Aroma 4
4
1TETI nga tinene kuti Abrahamu, ausu wasu mwa muŵili, epokanji? 2Chikomo kati Abrahamu echishiwa wolungama pa milimo, ali nacho cholitamyirako, sembe nte kwa Mlungu yai. 3Nga malembo onenanji? Abrahamu emmvwila Mlungu, nako kwichishiwa kuli yeve kuŵa chilungamo. 4Lomba kwa uyo okata mulimo chilambu sichupendewa nga ni cha chisomo, sembe cha mangaŵa. 5Sembe kwa uyo asakata milimo, lomba ommvwila uyo oŵachisya aipa ŵolungama, mvwano wake uchishiwa kuŵa chilungamo. 6Nga ni umo Davide soti mwechinenera shuko ku muntu wakupendera Mlungu chilungamo chiliye milimo, 7echiti,
Ana shuko ŵala ayulekelewa kwaŵo misulo yaŵo,
Na viipa vyaŵo vuvwinikiliwa.
8Ana shuko uyo muntu wati akane kuzompendera Mlungu viipa.
9Nga shuko ili linenewa pa chisirimuko kansi, kano posasirimuka nako? pakuti tunena, Kwa Abrahamu kwichishiwa mvwano wake kuŵa chilungamo. 10Nga kwichishiwa syani? apo peenze pa chisirimuko, kano posasirimuka? Nte pa chisirimuko, sembe posasirimuka: 11naye epewa chiziŵikwilo cha chisirimuko, malaka a chilungamo cha mvwano wenze nawo apo peenze posasirimuka: kuti aŵekuŵa ausu waŵo a ŵonse ozomera, chukanga ali posasirimuka, kuti chilungamo chichishiwe kwaŵo; 12na kuŵa ausu waŵo a chisirimuko kwa aŵo asali pa chisirimuko cheka, sembe amene soti olondola malwayo a mvwano ula wa ausu wasu Abrahamu wenze nawo posasirimuka. 13Pakuti chipango chila cha kwa Abrahamu kano ku mbuto yake chakuti aloŵe mu upyani wa charo sichenze pa dango, sembe pa chilungamo cha mvwano. 14Pakuti kati aŵo a dango ali apyani, mvwano ninga uchishiwa watyala na chipango chusuliwa: 15chikomo dango luchita ukali; sembe pasali dango na misulo soti paliye. 16Chikomo choteti ni pachufuma mu mvwano, kuti chakuŵa mwa chawanzi; lona kuti chipango chonkazikika ku mbuto yonse, nte ku ila yeka iri ya dango, sembe ku ila soti iri ya mvwano wa Abrahamu, ali ausu wasu tonse 17(umo mkwilembewera, Nikuchisya awisi a mitundu inyinji) pa menso pa uyo wenzomvwila, ni Mlungu, wamene oŵapa moyo akufwa, noita vintu paliye nga vilipo. 18Wamene kwa chigomezyo enzomvwila mkuchepa chigomezyo, loni kuti aŵe ausu waŵo a mitundu inyinji, nga ni mkwinenewera, Moteti ni mwiti yoŵera mbuto yako. 19Naye paliyolenda mu mvwano elinga muŵili wake lomba nga ni wakufwa (peenze nga ni wa virimika mwanda), na ukurukazi wa vumo la Sara: 20inde, mkulolera chipango cha Mlungu ntekanganya chikomo chosamvwila, lomba ekoselelatu kwa mvwano nomzizya Mlungu, 21ponkazikika kuti chechipanga akukuma soti kuchichita. 22Teti soti ni pekwichishiwa kwake kuŵa chilungamo. 23Lomba ntekwilembewa chikomo cha yeve yeka kwakuti kwichishiwa kwake, 24sembe chikomo cha seo nase, akuti kochishiwa, se tummvwila uyo emzyusya Yesu Asikuru wasu kwa akufwa, 25wamene esuzuliwa chikomo cha misulo yasu, nozyushiwa kotichisya seo ŵolungama.
ទើបបានជ្រើសរើសហើយ៖
Aroma 4: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
Aroma 4
4
1TETI nga tinene kuti Abrahamu, ausu wasu mwa muŵili, epokanji? 2Chikomo kati Abrahamu echishiwa wolungama pa milimo, ali nacho cholitamyirako, sembe nte kwa Mlungu yai. 3Nga malembo onenanji? Abrahamu emmvwila Mlungu, nako kwichishiwa kuli yeve kuŵa chilungamo. 4Lomba kwa uyo okata mulimo chilambu sichupendewa nga ni cha chisomo, sembe cha mangaŵa. 5Sembe kwa uyo asakata milimo, lomba ommvwila uyo oŵachisya aipa ŵolungama, mvwano wake uchishiwa kuŵa chilungamo. 6Nga ni umo Davide soti mwechinenera shuko ku muntu wakupendera Mlungu chilungamo chiliye milimo, 7echiti,
Ana shuko ŵala ayulekelewa kwaŵo misulo yaŵo,
Na viipa vyaŵo vuvwinikiliwa.
8Ana shuko uyo muntu wati akane kuzompendera Mlungu viipa.
9Nga shuko ili linenewa pa chisirimuko kansi, kano posasirimuka nako? pakuti tunena, Kwa Abrahamu kwichishiwa mvwano wake kuŵa chilungamo. 10Nga kwichishiwa syani? apo peenze pa chisirimuko, kano posasirimuka? Nte pa chisirimuko, sembe posasirimuka: 11naye epewa chiziŵikwilo cha chisirimuko, malaka a chilungamo cha mvwano wenze nawo apo peenze posasirimuka: kuti aŵekuŵa ausu waŵo a ŵonse ozomera, chukanga ali posasirimuka, kuti chilungamo chichishiwe kwaŵo; 12na kuŵa ausu waŵo a chisirimuko kwa aŵo asali pa chisirimuko cheka, sembe amene soti olondola malwayo a mvwano ula wa ausu wasu Abrahamu wenze nawo posasirimuka. 13Pakuti chipango chila cha kwa Abrahamu kano ku mbuto yake chakuti aloŵe mu upyani wa charo sichenze pa dango, sembe pa chilungamo cha mvwano. 14Pakuti kati aŵo a dango ali apyani, mvwano ninga uchishiwa watyala na chipango chusuliwa: 15chikomo dango luchita ukali; sembe pasali dango na misulo soti paliye. 16Chikomo choteti ni pachufuma mu mvwano, kuti chakuŵa mwa chawanzi; lona kuti chipango chonkazikika ku mbuto yonse, nte ku ila yeka iri ya dango, sembe ku ila soti iri ya mvwano wa Abrahamu, ali ausu wasu tonse 17(umo mkwilembewera, Nikuchisya awisi a mitundu inyinji) pa menso pa uyo wenzomvwila, ni Mlungu, wamene oŵapa moyo akufwa, noita vintu paliye nga vilipo. 18Wamene kwa chigomezyo enzomvwila mkuchepa chigomezyo, loni kuti aŵe ausu waŵo a mitundu inyinji, nga ni mkwinenewera, Moteti ni mwiti yoŵera mbuto yako. 19Naye paliyolenda mu mvwano elinga muŵili wake lomba nga ni wakufwa (peenze nga ni wa virimika mwanda), na ukurukazi wa vumo la Sara: 20inde, mkulolera chipango cha Mlungu ntekanganya chikomo chosamvwila, lomba ekoselelatu kwa mvwano nomzizya Mlungu, 21ponkazikika kuti chechipanga akukuma soti kuchichita. 22Teti soti ni pekwichishiwa kwake kuŵa chilungamo. 23Lomba ntekwilembewa chikomo cha yeve yeka kwakuti kwichishiwa kwake, 24sembe chikomo cha seo nase, akuti kochishiwa, se tummvwila uyo emzyusya Yesu Asikuru wasu kwa akufwa, 25wamene esuzuliwa chikomo cha misulo yasu, nozyushiwa kotichisya seo ŵolungama.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.