हिबुरु 10
10
1मोसामि यायॆॽमा डॆङ्पि टाऎ काम्नुऎ खानावाँमि लवा टे रेम, आक्कन ग काम्नुऎ खानावाँ हॆॽनॆ। मान्ठाभनॆ यायेॽमाऎ लोसिन्टक्न चोब्न निङ् सङ्टिॽमॆ योम्पक् यिक्मॆ खानावाँऎ याॽमिचि उम्चि हिङ्वाबाङ् फाक्हिसुनि। 2इघा सङ्टिॽमॆ खानावाँऎ सङ्टिखुबा याॽमिचि सॆङ्सॆङॆ मुखुबा लॆटा ग, सङ्टिखुबॆ एक्कखेपा टेःॽन सङ्टिॽमार खेखुबा लॆटा। आक्क डॆङ्पि खोचि चोब्न लःबि लागि सॆङ्सॆङॆ लिखुबा लॆटामि, हाङ् उम्चि निवाँबि हिङ्वा लोमॆन आलिखुबा लॆटा। 3टर आक्खा सङ्टिॽमॆ खानावाँऎ ग टाङ्पॆ यिक्मिम्पा हिङ्वा योम्पक् चोब्न निङ् मिॽलामिकि। 4मान्ठाभनॆ पिक् नुङ् मेठुबामि हारिऎ हिङ्वा सःक्मा हेसुनि।
5मसॆ बाखाटेम्पि टामार खिरिस्टऎ निवाँहाङ् गर लोसु,
“आनॆ पोसु सङ्टिॽमॆ नुङ् भेटि माङागुना,
टर आनॆ काङामि सालुङ् सङ्टिॽमामि लागि पिडिङाना।
6याॽमिचिऎ मिःबि सङ्टिॽमॆ नुङ्
हिङ्वामि लागि सङ्टिॽमॆ खानावाँबि आना माचेन्चाआना।
7हाङ् खिरिस्टऎ खो लोसु, ‘खाङॆ,
ओ निवाँहाङ्,
निवाँनेन् साब्चिराबि काम बारेबि माङ् खानावाँ साप्डा,
मरहाङ्न काङा आनामि निवाँ रक्न पाइसि टाडिङ’।”#खोम्मिम्पासाम् ४०:६-८
8याॽलन खिरिस्टऎ गर लोसु, “आनॆ पोसुमि सङ्टिॽमॆ खानावाँ आठावा हिङ्वामि लागि सङ्टिॽमॆ आठावा मिःबि हिॽमानुङ् सङ्टिॽमॆ खानावाँ हाङ् हिङ्वामि लागि होइढा सङ्टिॽमॆ खानावाँ मानेन्चाउना हाङ् आक्खा खानावाँ नुङ् माचेन्चाआना।” खोसॆ गर लोसुहाङ्स, इघा खानावाँ मोसामि यायेॽमाऎ लोसिन्टक्न टियुक्सा। 9हाङ् खिरिस्टऎ लोसु, “खाङॆ, काङा आनामि निवाँ रक्न पाइसि टाडिङ।” खिरिस्टऎ उम्चङ्ऎ चुप्लाङ्ऎ योम्पक् मुमिॽमाम् लागि याॽलऎ चुप्लाङ् कॽलाहाङ्सु। 10निवाँहाङ्मि निवाँ रॽन येसु खिरिस्टऎ खोम् सालुङ् सङ्टिसे चोब्न लःमि लागि खोसॆ कानि सॆङ्सॆङॆ मुडि।
11चोब्न डिना याटाङ्पा पगुक्हाङ् खोसॆ याॽलि सङ्टिॽमिम्पा खानावाँन हसहस सङ्टिकु। खोसॆ म याॽलि मान्टहाङ् सङ्टिॽमॆ योम्पक् यिगु मन हसहस सङ्टिकु। टर आक्खा सङ्टिॽमिम्पा खानावाँऎ हिङ्वा सःक्मा हेसुनि। 12टर कानिमि चोब्बाङ् ढ्या याटाङ्पाऎ टाङ्पेटाङ्पान एक्कखेपा निवाँहाङ्बि हिङ्वामि लागि सङ्टिबिइॽटु। ग चाइ चोब्न लःमि लागि यो। हाङ् खो निवाँहाङ्मि चुप्ठिङ् हुक् पोट्टा पेन्डा। 13हाङ् निवाँहाङ्ऎ खो सिच्चाखुबाचि खोम् लाङ्सुॽवाबि मापोब्मिॽलढारि खोसॆ आक्कुबि हुङ्डाङ्कु।#खोम्मिम्पासाम् ११०:१ 14मान्ठाभनॆ एक्क सङ्टिॽमॆ खानावाँबाङ्न हिङ्वाबाङ् सॆङ्सॆङॆ लिडामिहा याॽमिचि चोब्न लःमि लागि सॆङ्सॆङॆ मुडुचि।
15हाङ् सॆङ्सॆङॆ लावाऎ स कानि इघा खानावाँ चाइबानऎ कामानुङ् खाङ्मिकि। खोसॆ निवाँहाङ्मि खानावाँ गर लोकु,
16“पारभु निवाँहाङ् गर का,
लः टाऎ डिनाबि काङॆ काम् याॽमिचि नुङ्
ग उम्चङ् चुप्लाङ् ठुबुकुङ।
काङॆ काङामि यायॆॽमा उम्चि निवाँबि युङ्पिकुङ्चि
हाङ् आक्क यायेॽमाऎ लोसिन्टक्न लॆःॽमिकुङ्चि।”#यारमिया ३१:३३
17हाङ् खोसॆ होइखेपा सङ्क गर लोकु,
“काङॆ खोचिम् हिङ्वा
नुङ् काइसाहा योम्पक् मिखॆपिकुङ्चि।”#यारमिया ३१:३४
18मसॆ कानिमि हिङ्वा याॽलिन यङ्निमा लॆसिडा हाङ्ग, हिङ्वामि लागि होइक माङ्स खानावाँ सङ्टिॽमा पाब्नि।
निवाँहाङ्मि कॆक्पि खॆॽमॆ
19मसॆ बुबुनानुसाचि, येसुऎ कानिमि लागि खोम् हिङ्खामा सङ्टिबिॽमिम्पासॆ कानि एट्टान सॆङ्सॆङॆ ठालबि मेन्किसिरे भॆन्टकि। 20खोसॆ कानिमि लागि एक्क उम्चङ् हाङ् हिङ्चाहिमॆ लाम्फु खाङ्मिटि। मसॆॽन कानि आक्क चेःबाङ् आक्क खोमि सालुङ् रेम आक्कबाङ् हङ्सिॽयु भॆन्हिकि।#१०:२० बाखाटेम्पि चुऎ सान्डुक्पि चोब्बाङ् सॆङ्सॆङॆ ठाल चेऎ ऎक्मिम्पा लॆटु। 21हाङ् निवाँहाङ्मि खिम्पि कानि चोब्न सक्पि ढुप्पाट्ट लॆखुबा एक्क ढ्या याटाङ्पा चुबिकि। 22समॆ चाइबानऎ निवाँबाङ् निवाँयुङ् लॆःसॆ कानि निवाँहाङ्मि ङारिङ्पि खारिये। मान्ठाभनॆ कानिमि काइसॆ निवाँ खिरिस्टमि हारिऎ सःग्से सॆङ्सॆङॆ मुःडा हाङ् कानिमि सालुङ् काम्नुऎ योवाऎ सःग्डा। 23हाङ् कानिऎ लॆःॽमिम्पा आसपि काम्नुःर लागालिढाङ्सिये मान्ठाभनॆ टाङ्पे ठुॽमिम्पा चुप्लाङ् निवाँहाङ्ऎ हानाम्स मिखॆटुनि। 24कानिऎ एक्कसॆ होइक पाङ्नुमिॽमॆ, नाम्नाम् पिसिॽमॆ हाङ् नुऎ लॆःॽमॆ खानावाँबि निवाँ टिसियॆ। 25ऎॽवा याॽमिचि पारभु चुङ्सि खोम्मॆ योम्पक्बि खोम्मा ऎस्सिक्मि, टर कानि खोम्मा ऎयाइटिये। टर पारभु टामॆ डिना टाखॆॽमा परका लोमॆ वाप्से एक्कसॆ होइक पाङ्नुमा पिप्पॆ चुआनॆ।
26मान्ठाभनॆ चाइबानऎ खानावाँ माङ्रटा कामानुङ् लेचिङ् लेचिङ् सङ्क हिङ्वा योम्पक् यिक्ढाङ्कि हाङ्ग आक्खा हिङ्वा सःग्मामि लागि सङ्टिॽमॆ खानावाँ माङ्स माआ। 27टर आक्रक्मा योम्पक् यिक्खुबाचिऎ ग किसिसे निवाँहाङ्मि डान्डा हुङ्मा लॆ। आक्क निवाँहाङ्मि डान्डामि मिःऎ खो इचाखुबाचि लुक्पिकुचिमि।#यासाइया २६:११ 28मान्ठाभनॆ आसॆ मोसामि यायेॽमाऎ लोमिम्पा खेमुनि, आक्क याॽमि सक्पि हिप्पा सुम्पा याॽमिचिऎ चुमॆक्सङ् पिट्टुचि हाङ्ग, आक्क याॽमि नाम्नाम् मापिसिॽरे सिखॆॽमा लॆऎ लॆटा। 29हाङ् आन्ना टाङ्पॆन मिॽलाआनॆ टा, निवाँहाङ्मि पासाऎन लोमिम्पा आखेम्खुबा, उम्चि हिङ्वाबाङ् फाक्खुबा सॆङ्सॆङॆ हारिमि चुप्लाङ्मि सॆङ्सॆङॆ मॆड्डिङ्मा मुखुबा, हाङ् नाम्नाँवा पिक्खुबा सॆङ्सॆङॆ लावान सङ्क माङ्ना माङ्ऎ मिन्खुबा याॽमि सक्पि ऎॽवा ढ्या डान्डा टाऎ? 30मान्ठाभनॆ निवाँहाङ्ऎ गरहाङ् लोमिम्पा कानिऎ ले, “काङॆ सिरि लाकुङ। काङॆ डान्डा पिकुङ्चि।”#यायेॽमा ३२:३५ खोसॆ गर सङ्क लोसु, “पारभुऎ खोम् याॽमिचि न्याये लॆकुचि।”#यायेॽमा ३२:३६ 31हिङ्चाऎ निवाँहाङ्मि हुक्बाङ् डान्डा टक्चामा किॽमालुऎ खानावाँ यो।
32हाङ् याॽलि आन्ना खिरिस्टबि टामार आङ्मिम्पा आक्खा डुखा मिॽलापाम्नॆ। आक्रहा किॽमालुहा डुखाबि सङ्क आन्ना माटॆगानि। 33ऎॽवा खेपा आन्ना याॽमिचिऎ इचामाबि सिॽमिटानि हाङ् याॽमिचिमि लुम्पि रःगामि। हाङ् ऎॽवा खेपा आन्ना रक्न डुखाबि सिॽमिम्पा होइढाचि पाइबाकाम्नि। 34हाङ् सॆक्चिम्पि सॆक्ढिङ्खॆडामिहाचि आन्नॆ पाइबाकाम्नि। हाङ् आन्नामि चोब्न चासुम लुप्चाउचिर सङ्क चेन्चाआनि। मान्ठाभनॆ आक्क चासुम्बाङ्स काम्नुऎ हानाम्स लुक्खॆॽनॆ ढ्या चासुम् चुबिकि कामानुङ् आन्नॆ वाप्मिम्पा लॆटाम्नि।
35मसॆ पारभुबि आन्नॆ लॆःॽमिम्पा निवाँयुङ् आसेरानॆ। आन्नॆ ग खानावाँ मिॽलापाम्नॆ कि गसॆ आन्ना ढ्या इनामा पिकानि। 36मान्ठाभनॆ आन्ना निवाँहाङ्ऎ नेन्चाकुवॆ योम्पक् यिक्खुबा हाङ् खोसॆ पिकानि कामानुङ् लोमिम्पा खानावाँ टक्चामाम् लागि खोबि लागालिढाङ्खुबा याॽमि लिःमा लॆकानि। 37मान्ठाभनॆ निवाँनेन् साब्चिराऎ लोमिम्पा रक्न,
“टाखुबा
सॆॽलन टाखेइ।
38टर काङामि निवाँनेन् याॽमि
निवाँयुङ्बाङ्न हिङ्चाक्मि।
टर काङा याइमानुङ् खाइखुबानुङ्
काङा चेन्चाङानि।”#हाबाकुक २:३-४
39टर कानि निवाँहाङ्बि लॆःॽमिम्पा निवाँयुङ् याइसे लुक्खॆॽमॆ लाम्फुबि लाम्ढुखुबा याॽमि हॆॽनॆ, टर निवाँयुङ् लॆसॆ निवाँहाङ्ऎ हिङ्पॽमिॽमिम्पा याॽमि यो।
ទើបបានជ្រើសរើសហើយ៖
हिबुरु 10: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
हिबुरु 10
10
1मोसामि यायॆॽमा डॆङ्पि टाऎ काम्नुऎ खानावाँमि लवा टे रेम, आक्कन ग काम्नुऎ खानावाँ हॆॽनॆ। मान्ठाभनॆ यायेॽमाऎ लोसिन्टक्न चोब्न निङ् सङ्टिॽमॆ योम्पक् यिक्मॆ खानावाँऎ याॽमिचि उम्चि हिङ्वाबाङ् फाक्हिसुनि। 2इघा सङ्टिॽमॆ खानावाँऎ सङ्टिखुबा याॽमिचि सॆङ्सॆङॆ मुखुबा लॆटा ग, सङ्टिखुबॆ एक्कखेपा टेःॽन सङ्टिॽमार खेखुबा लॆटा। आक्क डॆङ्पि खोचि चोब्न लःबि लागि सॆङ्सॆङॆ लिखुबा लॆटामि, हाङ् उम्चि निवाँबि हिङ्वा लोमॆन आलिखुबा लॆटा। 3टर आक्खा सङ्टिॽमॆ खानावाँऎ ग टाङ्पॆ यिक्मिम्पा हिङ्वा योम्पक् चोब्न निङ् मिॽलामिकि। 4मान्ठाभनॆ पिक् नुङ् मेठुबामि हारिऎ हिङ्वा सःक्मा हेसुनि।
5मसॆ बाखाटेम्पि टामार खिरिस्टऎ निवाँहाङ् गर लोसु,
“आनॆ पोसु सङ्टिॽमॆ नुङ् भेटि माङागुना,
टर आनॆ काङामि सालुङ् सङ्टिॽमामि लागि पिडिङाना।
6याॽमिचिऎ मिःबि सङ्टिॽमॆ नुङ्
हिङ्वामि लागि सङ्टिॽमॆ खानावाँबि आना माचेन्चाआना।
7हाङ् खिरिस्टऎ खो लोसु, ‘खाङॆ,
ओ निवाँहाङ्,
निवाँनेन् साब्चिराबि काम बारेबि माङ् खानावाँ साप्डा,
मरहाङ्न काङा आनामि निवाँ रक्न पाइसि टाडिङ’।”#खोम्मिम्पासाम् ४०:६-८
8याॽलन खिरिस्टऎ गर लोसु, “आनॆ पोसुमि सङ्टिॽमॆ खानावाँ आठावा हिङ्वामि लागि सङ्टिॽमॆ आठावा मिःबि हिॽमानुङ् सङ्टिॽमॆ खानावाँ हाङ् हिङ्वामि लागि होइढा सङ्टिॽमॆ खानावाँ मानेन्चाउना हाङ् आक्खा खानावाँ नुङ् माचेन्चाआना।” खोसॆ गर लोसुहाङ्स, इघा खानावाँ मोसामि यायेॽमाऎ लोसिन्टक्न टियुक्सा। 9हाङ् खिरिस्टऎ लोसु, “खाङॆ, काङा आनामि निवाँ रक्न पाइसि टाडिङ।” खिरिस्टऎ उम्चङ्ऎ चुप्लाङ्ऎ योम्पक् मुमिॽमाम् लागि याॽलऎ चुप्लाङ् कॽलाहाङ्सु। 10निवाँहाङ्मि निवाँ रॽन येसु खिरिस्टऎ खोम् सालुङ् सङ्टिसे चोब्न लःमि लागि खोसॆ कानि सॆङ्सॆङॆ मुडि।
11चोब्न डिना याटाङ्पा पगुक्हाङ् खोसॆ याॽलि सङ्टिॽमिम्पा खानावाँन हसहस सङ्टिकु। खोसॆ म याॽलि मान्टहाङ् सङ्टिॽमॆ योम्पक् यिगु मन हसहस सङ्टिकु। टर आक्खा सङ्टिॽमिम्पा खानावाँऎ हिङ्वा सःक्मा हेसुनि। 12टर कानिमि चोब्बाङ् ढ्या याटाङ्पाऎ टाङ्पेटाङ्पान एक्कखेपा निवाँहाङ्बि हिङ्वामि लागि सङ्टिबिइॽटु। ग चाइ चोब्न लःमि लागि यो। हाङ् खो निवाँहाङ्मि चुप्ठिङ् हुक् पोट्टा पेन्डा। 13हाङ् निवाँहाङ्ऎ खो सिच्चाखुबाचि खोम् लाङ्सुॽवाबि मापोब्मिॽलढारि खोसॆ आक्कुबि हुङ्डाङ्कु।#खोम्मिम्पासाम् ११०:१ 14मान्ठाभनॆ एक्क सङ्टिॽमॆ खानावाँबाङ्न हिङ्वाबाङ् सॆङ्सॆङॆ लिडामिहा याॽमिचि चोब्न लःमि लागि सॆङ्सॆङॆ मुडुचि।
15हाङ् सॆङ्सॆङॆ लावाऎ स कानि इघा खानावाँ चाइबानऎ कामानुङ् खाङ्मिकि। खोसॆ निवाँहाङ्मि खानावाँ गर लोकु,
16“पारभु निवाँहाङ् गर का,
लः टाऎ डिनाबि काङॆ काम् याॽमिचि नुङ्
ग उम्चङ् चुप्लाङ् ठुबुकुङ।
काङॆ काङामि यायॆॽमा उम्चि निवाँबि युङ्पिकुङ्चि
हाङ् आक्क यायेॽमाऎ लोसिन्टक्न लॆःॽमिकुङ्चि।”#यारमिया ३१:३३
17हाङ् खोसॆ होइखेपा सङ्क गर लोकु,
“काङॆ खोचिम् हिङ्वा
नुङ् काइसाहा योम्पक् मिखॆपिकुङ्चि।”#यारमिया ३१:३४
18मसॆ कानिमि हिङ्वा याॽलिन यङ्निमा लॆसिडा हाङ्ग, हिङ्वामि लागि होइक माङ्स खानावाँ सङ्टिॽमा पाब्नि।
निवाँहाङ्मि कॆक्पि खॆॽमॆ
19मसॆ बुबुनानुसाचि, येसुऎ कानिमि लागि खोम् हिङ्खामा सङ्टिबिॽमिम्पासॆ कानि एट्टान सॆङ्सॆङॆ ठालबि मेन्किसिरे भॆन्टकि। 20खोसॆ कानिमि लागि एक्क उम्चङ् हाङ् हिङ्चाहिमॆ लाम्फु खाङ्मिटि। मसॆॽन कानि आक्क चेःबाङ् आक्क खोमि सालुङ् रेम आक्कबाङ् हङ्सिॽयु भॆन्हिकि।#१०:२० बाखाटेम्पि चुऎ सान्डुक्पि चोब्बाङ् सॆङ्सॆङॆ ठाल चेऎ ऎक्मिम्पा लॆटु। 21हाङ् निवाँहाङ्मि खिम्पि कानि चोब्न सक्पि ढुप्पाट्ट लॆखुबा एक्क ढ्या याटाङ्पा चुबिकि। 22समॆ चाइबानऎ निवाँबाङ् निवाँयुङ् लॆःसॆ कानि निवाँहाङ्मि ङारिङ्पि खारिये। मान्ठाभनॆ कानिमि काइसॆ निवाँ खिरिस्टमि हारिऎ सःग्से सॆङ्सॆङॆ मुःडा हाङ् कानिमि सालुङ् काम्नुऎ योवाऎ सःग्डा। 23हाङ् कानिऎ लॆःॽमिम्पा आसपि काम्नुःर लागालिढाङ्सिये मान्ठाभनॆ टाङ्पे ठुॽमिम्पा चुप्लाङ् निवाँहाङ्ऎ हानाम्स मिखॆटुनि। 24कानिऎ एक्कसॆ होइक पाङ्नुमिॽमॆ, नाम्नाम् पिसिॽमॆ हाङ् नुऎ लॆःॽमॆ खानावाँबि निवाँ टिसियॆ। 25ऎॽवा याॽमिचि पारभु चुङ्सि खोम्मॆ योम्पक्बि खोम्मा ऎस्सिक्मि, टर कानि खोम्मा ऎयाइटिये। टर पारभु टामॆ डिना टाखॆॽमा परका लोमॆ वाप्से एक्कसॆ होइक पाङ्नुमा पिप्पॆ चुआनॆ।
26मान्ठाभनॆ चाइबानऎ खानावाँ माङ्रटा कामानुङ् लेचिङ् लेचिङ् सङ्क हिङ्वा योम्पक् यिक्ढाङ्कि हाङ्ग आक्खा हिङ्वा सःग्मामि लागि सङ्टिॽमॆ खानावाँ माङ्स माआ। 27टर आक्रक्मा योम्पक् यिक्खुबाचिऎ ग किसिसे निवाँहाङ्मि डान्डा हुङ्मा लॆ। आक्क निवाँहाङ्मि डान्डामि मिःऎ खो इचाखुबाचि लुक्पिकुचिमि।#यासाइया २६:११ 28मान्ठाभनॆ आसॆ मोसामि यायेॽमाऎ लोमिम्पा खेमुनि, आक्क याॽमि सक्पि हिप्पा सुम्पा याॽमिचिऎ चुमॆक्सङ् पिट्टुचि हाङ्ग, आक्क याॽमि नाम्नाम् मापिसिॽरे सिखॆॽमा लॆऎ लॆटा। 29हाङ् आन्ना टाङ्पॆन मिॽलाआनॆ टा, निवाँहाङ्मि पासाऎन लोमिम्पा आखेम्खुबा, उम्चि हिङ्वाबाङ् फाक्खुबा सॆङ्सॆङॆ हारिमि चुप्लाङ्मि सॆङ्सॆङॆ मॆड्डिङ्मा मुखुबा, हाङ् नाम्नाँवा पिक्खुबा सॆङ्सॆङॆ लावान सङ्क माङ्ना माङ्ऎ मिन्खुबा याॽमि सक्पि ऎॽवा ढ्या डान्डा टाऎ? 30मान्ठाभनॆ निवाँहाङ्ऎ गरहाङ् लोमिम्पा कानिऎ ले, “काङॆ सिरि लाकुङ। काङॆ डान्डा पिकुङ्चि।”#यायेॽमा ३२:३५ खोसॆ गर सङ्क लोसु, “पारभुऎ खोम् याॽमिचि न्याये लॆकुचि।”#यायेॽमा ३२:३६ 31हिङ्चाऎ निवाँहाङ्मि हुक्बाङ् डान्डा टक्चामा किॽमालुऎ खानावाँ यो।
32हाङ् याॽलि आन्ना खिरिस्टबि टामार आङ्मिम्पा आक्खा डुखा मिॽलापाम्नॆ। आक्रहा किॽमालुहा डुखाबि सङ्क आन्ना माटॆगानि। 33ऎॽवा खेपा आन्ना याॽमिचिऎ इचामाबि सिॽमिटानि हाङ् याॽमिचिमि लुम्पि रःगामि। हाङ् ऎॽवा खेपा आन्ना रक्न डुखाबि सिॽमिम्पा होइढाचि पाइबाकाम्नि। 34हाङ् सॆक्चिम्पि सॆक्ढिङ्खॆडामिहाचि आन्नॆ पाइबाकाम्नि। हाङ् आन्नामि चोब्न चासुम लुप्चाउचिर सङ्क चेन्चाआनि। मान्ठाभनॆ आक्क चासुम्बाङ्स काम्नुऎ हानाम्स लुक्खॆॽनॆ ढ्या चासुम् चुबिकि कामानुङ् आन्नॆ वाप्मिम्पा लॆटाम्नि।
35मसॆ पारभुबि आन्नॆ लॆःॽमिम्पा निवाँयुङ् आसेरानॆ। आन्नॆ ग खानावाँ मिॽलापाम्नॆ कि गसॆ आन्ना ढ्या इनामा पिकानि। 36मान्ठाभनॆ आन्ना निवाँहाङ्ऎ नेन्चाकुवॆ योम्पक् यिक्खुबा हाङ् खोसॆ पिकानि कामानुङ् लोमिम्पा खानावाँ टक्चामाम् लागि खोबि लागालिढाङ्खुबा याॽमि लिःमा लॆकानि। 37मान्ठाभनॆ निवाँनेन् साब्चिराऎ लोमिम्पा रक्न,
“टाखुबा
सॆॽलन टाखेइ।
38टर काङामि निवाँनेन् याॽमि
निवाँयुङ्बाङ्न हिङ्चाक्मि।
टर काङा याइमानुङ् खाइखुबानुङ्
काङा चेन्चाङानि।”#हाबाकुक २:३-४
39टर कानि निवाँहाङ्बि लॆःॽमिम्पा निवाँयुङ् याइसे लुक्खॆॽमॆ लाम्फुबि लाम्ढुखुबा याॽमि हॆॽनॆ, टर निवाँयुङ् लॆसॆ निवाँहाङ्ऎ हिङ्पॽमिॽमिम्पा याॽमि यो।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society