गालाटि 5
5
खिरिस्टऎ फाक्मिम्पा खानावाँ मिॽलापाम्नॆ
1मान्ठाभनॆ खिरिस्टऎ कानि फाक्मिम्पा यो, मसॆ आन्ना फाग्मिम्पा याॽमिचि रेम हाङ् आक्क फाक्मिम्पा खानावाँबि आन्ना नुःर पेनानॆ। हाङ् हस यायॆॽमाऎ टिप्भुङ्मा आखाइहाङ्चाआनॆ।
2खेमानॆ, काङा पावलऎन ग खानावाँ लोकानि, आन्ना निवाँहाङ्मि ङारिङ्पि नुऎ याॽमिचि लिमाम् लागि खाट्ना लॆःॽमॆ योम्पक्बि लाम्ढुकानि हाङ्ग आन्नामि लागि खिरिस्टमि माङ्स योम्पक् माआ। 3काङॆ हस ग खानावाँ लोकानि, निवाँहाङ्मि ङारिङ्पि आन्ना नुऎ लिमाम् लागि आन्नॆ खाट्ना लॆकानि हाङ्ग, आन्नॆ मोसामि यायेॽमाबिहा चोब्न खानावाँ लॆःॽमान लॆः। 4यायेॽमा टिङ्से निवाँहाङ्मि ङारिङ्पि नुऎ लिमाम् लागि आन्ना खिरिस्टबाङ् फाक्लिङ्खॆडानि हाङ् निवाँहाङ्मि नाम्नावाँ माइडाम्नि। 5निवाँहाङ्मि लावा चुखुबा कानिऎ निवाँयुङ्बान निवाँनेन् खानावाँ टक्चाकि कामानुङ् हुङुकुङ्का। 6खिरिस्टबि कानिमि लागि खाट्ना लॆःॽमा हाङ्स आलॆःॽमा हाङ्स आक्क माङ्स हॆॽनॆ। बोरु पाबुऎ खानावाँ चाइ माङ्भनॆ कानि खिरिस्टबि निवाँयुङ् लॆकि हाङ् आक्क खानावाँ चाइ होइढाचि नाम्नाम् पिसिॽमानुङ् खाङ्मिकुङ्का।
7आन्ना काम्नुःरन लाम्ढुमे पाइटानि। हेॽनि! आसॆ चाइ आन्ना चाइबानऎ खानावाँ टिङ्मा ऎगानिहा? मान्टक्ल खोसॆ आन्ना खासिमिट्टानिहा? 8गरक्मा योम्पक्बि निवाँ टिःसानॆ लोमॆ चाइ आन्ना सेःखुबा निवाँहाङ्बाङ् टामिम्पा हॆॽनॆ। 9नुःर पेनानॆ, ग हुन्नऎ खानावाँ चाइ मिःक्म खाबॆक् रक्मा रे आक्कसॆ चःग्मिम्पा चोब्न खाॽमिॽ किम्खॆॽमिकु।#१ कोरेन्ठि ५:६ 10काङॆ पारभुबि निवाँयुङ् लॆकुङ्, आन्नॆ हुन्नऎ खानावाँ टिङाम्निनि। आसॆ चाइ आन्ना फोप्सिॽमॆ पाइकानि निवाँहाङ्ऎ आक्क डान्डा पिःकु।
11टर बुबुनानुसाचि, ऎॽवाचिऎ लोसिन्टक्न हस काङॆ खाट्नामिन खानावाँ खेम्मिकुङ्चि हाङ्ग मान्ठा याॽमिचिऎ डुखा पिःॽङामिहा? कुरुसाबि सिःखॆॽमिम्पा येसुबाङ् याॽमिचि हिङ्चामिनि हाङ् खाट्ना लॆःॽमान लॆ कामानुङ् काङॆ लोसुङ्चिग चोप्पासॆ काङा नुःर लॆखुबा लॆटिङ्मि। 12सालुङ्मि एक्क भाग हॆक्मा लॆः कामानुङ् आन्ना फोब्डाङ्खुबाचिऎ खोचिम्न हॆगुचिर।
सॆङ्सॆङॆ लावा टिङ्मॆ खानावाँ
13बुबुनानुसाचि, आन्ना ग फाग्मिम्पा याॽमिचि लिःमामि लागि सेःॽमिम्पा रेम। टर म फाग्मॆ खानावाँ चाइ आम्नि सालुङ्पिऎ हिङ्वा योम्पक् यिक्माबि आटिसाम्नॆ। बोरु आक्क फाक्मॆ खानावाँबाङ् एक्कसॆ होइक नाम्नाम् पिसिॽमानुङ् पाइबाकाम्नॆ। 14आन्नॆ ग लॆःॽमा लॆः मान्ठाभनॆ चोब्न यायॆॽमाऎ इमा यकुवॆ खानावाँ चाइ ग एक्क खानावाँऎन यॆरुकु। आक्क खानावाँ चाइ माङ्भनॆ, “आनॆ आनाम् गॆअङ्मॆअङ्हाचि टाङ्पा रॽन नाम्नाम पिस्सिटॆचॆ।”#लेबि १४:५ लोमॆ यो। 15टर आन्नामि लुम्पि ठाॽनाम् पोसुचिर हॆःपॆ हाङ् सेप्पे चुकानि हाङ्ग नुःर पेनानॆ, आन्नामि लुम्पिन एक्कसॆ होइक लुक्पिपे चुकानि।
16काङॆ लोमा यकुङॆ खानावाँ चाइ माङ्भनॆ, “सॆङसॆङॆ लावाऎ लोसिन्ट लाम्ढुसानॆ हाङ् आन्नामि सालुङ्ऎ माङ्माङ् मिनुकु ममन आलॆटानॆ। 17सालुङ्ऎ मिनुकुवॆ खानावाँ लावाऎ सिच्चोकु हाङ् आनॆ लॆःॽमा मिम्मिम्पा योम्पक् यिक्नानि। लावाऎ मिनुकुवॆ खानावाँ सालुङ्ऎ सिच्चोकु। खोचि एक्कसॆ होइक सिच्चाबॆ चुःक्चि मसॆ आन्नॆ लॆःॽमा मिन्मिम्पा योम्पक् टङ्नि।#रोमि ७:१५-२३ 18टर आन्ना सॆङ्सॆङॆ लावाऎ लोसिन्ट पाइकानि हाङ्ग मोसामि यायॆॽमामि ढुप्पाट्ट हङ्सि माआनि।
19“सालुङ्ऎ ङागुकुवॆ चोप्पासॆ खाङ्टऎ खानावाँ चाइ इघान - ब्याबिचारा लॆःॽमॆ, ङेसिमा लुःहा योम्पक, वाठाङ्पा हाङ् मेॽनुङ्मा नुङ् इम्चामा मिन्मॆ निवाँ, 20मुर्टि चुङ्मॆ, साइटानमि चॆक्मावा याङ्मॆ, सिच्चाबॆ चुःमॆ, खिमाटुमा, आरिसा, सिरि खिन्मॆ, टाङपाटॆ काम्नुःर लिःर मिन्मॆ, फाॽलिङ्खॆॽमामि लागि एक्क लिःमॆ, ऎटङ्चामॆ, 21याॽमिचिम् योम्पक्पि सिरि लॆःॽमॆ, सेइङखॆॽमॆ, काइसॆ खानावाँबि निवाँ टिःमॆ हाङ् गरहान होइढा योम्पक्। याॽलि लोसिन्टक्न हस कॆ आन्ना नुःर लोकानि, गरहा योम्पक् यिक्खुबाचिऎ निवाँहाङ्मि हाङ्डाम्मि ढुप्पाट्ट टक्चाउचिनि।
22“टर सॆङ्सॆङॆ लावामि योम्पक् चाइ इघान नाम्नाम् पिसिॽमॆ, हाङ्हाङ् मिन्मॆ, होइढाचिनुङ् टङ्चामॆ, हुङ्चामॆ, होइढाचि नाम्नाम् पिसिॽमॆ, नुःर लॆःॽमॆ, यामुमिम्पा खानावाँ रक्न पाइमॆ, 23मिःछुपा लॆङ्मॆ हाङ् टाङ्पॆ टाङ्पान खाङ्मॆ। इघा खानावाँ चाइ यायेॽमाऎ सङ्क नुऎ लोसु। 24हाङ् खिरिस्ट येसुमि याॽमिऎ चाइ टाङ्पामि सालुङ्ऎ ङागुकुवॆ हिङ्वा नुङ्मा हाङ् निवाँबि मिन्चाकुवॆ खानावाँ कुरुसाबि कॆङ्मानुङ् सेॽमिम्पा लि।
एक्कसॆ होइक पाइबाक्मा लॆ
25“लावाऎ कानि उम्चङ् हिङ्खामा पिडि, मसॆ लावाऎ लोसिन्टक्न लॆटिये। 26कानि काङानङाये मिन्खुबा हाङ् एक्कसॆ होइक सोम् खेॽमिखुबा हाङ् होइढाचिम् योम्पक्पि सिरि लॆखुबा लिमा फॆन्नि।”
ទើបបានជ្រើសរើសហើយ៖
गालाटि 5: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
गालाटि 5
5
खिरिस्टऎ फाक्मिम्पा खानावाँ मिॽलापाम्नॆ
1मान्ठाभनॆ खिरिस्टऎ कानि फाक्मिम्पा यो, मसॆ आन्ना फाग्मिम्पा याॽमिचि रेम हाङ् आक्क फाक्मिम्पा खानावाँबि आन्ना नुःर पेनानॆ। हाङ् हस यायॆॽमाऎ टिप्भुङ्मा आखाइहाङ्चाआनॆ।
2खेमानॆ, काङा पावलऎन ग खानावाँ लोकानि, आन्ना निवाँहाङ्मि ङारिङ्पि नुऎ याॽमिचि लिमाम् लागि खाट्ना लॆःॽमॆ योम्पक्बि लाम्ढुकानि हाङ्ग आन्नामि लागि खिरिस्टमि माङ्स योम्पक् माआ। 3काङॆ हस ग खानावाँ लोकानि, निवाँहाङ्मि ङारिङ्पि आन्ना नुऎ लिमाम् लागि आन्नॆ खाट्ना लॆकानि हाङ्ग, आन्नॆ मोसामि यायेॽमाबिहा चोब्न खानावाँ लॆःॽमान लॆः। 4यायेॽमा टिङ्से निवाँहाङ्मि ङारिङ्पि नुऎ लिमाम् लागि आन्ना खिरिस्टबाङ् फाक्लिङ्खॆडानि हाङ् निवाँहाङ्मि नाम्नावाँ माइडाम्नि। 5निवाँहाङ्मि लावा चुखुबा कानिऎ निवाँयुङ्बान निवाँनेन् खानावाँ टक्चाकि कामानुङ् हुङुकुङ्का। 6खिरिस्टबि कानिमि लागि खाट्ना लॆःॽमा हाङ्स आलॆःॽमा हाङ्स आक्क माङ्स हॆॽनॆ। बोरु पाबुऎ खानावाँ चाइ माङ्भनॆ कानि खिरिस्टबि निवाँयुङ् लॆकि हाङ् आक्क खानावाँ चाइ होइढाचि नाम्नाम् पिसिॽमानुङ् खाङ्मिकुङ्का।
7आन्ना काम्नुःरन लाम्ढुमे पाइटानि। हेॽनि! आसॆ चाइ आन्ना चाइबानऎ खानावाँ टिङ्मा ऎगानिहा? मान्टक्ल खोसॆ आन्ना खासिमिट्टानिहा? 8गरक्मा योम्पक्बि निवाँ टिःसानॆ लोमॆ चाइ आन्ना सेःखुबा निवाँहाङ्बाङ् टामिम्पा हॆॽनॆ। 9नुःर पेनानॆ, ग हुन्नऎ खानावाँ चाइ मिःक्म खाबॆक् रक्मा रे आक्कसॆ चःग्मिम्पा चोब्न खाॽमिॽ किम्खॆॽमिकु।#१ कोरेन्ठि ५:६ 10काङॆ पारभुबि निवाँयुङ् लॆकुङ्, आन्नॆ हुन्नऎ खानावाँ टिङाम्निनि। आसॆ चाइ आन्ना फोप्सिॽमॆ पाइकानि निवाँहाङ्ऎ आक्क डान्डा पिःकु।
11टर बुबुनानुसाचि, ऎॽवाचिऎ लोसिन्टक्न हस काङॆ खाट्नामिन खानावाँ खेम्मिकुङ्चि हाङ्ग मान्ठा याॽमिचिऎ डुखा पिःॽङामिहा? कुरुसाबि सिःखॆॽमिम्पा येसुबाङ् याॽमिचि हिङ्चामिनि हाङ् खाट्ना लॆःॽमान लॆ कामानुङ् काङॆ लोसुङ्चिग चोप्पासॆ काङा नुःर लॆखुबा लॆटिङ्मि। 12सालुङ्मि एक्क भाग हॆक्मा लॆः कामानुङ् आन्ना फोब्डाङ्खुबाचिऎ खोचिम्न हॆगुचिर।
सॆङ्सॆङॆ लावा टिङ्मॆ खानावाँ
13बुबुनानुसाचि, आन्ना ग फाग्मिम्पा याॽमिचि लिःमामि लागि सेःॽमिम्पा रेम। टर म फाग्मॆ खानावाँ चाइ आम्नि सालुङ्पिऎ हिङ्वा योम्पक् यिक्माबि आटिसाम्नॆ। बोरु आक्क फाक्मॆ खानावाँबाङ् एक्कसॆ होइक नाम्नाम् पिसिॽमानुङ् पाइबाकाम्नॆ। 14आन्नॆ ग लॆःॽमा लॆः मान्ठाभनॆ चोब्न यायॆॽमाऎ इमा यकुवॆ खानावाँ चाइ ग एक्क खानावाँऎन यॆरुकु। आक्क खानावाँ चाइ माङ्भनॆ, “आनॆ आनाम् गॆअङ्मॆअङ्हाचि टाङ्पा रॽन नाम्नाम पिस्सिटॆचॆ।”#लेबि १४:५ लोमॆ यो। 15टर आन्नामि लुम्पि ठाॽनाम् पोसुचिर हॆःपॆ हाङ् सेप्पे चुकानि हाङ्ग नुःर पेनानॆ, आन्नामि लुम्पिन एक्कसॆ होइक लुक्पिपे चुकानि।
16काङॆ लोमा यकुङॆ खानावाँ चाइ माङ्भनॆ, “सॆङसॆङॆ लावाऎ लोसिन्ट लाम्ढुसानॆ हाङ् आन्नामि सालुङ्ऎ माङ्माङ् मिनुकु ममन आलॆटानॆ। 17सालुङ्ऎ मिनुकुवॆ खानावाँ लावाऎ सिच्चोकु हाङ् आनॆ लॆःॽमा मिम्मिम्पा योम्पक् यिक्नानि। लावाऎ मिनुकुवॆ खानावाँ सालुङ्ऎ सिच्चोकु। खोचि एक्कसॆ होइक सिच्चाबॆ चुःक्चि मसॆ आन्नॆ लॆःॽमा मिन्मिम्पा योम्पक् टङ्नि।#रोमि ७:१५-२३ 18टर आन्ना सॆङ्सॆङॆ लावाऎ लोसिन्ट पाइकानि हाङ्ग मोसामि यायॆॽमामि ढुप्पाट्ट हङ्सि माआनि।
19“सालुङ्ऎ ङागुकुवॆ चोप्पासॆ खाङ्टऎ खानावाँ चाइ इघान - ब्याबिचारा लॆःॽमॆ, ङेसिमा लुःहा योम्पक, वाठाङ्पा हाङ् मेॽनुङ्मा नुङ् इम्चामा मिन्मॆ निवाँ, 20मुर्टि चुङ्मॆ, साइटानमि चॆक्मावा याङ्मॆ, सिच्चाबॆ चुःमॆ, खिमाटुमा, आरिसा, सिरि खिन्मॆ, टाङपाटॆ काम्नुःर लिःर मिन्मॆ, फाॽलिङ्खॆॽमामि लागि एक्क लिःमॆ, ऎटङ्चामॆ, 21याॽमिचिम् योम्पक्पि सिरि लॆःॽमॆ, सेइङखॆॽमॆ, काइसॆ खानावाँबि निवाँ टिःमॆ हाङ् गरहान होइढा योम्पक्। याॽलि लोसिन्टक्न हस कॆ आन्ना नुःर लोकानि, गरहा योम्पक् यिक्खुबाचिऎ निवाँहाङ्मि हाङ्डाम्मि ढुप्पाट्ट टक्चाउचिनि।
22“टर सॆङ्सॆङॆ लावामि योम्पक् चाइ इघान नाम्नाम् पिसिॽमॆ, हाङ्हाङ् मिन्मॆ, होइढाचिनुङ् टङ्चामॆ, हुङ्चामॆ, होइढाचि नाम्नाम् पिसिॽमॆ, नुःर लॆःॽमॆ, यामुमिम्पा खानावाँ रक्न पाइमॆ, 23मिःछुपा लॆङ्मॆ हाङ् टाङ्पॆ टाङ्पान खाङ्मॆ। इघा खानावाँ चाइ यायेॽमाऎ सङ्क नुऎ लोसु। 24हाङ् खिरिस्ट येसुमि याॽमिऎ चाइ टाङ्पामि सालुङ्ऎ ङागुकुवॆ हिङ्वा नुङ्मा हाङ् निवाँबि मिन्चाकुवॆ खानावाँ कुरुसाबि कॆङ्मानुङ् सेॽमिम्पा लि।
एक्कसॆ होइक पाइबाक्मा लॆ
25“लावाऎ कानि उम्चङ् हिङ्खामा पिडि, मसॆ लावाऎ लोसिन्टक्न लॆटिये। 26कानि काङानङाये मिन्खुबा हाङ् एक्कसॆ होइक सोम् खेॽमिखुबा हाङ् होइढाचिम् योम्पक्पि सिरि लॆखुबा लिमा फॆन्नि।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society