गालाटि 6
6
1बुबुनानुसाचि आन्ना हङ्सिबि आसॆ चाइ हिङ्वा योम्पक यिग्मिम्पा खाङ्टकाम्नि हाङग सॆङ्सॆङॆ लावा रक्न लाम्ढुखुबाचिऎ मिःछुवा लॆङ्मानुङ आक्क याॽमि चिनाम्चिनॆ। हाङ् गरऎ काइसॆ योम्पक्बि टाङ्पा स ऎफोब्डारिर कामानुङ् नुःर पेनानॆ। 2एक्कसॆ होइकमि डुखाबि पाइबाक्पे चुआनॆ। गर लॆःसे आन्नॆ खिरिस्टमि यायेॽमा टिङुकाम्नि। 3मान्ठाभनॆ आसॆ चाइ खो माङ्स हॆॽनॆ हाङ्स काङानये मिनुकु हाङ्ग खोसॆ खोन बङ्सिकु। 4चोप्पासॆ टाटाङपामि योम्पक ठागाम्नॆ। हाङ् टाङ्पॆ यिक्मिम्पा नुऎ योम्पक्बि चेन्चाकानि। हाङ् आन्नॆ यिक्मिम्पा आक्क योम्पक् होइढाचिनुङ् ङेःॽप्मा पाप्नि। 5मान्ठाभनॆ चोब्न याॽमिचिऎ टाटाङ्पे टाङ्पा टाङ्पामि योम्पक् यिक्मा लॆः।
6आसॆ चाइ निवाँहाङ्मि खानावाँ होइक याॽमिबाङ् चिनुक्, खोसॆ खो चिन्खुबा याॽमि खोम् चोब्न काम्नुहा ठःका पिट्टुर।
7हाङ् टाङपॆ टाङ्पान ऎबङ्सिटानॆ। निवाँहाङ् आसॆस बङ्सिॽमा हेसुचिनि मान्ठाभनॆ याॽमिचिऎ मान्टक्मा योम्पक् यिगुक्मि, डॆङ्पि मरहाःन आङ्टिखॆकुचि। 8हाङ् आसॆ चाइ सालुङ्पिऎ निवाँ रक्न योम्पक् यिगुकु, खोसॆ लुक्खॆॽमॆ हिङ्खामा टक्चाकु। हाङ् आसॆ सॆङ्सॆङॆ लावा रक्न योम्पक् यिगुक् खोसॆ लावाबाङ्न हानाम्स लुक्खॆॽनॆ हिङ्खामा टक्चाकु। 9हाङ् नुऎ योम्पक् यिग्ढाङ्सिये, मान्ठाभनॆ निवाँ मान्सेॽले लाम्ढुढाङ्सि हाङ्ग कानिऎ नुऎ लःबि आसिका खोम्चाटकि। 10मसॆ लॆःटक्मा अक्सि कानिऎ चोब्न याॽमिचिम् लागि नुऎ योम्पक् यिग्मा लॆः। चोब्न याॽमिचिबि सङ्क निवाँयुङ् लॆखुबा खिम्पिहा याॽमिचि चाइ नुःर खाङ्मा लॆःॽमि।
लुक्पिॽमा परक्मिम्पा खानावाँ
11खाङाम्नॆ, काङॆ काम् हुगॆॽन डिड्ढा डिड्ढा साम्डेन्बि आन्ना ग खानावाँ साब्हाङ्डानि।
12याॽमिचिमि ङारिङ्पि नुऎ लिःमा मिन्खुबाचिऎन आन्नॆ खाट्ना लॆःॽमा लॆः कामानुङ् लोकानि। खोचिऎ ग खानावाँ चाइ खिरिस्टऎ कुरुसाबि सङ्टिॽमिम्पा हिङ्खामामि खानावाँऎ डुखा चामा आसिॽल मिन्मानुङ् टेः इमिम्पा रेम। 13खाट्ना लॆःॽमा लॆ काखुबाचिऎन सङ्क यायॆॽमाऎ लोमिम्पा चोब्न खानावाँ टिङुचिनि। खोचि काङानये मिन्मामि लागि हाङ् आन्ना चाइ खोचि टिङ्खुबाचिये काःमामि लागि आन्ना खाट्ना लॆटानॆ मिनुक्मि। 14टर काङा चाइ कानिम् पारभु येसु खिरिस्ट कुरुसाबि कॆङ्मिम्पा खानावाँबाङ् होइडा माङ्स खानावाँबि काङानङाये मिन्ङानि। हाङ् खोमि कुरुसाऎ काङा बाखाटेम्मि लागि सिःखॆडिङ् हाङ् बाखाटेम्बिहा ठःका काम् लागि सिःखॆडा। 15खाट्ना लॆःॽमा हाङ्स आलॆःॽमा हाङ्स माङ्स हॆॽनॆ, टर आन्ना उम्चङ् लिःमॆ खानावाँ चाइ ढ्या खानावाँ यो। 16हाङ् टाङ्पामि हिङ्खामाबि इघा खानावाँ टिङ्से लाम्ढुखुबाचि निवाँहाङ्ऎ सान्टि हाङ् नाम्नावाँ पिकुचि। आक्खाचि चाइ निवाँहाङ्मि पासाचि रेम।
17हयॆबाङ् मरक् आसॆस काङा ग खानावाँबि हुन्नाहा खानावाँ चिन्खुबाचिमि खानावाँ खेम्मानुङ् डुखा#सॆःक्ढुङ्पा १४:१९-२० आपिॽङामिर मान्ठाभनॆ काङामि सालुङ्बि चुऎ हुवाऎ काङा येसुमि योम्पक् मुखुबाङा ये कामानुङ् खाङ्मुकु।
18बुबुनानुसाचि, कानिम् पारभु येसु खिरिस्टमि नाम्नावाँ आन्नामि लावाबि लिर। आमेन।
ទើបបានជ្រើសរើសហើយ៖
गालाटि 6: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
गालाटि 6
6
1बुबुनानुसाचि आन्ना हङ्सिबि आसॆ चाइ हिङ्वा योम्पक यिग्मिम्पा खाङ्टकाम्नि हाङग सॆङ्सॆङॆ लावा रक्न लाम्ढुखुबाचिऎ मिःछुवा लॆङ्मानुङ आक्क याॽमि चिनाम्चिनॆ। हाङ् गरऎ काइसॆ योम्पक्बि टाङ्पा स ऎफोब्डारिर कामानुङ् नुःर पेनानॆ। 2एक्कसॆ होइकमि डुखाबि पाइबाक्पे चुआनॆ। गर लॆःसे आन्नॆ खिरिस्टमि यायेॽमा टिङुकाम्नि। 3मान्ठाभनॆ आसॆ चाइ खो माङ्स हॆॽनॆ हाङ्स काङानये मिनुकु हाङ्ग खोसॆ खोन बङ्सिकु। 4चोप्पासॆ टाटाङपामि योम्पक ठागाम्नॆ। हाङ् टाङ्पॆ यिक्मिम्पा नुऎ योम्पक्बि चेन्चाकानि। हाङ् आन्नॆ यिक्मिम्पा आक्क योम्पक् होइढाचिनुङ् ङेःॽप्मा पाप्नि। 5मान्ठाभनॆ चोब्न याॽमिचिऎ टाटाङ्पे टाङ्पा टाङ्पामि योम्पक् यिक्मा लॆः।
6आसॆ चाइ निवाँहाङ्मि खानावाँ होइक याॽमिबाङ् चिनुक्, खोसॆ खो चिन्खुबा याॽमि खोम् चोब्न काम्नुहा ठःका पिट्टुर।
7हाङ् टाङपॆ टाङ्पान ऎबङ्सिटानॆ। निवाँहाङ् आसॆस बङ्सिॽमा हेसुचिनि मान्ठाभनॆ याॽमिचिऎ मान्टक्मा योम्पक् यिगुक्मि, डॆङ्पि मरहाःन आङ्टिखॆकुचि। 8हाङ् आसॆ चाइ सालुङ्पिऎ निवाँ रक्न योम्पक् यिगुकु, खोसॆ लुक्खॆॽमॆ हिङ्खामा टक्चाकु। हाङ् आसॆ सॆङ्सॆङॆ लावा रक्न योम्पक् यिगुक् खोसॆ लावाबाङ्न हानाम्स लुक्खॆॽनॆ हिङ्खामा टक्चाकु। 9हाङ् नुऎ योम्पक् यिग्ढाङ्सिये, मान्ठाभनॆ निवाँ मान्सेॽले लाम्ढुढाङ्सि हाङ्ग कानिऎ नुऎ लःबि आसिका खोम्चाटकि। 10मसॆ लॆःटक्मा अक्सि कानिऎ चोब्न याॽमिचिम् लागि नुऎ योम्पक् यिग्मा लॆः। चोब्न याॽमिचिबि सङ्क निवाँयुङ् लॆखुबा खिम्पिहा याॽमिचि चाइ नुःर खाङ्मा लॆःॽमि।
लुक्पिॽमा परक्मिम्पा खानावाँ
11खाङाम्नॆ, काङॆ काम् हुगॆॽन डिड्ढा डिड्ढा साम्डेन्बि आन्ना ग खानावाँ साब्हाङ्डानि।
12याॽमिचिमि ङारिङ्पि नुऎ लिःमा मिन्खुबाचिऎन आन्नॆ खाट्ना लॆःॽमा लॆः कामानुङ् लोकानि। खोचिऎ ग खानावाँ चाइ खिरिस्टऎ कुरुसाबि सङ्टिॽमिम्पा हिङ्खामामि खानावाँऎ डुखा चामा आसिॽल मिन्मानुङ् टेः इमिम्पा रेम। 13खाट्ना लॆःॽमा लॆ काखुबाचिऎन सङ्क यायॆॽमाऎ लोमिम्पा चोब्न खानावाँ टिङुचिनि। खोचि काङानये मिन्मामि लागि हाङ् आन्ना चाइ खोचि टिङ्खुबाचिये काःमामि लागि आन्ना खाट्ना लॆटानॆ मिनुक्मि। 14टर काङा चाइ कानिम् पारभु येसु खिरिस्ट कुरुसाबि कॆङ्मिम्पा खानावाँबाङ् होइडा माङ्स खानावाँबि काङानङाये मिन्ङानि। हाङ् खोमि कुरुसाऎ काङा बाखाटेम्मि लागि सिःखॆडिङ् हाङ् बाखाटेम्बिहा ठःका काम् लागि सिःखॆडा। 15खाट्ना लॆःॽमा हाङ्स आलॆःॽमा हाङ्स माङ्स हॆॽनॆ, टर आन्ना उम्चङ् लिःमॆ खानावाँ चाइ ढ्या खानावाँ यो। 16हाङ् टाङ्पामि हिङ्खामाबि इघा खानावाँ टिङ्से लाम्ढुखुबाचि निवाँहाङ्ऎ सान्टि हाङ् नाम्नावाँ पिकुचि। आक्खाचि चाइ निवाँहाङ्मि पासाचि रेम।
17हयॆबाङ् मरक् आसॆस काङा ग खानावाँबि हुन्नाहा खानावाँ चिन्खुबाचिमि खानावाँ खेम्मानुङ् डुखा#सॆःक्ढुङ्पा १४:१९-२० आपिॽङामिर मान्ठाभनॆ काङामि सालुङ्बि चुऎ हुवाऎ काङा येसुमि योम्पक् मुखुबाङा ये कामानुङ् खाङ्मुकु।
18बुबुनानुसाचि, कानिम् पारभु येसु खिरिस्टमि नाम्नावाँ आन्नामि लावाबि लिर। आमेन।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society