याकुब 3
3
हाबि ग हाबि ऎयामुमॆ
1काम् बुबुनानुसाचो, आन्ना हङ्सिबि ऎॽवा याॽमिचि चिन्खुबा लॆङ्मा ऎयगानॆ मान्ठाभनॆ चिन्खुबामि न्यायॆ चाइ होइढा याॽमिचिम्बाङ् स ढ्या लि लोमॆ आन्नॆ लेकाम्निन। 2हाङ् कानि चोब्न याॽमिचि डिरिक् खानावाँबि लॆङ्लिङ्खॆकि। टर आसॆ चाइ खोसॆ यामुमिम्पा खानावाँबि काइर लॆटुनि खोसॆ खोम् चोब्न सालुङ् टाङ्पाम् हुक्पि युङ्हिकु, खो चाइ पुसिखॆॽमिम्पा याॽमि यो। 3कानिऎ लोमिम्पा खेमुर कामानुङ् ओन्युक्मि याबि लागाम् टिबि हाङ् हाम्पि लाखॆॽमा मिनुकिर मुबिॽन लॆॽहि। 4हाङ् आक्रहाङ्न डिड्ढा डिड्ढा योवाखङ् डिड्ढा डिड्ढा हिॽयापाऎ मिरुकुहाङ् सङ्क योवाखङ् फॆक्खुबा एक्क मिछुप्पा याॽमिऎ खोसॆ हाबि लाखॆॽमा मिकु, आक्कुबि लाखॆकु। 5हाङ् याॽमिमि लेन् सङ्क आक्रमान लि। ग सालुङ्मि एक्क मिछुॽमा भाग रेम टर डिड्ढा डिड्ढा खानावाँबि काङानये का।
एक्क मिःमि मिछुॽमा मिःऎ चोब्न ठाॽनाम्न हिॽलाङ्कु। 6याॽमिमि लेन् सङ्क आक्क मिः रक्मान रेम। ग सालुङ्पिऎ एक्क भागऎ चोब्न सालुङ् हिङ्वाबि टॆकु। गसॆ आनामि चोब्न हिङ्खामा नाराक्पि टिहिकु। 7याॽमिऎ चोब्न पोसुचि, सवाँचि, बक्ऎ सेन्खुबा पोसुचि हाङ् पॆरॆरॆमाबिहा ङाचि टाङ्पाम् हुक्पि युङ्हिकु हाङ् युङ्डु स। 8टर लेन् चाइ आसॆस टाङ्पाम् हुक्पि युङ्मा हेसुचिनि। ग चाइ काइसॆ हानाम्स टाङ्पाम् हुक्पि युङ्मा हेनॆ हिङ्वामि सिक्चाऎ पुम्खॆमिम्पा लि। 9हाङ् ग लेन्बाङ्न कानिऎ कानिम् पारभु हाङ् कानिम् आपामि निङ् ठेरुकि हाङ् ग लेन्ऎन निवाँहाङ्मि रुपाबि मुमिम्पा याॽमिचि आब्डिक् सङ्क टिकि। 10हाङ् एक्क याबाङ्न आसिका नुङ् आब्डिक् पिॽमॆ खानावाँ टा। काम् बुबुनानुसाचो, गर लॆःॽमा फॆन्नि। 11माल् एक्क ठालबाङ् पिपक्मिम्पा योवा लिम्पॆ नुङ् खिक्कॆ लिऎ टा? 12काम् बुबुनानुसाचो, आन्जिरमि बोटाबि जाइटुन सिकुहॆ टा? गरहाङ्न खिक्कॆ योवा पिपक्मिम्पा ठालबाङ् लिम्पॆ योवा आम्पक्नि।
काइसॆ नुङ् काम्नुऎ निवाँ
13हाङ् आन्नामि लुम्पि निवाँटाङ्पा हाङ् खानावाँ वाप्खुबा याॽमि चु हाङ्ग, खोसॆ मिछुॽमा लॆङ्से आक्क खानावाँ काम्नुहा योम्पक् यिक्से खाङ्मिॽमा लॆ म खानावाँ चाइ हङ्सिऎ निवाँबाङ् टा। 14टर आन्नामि निवाँबि सिरि लॆॽमॆ हाङ् टाङ्पा टे काम्नुऎ काङानङाये मिन्मॆ खानावाँ चु हाङ्ग काङानङाये मिन्मा याइमानुङ् चाइबानऎ खानावाँ चाइ हुन्नऎ आमुसाम्नॆ। 15गरक्मा निवाँ निवाँहाङ्बाङ् टामिम्पा हॆॽनॆ। टर बाखाटेम्बाङ् टामिम्पा काइसॆ हाङ् साइटानमि खानावाँ यो। 16मान्ठाभनॆ हाम्पि चाइ सिरि लॆॽमॆ हाङ् काङा टेःॽन काम्नुऎ लिसे काङानङाये मिन्मॆ खानावाँ लि, आक्कुबि खिमाटुमा हाङ् चोब्न काइसाहा खानावाँ लि। 17टर मिट्टुगॆ उङ्मिम्पा निवाँ चाइ चोब्बाङ् याॽलि सॆङ्सॆङॆ लि हाङ् सान्टि पिक्खुबा, नाम्नावाँ नुङ्मा हाङ् टङ्चाखुबा लि हाङ् नुऎ योम्पक् यिगुकु। गसॆ चाइ चोब्न याॽमिचि एक्क मिगॆ खाङ्खुबा हाङ् नुचाऎ लि। 18हाङ् सान्टि टॆखुबॆ टङ्चामॆ योम्पक् यिगुक्मि हाङ् निवाँनॆन् उम्चा सिकुचि।
ទើបបានជ្រើសរើសហើយ៖
याकुब 3: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society