M. Mattayo 28
28
1NIPO pelenzosila zuŵa la sabata, pekwenzekucha siku loyamba la pa wiki, echiza Mariya Magadalene na Mariya muyake kuchiŵona chikwe. 2Nipo ŵonani, kwenze chisung'unzyo chikuru cha charo; pakuti malaika wa Asikuru efuma kumulu, echizoukunkuluzyira mwala enkala pamulu pa wine. 3Kuŵoneka kwake kwenze nga ni kaleza, na minjira yake yenze ituŵa mbuu nga ni snow: 4achilindila naŵo emuyopa etutumila echifwa tutu. 5Malaika naye eyasuka enena naŵo anakazi, Msayopa mweo: pakuti nuziŵa kuti musaka Yesu wamene epachikiwa. 6Paliye pano; pakuti wazyuka nga ni umo mwechinenera. Izani muŵone penzelele Asikuru. 7Yendesyani mkaŵauzye asambili ŵake mkati, Wazyuka kwa akufwa; ŵonani, omtangulilani ku Galilaya, kwamene uko ni kumti mkamuŵone: ŵonani, namuuzyani. 8Ŵeve eimapo luŵilo pa msitu na mwezo nosekelela kukuru, eutuka kuyoŵauzya malizu asambili ŵake. 9Lomba ŵonani, Yesu ekumana naŵo echiti, Timuŵoneni monse. Naŵo echiza emzyembetera mendo nomlambila. 10Naye Yesu echiti kwaŵo, Msayopa: nkoyani mkaŵauzye akwasu ŵaye ku Galilaya, kwamene uko ni kwati akaniŵone.
11Naŵo penzekuya, ŵonani, achilindila echiza mu mzinda eŵakundululila akuru a ansembe vyonse vichitiwa. 12Naŵo akalongane pamo na akuruakuru nopangana nzeru eŵapa manjolinjoli ndalama zinyinji 13echiti, Monena, Asambili ŵake ŵaza usiku ampunsha petenze mtulo. 14Kati ichi chikamvwika na mmbili timuŵeteke yeve nomchitisyani mweo muliye tupwe. 15Teti eziula ndalama echita umo mwechiŵauzizya: nalo lizu ili liŵirikila mwa Ayuda kuza na lero kumo.
16Lomba asambili aŵo kumi na umo echiya ku Galilaya, ku lupiri lula lwechiŵauzya Yesu. 17Naŵo akamuŵone emlambila: sembe ayakene enzokaikakaika. 18Naye Yesu eŵazila enena naŵo echiti, Upinguzi wonse ulupewe kuli neo wa kumulu na wa mcharo. 19Teti nkoyani mkaŵasambizye amitundu yonse noŵabatiza mzina la Ŵata na la Mwana na la Mzimu Mtuŵa, 20noŵayeruzya kusunga vyonse vinimsuzulilani: ŵonani, neo nakuŵa namwe pamo nsiku zyonse, inde kuza na kunsilililo kwa vyaka vyonse.
ទើបបានជ្រើសរើសហើយ៖
M. Mattayo 28: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
