हिबुरु 9
9
सालुङ् नुङ् लवाबि चुङ्मॆ खानावाँ
1निवाँहाङ् नुङ् इस्राएलि याॽमिचिमि लुम्पि ठुॽमिम्पा याॽलऎ चुप्लाङ्पि निवाँहाङ् मान्टहाङ् चुङ्मॆ लोमॆ हाङ् ग बाखाटेम्बि निवाँहाङ् चुङ्मॆ ठालमि खानावाँ चुआ। 2निवाँहाङ् चुङ्मॆ ठालबि हिच्चि कोठा चुआ। एक्क कोठाबि ओप्लिङ् ओःप्ठाम्, टेबाल हाङ् सङ्टिॽमिम्पा चारेपा युङ्मिम्पा लियुङ्सा। ग कोठा सॆङ्सॆङॆ ठाल लोयुक्सुचि।#पारास्ठान २५:२३-३०; ३१-४० 3हाङ् आक्कुबि एक्क चे चुआ हाङ् आक्क चे डॆङ्पि होइक कोठा चुआ। म कोठा एट्टान सॆङ्सॆङॆ ठाल लोयुक्सुचि।#पारास्ठान २६:३१-३३ 4आक्कुबि फिःइयामि ढुपा हिट्ठाम् युङ्ठङ् युङ्मिम्पा लॆटा। हाङ् फिःइयाऎन मोम्मिम्पा चुप्लाङ्मि एक्क सान्डुक चुआ। हाङ् आक्क सान्डुकबि फिःइयामि एक्क कक्नाम्पि मान्ना#९:४ ग मान्ना लोमॆ चाइ चामॆ ठका ह। ग मान्ना लोमॆ चामॆ ठका इस्राएलि याॽमिचि निवाँहाङ्ऎ पिकानि कामानुङ् लोमिम्पा ठालबि भॆन्माबाङ् यॽलि निवाँहाङ्ऎ आक्खॆॽमॆ गारि पिॽमिम्पा लॆटुचि। युङ्मिम्पा लॆटा। हाङ् बॆॽलुवानुङ्ऎ हारुनमि टम्राङ् नुङ् लुङ्कॽवामि पाटिबि साप्मिम्पा निवाँहाङ्मि चुप्लाङ्मि हिच्चि साब्चिरा सङ्क गुबिॽन चुआ।#पारास्ठान ३०:१-६; २५:१०-१६ 5हाङ् आक्क सान्डुक सक्पि निवाँहाङ्मि निङ्लावा नुङ्मा कारुब लोमाहा हाखुबा निवाँखाटॆखुबाचि चुआमि। हाङ् आक्खा कारुबचिमि लाप्पॆरॆङऎ सान्डुकमि एक्क भाग आक्क भागबि हिङ्वा यङ्निमॆ ठालबि लवा सिॽमियुक्सु,#पारास्ठान २५:१८-२२ टर गमि बारेबि कॆ चोब्न खानावाँ हन इमा पाब्नि।
6गरहाङ् इघा चोब्न खानावाँ टङ्सिॽमा हाङ् बाहिरा पोट्टिऎ सॆङ्सॆङॆ कोठाबि याटाङ्पाचि चोब्न डिना उम्चि योम्पक् यिक्सि खॆॽयुङ्सामि।#ङेःप्मा १८:२-६ 7टर एट्टान सॆङ्सॆङॆ ठालबि एक्क निङ्पि चोब्नबाङ् ढ्या याटाङ्पा टेःॽन एक्खेपा टेःॽन भॆन्युक्सा। हाङ् खोसॆ यिक्मिम्पा हिङ्वामि लागि हाङ् याॽमिचिऎ मान्लेबान यिक्मिम्पा हिङ्वामि लागि सङ्क हारि खिन्मानुङ् सङ्टियुङ्सु।#लेबि १६:२-३४ 8इघा चोब्न खानावाँबाङ् सॆङ्सॆङॆ लावाऎ माङ् खानावाँ चिनुकि भनॆ, बाहिरा पोट्टिऎ सॆङ्सॆङॆ ठाल चुरढारि एट्टान सॆङ्सॆङॆ ठाल माहेम्बका। 9ग चाइ गरॽलऎ याॽमिचि खानावाँ वाप्मिॽमामि लागि पिॽमिम्पा एक्क खानावाँ रेम। याॽमिचिऎ निवाँहाङ् पिस्सि लाटॆॽमिम्पा भेटि हाङ् सङ्टिॽमिम्पा खानावाँऎ उम्चि निवाँ सॆङ्सॆङॆ मुहिसुनि। 10हाङ् आक्खा याॽलिहा खानावाँ बाखाटेम्बि चामॆ नुङ् डुङ्मॆ हाङ् सॆङ्सॆङॆ लिहिङार कामानुङ् डिरिक खालाह होःप्मॆ बाखाटेम्पिहा खानावाँ रेम। हाङ् निवाँहाङ्मि एक्क उम्चङ्ऎ यायेॽमा मान्टारढारि मान्टहाङ् पाइमा लॆऎ कामानुङ् पिॽमिम्पा खानावाँ टेःॽन यो।
11टर खिरिस्ट गुबि ह चुःहा चोब्न नुऎ खानावाँमि चोब्बाङ् ढ्या याटाङ्पा लिमानुङ् टाखॆडा। खो चोब्बाङ् ढ्या हाङ् सॆङ्सॆङॆ निवाँहाङ्मि खिम्पि भॆना। हाङ् आक्क निवाँहाङ्मि खिम् याॽमिऎ हेब्मिम्पा हॆॽनॆ हाङ् सिरिस्टि लॆःॽमिम्पा ग बाखाटेम्पिऎ खानावाँ सङ्क हॆॽनॆ। 12हाङ् खो चोब्न लःमि लागि आक्क एट्टान सॆङ्सॆङॆ ठालबि भॆना। खो मेठुबा नुङ् पिक्मि हारि खिन्मानुङ् माभॆन् टर खोम्न हारि खिन्मानुङ् भॆना। गरहाङ् खोसॆ कानि चोब्न लःमि लागि हिङ्चामिट्टि। 13हाङ् मोसामि यायेॽमा रक्न मेठुबा अठावा पिक्मि हारि हाङ् ठाब्बि चुक्टिॽमानुङ् सॆङ्सॆङॆ लॆःॽमिनिहा याॽमिचि सालुङ्पि सॆङ्सॆङॆ मुःक्मि।#लेबि १६:१५-१६ 14ग खानावाँ मिॽलामार कानिऎ चाइबान हिङ्चाऎ निवाँहाङ् चुङ्हिसिर कामानुङ् खिरिस्टमि हारिऎ ग झाना एट्टान काम्नुःर कानिमि हिङ्वा योम्पक्बाङ् सॆङ्सॆङॆ मुकु। हाङ् हानाम्स लुक्खॆॽनॆ लावामि चॆक्मावाबाङ् खिरिस्टऎ टाङ्पॆ टाङ्पान कानिमि हिङ्वा सःक्सि आब्डिक् मॆड्डिङ्मा सङ्टिसे निवाँहाङ्बि सङ्टिबिइटु।
15मसॆॽन निवाँहाङ्ऎ पिकानि कामानुङ् खोचि लोमिम्पा हानाम्स लिढ्याङ्खुबा आसिका निवाँहाङ्ऎ सेःॽमिम्पा याॽमिचिऎ टक्चाउचिर कामानुङ् खिरिस्ट उम्चङ् चुप्लाङ् टङ्खुबा यो। याॽलिऎ चुप्लाङ्पि चुमार यिक्मिम्पा काइसॆ योम्पक्बाङ् ह फागुकि मान्ठाभनॆ खिरिस्ट कानिमि लागि सिखॆडा।
16मान्ठाभनॆ हाम्पि याॽमिऎ काङा सिखॆॽङाहाङ् काङामि चासुम् आसॆ टक्चाकुवॆ लोमॆ साब्चिरा मुःकु, आक्क खानावाँ चाइबानऎ कामानुङ् खाङ्मिॽमाम् लागि, आक्क याॽमि सिखॆडान कामानुङ् खाङ्मिॽमा लॆ। 17आक्क याॽमि हिङ्चारढारि खोसॆ काङा सिखॆॽङाहाङ् काङामि चासुम् आसॆ टक्चाकुवॆ कामानुङ् सप्मिम्पा साब्चिराऎ योम्पक् यिगुनि। खो सिखॆहाङ् काङामि चासुम् आसॆ टक्चाकुवॆ कामानुङ् सप्मिम्पा साब्चिराऎ योम्पक् यिगुकु। 18मसॆ याॽलि ठुॽमिम्पा चुप्लाङ् सङ्क पोसुमि हारिऎ चाइबानऎ कामानुङ् खाङ्मिॽमिम्पा लॆटा। 19मान्ठाभनॆ मोसाऎ यायॆॽमाबि साबुहा चोब्न खानावाँ याॽमिचि खेम्मिसिट्टुचिहाङ् खोसॆ योवा नुङ् मॆठुबा नुङ् पिक्मि हारि ठुटिसु हाङ् हिसपमि सिङ् हाङ् सामुङ्मि हार्रापा टाङाक् याङ्मानुङ् चोब्न याॽमिचि हाङ् निवाँनेन् साब्चिराबि चुक्टिसु। 20हाङ् लोसु, “ग हारिमि चुप्लाङ् रेम। गसॆ लोमिम्पा खेमाम्नॆ कामानुङ् निवाँहाङ्ऎ लोडु।”#पारास्ठान २४:६-८ 21हाङ् आक्रहाङ्न मोसाऎ सॆङ्सॆङॆ युङ्ठङ् सक्पि हाङ् निवाँहाङ् चुङ्मार याङुऎ चोब्न कग्नामपि हारि चुक्टिसु।#लेबि ८:१५ 22चाइबान यायॆॽमाऎ लोसिन्ट हारिऎ चोब्ठका सॆङ्सॆङॆ मुकु हाङ् हारि मॆअङ्पा हिङ्वा यङ्निमा हेनि।#लेबि १७:११
खिरिस्टमि हारिऎ हिङ्वा सःग्लाङ्कु
23गरहाङ् पारुबिऎ रक्मा खाङ्मुहा आक्खा खानावाँ पोसुचिमि हारि सङ्टिसे सॆङ्सॆङॆ मुमान लॆऎ लॆटा, टर चाइबान पारुबिऎन खानावाँ सॆङ्सॆङॆ मुमामि लागि आक्कबाङ् सङ्क एट्टान काम्नुहा खानावाँ सङ्टिॽमा लॆटा। 24मान्ठाभनॆ खिरिस्ट याॽमिऎ मुबॽमिम्पा सॆङ्सॆङॆ ठाल हङ्सि माभॆन आक्क चाइ चाइबानऎ खानावाँमि लवा टे रेम, टर खो ग चाइबानऎ पारुबि खारा। हाङ् गरॽल खो कानि पाइबाक्माम् लागि निवाँहाङ्मि ङारिङ्पि पेन्डा। 25हाङ् ग बाखाटेम्पिऎ चोब्बाङ् ढ्या याटाङ्पा चोब्न निङ् पोसुमि हारि खिन्मानुङ् एट्टान सॆङ्सॆङॆ ठालबि भॆना, टर खिरिस्ट खो टाङ्पॆ टाङ्पान हसहस सङ्टिॽमाम् लागि पारुबि खॆॽमिम्पा हॆॽनॆ। 26आक्रॽन हाङ्ग निवाँहाङ्ऎ बाखाटेम् मुमिम्पा लःबाङ्न खिरिस्टऎ हसहस डुखा आङ्मा सिक्खुबा लॆटा। टर ग लुक्खॆॽमॆ लःबि खो चोब्न लःमि लागि हाङ् याॽमिचिमि हिङ्वा सःक्सि टाङ्पॆ टाङ्पान सङ्टिॽमाम् लागि टाआ। 27हाङ् याॽमि एक्खेपा सिखॆॽमा लॆ हाङ् निवाँहाङ्ऎ आक्कमि न्याय लॆकु। 28आक्रहाङ्न डिरिक् याॽमिचिमि हिङ्वा सःक्सि खिरिस्टऎ खोम् हिङ्खामा सङ्टिबिइट्टु। हाङ् खो होइक खेपा सङ्क टा। टर ह टामार याॽमिचिमि हिङ्वा सःक्सि हॆॽनॆ टर खोम् लाम्फु हुङ्खुबाचि हिङ्चामिॽमाम् लागि टा।#यासाइया ५३:१२
ទើបបានជ្រើសរើសហើយ៖
हिबुरु 9: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
हिबुरु 9
9
सालुङ् नुङ् लवाबि चुङ्मॆ खानावाँ
1निवाँहाङ् नुङ् इस्राएलि याॽमिचिमि लुम्पि ठुॽमिम्पा याॽलऎ चुप्लाङ्पि निवाँहाङ् मान्टहाङ् चुङ्मॆ लोमॆ हाङ् ग बाखाटेम्बि निवाँहाङ् चुङ्मॆ ठालमि खानावाँ चुआ। 2निवाँहाङ् चुङ्मॆ ठालबि हिच्चि कोठा चुआ। एक्क कोठाबि ओप्लिङ् ओःप्ठाम्, टेबाल हाङ् सङ्टिॽमिम्पा चारेपा युङ्मिम्पा लियुङ्सा। ग कोठा सॆङ्सॆङॆ ठाल लोयुक्सुचि।#पारास्ठान २५:२३-३०; ३१-४० 3हाङ् आक्कुबि एक्क चे चुआ हाङ् आक्क चे डॆङ्पि होइक कोठा चुआ। म कोठा एट्टान सॆङ्सॆङॆ ठाल लोयुक्सुचि।#पारास्ठान २६:३१-३३ 4आक्कुबि फिःइयामि ढुपा हिट्ठाम् युङ्ठङ् युङ्मिम्पा लॆटा। हाङ् फिःइयाऎन मोम्मिम्पा चुप्लाङ्मि एक्क सान्डुक चुआ। हाङ् आक्क सान्डुकबि फिःइयामि एक्क कक्नाम्पि मान्ना#९:४ ग मान्ना लोमॆ चाइ चामॆ ठका ह। ग मान्ना लोमॆ चामॆ ठका इस्राएलि याॽमिचि निवाँहाङ्ऎ पिकानि कामानुङ् लोमिम्पा ठालबि भॆन्माबाङ् यॽलि निवाँहाङ्ऎ आक्खॆॽमॆ गारि पिॽमिम्पा लॆटुचि। युङ्मिम्पा लॆटा। हाङ् बॆॽलुवानुङ्ऎ हारुनमि टम्राङ् नुङ् लुङ्कॽवामि पाटिबि साप्मिम्पा निवाँहाङ्मि चुप्लाङ्मि हिच्चि साब्चिरा सङ्क गुबिॽन चुआ।#पारास्ठान ३०:१-६; २५:१०-१६ 5हाङ् आक्क सान्डुक सक्पि निवाँहाङ्मि निङ्लावा नुङ्मा कारुब लोमाहा हाखुबा निवाँखाटॆखुबाचि चुआमि। हाङ् आक्खा कारुबचिमि लाप्पॆरॆङऎ सान्डुकमि एक्क भाग आक्क भागबि हिङ्वा यङ्निमॆ ठालबि लवा सिॽमियुक्सु,#पारास्ठान २५:१८-२२ टर गमि बारेबि कॆ चोब्न खानावाँ हन इमा पाब्नि।
6गरहाङ् इघा चोब्न खानावाँ टङ्सिॽमा हाङ् बाहिरा पोट्टिऎ सॆङ्सॆङॆ कोठाबि याटाङ्पाचि चोब्न डिना उम्चि योम्पक् यिक्सि खॆॽयुङ्सामि।#ङेःप्मा १८:२-६ 7टर एट्टान सॆङ्सॆङॆ ठालबि एक्क निङ्पि चोब्नबाङ् ढ्या याटाङ्पा टेःॽन एक्खेपा टेःॽन भॆन्युक्सा। हाङ् खोसॆ यिक्मिम्पा हिङ्वामि लागि हाङ् याॽमिचिऎ मान्लेबान यिक्मिम्पा हिङ्वामि लागि सङ्क हारि खिन्मानुङ् सङ्टियुङ्सु।#लेबि १६:२-३४ 8इघा चोब्न खानावाँबाङ् सॆङ्सॆङॆ लावाऎ माङ् खानावाँ चिनुकि भनॆ, बाहिरा पोट्टिऎ सॆङ्सॆङॆ ठाल चुरढारि एट्टान सॆङ्सॆङॆ ठाल माहेम्बका। 9ग चाइ गरॽलऎ याॽमिचि खानावाँ वाप्मिॽमामि लागि पिॽमिम्पा एक्क खानावाँ रेम। याॽमिचिऎ निवाँहाङ् पिस्सि लाटॆॽमिम्पा भेटि हाङ् सङ्टिॽमिम्पा खानावाँऎ उम्चि निवाँ सॆङ्सॆङॆ मुहिसुनि। 10हाङ् आक्खा याॽलिहा खानावाँ बाखाटेम्बि चामॆ नुङ् डुङ्मॆ हाङ् सॆङ्सॆङॆ लिहिङार कामानुङ् डिरिक खालाह होःप्मॆ बाखाटेम्पिहा खानावाँ रेम। हाङ् निवाँहाङ्मि एक्क उम्चङ्ऎ यायेॽमा मान्टारढारि मान्टहाङ् पाइमा लॆऎ कामानुङ् पिॽमिम्पा खानावाँ टेःॽन यो।
11टर खिरिस्ट गुबि ह चुःहा चोब्न नुऎ खानावाँमि चोब्बाङ् ढ्या याटाङ्पा लिमानुङ् टाखॆडा। खो चोब्बाङ् ढ्या हाङ् सॆङ्सॆङॆ निवाँहाङ्मि खिम्पि भॆना। हाङ् आक्क निवाँहाङ्मि खिम् याॽमिऎ हेब्मिम्पा हॆॽनॆ हाङ् सिरिस्टि लॆःॽमिम्पा ग बाखाटेम्पिऎ खानावाँ सङ्क हॆॽनॆ। 12हाङ् खो चोब्न लःमि लागि आक्क एट्टान सॆङ्सॆङॆ ठालबि भॆना। खो मेठुबा नुङ् पिक्मि हारि खिन्मानुङ् माभॆन् टर खोम्न हारि खिन्मानुङ् भॆना। गरहाङ् खोसॆ कानि चोब्न लःमि लागि हिङ्चामिट्टि। 13हाङ् मोसामि यायेॽमा रक्न मेठुबा अठावा पिक्मि हारि हाङ् ठाब्बि चुक्टिॽमानुङ् सॆङ्सॆङॆ लॆःॽमिनिहा याॽमिचि सालुङ्पि सॆङ्सॆङॆ मुःक्मि।#लेबि १६:१५-१६ 14ग खानावाँ मिॽलामार कानिऎ चाइबान हिङ्चाऎ निवाँहाङ् चुङ्हिसिर कामानुङ् खिरिस्टमि हारिऎ ग झाना एट्टान काम्नुःर कानिमि हिङ्वा योम्पक्बाङ् सॆङ्सॆङॆ मुकु। हाङ् हानाम्स लुक्खॆॽनॆ लावामि चॆक्मावाबाङ् खिरिस्टऎ टाङ्पॆ टाङ्पान कानिमि हिङ्वा सःक्सि आब्डिक् मॆड्डिङ्मा सङ्टिसे निवाँहाङ्बि सङ्टिबिइटु।
15मसॆॽन निवाँहाङ्ऎ पिकानि कामानुङ् खोचि लोमिम्पा हानाम्स लिढ्याङ्खुबा आसिका निवाँहाङ्ऎ सेःॽमिम्पा याॽमिचिऎ टक्चाउचिर कामानुङ् खिरिस्ट उम्चङ् चुप्लाङ् टङ्खुबा यो। याॽलिऎ चुप्लाङ्पि चुमार यिक्मिम्पा काइसॆ योम्पक्बाङ् ह फागुकि मान्ठाभनॆ खिरिस्ट कानिमि लागि सिखॆडा।
16मान्ठाभनॆ हाम्पि याॽमिऎ काङा सिखॆॽङाहाङ् काङामि चासुम् आसॆ टक्चाकुवॆ लोमॆ साब्चिरा मुःकु, आक्क खानावाँ चाइबानऎ कामानुङ् खाङ्मिॽमाम् लागि, आक्क याॽमि सिखॆडान कामानुङ् खाङ्मिॽमा लॆ। 17आक्क याॽमि हिङ्चारढारि खोसॆ काङा सिखॆॽङाहाङ् काङामि चासुम् आसॆ टक्चाकुवॆ कामानुङ् सप्मिम्पा साब्चिराऎ योम्पक् यिगुनि। खो सिखॆहाङ् काङामि चासुम् आसॆ टक्चाकुवॆ कामानुङ् सप्मिम्पा साब्चिराऎ योम्पक् यिगुकु। 18मसॆ याॽलि ठुॽमिम्पा चुप्लाङ् सङ्क पोसुमि हारिऎ चाइबानऎ कामानुङ् खाङ्मिॽमिम्पा लॆटा। 19मान्ठाभनॆ मोसाऎ यायॆॽमाबि साबुहा चोब्न खानावाँ याॽमिचि खेम्मिसिट्टुचिहाङ् खोसॆ योवा नुङ् मॆठुबा नुङ् पिक्मि हारि ठुटिसु हाङ् हिसपमि सिङ् हाङ् सामुङ्मि हार्रापा टाङाक् याङ्मानुङ् चोब्न याॽमिचि हाङ् निवाँनेन् साब्चिराबि चुक्टिसु। 20हाङ् लोसु, “ग हारिमि चुप्लाङ् रेम। गसॆ लोमिम्पा खेमाम्नॆ कामानुङ् निवाँहाङ्ऎ लोडु।”#पारास्ठान २४:६-८ 21हाङ् आक्रहाङ्न मोसाऎ सॆङ्सॆङॆ युङ्ठङ् सक्पि हाङ् निवाँहाङ् चुङ्मार याङुऎ चोब्न कग्नामपि हारि चुक्टिसु।#लेबि ८:१५ 22चाइबान यायॆॽमाऎ लोसिन्ट हारिऎ चोब्ठका सॆङ्सॆङॆ मुकु हाङ् हारि मॆअङ्पा हिङ्वा यङ्निमा हेनि।#लेबि १७:११
खिरिस्टमि हारिऎ हिङ्वा सःग्लाङ्कु
23गरहाङ् पारुबिऎ रक्मा खाङ्मुहा आक्खा खानावाँ पोसुचिमि हारि सङ्टिसे सॆङ्सॆङॆ मुमान लॆऎ लॆटा, टर चाइबान पारुबिऎन खानावाँ सॆङ्सॆङॆ मुमामि लागि आक्कबाङ् सङ्क एट्टान काम्नुहा खानावाँ सङ्टिॽमा लॆटा। 24मान्ठाभनॆ खिरिस्ट याॽमिऎ मुबॽमिम्पा सॆङ्सॆङॆ ठाल हङ्सि माभॆन आक्क चाइ चाइबानऎ खानावाँमि लवा टे रेम, टर खो ग चाइबानऎ पारुबि खारा। हाङ् गरॽल खो कानि पाइबाक्माम् लागि निवाँहाङ्मि ङारिङ्पि पेन्डा। 25हाङ् ग बाखाटेम्पिऎ चोब्बाङ् ढ्या याटाङ्पा चोब्न निङ् पोसुमि हारि खिन्मानुङ् एट्टान सॆङ्सॆङॆ ठालबि भॆना, टर खिरिस्ट खो टाङ्पॆ टाङ्पान हसहस सङ्टिॽमाम् लागि पारुबि खॆॽमिम्पा हॆॽनॆ। 26आक्रॽन हाङ्ग निवाँहाङ्ऎ बाखाटेम् मुमिम्पा लःबाङ्न खिरिस्टऎ हसहस डुखा आङ्मा सिक्खुबा लॆटा। टर ग लुक्खॆॽमॆ लःबि खो चोब्न लःमि लागि हाङ् याॽमिचिमि हिङ्वा सःक्सि टाङ्पॆ टाङ्पान सङ्टिॽमाम् लागि टाआ। 27हाङ् याॽमि एक्खेपा सिखॆॽमा लॆ हाङ् निवाँहाङ्ऎ आक्कमि न्याय लॆकु। 28आक्रहाङ्न डिरिक् याॽमिचिमि हिङ्वा सःक्सि खिरिस्टऎ खोम् हिङ्खामा सङ्टिबिइट्टु। हाङ् खो होइक खेपा सङ्क टा। टर ह टामार याॽमिचिमि हिङ्वा सःक्सि हॆॽनॆ टर खोम् लाम्फु हुङ्खुबाचि हिङ्चामिॽमाम् लागि टा।#यासाइया ५३:१२
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society