1 Akorinti 14
14
1KONKANI chitemwano; lomba mosakasaka vyawanzi vya mzimu, ngakongako kuti muŵirizye. 2Pakuti uyo olaŵira mchilaŵiro ntolaŵira ku ŵantu, sembe kwa Mlungu, papaliye muntu akumvwa; sembe mwa mzimu olaŵira vyakunsei. 3Sembe uyo oŵirizya olaŵirira ŵantu vyomanga munzi na mapuzisyo na mamyalaliko. 4Uyo olaŵira mchilaŵiro olimanga yeka, sembe uyo oŵirizya oimanga eklezya. 5Lomba nupangwa mulaŵire monse mvilaŵiro, sembe ngakongako kuti muŵirizye: uyo oŵirizya ni mkuru kupula uyo olaŵira mvilaŵiro, akakanolongosola, kuti eklezya imangiwe. 6Sembe lomba, mwakwasu, nikamzilani nolaŵira mvilaŵiro nimpindulireni syani, nikakanolaŵira namwe mmavundululiwe, kano mmaziŵilo, kano mmaŵirizyo, kano mmayeruzyo? 7Chukanga vintu viliye moyo vuchita zungo, nga ni chinonje kano limba, vikakanopatula malililo, nga chiziŵikwe syani ni chinji chulila kano kulilima? 8Pakuti kati mbata ikalila koluvika, ni ŵani ati aliikiletu ku nkondo? 9Tetyo namwe soti mkakanonena na lulimi malizu apepu koziŵikwa, nga chiziŵikwe syani ni chinji chulaŵiriwa? pakuti mulaŵirire ku lulezi. 10Kano alimo mvyaro mazungo a mtundumtundu, lomba muliye limo lilive mfundo. 11Teti kati sinuziŵa mfundo ya zungo nimuŵere uyo olaŵira wachiwiwi, na uyo olaŵira aniŵere neo wachiwiwi. 12Tetyo namwe soti pamupimpilila vya mzimu sakani kuzula navyo koimanga eklezya. 13Teti uyo olaŵira mchilaŵiro nalombe kuti alongosole. 14Pakuti nikalomba mchilaŵiro mzimu wangu ni ulomba, sembe nzeru zyangu ziliye vitwalo. 15Ni chinji nakale? Nakulomba na mzimu, nakulomba na nzeru soti: nakuimba na mzimu, nakuimba na nzeru soti. 16Pambi kati ukashukisya na mzimu, nga uyo ali pa chifuto cha wopululila angati syani Amen poyamika kwako, pasaziŵa chiunena? 17Pakuti weo chendi uyamika wino, sembe muyako ntowamyiwa. 18Numuŵonga Mlungu, panulaŵira mvilaŵiro kupula mweo monse: 19sembe mu eklezya nkasa nolaŵira malizu asano na nzeru zyangu, nisambizye ayangu soti, kupula malizu myanda makumi kumi mchilaŵiro.
20Mwakwasu, msaŵa ŵana mmaziŵilo: lomba mviipa iŵani malucheche, sembe mmaziŵilo iŵani akuru. 21Mdango mwilembewa, Na ŵantu a vilaŵiro vya chilwendo na milomo ya alwendo nize nilaŵire na mtundu uyu; sembe chukanga ni teti sati animvwile, akuti Asikuru. 22Teti vilaŵiro viri kwa chiziŵikwilo nte kwa ŵala ozomera sembe ku ŵosazomera: sembe maŵirizyo sali ku ŵosazomera, sembe ku ŵozomera. 23Teti kati eklezya yamsuma ikalongana, na ŵonse akalaŵira mvilaŵiro, na ŵantu akaloŵamo ŵosasambila kano ŵosazomera, kansi sangati mwafunta? 24Sembe kati ŵonse akaŵirizya, na muntu akaloŵamo wosazomera kano wosasambila, okonwa na ŵonse, opinguliwa na ŵonse; 25vyofisika vya mu mtima mwake vuvunduluka; ni pati avuname nomlambila Mlungu, nosokolola kuti Mlungu ali mwanu chendi.
26Nga ni chinji nakale, mwakwasu? Pamkuza pamo, ali wonse ana salmo, ana sambizyo, ana mavundululiwe, ana chilaŵiro, ana malongosolewe. Vyonse navuchitika kowamya. 27Muntu akalaŵira mchilaŵiro nalaŵire kwa aŵiri, kano atatu mpera, nopokezyana; umo nalongosole; 28sembe pakaŵave chilongosola, namyalale mu eklezya; nalaŵire yeka na kwa Mlungu. 29Naŵo aŵirizi nalaŵire aŵiri kano atatu, na ayaŵo amvwe. 30Sembe kati mavundululiwe akaza ku muyake alinkezipo, wotatika namyalale. 31Pakuti monse mngaŵirizye umo umo, kuti ŵonse asambile na ŵonse achinsiwe, 32nayo mizimu ya aŵirizi yulinasya kwa aŵirizi; 33pakuti Mlungu nte wa chiwawa sembe wa mtendere; nga ni mkulili mmaeklezya ŵonse a asanto.
34Anakazi namyalale mmaeklezya, pakusazomereka kuli ŵeve kulaŵira; lomba nalisisye, nga ni mulunenera nalo dango. 35Akapangwoziŵa kantu nakonshe alume ŵaŵo kwaŵo, pakuti ni chansoni ku mwanakazi kulaŵira mu eklezya. 36Nga kansi lizu la Mlungu lifumila kuli mweo? kano limzilani mweo mweka?
37Kati muntu olilinga kuŵa muŵirizi, kano wa mwa mzimu, naviziŵe vunumlemberani, kuti ni tetulo la Asikuru. 38Sembe kati ali wonse akapululila napululile.
39Teti, mwakwasu, mosakasaka kuŵirizya, msalesya kulaŵira mvilaŵiro. 40Sembe vyonse navuchitika kowamila na mmakonkanilano.
ទើបបានជ្រើសរើសហើយ៖
1 Akorinti 14: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.