गालाटि 2
2
सॆःक्ढुङ्पाचिऎ पावल नुःर लॆःॽमिम्पा
1हाङ् एपङ्रि निङ् डॆङ्पि काङा होइखेपा सङ्क यारुसालेम खारिङ। आक्रल काङॆ बारनाबास नुङ् टिटस सङ्क सोरि चिःखॆटुङ्चि। 2निवाँहाङ्ऎ खारॆ लोमिम्पासॆ काङा आक्कुबि खारिङ। हाङ् काङा आक्कुबि चुइङ्रः काङॆ माङ् खानावाँ चाइ हॆॽनिबारेक्चि खेम्मिकुङ्चिहा लोमॆ यारुसालेम मान्डालिबिहा निङ् चुचाखुबाचि टेःॽन इटुङ्चि। कानिमि खानावाँ टङुक् लोमॆ खानावाँ लेःमा मिन्मिम्पा लॆटुङ् मान्ठाभनॆ काङा चाइ काङॆ यिक्मॆ पाइमिम्पा खानावाँ हुन्नऎ योम्पक् लिऎ रु कामानुङ् किसिमिम्पा लॆटिङ। 3टर काङामि योम्पक् हुन्नऎ मालि। काङानुङ् चुऎ टिटस हॆॽनिबारेक्न लॆटा हाङ्स खोचि आसॆस खो खाट्ना लॆःॽमान लॆः कामानुङ् माकामि। 4मरहाङ्स ग खाटानामि खानावाँ चाइ आक्पका मान्ठाभनॆ ऎॽवा हुन्नहा बुबुनानुसाचि निवाँयुङ् लॆखुबाचि रक्न लिःखाङ्टाआमि। हाङ् काङ्का खिरिस्ट येसुऎ यायेॽमाबाङ् फाक्मिम्पा खानावाँ वाबुचि हाङ् काङ्का यायेॽमा रक्न पाइमिॽमा मिनामि। 5टर चाइबानऎ नुऎ खानावाँ आन्नाबि लिःढाङ्र कामानुङ् काङ्का खोचिमि खानावाँबि मिःक्म सङ्क मान्खासिइङ्का।
6टर आक्कुबिऎ मान्डालिबिहा टुङ्घङ्पा कामानुङ् ङेःप्सिखॆडामिहा याॽमिचिऎ काङामि खानावाँबि माङ्स खानावाँ मान्येट्टिसुचि। खोचि मान्टहा याॽमिचि लोमॆ चाइ काङामि लागि माङ्स हॆॽनॆ मान्ठाभनॆ निवाँहाङ्ऎ चोब्न याॽमिचि एक्क मिगॆॽन खाङ्कुचि। 7टर माङ् खानावाँ चाइ लिसा भने, मान्टहाङ् निवाँहाङ्ऎ पाट्रुस याहुडिचि नुऎ खानावाँ खेम्मिॽमॆ योम्पक् पिट्टु मरहाङ्न काङा चाइ निवाँहाङ्ऎ हॆॽनिबारेक्चि नुऎ खानावाँ खेम्मिॽमॆ योम्पक् पिट्टिङ् लोमॆ वाबुचि। 8गरहाङ् हाम्पे निवाँहाङ्ऎ चाइ पाट्रूस याहुडिचिम् लुम्पि योम्पक् मुमॆ चॆक्मावा पिट्टुहाङ् सॆःक्ढुङ्पा मुःसु म निवाँहाङ्ऎन काङा सङ्क हॆॽनिबारॆक्चिम् लागि योम्पक् मुमॆ चॆक्मावा पिःडिङ् हाङ् सॆःग्ढुङ्पा मुःसिङ। 9हाङ् यारुसालेम मान्डालिबिहा टुङ्घङ्पाचि याकुब, पाट्रुस नुङ् युहान्नाऎ निवाँहाङ्ऎ काङा पिॽमिम्पा बारडाना वाप्टकुचि, मसॆ खोचिऎ काङानुङ् बारनाबास निवाँहाङ्मि योम्पक् मुखुबा याॽमिचि कामानुङ् हुक् पिट्टाचिगा। खोचिऎ काङ्का हॆॽनिबारेक्चिम् लुम्पि नुऎ खानावाँ खेम्मिॽमॆ योम्पक्पि पाङ्नुमिट्टाचिगा हाङ् खोचि चाइ याहुडिम् लुम्पि योम्पक् यिगुकिङ्का कासामि। 10एक्क खानावाँ चाइ खोचि चोब्न गर कासामि, “आचुखुबा बुबुनानुसाचि खाङ्मा लॆःॽमि।” ग योम्पक् चाइ यिक्मान लॆः कामानुङ् काङॆ स मिन्मिम्पा लॆटुङ।
पावलऎ पाट्रुस वोःमिम्पा
11टर आक्क डॆङ्पि पाट्रुस एन्टिओखियाबि टाआ हाङ् खोसॆ आक्कुबि काइसॆ योम्पक् यिक्मिम्पासॆ काङॆ याबिॽन वोःसुङ। 12काङॆ खो आक्र लॆटुङ् मान्ठाभनॆ याकुबऎ पाहाङ्मिम्पा याॽमिचि आक्कुबि टामा याॽल खो हॆॽनिबारॆक्चिनुङ् सोःरि चायुक्सा, टर आक्खा याॽमिचि टाआमि हाङ् चाइ खो फाक्ल्हारा मान्ठाभनॆ खाट्ना लॆःॽमान लॆः काखुबाचिनुङ् खो किसिमिम्पा लॆटा। 13हाङ् किसिमाऎ होइढा निवाँयुङ् लॆखुबा याहुडिचि सङ्क पाट्रुस रक्न पाइपकामि मसॆ उम्चि आक्खा योम्पक्ऎ बारनाबास्मि सङ्क निवाँ नासॆलिखॆपिट्टु।
14खोचि नुऎ खानावाँबि चुऎ चाइबानऎ खानावाँ रक्न पाइमिम्पा काङॆ माखाङुङ्चि हाङ् चोब्नमि लुम्पि पाट्रुस गरहाङ् लोसुङ्, “आना याहुडिना, हाङ्स याहुडिर पाइनानि टर हॆॽनिबारेक्चिर पाइक्ना। हाङ् मान्टहाङ्र हॆॽनिबारेक्चि चाइ याहुडिचि र पाइटानॆ कामानुङ् काहिक्नॆ?”
चोब्न याहुडि नुङ् हॆॽनिबारेक्चि निवाँयुङ्बाङ् हिङ्चाडामि
15कानिऎ कानि चाइ निवाँनेन् याॽमिचि रे मिनुकि मान्ठाभनॆ कानि जान्मबाङ्न याहुडिचि रेम, हाङ् कानि चाइ मोसामि यायेॽमा आटिङ्खुबा आक्खा हॆॽनिबारेक्चि रक्मा हिङ्वा याॽमिचि हॆॽनॆ। 16मरहाङ्स एक्क याॽमि यायेॽमा टिङ्से हॆॽनॆ, टर येसु खिरिस्टबि निवाँयुङ् लॆहाङ् निवाँहाङ्मि ङारिङ्पि नुऎ याॽमि लिः लोमॆ वाप्डुङ्का। मसॆॽन निवाँहाङ्मि ङारिङ्पि नुऎ याॽमि लिमाम् लागि कानिऎ सङ्क येसु खिरिस्टबि निवाँयुङ् लॆटि, टर यायेॽमा टिङ्से हॆॽनॆ मान्ठाभनॆ यायेॽमा टिङ्मानुङ् आसास निवाँनेन् याॽमि लिःनि। 17कानिऎ खिरिस्टबि निवाँयुङ् लॆःसे निवाँहाङ्बि नुऎ याॽमि लिःमा यगुकि। टर काङ्कॆ यायेॽमा टिङ्मा याइमिम्पासॆ होइढा याॽमिचिऎ काङ्का हिङ्वा नुङ्मा याॽमिचि लोकिङ्का हाङ्ग, माल् खिरिस्ट चाइ हिङ्वा योम्पक् यिक्खुबा हॆटा? आक्र ग हॆनहॆॽनॆ। 18गुबि काङॆ लोमा यकुङॆ खानावाँ चाइ माङ्भनॆ, निवाँहाङ्बि नुऎ याॽमि लिमाम् लागि यायेॽमा टिङ्मा याइसे खिरिस्टबि निवाँयुङ् लॆकुङ। टर होइकन निवाँ मुःसे निवाँहाङ्बि नुऎ याॽमि लिमाम् लागि होइखेपा सङ्क यायेॽमान टिङ्पःकुङ् हाङ्ग, काङॆ यायेॽमा याइमॆ खानावाँ चाइ काइसॆ यो लोमॆ खानावाँ खाङ्मुः। 19मान्ठाभनॆ काङा निवाँहाङ्बि हिङ्चाहिङार कामानुङ् यायेॽमाबाङ् यायेॽमामि लागिॽन सिःखॆडिङ। 20हाङ् काङा खिरिस्ट नुङ सोरि कुरुसाबि सिःखॆडिङ् हाङ् हऎबाङ् मरक् काङा हॆॽनॆ टर खिरिस्ट चाइ काङाबि हिङुक्। गरॽल सालुङ्पि हिङ्चामार चाइ निवाँहाङ्मि पासाबि निवाँयुङ लॆःसे हिङ्चाङा। खोसॆ काङा नाम्नाम् पिस्सिटिङ् हाङ् काम् लागि खोम् हिङ्खामा सङ्टिसु। 21का चाइ निवाँहाङ्मि नाम्नावाँ हुन्नऎ काङानि मान्ठाभनॆ यायॆॽमाबाङ् याॽमि निवाँनेन् लिः हाङ्ग खिरिस्ट हुन्न सिखारा।
ទើបបានជ្រើសរើសហើយ៖
गालाटि 2: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
गालाटि 2
2
सॆःक्ढुङ्पाचिऎ पावल नुःर लॆःॽमिम्पा
1हाङ् एपङ्रि निङ् डॆङ्पि काङा होइखेपा सङ्क यारुसालेम खारिङ। आक्रल काङॆ बारनाबास नुङ् टिटस सङ्क सोरि चिःखॆटुङ्चि। 2निवाँहाङ्ऎ खारॆ लोमिम्पासॆ काङा आक्कुबि खारिङ। हाङ् काङा आक्कुबि चुइङ्रः काङॆ माङ् खानावाँ चाइ हॆॽनिबारेक्चि खेम्मिकुङ्चिहा लोमॆ यारुसालेम मान्डालिबिहा निङ् चुचाखुबाचि टेःॽन इटुङ्चि। कानिमि खानावाँ टङुक् लोमॆ खानावाँ लेःमा मिन्मिम्पा लॆटुङ् मान्ठाभनॆ काङा चाइ काङॆ यिक्मॆ पाइमिम्पा खानावाँ हुन्नऎ योम्पक् लिऎ रु कामानुङ् किसिमिम्पा लॆटिङ। 3टर काङामि योम्पक् हुन्नऎ मालि। काङानुङ् चुऎ टिटस हॆॽनिबारेक्न लॆटा हाङ्स खोचि आसॆस खो खाट्ना लॆःॽमान लॆः कामानुङ् माकामि। 4मरहाङ्स ग खाटानामि खानावाँ चाइ आक्पका मान्ठाभनॆ ऎॽवा हुन्नहा बुबुनानुसाचि निवाँयुङ् लॆखुबाचि रक्न लिःखाङ्टाआमि। हाङ् काङ्का खिरिस्ट येसुऎ यायेॽमाबाङ् फाक्मिम्पा खानावाँ वाबुचि हाङ् काङ्का यायेॽमा रक्न पाइमिॽमा मिनामि। 5टर चाइबानऎ नुऎ खानावाँ आन्नाबि लिःढाङ्र कामानुङ् काङ्का खोचिमि खानावाँबि मिःक्म सङ्क मान्खासिइङ्का।
6टर आक्कुबिऎ मान्डालिबिहा टुङ्घङ्पा कामानुङ् ङेःप्सिखॆडामिहा याॽमिचिऎ काङामि खानावाँबि माङ्स खानावाँ मान्येट्टिसुचि। खोचि मान्टहा याॽमिचि लोमॆ चाइ काङामि लागि माङ्स हॆॽनॆ मान्ठाभनॆ निवाँहाङ्ऎ चोब्न याॽमिचि एक्क मिगॆॽन खाङ्कुचि। 7टर माङ् खानावाँ चाइ लिसा भने, मान्टहाङ् निवाँहाङ्ऎ पाट्रुस याहुडिचि नुऎ खानावाँ खेम्मिॽमॆ योम्पक् पिट्टु मरहाङ्न काङा चाइ निवाँहाङ्ऎ हॆॽनिबारेक्चि नुऎ खानावाँ खेम्मिॽमॆ योम्पक् पिट्टिङ् लोमॆ वाबुचि। 8गरहाङ् हाम्पे निवाँहाङ्ऎ चाइ पाट्रूस याहुडिचिम् लुम्पि योम्पक् मुमॆ चॆक्मावा पिट्टुहाङ् सॆःक्ढुङ्पा मुःसु म निवाँहाङ्ऎन काङा सङ्क हॆॽनिबारॆक्चिम् लागि योम्पक् मुमॆ चॆक्मावा पिःडिङ् हाङ् सॆःग्ढुङ्पा मुःसिङ। 9हाङ् यारुसालेम मान्डालिबिहा टुङ्घङ्पाचि याकुब, पाट्रुस नुङ् युहान्नाऎ निवाँहाङ्ऎ काङा पिॽमिम्पा बारडाना वाप्टकुचि, मसॆ खोचिऎ काङानुङ् बारनाबास निवाँहाङ्मि योम्पक् मुखुबा याॽमिचि कामानुङ् हुक् पिट्टाचिगा। खोचिऎ काङ्का हॆॽनिबारेक्चिम् लुम्पि नुऎ खानावाँ खेम्मिॽमॆ योम्पक्पि पाङ्नुमिट्टाचिगा हाङ् खोचि चाइ याहुडिम् लुम्पि योम्पक् यिगुकिङ्का कासामि। 10एक्क खानावाँ चाइ खोचि चोब्न गर कासामि, “आचुखुबा बुबुनानुसाचि खाङ्मा लॆःॽमि।” ग योम्पक् चाइ यिक्मान लॆः कामानुङ् काङॆ स मिन्मिम्पा लॆटुङ।
पावलऎ पाट्रुस वोःमिम्पा
11टर आक्क डॆङ्पि पाट्रुस एन्टिओखियाबि टाआ हाङ् खोसॆ आक्कुबि काइसॆ योम्पक् यिक्मिम्पासॆ काङॆ याबिॽन वोःसुङ। 12काङॆ खो आक्र लॆटुङ् मान्ठाभनॆ याकुबऎ पाहाङ्मिम्पा याॽमिचि आक्कुबि टामा याॽल खो हॆॽनिबारॆक्चिनुङ् सोःरि चायुक्सा, टर आक्खा याॽमिचि टाआमि हाङ् चाइ खो फाक्ल्हारा मान्ठाभनॆ खाट्ना लॆःॽमान लॆः काखुबाचिनुङ् खो किसिमिम्पा लॆटा। 13हाङ् किसिमाऎ होइढा निवाँयुङ् लॆखुबा याहुडिचि सङ्क पाट्रुस रक्न पाइपकामि मसॆ उम्चि आक्खा योम्पक्ऎ बारनाबास्मि सङ्क निवाँ नासॆलिखॆपिट्टु।
14खोचि नुऎ खानावाँबि चुऎ चाइबानऎ खानावाँ रक्न पाइमिम्पा काङॆ माखाङुङ्चि हाङ् चोब्नमि लुम्पि पाट्रुस गरहाङ् लोसुङ्, “आना याहुडिना, हाङ्स याहुडिर पाइनानि टर हॆॽनिबारेक्चिर पाइक्ना। हाङ् मान्टहाङ्र हॆॽनिबारेक्चि चाइ याहुडिचि र पाइटानॆ कामानुङ् काहिक्नॆ?”
चोब्न याहुडि नुङ् हॆॽनिबारेक्चि निवाँयुङ्बाङ् हिङ्चाडामि
15कानिऎ कानि चाइ निवाँनेन् याॽमिचि रे मिनुकि मान्ठाभनॆ कानि जान्मबाङ्न याहुडिचि रेम, हाङ् कानि चाइ मोसामि यायेॽमा आटिङ्खुबा आक्खा हॆॽनिबारेक्चि रक्मा हिङ्वा याॽमिचि हॆॽनॆ। 16मरहाङ्स एक्क याॽमि यायेॽमा टिङ्से हॆॽनॆ, टर येसु खिरिस्टबि निवाँयुङ् लॆहाङ् निवाँहाङ्मि ङारिङ्पि नुऎ याॽमि लिः लोमॆ वाप्डुङ्का। मसॆॽन निवाँहाङ्मि ङारिङ्पि नुऎ याॽमि लिमाम् लागि कानिऎ सङ्क येसु खिरिस्टबि निवाँयुङ् लॆटि, टर यायेॽमा टिङ्से हॆॽनॆ मान्ठाभनॆ यायेॽमा टिङ्मानुङ् आसास निवाँनेन् याॽमि लिःनि। 17कानिऎ खिरिस्टबि निवाँयुङ् लॆःसे निवाँहाङ्बि नुऎ याॽमि लिःमा यगुकि। टर काङ्कॆ यायेॽमा टिङ्मा याइमिम्पासॆ होइढा याॽमिचिऎ काङ्का हिङ्वा नुङ्मा याॽमिचि लोकिङ्का हाङ्ग, माल् खिरिस्ट चाइ हिङ्वा योम्पक् यिक्खुबा हॆटा? आक्र ग हॆनहॆॽनॆ। 18गुबि काङॆ लोमा यकुङॆ खानावाँ चाइ माङ्भनॆ, निवाँहाङ्बि नुऎ याॽमि लिमाम् लागि यायेॽमा टिङ्मा याइसे खिरिस्टबि निवाँयुङ् लॆकुङ। टर होइकन निवाँ मुःसे निवाँहाङ्बि नुऎ याॽमि लिमाम् लागि होइखेपा सङ्क यायेॽमान टिङ्पःकुङ् हाङ्ग, काङॆ यायेॽमा याइमॆ खानावाँ चाइ काइसॆ यो लोमॆ खानावाँ खाङ्मुः। 19मान्ठाभनॆ काङा निवाँहाङ्बि हिङ्चाहिङार कामानुङ् यायेॽमाबाङ् यायेॽमामि लागिॽन सिःखॆडिङ। 20हाङ् काङा खिरिस्ट नुङ सोरि कुरुसाबि सिःखॆडिङ् हाङ् हऎबाङ् मरक् काङा हॆॽनॆ टर खिरिस्ट चाइ काङाबि हिङुक्। गरॽल सालुङ्पि हिङ्चामार चाइ निवाँहाङ्मि पासाबि निवाँयुङ लॆःसे हिङ्चाङा। खोसॆ काङा नाम्नाम् पिस्सिटिङ् हाङ् काम् लागि खोम् हिङ्खामा सङ्टिसु। 21का चाइ निवाँहाङ्मि नाम्नावाँ हुन्नऎ काङानि मान्ठाभनॆ यायॆॽमाबाङ् याॽमि निवाँनेन् लिः हाङ्ग खिरिस्ट हुन्न सिखारा।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society