan get sik fun sas Diyus. Ay Diyus nafili Saulu. At tama at ngayan Kis. Kanya siginans Benamin fag fulan taw. Ay kanya namagurang 40k banwa. 22Ay Diyus nabul wan Saul at fagmagurangan, ay nafon wa sas Dabid. Ay katatuy Diyus at longan te, ‘Fun Dabid, Ese at baguwama, kanya ku fakesugun fag taw, anway kanya gfaning ban fagayu ku fakaumsigun.’ ”
23Pablu glong yay te, “Siginans fun Dabid at kadagdagan, Diyus nafili wa taw Israel at Tagfalangfe, kanya Isus, kata ebi at nafatuyanan. 24Ay bagu yay Isus nu gfasigad at fagbulun, Uan Tagfasurung nafoyung sas fagayu taw Israel te, ‘Asurungi sasad safa, ay ubuni ay ngay asalanan.’ 25Ay nu gakatabuun wan Uan at fagbulun, kanya nainto sa sangay taw te, ‘Sinu aw nu gfasad am? Bunya aw ay Tagfalangfe. Ay Tagfalangfe sa yay ban ku guyan. Ay gina ban umsure, kwe fagmasineun an aw oma gluwas at fansiyuk at sinilas.#13:25 an aw oma gluwas at fansiyuk at sinilas: at masuwad te, an aw oma at fanuguwan.’ ”
26“Ku ngay fadugsay, am Abrayam at ngay sugfun, ay anggan am at yud Udyu fag ngay taw tagseg sas Diyus, Diyus nafoyung sa antam sa baliwa nu kalangfe tam. 27Ay at ngay tagbanwan sis Erusalem ay anggan at ngay tagmagurang ya nasaful te, sinu kanya fag taw, anway kanya ya nasaful ngay taglong ebi at ngay rirukan at masuwad dewa natap ka fag rirukan sis Fakamatoun fag ngay Menit. Ay kanya yay fiya at nafagurungan fag rirukan gina nafauri at Tagfalangfe. 28Dewa ka fag ngay taw yud e nalag at Tagfalangfe at asalanan laman sak igfate, ngay tagmagurang get sas Pilatu, laman igfate anya. 29Ay ngay taw nu nafagurungan wa fagayu at marirukan sis Diyus at longan sas Isus baliwa, kanya nabul at bilug siginans salibagan kayu ay nalibing sa sik faglibingan. 30Ay roro Diyus gdog yay nafaleleg tam Isus dewa nkate. 31Ay bandi ngayu ginan kanya nu gfalagan anya sat ngay ufud ebi, gina glo siginans Galiliya ay indasug sas Erusalem. Ay at ngay ufud wan tagfatuyan katsi sa sangay taw Israel.
32“Ay ami, em fagindasugun stiye katsi, nanfoyung ami sa ayu at Masine fag Barita, Diyus at nafatuyanan ebi sa tam ngay aguyangan. 33Diyus nafagurungan sa antam ebi at nafatuyanan sa tam ngay aguyangan, madyay nafadog yay nafaleleg Isus. Kata at marirukan sis faduwak afud sas Danyu te,
‘O wan ku baguwama,
ay aw wan am mama.’#13:33 Danyu 2:7.
34Ay Diyus nafaleleg yay tam Isus dewa nkate, ay at bilug di nruwas. Diyus nalong te,
‘Fagurungan aw sa emu, ebi ku fatuyanan sas Dabid.’#13:34 Isayas 55:3.
35Ay sa tibak afud sas Danyu Diyus nalong yangay te,
‘Di o gfabayan am fanuguwan at matuyan at bilug nu karuwas.’#13:35 Danyu 16:10.
36Dewa fun Dabid gfaning sas Diyus at ngay fasadan gina gleleg, nu nkate wan, nalibing anya sat ngay aguyangan day faglibingan, ay at bilug inruwas wan. 37Ay roro Diyus at nafaleleg fag taw, di nruwas. 38Nu katanya, ku ngay fadugsay, asafuli tuwa te, nafoyung ami sa ayu te, Diyus gfalyam ban tam asalanan anway sas Isus at fagbulun. 39Ay fagayu taw tagafanud sas Isus, Diyus nu glag anya, di e asalanan. Ay dewa gfaning Muisis at Suguwan wa mafafalfas anya. 40Ay nu katanya, tagaki, laman di mdasug sa ayu ebi ngay taglong at foyungan te,
41‘Amatangani am fag ngay tagfalingun.
Dewa ban am madulawan,
e fakatabuwan way ban am.
Anway gfagbulun aw sa ayu kaduge am gleleg.
Ay dewa e nafoyung ayu wam gafanud.’#13:41 Abakuk 1:5.”
42Pablu ay Bernabe nu galakloun wa siginans taw Udyu at bale fakafulan, at ngay taw nagewan yay fiya duwama laman nanfoyung yangay sat fadogan fag Fakamatoun fag Menit. 43Ay nu ntabu wan at fagmafulun, ngayuk taw Udyu ay at tiba yak tagfaning taw Udyu at ugali at naguyan Pablu ay Bernabe. Ay duwama matvngvd nu nafoyung te, “Fatunglusi nu gafanud am sas Diyus te, kanya mamanyun ayu.” 44Ay sat fadogan fag Fakamatoun fag Menit, arvs fagayu taw sas fulan inful wan, laman nandungugan tam Fun Isus at longan. 45Ay taw Udyu at ngay tagfangguna nu nalag ka fag ngay taw ayuwayu, galabian ay gfabadbaboan Pablu at foyungan, ay manga gfalingun anya. 46Ay dewa katanya, Pablu ay Bernabe maseganama tuwa nu glong te, “Taguna am tuwa em fagfoyungan Diyus at longan. Ay roro gafayudun way am, at masuwad te, wam fabul ka fag leleg at yud e fakatabuwan. Ay nu katanya, glo wami sat yud Udyu fag ngay taw. 47Anway katatuy, tam Fun Isus at suguwan emi te,
‘Aw wan at nasugu emu
laman kata o sik salung sat yud Udyu fag ngay taw,
laman moyung ban o sas fagayu taw
anggan sas fungfung daga laman umlangfe ban.’#13:47 Isayas 49:6.”
48Ay at yud Udyu fag ngay taw nu nadungug Pablu at foyungan, guseganan dawdaw, ay nalong te, “Masine wa fiya tam Fun Isus at longan.” Ay at ngay taw gafanud tuwa, Diyus at fagnafiliun laman e leleg faggugat.
49Ay tam Fun Isus at longan inrapyag sanya fag ngay fulan. 50Ay roro taw Udyu at ngay tagfangguna gfaunatan way sa at fulan at ngay tagmagurang ay anggan sa at mabalan fag ngay mangena tagseg sas Diyus, laman nanfauri Pablu ay Bernabe. Ay anggan naayan wa sanya siginan fag fulan. 51Ay Pablu ay Bernabe nafarikfik at kintayuk fag dafug sa at darafa, at famasaful sanya fag ngay taw te, wa kaumsig. Ay rodi nalo wa sas fulan Ikunyu. 52Ay at ngay tagfaning sas Isus guseganan dawdaw sanya sis fulan Antiukia. Ay at Masine fag Falad wan tagmagurang anya.
ទើបបានជ្រើសរើសហើយ៖
Fagbulun 13: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Fagbulun 13
13
E Nasugu Bernabe ay Saulu
1Sis fulan Antiukia fag bale fakafulan e ngay taglong ay e ngay takamoyung, kanya Bernabe, ay Simyun (at tiba at ngayan Malayung), ay Lusyu sik taw Sirene, ay Manaen, fun Erudes fagsud gina alay, ay anggan Saulu. 2Ay ka fag ngay mangama gina gseg sa tam Fun ay gina gfe lungud gyud gfangon laman gdarangin, at Masine fag Falad nalong te, “Faagbilugi sa angku Bernabe ay Saulu, anway kanya ku nafili sa ku fasadan fag fagbulun.” 3Ay nu ntabu wan nu gfe lungud gyud gfangon laman gdarangin, ka fag ngay mangama nated Bernabe ay Saulu, sik famasaful te, at nafili, ay nafalo wan.
Bernabe ay Saulu sis Furu Sipre
4Ay at Masine fag Falad nasugu wa Bernabe ay Saulu sas fulan Seleusia. Ay sanya ginan ka fag duwama nasakay wa sa sik balutu taglo sas furu Sipre. 5Ay nu ndasug wa sas fulan Salamina sis furu Sipre, ka fag duwama nafoyung Diyus at longan sa sangay taw Udyu at ngay bale fakafulan. Ay Uan tagtarabang duwama. 6Ay nu ntabu wan nu gfamoyung sanya fag furu fagdaul, ka fag tuluk ama ndasug wa sas fulan Pafus. Ay sanya nalag sik taw mabara, sik taw Udyu, at ngayan Bar-Isus. Kanya gfalukanan te, “Sik taglong aw.” 7Bar-Isus Sergiu-Faulu at fagwes. Sergiu-Faulu at fun sanya fag furu. Ay Sergiu-Faulu sik mamatanganan fag taw. Ay kanya nasugu te, “Tabani stiye Bernabe ay Saulu laman nandungugan aw Diyus at longan.” 8Ka fag mabara fag taw, at ngayan sas Grigu at fanlongan, Elimas. Kanya gsalag Bernabe ay Saulu nu gfoyung at fun laman wa gafanud sas Isus. 9Ay at Masine fag Falad namagurang Saulu, at sadi at ngayan Pablu, ay nalinggat dawdaw sa ka fag mabara fag taw. 10Ay nalong te, “Satanas way o at baguwama, ay sik tagfanluk ay takamuwag way o, ay gsalag way o gugat at matuyan. Gfasaruy way o gugat tam Fun at ngay balyavtan at matuyan. 11Ay katsi, tam Fun gfaurianan wemu, ay wa ro o glag sik kadugayan.” Ay rodi nkarum wa fiya Elimas at mata ay gsarap tagted anya sa sangaba dalan. 12Ay fun Sergiu-Faulu gafanud wan gina nalag at kin-gurungan sas Elimas. Anway kanya nadulawan daw nu nadungug at foyungan sa tam Fun baliwa.
Pablu nu Kamoyung sas Fulan Antiukia
13Pablu ay at ngay ufud nalo wan siginans fulan Pafus, ay nasakay wa sa sik balutu tagsas fulan Ferga sis Famfilia fag talun. Ay nu ndasug wa sanya, Uan naubun wa at ibama ay noli wa sas Erusalem. 14Ay at tiba natunglus yay sas fulan Antiukia sis Pisidia fag talun. Ay nut si was Fakamatoun fag Menit, kanya tagaygaluwanan nasakbo wa sas taw Udyu at bale fakafulan ay namalunggung sanya. 15Ay nu ntabu wa gtap Muisis at longan sik afud, ay anggan ngay taglong ebi at ngay rirukan, at ngay tagmagurang sanya fag bale fakafulan nasugu at fagsuguwan te, “Longi sas Pablu ay sat ngay ufud te, ‘Em ngay fadugsay, nu e fagafoyungun yay am tagfatvngvd ste fag ngay taw at amatanganan, foyungi emi.’ ”
16Ay Pablu nlindug ay nalong te, “Dungugani ku longan! Am fag ngay taw Israel, ay am at yud Udyu fag ngay taw tagseg sas Diyus, dungugani ku longan. 17Taw Israel at Diyus at nafili tam ngay aguyangan ay at nafaayu anya kaduge gbanwan sis talun Iptu. Teway Diyus madaragang, kanya nafalfas tam ngay aguyangan siginans talun Iptu. 18Ay 40k banwa Diyus nu nafatvngvdun tam ngay aguyangan sis talun at yud e taw. 19Ay Diyus nafate wan fituk fulan taw sis talun Kanaan, ay kanya nafon wa sa tam ngay aguyangan ka fag talun. 20At kadugayan Diyus nu gfagbulun katanya, 450k banwa.
“Ay Diyus nafili sik ngay tagfangguna sa tam ngay aguyangan laman tagmagurang anya, yap ngay indasug Samwel sik taglong. 21Ay ginanya tam ngay aguyangan get sik fun sas Diyus. Ay Diyus nafili Saulu. At tama at ngayan Kis. Kanya siginans Benamin fag fulan taw. Ay kanya namagurang 40k banwa. 22Ay Diyus nabul wan Saul at fagmagurangan, ay nafon wa sas Dabid. Ay katatuy Diyus at longan te, ‘Fun Dabid, Ese at baguwama, kanya ku fakesugun fag taw, anway kanya gfaning ban fagayu ku fakaumsigun.’ ”
23Pablu glong yay te, “Siginans fun Dabid at kadagdagan, Diyus nafili wa taw Israel at Tagfalangfe, kanya Isus, kata ebi at nafatuyanan. 24Ay bagu yay Isus nu gfasigad at fagbulun, Uan Tagfasurung nafoyung sas fagayu taw Israel te, ‘Asurungi sasad safa, ay ubuni ay ngay asalanan.’ 25Ay nu gakatabuun wan Uan at fagbulun, kanya nainto sa sangay taw te, ‘Sinu aw nu gfasad am? Bunya aw ay Tagfalangfe. Ay Tagfalangfe sa yay ban ku guyan. Ay gina ban umsure, kwe fagmasineun an aw oma gluwas at fansiyuk at sinilas.#13:25 an aw oma gluwas at fansiyuk at sinilas: at masuwad te, an aw oma at fanuguwan.’ ”
26“Ku ngay fadugsay, am Abrayam at ngay sugfun, ay anggan am at yud Udyu fag ngay taw tagseg sas Diyus, Diyus nafoyung sa antam sa baliwa nu kalangfe tam. 27Ay at ngay tagbanwan sis Erusalem ay anggan at ngay tagmagurang ya nasaful te, sinu kanya fag taw, anway kanya ya nasaful ngay taglong ebi at ngay rirukan at masuwad dewa natap ka fag rirukan sis Fakamatoun fag ngay Menit. Ay kanya yay fiya at nafagurungan fag rirukan gina nafauri at Tagfalangfe. 28Dewa ka fag ngay taw yud e nalag at Tagfalangfe at asalanan laman sak igfate, ngay tagmagurang get sas Pilatu, laman igfate anya. 29Ay ngay taw nu nafagurungan wa fagayu at marirukan sis Diyus at longan sas Isus baliwa, kanya nabul at bilug siginans salibagan kayu ay nalibing sa sik faglibingan. 30Ay roro Diyus gdog yay nafaleleg tam Isus dewa nkate. 31Ay bandi ngayu ginan kanya nu gfalagan anya sat ngay ufud ebi, gina glo siginans Galiliya ay indasug sas Erusalem. Ay at ngay ufud wan tagfatuyan katsi sa sangay taw Israel.
32“Ay ami, em fagindasugun stiye katsi, nanfoyung ami sa ayu at Masine fag Barita, Diyus at nafatuyanan ebi sa tam ngay aguyangan. 33Diyus nafagurungan sa antam ebi at nafatuyanan sa tam ngay aguyangan, madyay nafadog yay nafaleleg Isus. Kata at marirukan sis faduwak afud sas Danyu te,
‘O wan ku baguwama,
ay aw wan am mama.’#13:33 Danyu 2:7.
34Ay Diyus nafaleleg yay tam Isus dewa nkate, ay at bilug di nruwas. Diyus nalong te,
‘Fagurungan aw sa emu, ebi ku fatuyanan sas Dabid.’#13:34 Isayas 55:3.
35Ay sa tibak afud sas Danyu Diyus nalong yangay te,
‘Di o gfabayan am fanuguwan at matuyan at bilug nu karuwas.’#13:35 Danyu 16:10.
36Dewa fun Dabid gfaning sas Diyus at ngay fasadan gina gleleg, nu nkate wan, nalibing anya sat ngay aguyangan day faglibingan, ay at bilug inruwas wan. 37Ay roro Diyus at nafaleleg fag taw, di nruwas. 38Nu katanya, ku ngay fadugsay, asafuli tuwa te, nafoyung ami sa ayu te, Diyus gfalyam ban tam asalanan anway sas Isus at fagbulun. 39Ay fagayu taw tagafanud sas Isus, Diyus nu glag anya, di e asalanan. Ay dewa gfaning Muisis at Suguwan wa mafafalfas anya. 40Ay nu katanya, tagaki, laman di mdasug sa ayu ebi ngay taglong at foyungan te,
41‘Amatangani am fag ngay tagfalingun.
Dewa ban am madulawan,
e fakatabuwan way ban am.
Anway gfagbulun aw sa ayu kaduge am gleleg.
Ay dewa e nafoyung ayu wam gafanud.’#13:41 Abakuk 1:5.”
42Pablu ay Bernabe nu galakloun wa siginans taw Udyu at bale fakafulan, at ngay taw nagewan yay fiya duwama laman nanfoyung yangay sat fadogan fag Fakamatoun fag Menit. 43Ay nu ntabu wan at fagmafulun, ngayuk taw Udyu ay at tiba yak tagfaning taw Udyu at ugali at naguyan Pablu ay Bernabe. Ay duwama matvngvd nu nafoyung te, “Fatunglusi nu gafanud am sas Diyus te, kanya mamanyun ayu.” 44Ay sat fadogan fag Fakamatoun fag Menit, arvs fagayu taw sas fulan inful wan, laman nandungugan tam Fun Isus at longan. 45Ay taw Udyu at ngay tagfangguna nu nalag ka fag ngay taw ayuwayu, galabian ay gfabadbaboan Pablu at foyungan, ay manga gfalingun anya. 46Ay dewa katanya, Pablu ay Bernabe maseganama tuwa nu glong te, “Taguna am tuwa em fagfoyungan Diyus at longan. Ay roro gafayudun way am, at masuwad te, wam fabul ka fag leleg at yud e fakatabuwan. Ay nu katanya, glo wami sat yud Udyu fag ngay taw. 47Anway katatuy, tam Fun Isus at suguwan emi te,
‘Aw wan at nasugu emu
laman kata o sik salung sat yud Udyu fag ngay taw,
laman moyung ban o sas fagayu taw
anggan sas fungfung daga laman umlangfe ban.’#13:47 Isayas 49:6.”
48Ay at yud Udyu fag ngay taw nu nadungug Pablu at foyungan, guseganan dawdaw, ay nalong te, “Masine wa fiya tam Fun Isus at longan.” Ay at ngay taw gafanud tuwa, Diyus at fagnafiliun laman e leleg faggugat.
49Ay tam Fun Isus at longan inrapyag sanya fag ngay fulan. 50Ay roro taw Udyu at ngay tagfangguna gfaunatan way sa at fulan at ngay tagmagurang ay anggan sa at mabalan fag ngay mangena tagseg sas Diyus, laman nanfauri Pablu ay Bernabe. Ay anggan naayan wa sanya siginan fag fulan. 51Ay Pablu ay Bernabe nafarikfik at kintayuk fag dafug sa at darafa, at famasaful sanya fag ngay taw te, wa kaumsig. Ay rodi nalo wa sas fulan Ikunyu. 52Ay at ngay tagfaning sas Isus guseganan dawdaw sanya sis fulan Antiukia. Ay at Masine fag Falad wan tagmagurang anya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines