Aroma 3
3
1NGA Muyuda opulamonji? nga chisirimuko chupindulanji? 2Vupulamo mvyonse: potatika ŵala paali ŵechisungika malaŵililo a Mlungu. 3Nga kati ŵambi ŵenzeve mvwano? kansi kusoŵa mvwano kwaŵo kungachisye kwatyala kuchetekereka kwa Mlungu? 4Mlungu nalesye: inde, Mlungu naaŵe wachendi, sembe ŵantu ŵonse naaŵe awenye; umo mkwilembewera,
Kuti mchishiwe ŵolungama mmalizu ŵanu,
Nopulamo pamti muze ku upinguzi.
5Sembe kati kusalungama kwasu kulumbisya chilungamo cha Mlungu, tinenenji? Kansi Mlungu ni wosalungama pakuwezya ukali? (Nulaŵira mwakulaŵirira ŵantu.) 6Mlungu nalesye: pakuti kati ni teti nga Mlungu angapingule syani charo? 7Sembe kati vyendi vya Mlungu chikomo cha wenye wangu vipaka ku mchinzi wake, nga neo soti panupinguliwa kuŵa muŵipa? 8nga pitisanena (nga ni mwakutitonzyera, na ŵambi akuti tunena), Natuchita viipa, kuti viweme vyakuza? kukonweshewa kwaŵo ni kowamila.
9Ni chinji nakale? kansi tupuliwa na ŵeve? Yai mwandi: pakuti tiŵasimikizya kale Ayuda na Ahellene kumo kuŵa ŵonse mviipa; 10umo mkwilembewera,
Paliye wolungama, yai, yeka umo;
11Paliye oziŵa,
Paliye omsakila Mlungu;
12Ŵonse alupatuke, aliuŵe atyala pamo;
Paliye ochita viweme, yai, yeka umo:
13Pondomilo waŵo ni msitu uli cheni;
Na malulimi ŵaŵo oŵepeka:
Chilembe cha mmbobo chiri kunyansi kwa milomo yaŵo:
14Mkanwa mwaŵo mwazula kulongolola na mataolulu:
15Mendo ŵaŵo ana kasampu kovwisya mlopa;
16Kucheneka na mkululusyo viri mnjira zyaŵo,
17Na njira ya mtendere aliyoiziŵa:
18Kumuyopa Mlungu paliye pa menso ŵaŵo.
19Lomba tuziŵa kuti viri vyonse vulunena dango lulaŵira na ŵala ŵali nalo dango, kuti mkanwa monse msinkiwe, na charo chonse cha pansi chitwaliwe mkupinguliwa na Mlungu: 20pakuti pa milimo ya dango paliye muŵili uli wonse uti uchishiwe wolungama pa menso pake: chikomo mdango ni mvuziŵikwila viipa. 21Sembe lomba chiliye dango chilungamo cha Mlungu chivundululiwa, pochitiwa untoni na dango na aŵirizi; 22nicho chilungamo cha Mlungu chufumila mkumchetekera Yesu Kristo ku ŵonse omvwila. Pakuti paliye kusiyana, 23pakuifya ŵonse nopereŵera pa mchinzi wa Mlungu; 24lomba ochishiwa wanzi ŵolungama kwa chisomo chake mkununuliwa kuli mwa Kristo Yesu: 25wechiika Mlungu kuŵa chotetererako, mkuchetekera mlopa wake, cholangizya chilungamo chake, chikomo chovilumpila viipa vichitiwa kale, kwa kalekelezi ka Mlungu; 26cholangizya chilungamo chake pa nsita ino yalomba, kuti mwine yeka aŵe wolungama na womchisya wolungama uyo omchetekera Yesu. 27Nga kulitamya kuli kuni? Kuleshewa. Na dango lotyani? ni la milimo tu? Yai: sembe na dango la mvwano. 28Teti tulinga kuti muntu ochishiwa wolungama na mvwano chiliye milimo ya dango. 29Kano Mlungu ni wa Ayuda ŵeka kansi? nte wa a Mitundu soti? Inde, ni wa a Mitundu soti: 30kati Mlungu ni umo, wamene azaŵachisye ŵolungama a chisirimuko chikomo cha mvwano, na ŵosasirimuka kwa mvwano. 31Teti kansi tulichisya dango latyala kwa mvwano? Mlungu nalesye: yai, tulikosesya dango.
ទើបបានជ្រើសរើសហើយ៖
Aroma 3: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
Aroma 3
3
1NGA Muyuda opulamonji? nga chisirimuko chupindulanji? 2Vupulamo mvyonse: potatika ŵala paali ŵechisungika malaŵililo a Mlungu. 3Nga kati ŵambi ŵenzeve mvwano? kansi kusoŵa mvwano kwaŵo kungachisye kwatyala kuchetekereka kwa Mlungu? 4Mlungu nalesye: inde, Mlungu naaŵe wachendi, sembe ŵantu ŵonse naaŵe awenye; umo mkwilembewera,
Kuti mchishiwe ŵolungama mmalizu ŵanu,
Nopulamo pamti muze ku upinguzi.
5Sembe kati kusalungama kwasu kulumbisya chilungamo cha Mlungu, tinenenji? Kansi Mlungu ni wosalungama pakuwezya ukali? (Nulaŵira mwakulaŵirira ŵantu.) 6Mlungu nalesye: pakuti kati ni teti nga Mlungu angapingule syani charo? 7Sembe kati vyendi vya Mlungu chikomo cha wenye wangu vipaka ku mchinzi wake, nga neo soti panupinguliwa kuŵa muŵipa? 8nga pitisanena (nga ni mwakutitonzyera, na ŵambi akuti tunena), Natuchita viipa, kuti viweme vyakuza? kukonweshewa kwaŵo ni kowamila.
9Ni chinji nakale? kansi tupuliwa na ŵeve? Yai mwandi: pakuti tiŵasimikizya kale Ayuda na Ahellene kumo kuŵa ŵonse mviipa; 10umo mkwilembewera,
Paliye wolungama, yai, yeka umo;
11Paliye oziŵa,
Paliye omsakila Mlungu;
12Ŵonse alupatuke, aliuŵe atyala pamo;
Paliye ochita viweme, yai, yeka umo:
13Pondomilo waŵo ni msitu uli cheni;
Na malulimi ŵaŵo oŵepeka:
Chilembe cha mmbobo chiri kunyansi kwa milomo yaŵo:
14Mkanwa mwaŵo mwazula kulongolola na mataolulu:
15Mendo ŵaŵo ana kasampu kovwisya mlopa;
16Kucheneka na mkululusyo viri mnjira zyaŵo,
17Na njira ya mtendere aliyoiziŵa:
18Kumuyopa Mlungu paliye pa menso ŵaŵo.
19Lomba tuziŵa kuti viri vyonse vulunena dango lulaŵira na ŵala ŵali nalo dango, kuti mkanwa monse msinkiwe, na charo chonse cha pansi chitwaliwe mkupinguliwa na Mlungu: 20pakuti pa milimo ya dango paliye muŵili uli wonse uti uchishiwe wolungama pa menso pake: chikomo mdango ni mvuziŵikwila viipa. 21Sembe lomba chiliye dango chilungamo cha Mlungu chivundululiwa, pochitiwa untoni na dango na aŵirizi; 22nicho chilungamo cha Mlungu chufumila mkumchetekera Yesu Kristo ku ŵonse omvwila. Pakuti paliye kusiyana, 23pakuifya ŵonse nopereŵera pa mchinzi wa Mlungu; 24lomba ochishiwa wanzi ŵolungama kwa chisomo chake mkununuliwa kuli mwa Kristo Yesu: 25wechiika Mlungu kuŵa chotetererako, mkuchetekera mlopa wake, cholangizya chilungamo chake, chikomo chovilumpila viipa vichitiwa kale, kwa kalekelezi ka Mlungu; 26cholangizya chilungamo chake pa nsita ino yalomba, kuti mwine yeka aŵe wolungama na womchisya wolungama uyo omchetekera Yesu. 27Nga kulitamya kuli kuni? Kuleshewa. Na dango lotyani? ni la milimo tu? Yai: sembe na dango la mvwano. 28Teti tulinga kuti muntu ochishiwa wolungama na mvwano chiliye milimo ya dango. 29Kano Mlungu ni wa Ayuda ŵeka kansi? nte wa a Mitundu soti? Inde, ni wa a Mitundu soti: 30kati Mlungu ni umo, wamene azaŵachisye ŵolungama a chisirimuko chikomo cha mvwano, na ŵosasirimuka kwa mvwano. 31Teti kansi tulichisya dango latyala kwa mvwano? Mlungu nalesye: yai, tulikosesya dango.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.