Aroma 9
9
1NE nunena vyendi mwa Kristo, sinutala wenye, na chikumbutima changu chuchita untoni pamo nane mwa Mzimu Mtuŵa, 2wakuti nili nako kundandaula kukuru na chipika chosaleka mu mtima mwangu. 3Pakuti nkasa namwine angati nupatuliwa na Kristo pa milandu ya akwasu, pokwasu mwa muŵili: 4amene na Israeli; kuchishiwa ŵana ni kwaŵo, na mchinzi, na mapangano, nopewa kwa dango, nomtumikila Mlungu, na vipango; 5a ŵala ni amausu wasu, na muli ŵeve ni mwifumila Kristo mwa muŵili, wamene ali pa vyonse, Mlungu woŵirikila virimika na virimika. Amen. 6Sembe nte kuti lizu la Mlungu lilopa tyala. Pakuti ŵala nte ŵonse Israeli, amene ali a Israeli: 7kano pakuŵa mbuto ya Abrahamu ntali ŵonse ŵana: sembe, Mwa Isake ni mwiti yoitiwa mbuto yako. 8Ni kuti nte ŵana a mwa muŵili ali ŵana a Mlungu, sembe ŵana a chipango ni ochishiwa mbuto. 9Chikomo ili ni lizu la chipango lakuti, Pa nsita ninize, na Sara azavyale mwana mwanalume. 10Nte teti mpera, sembe na Rebekka soti pechimita vumo na umo, Isake ausu wasu— 11pakuti ŵana pakaliyovyalikwa, nosachita kantu kaweme kano kaipa, kuti nzeru ya Mlungu ya mkusalula itang'e nte pa milimo sembe pa uyo oita, 12ni pikwinenewa kwake, Mkuru aŵomtumikila muŵaye. 13Nga ni mkwilembewera, Yakobo nimtemwa, sembe Esau nimtinka.
14Teti nga tinenenji? Kansi kwa Mlungu kuli vyosalungama? Pasaŵa teti. 15Pakuti echiti kwa Musa, Nakumchitila lusungu unti nochitila lusungu, nane nakumvwana naye unti nomvwana naye. 16Teti lomba ntekuli kwa uyo opangwa, kano kwa uyo outuka, sembe kwa Mlungu wochita lusungu. 17Chikomo malembo echiti kwa Faraŵo, Ku chikomo ichi ni penikupyanika, chakuti nilangizye muli weo mpamvu yangu, na kuti zina langu liŵirikile pa charo chonse cha pansi. 18Teti omchitila lusungu wakupangwa, na wakupangwa omuyumisya.
19Lomba uuti kuli neo, Nga otuzuliranji na lomba? Pakuti ni ŵani osusya chipangwilo chake? 20Nga we, muntuwe, niwe ŵani pauyasuka komsusya Mlungu? Kansi chintu choumbiwa chingati ku echiumba, Mwiniumbiranji teti? 21Kano muumbi kansi aliye nsaka ya lito, mu mkame umo yochisya chitwa chimo chiya cha mchinzi, chiyake chimbumbwa? 22Nga kati Mlungu, popangwa kulangizya ukali wake noziŵisya mpamvu yake, elekelera nosisikanya na viya vya ku ukali vyoŵikiwira katera kochenekeka: 23na kuti aziŵisye mpango zya mchinzi wake pa viya vya ku lusungu, vyechiwamizyiratu kale ku mchinzi, 24ni seo amene ŵechiita soti nte mwa Ayuda ŵeka sembe mwa a Mitundu naŵo? 25Nga ni mwechinenera soti mwa Hoseya,
Niteye ŵala mtundu wangu amene ntenze mtundu wangu,
Na yeve wotemweka, wamene ntenze wotemweka.
26Nipo ize iŵepo, pa malo pekwinenewa kwaŵo, Ntemwe mtundu wangu,
Ni pati paze paitiwe ŵana a Mlungu wamoyo.
27Naye Isaya ekuwa zya Israeli, Chukanga kupendewa kwa ŵana a Israeli kuli nga ni miseche ya mchimana, ŵosalapo ni ati azapuzumushiwe: 28pakuti Asikuru azachite malizu ŵake pa charo, kwasilizya noŵatendera. 29Soti nga ni Isaya mwechinenera kale,
Angati Asikuru wa Maumba aliyotisiila mbuto,
Sembe tiri nga ni Sodoma nolingana na Gomorra.
30Teti nga tinenenji? Kuti a Mitundu amene ntenzokonka vyolungama efwika ku vyolungama, ni vyolungama viri mu mvwano: 31sembe Israeli pokonka dango la vyolungama aliyofwika ku dango ilo. 32Chikomonji? Pakuti aliyolisaka pa mvwano, sembe nga ni pa milimo. Ŵekumbulwa ku mwala wokumbulwako, 33nga ni mkwilembewera,
Ŵona, nuŵika mZioni mwala wokumbulwako na luŵambe lopilingishiwako:
Na uyo ommvwila yeve ntaŵona nsoni.
ទើបបានជ្រើសរើសហើយ៖
Aroma 9: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
Aroma 9
9
1NE nunena vyendi mwa Kristo, sinutala wenye, na chikumbutima changu chuchita untoni pamo nane mwa Mzimu Mtuŵa, 2wakuti nili nako kundandaula kukuru na chipika chosaleka mu mtima mwangu. 3Pakuti nkasa namwine angati nupatuliwa na Kristo pa milandu ya akwasu, pokwasu mwa muŵili: 4amene na Israeli; kuchishiwa ŵana ni kwaŵo, na mchinzi, na mapangano, nopewa kwa dango, nomtumikila Mlungu, na vipango; 5a ŵala ni amausu wasu, na muli ŵeve ni mwifumila Kristo mwa muŵili, wamene ali pa vyonse, Mlungu woŵirikila virimika na virimika. Amen. 6Sembe nte kuti lizu la Mlungu lilopa tyala. Pakuti ŵala nte ŵonse Israeli, amene ali a Israeli: 7kano pakuŵa mbuto ya Abrahamu ntali ŵonse ŵana: sembe, Mwa Isake ni mwiti yoitiwa mbuto yako. 8Ni kuti nte ŵana a mwa muŵili ali ŵana a Mlungu, sembe ŵana a chipango ni ochishiwa mbuto. 9Chikomo ili ni lizu la chipango lakuti, Pa nsita ninize, na Sara azavyale mwana mwanalume. 10Nte teti mpera, sembe na Rebekka soti pechimita vumo na umo, Isake ausu wasu— 11pakuti ŵana pakaliyovyalikwa, nosachita kantu kaweme kano kaipa, kuti nzeru ya Mlungu ya mkusalula itang'e nte pa milimo sembe pa uyo oita, 12ni pikwinenewa kwake, Mkuru aŵomtumikila muŵaye. 13Nga ni mkwilembewera, Yakobo nimtemwa, sembe Esau nimtinka.
14Teti nga tinenenji? Kansi kwa Mlungu kuli vyosalungama? Pasaŵa teti. 15Pakuti echiti kwa Musa, Nakumchitila lusungu unti nochitila lusungu, nane nakumvwana naye unti nomvwana naye. 16Teti lomba ntekuli kwa uyo opangwa, kano kwa uyo outuka, sembe kwa Mlungu wochita lusungu. 17Chikomo malembo echiti kwa Faraŵo, Ku chikomo ichi ni penikupyanika, chakuti nilangizye muli weo mpamvu yangu, na kuti zina langu liŵirikile pa charo chonse cha pansi. 18Teti omchitila lusungu wakupangwa, na wakupangwa omuyumisya.
19Lomba uuti kuli neo, Nga otuzuliranji na lomba? Pakuti ni ŵani osusya chipangwilo chake? 20Nga we, muntuwe, niwe ŵani pauyasuka komsusya Mlungu? Kansi chintu choumbiwa chingati ku echiumba, Mwiniumbiranji teti? 21Kano muumbi kansi aliye nsaka ya lito, mu mkame umo yochisya chitwa chimo chiya cha mchinzi, chiyake chimbumbwa? 22Nga kati Mlungu, popangwa kulangizya ukali wake noziŵisya mpamvu yake, elekelera nosisikanya na viya vya ku ukali vyoŵikiwira katera kochenekeka: 23na kuti aziŵisye mpango zya mchinzi wake pa viya vya ku lusungu, vyechiwamizyiratu kale ku mchinzi, 24ni seo amene ŵechiita soti nte mwa Ayuda ŵeka sembe mwa a Mitundu naŵo? 25Nga ni mwechinenera soti mwa Hoseya,
Niteye ŵala mtundu wangu amene ntenze mtundu wangu,
Na yeve wotemweka, wamene ntenze wotemweka.
26Nipo ize iŵepo, pa malo pekwinenewa kwaŵo, Ntemwe mtundu wangu,
Ni pati paze paitiwe ŵana a Mlungu wamoyo.
27Naye Isaya ekuwa zya Israeli, Chukanga kupendewa kwa ŵana a Israeli kuli nga ni miseche ya mchimana, ŵosalapo ni ati azapuzumushiwe: 28pakuti Asikuru azachite malizu ŵake pa charo, kwasilizya noŵatendera. 29Soti nga ni Isaya mwechinenera kale,
Angati Asikuru wa Maumba aliyotisiila mbuto,
Sembe tiri nga ni Sodoma nolingana na Gomorra.
30Teti nga tinenenji? Kuti a Mitundu amene ntenzokonka vyolungama efwika ku vyolungama, ni vyolungama viri mu mvwano: 31sembe Israeli pokonka dango la vyolungama aliyofwika ku dango ilo. 32Chikomonji? Pakuti aliyolisaka pa mvwano, sembe nga ni pa milimo. Ŵekumbulwa ku mwala wokumbulwako, 33nga ni mkwilembewera,
Ŵona, nuŵika mZioni mwala wokumbulwako na luŵambe lopilingishiwako:
Na uyo ommvwila yeve ntaŵona nsoni.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.