Aroma 8
8
1TETI kuliye lomba kukonwa kwa ŵala ali mwa Kristo Yesu. 2Pakuti dango la Mzimu wa moyo mwa Kristo Yesu linichisya wanoŵene pa dango la viipa na la imfwa. 3Pakuti icho chilikanga dango kuchita, pelenzolenda kwa muŵili, Mlungu pomtuma Mwana wake mwine mchipazyo cha muŵili uŵipa na kuŵa nsembe ya ku viipa ekonwesya viipa mmuŵili: 4kuti chilungamiko cha dango chisilizike muli seo, amene tisayendayenda mwa muŵili, sembe mwa mzimu. 5Pakuti ŵala ali mwa muŵili opimpilila vya mmuŵili, sembe ŵala ali mwa mzimu vya mu mzimu. 6Chikomo kupimpilila vya mmuŵili ni imfwa, sembe kupimpilila vya mu mzimu ni moyo na mtendere, 7kupimpilila vya mmuŵili pakutinkana na Mlungu, pakuti sikulimvwila dango la Mlungu, sikungakumeko mwandi: 8na ŵala ali a mmuŵili sangamtemwesye Mlungu. 9Sembe mweo ntemwe a mmuŵili, sembe a mwa mzimu, kati Mzimu wa Mlungu onkala muli mweo. Sembe kati ali wonse aliye Mzimu wa Kristo, sali wake peka patonto. 10Kati Kristo ali muli mweo, muŵili ni wakufwa chikomo cha viipa, sembe mzimu ni wamoyo chikomo cha vyolungama. 11Sembe kati Mzimu wa uyo emzyusya Yesu kwa akufwa akankala muli mweo, uyo emzyusya Kristo Yesu kwa akufwa azaipe moyo na miŵili yanu ikufwa mwa Mzimu wake onkala muli mweo.
12Teti akwasu, tina mangaŵa, nte ku muŵili wa nyama, tiŵe na moyo wa mnyama: 13pakuti mkaŵa na moyo wa mnyama mumufwe; sembe kati mwa mzimu muvipaisya locho vyochita vya muŵili mwakuŵa na moyo. 14Pakuti ŵonse amene ouliwa na Mzimu wa Mlungu, aŵa ni ŵana a Mlungu. 15Chikomo simwipokera mzimu wokapolo soti kwa mwezo; mwipokera mzimu wochishiwa ŵana utusema nawo, Abba, ni Ŵata. 16Mzimu mwine ochita untoni pamo na mzimu wasu wakuti nise ŵana a Mlungu: 17kati nise ŵana ninga takuŵa apyani; apyani a Mlungu mchipuna chimo na Kristo; kati tuzuzika pamo naye, kuti tikoc hinzikiwa soti pamo naye.
18Pakuti nulinga kuti matamano a nsita ino sowamila kulinganya na mchinzi ula uzovundululiwe kuli seo. 19Pakuti kulolezya kwa vyoumbiwa kulindila mavundululiwe a ŵana a Mlungu. 20Pakuti vyoumbiwa vichishiwa ukapolo ku vyatyala, nte kozomera vine sembe chikomo cha evichisya ukapolo, 21kogomezya kuti vyoumbiwa vyene soti vipulukwe pokapolo wa maŵolero kuŵa na wanoŵene wa mchinzi wa ŵana a Mlungu. 22Pakuti tuziŵa kuti vyoumbiwa vyonse vutonga notamana na chipota pamo mpaka na lomba. 23Nte teti mpera, sembe seo nase soti, tiri navyo vyanchesya vya Mzimu, inde, na seo seka tutonga mkati mwasu, polindila kuchishiwa ŵana, ni kununuliwa kwa miŵili yasu. 24Chikomo tipulukwa na chigomezyo: sembe chigomezyo chuŵoneka nte chigomezyo: pakuti ni ŵani ogomezya chakuŵona? 25Sembe kati tugomezya chitisaŵona, pamene apo tuchilindila nokoselela.
26Tetyo na Mzimu soti oyavya kulenda kwasu, patisaziŵa seo kusenga mtuwamila; sembe Mzimu mwine yeka otetelela na mitongo yosalaŵirika; 27na uyo osandasanda mitima oziŵa malingililo a Mzimu ni vinji, pakuti oŵatetelelela asanto mchipangwilo cha Mlungu. 28Nase tuziŵa kuti kwa ŵala omtemwa Mlungu vyonse vuyavyana kuchita viweme, kwa ŵala oitiwa mwechilingilatu. 29Chikomo ŵechiziŵilatu ni ŵechiikilatu soti alinganishiwe na chipazyo cha Mwana wake, kuti aŵe wawiya mwa akwaŵo anyinji: 30na ŵechiikilatu ni ŵechiita soti: na ŵechiita ni ŵechichisya soti ŵolungama; na ŵechichisya ŵolungama ni ŵechichinzika soti.
31Nga tinenenji lomba kwa ivi? Kati Mlungu ali kwa seo, ni ŵani angotisusya? 32Uyo aliyomtana Mwana wake mwine, lomba empeleka pali seo sonse, nga angotitana syani soti pamo naye vyabule vyonse? 33Ni ŵani angosimikizya kantu ŵosaluliwa a Mlungu? Ochisya ŵolungama ni Mlungu; 34ni ŵani angokonwesya? Kristo Yesu ni efwila, inde mwandi, ezyushiwa kwa akufwa, wamene ali kwanja kwendi kwa Mlungu, wamene soti otitetelelela. 35Ni ŵani angotipatusya pa chintemwa cha Kristo? mazuzyo kansi, kano chipika, kano msulusyo, kano chilala, kano wamba, kano pouka, kano chinkalammanja? 36Nga ni umo mkwilembewera,
Chikomo cha weo ni patupaiwa zuŵa lonse;
Tuchishiwa nga ni mbelele zya kotantila.
37Yai, pa ivi vyonse tuperemera kuli ŵala opulamo mwa uyo etitemwa. 38Pakuti nuziŵilatu kuti nte imfwa, nte moyo, nte malaika, nte maufumu, nte vintu vilipo, nte vintu vikuza, nte mansaka, 39nte utali, nte kunoka, nte vyopozewa vyonse vimbi, vingokumako kutipatusya pa chintemwa cha Mlungu, chiri mwa Kristo Yesu Asikuru wasu.
ទើបបានជ្រើសរើសហើយ៖
Aroma 8: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
Aroma 8
8
1TETI kuliye lomba kukonwa kwa ŵala ali mwa Kristo Yesu. 2Pakuti dango la Mzimu wa moyo mwa Kristo Yesu linichisya wanoŵene pa dango la viipa na la imfwa. 3Pakuti icho chilikanga dango kuchita, pelenzolenda kwa muŵili, Mlungu pomtuma Mwana wake mwine mchipazyo cha muŵili uŵipa na kuŵa nsembe ya ku viipa ekonwesya viipa mmuŵili: 4kuti chilungamiko cha dango chisilizike muli seo, amene tisayendayenda mwa muŵili, sembe mwa mzimu. 5Pakuti ŵala ali mwa muŵili opimpilila vya mmuŵili, sembe ŵala ali mwa mzimu vya mu mzimu. 6Chikomo kupimpilila vya mmuŵili ni imfwa, sembe kupimpilila vya mu mzimu ni moyo na mtendere, 7kupimpilila vya mmuŵili pakutinkana na Mlungu, pakuti sikulimvwila dango la Mlungu, sikungakumeko mwandi: 8na ŵala ali a mmuŵili sangamtemwesye Mlungu. 9Sembe mweo ntemwe a mmuŵili, sembe a mwa mzimu, kati Mzimu wa Mlungu onkala muli mweo. Sembe kati ali wonse aliye Mzimu wa Kristo, sali wake peka patonto. 10Kati Kristo ali muli mweo, muŵili ni wakufwa chikomo cha viipa, sembe mzimu ni wamoyo chikomo cha vyolungama. 11Sembe kati Mzimu wa uyo emzyusya Yesu kwa akufwa akankala muli mweo, uyo emzyusya Kristo Yesu kwa akufwa azaipe moyo na miŵili yanu ikufwa mwa Mzimu wake onkala muli mweo.
12Teti akwasu, tina mangaŵa, nte ku muŵili wa nyama, tiŵe na moyo wa mnyama: 13pakuti mkaŵa na moyo wa mnyama mumufwe; sembe kati mwa mzimu muvipaisya locho vyochita vya muŵili mwakuŵa na moyo. 14Pakuti ŵonse amene ouliwa na Mzimu wa Mlungu, aŵa ni ŵana a Mlungu. 15Chikomo simwipokera mzimu wokapolo soti kwa mwezo; mwipokera mzimu wochishiwa ŵana utusema nawo, Abba, ni Ŵata. 16Mzimu mwine ochita untoni pamo na mzimu wasu wakuti nise ŵana a Mlungu: 17kati nise ŵana ninga takuŵa apyani; apyani a Mlungu mchipuna chimo na Kristo; kati tuzuzika pamo naye, kuti tikoc hinzikiwa soti pamo naye.
18Pakuti nulinga kuti matamano a nsita ino sowamila kulinganya na mchinzi ula uzovundululiwe kuli seo. 19Pakuti kulolezya kwa vyoumbiwa kulindila mavundululiwe a ŵana a Mlungu. 20Pakuti vyoumbiwa vichishiwa ukapolo ku vyatyala, nte kozomera vine sembe chikomo cha evichisya ukapolo, 21kogomezya kuti vyoumbiwa vyene soti vipulukwe pokapolo wa maŵolero kuŵa na wanoŵene wa mchinzi wa ŵana a Mlungu. 22Pakuti tuziŵa kuti vyoumbiwa vyonse vutonga notamana na chipota pamo mpaka na lomba. 23Nte teti mpera, sembe seo nase soti, tiri navyo vyanchesya vya Mzimu, inde, na seo seka tutonga mkati mwasu, polindila kuchishiwa ŵana, ni kununuliwa kwa miŵili yasu. 24Chikomo tipulukwa na chigomezyo: sembe chigomezyo chuŵoneka nte chigomezyo: pakuti ni ŵani ogomezya chakuŵona? 25Sembe kati tugomezya chitisaŵona, pamene apo tuchilindila nokoselela.
26Tetyo na Mzimu soti oyavya kulenda kwasu, patisaziŵa seo kusenga mtuwamila; sembe Mzimu mwine yeka otetelela na mitongo yosalaŵirika; 27na uyo osandasanda mitima oziŵa malingililo a Mzimu ni vinji, pakuti oŵatetelelela asanto mchipangwilo cha Mlungu. 28Nase tuziŵa kuti kwa ŵala omtemwa Mlungu vyonse vuyavyana kuchita viweme, kwa ŵala oitiwa mwechilingilatu. 29Chikomo ŵechiziŵilatu ni ŵechiikilatu soti alinganishiwe na chipazyo cha Mwana wake, kuti aŵe wawiya mwa akwaŵo anyinji: 30na ŵechiikilatu ni ŵechiita soti: na ŵechiita ni ŵechichisya soti ŵolungama; na ŵechichisya ŵolungama ni ŵechichinzika soti.
31Nga tinenenji lomba kwa ivi? Kati Mlungu ali kwa seo, ni ŵani angotisusya? 32Uyo aliyomtana Mwana wake mwine, lomba empeleka pali seo sonse, nga angotitana syani soti pamo naye vyabule vyonse? 33Ni ŵani angosimikizya kantu ŵosaluliwa a Mlungu? Ochisya ŵolungama ni Mlungu; 34ni ŵani angokonwesya? Kristo Yesu ni efwila, inde mwandi, ezyushiwa kwa akufwa, wamene ali kwanja kwendi kwa Mlungu, wamene soti otitetelelela. 35Ni ŵani angotipatusya pa chintemwa cha Kristo? mazuzyo kansi, kano chipika, kano msulusyo, kano chilala, kano wamba, kano pouka, kano chinkalammanja? 36Nga ni umo mkwilembewera,
Chikomo cha weo ni patupaiwa zuŵa lonse;
Tuchishiwa nga ni mbelele zya kotantila.
37Yai, pa ivi vyonse tuperemera kuli ŵala opulamo mwa uyo etitemwa. 38Pakuti nuziŵilatu kuti nte imfwa, nte moyo, nte malaika, nte maufumu, nte vintu vilipo, nte vintu vikuza, nte mansaka, 39nte utali, nte kunoka, nte vyopozewa vyonse vimbi, vingokumako kutipatusya pa chintemwa cha Mlungu, chiri mwa Kristo Yesu Asikuru wasu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.